2023ರ  ಫೆಬ್ರವರಿಯಲ್ಲಿ ವುಮೆನ್ ಐಪಿಎಲ್ ನಡೆಯುವ ಸಾಧ್ಯತೆ: ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಸೌರವ್ ಗಂಗೂಲಿ

“ಬಿಸಿಸಿಐ ಪ್ರಸ್ತುತ ಬಹುನಿರೀಕ್ಷಿತ ಮಹಿಳಾ ತಂಡಗಳ ಐಪಿಲ್‌ ಆಯೋಜಿಸಲು ಕೆಲಸ ಮಾಡುತ್ತಿದೆ. ಮುಂದಿನ ವರ್ಷದ ಫೆಬ್ರವರಿಯಲ್ಲಿ ವುಮೆನ್ ಇಂಡಿಯನ್ ಪ್ರೀಮಿಯರ್ ಲೀಗ್ ಪಂದ್ಯಾಟಗಳನ್ನು ನಾವು ನಿರೀಕ್ಷಿಸುತ್ತಿದ್ದೇವೆ.‌”

ಕೋಲ್ಕತಾ: ಬಹುನಿರೀಕ್ಷಿತ ವುಮೆನ್ ಇಂಡಿಯನ್ ಪ್ರೀಮಿಯರ್ ಲೀಗ್ ಮುಂದಿನ ವರ್ಷ ಫೆಬ್ರವರಿಯಲ್ಲಿ ನಡೆಯಲಿದೆ ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಗುರುವಾರ ಖಚಿತಪಡಿಸಿದ್ದಾರೆ.

ಕಾರ್ಯಕ್ರಮವೊಂದರಲ್ಲಿ ಮಾಧ್ಯಮಗಳನ್ನುದ್ದೇಶಿಸಿ ಮಾತನಾಡಿದ ಸೌರವ್ ಗಂಗೂಲಿ, “ಬಿಸಿಸಿಐ ಪ್ರಸ್ತುತ ಬಹುನಿರೀಕ್ಷಿತ ವುಮೆನ್ ಐಪಿಎಲ್ ಕುರಿತು ಕೆಲಸ ಮಾಡುತ್ತಿದೆ. ಮುಂದಿನ ವರ್ಷದ ಫೆಬ್ರವರಿಯಲ್ಲಿ ವುಮೆನ್ ಇಂಡಿಯನ್ ಪ್ರೀಮಿಯರ್ ಲೀಗ್ ಪಂದ್ಯಗಳ ಆಯೋಜನೆಯನ್ನು ನಾವು ನಿರೀಕ್ಷಿಸುತ್ತಿದ್ದೇವೆ,” ಎಂದು ಹೇಳಿದರು.

ಐಸಿಸಿ ಅಧ್ಯಕ್ಷ ಸ್ಥಾನದ ಕುರಿತು ಪತ್ರಕರ್ತರು ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸುತ್ತಾ, ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಅಧ್ಯಕ್ಷ ಸ್ಥಾನವು “ನನ್ನ ಕೈಯಲ್ಲಿಲ್ಲ” ಎಂದು ಹೇಳಿದ ಗಂಗೂಲಿ, ತಾನು ದುಬೈಗೆ ಹೋಗಬಹುದು ಎಂಬ ಊಹಾಪೋಹಗಳನ್ನು ತಳ್ಳಿಹಾಕಿದರು.