ಪ್ರಗತಿಪರಚಿಂತಕಡಿ.ಎಸ್.ಎಸ್. ಕೃಷ್ಣ ಅವರು ಮಾತನಾಡಿ,ಕರ್ನಾಟಕದಚಕ್ರವರ್ತಿಡಾ. ಶಿವರಾಜಕುಮಾರ್ ಅವರಿಗೆಅಮೇರಿಕದಲ್ಲಿಆಪರೇಷನ್ ನಡೆಯುತ್ತಿದ್ದು, ಎಲ್ಲಾಯಶಸ್ವು ಆಗಿ ಗುಣಮುಖರಾಗಿ ವಾಪಸ್ ಬರಲೆಂದುಡಾ. ರಾಜಕುಮಾರ್‌ಒಕ್ಕೂಟದಿಂದಯತೀಶ್‌ಅವರಅಧ್ಯಕ್ಷತೆಯಲ್ಲಿ ಪೂಜೆ ನರವೇರಿಸಲಾಗಿದೆ. ಗುರುಗಳ ಆಶೀರ್ವಾದ ಶಿವರಾಜಕುಮಾರ್ ಅವರಿಗೆ ಲಭೀಸಲಿ ಎಂದುಎಲ್ಲಾರೂ ಪ್ರಾರ್ಥಿಸಿರುವುದಾಗಿ ಹೇಳಿದರು.
ಡಾ. ಶಿವರಾಜಕುಮಾರ್ ಅಭಿಮಾನಿ ಸಂಘದಅಧ್ಯಕ್ಷರತೀಶ್‌ಕುಮಾರ್ ಮಾತನಾಡಿ, ಶಿವಣ್ಣನವರ ಚಿಕಿತ್ಸೆ ಪ್ರಯುಕ್ತ ಹಾಸನ ಜಿಲ್ಲಾ ಶಿವರಾಜಕುಮಾರ್ ಒಕ್ಕೂಟದವತಿಯಿಂದದೇವರಲ್ಲಿ ಪ್ರಾರ್ಥನೆ ಮಾಡಿದ್ದೇವೆ. ಶಿವರಾಜಕುಮಾರ್ ಅವರಿಗೆ ಭಗವಂತನ ಆಶೀರ್ವಾದ ಸದಾಇರಲಿ ಎಂದುರಾಘವೇAದ್ರ ಮಠದಲ್ಲಿ ವಿಶೇಷ ಪೂಜೆ ಸಲ್ಲಿಸಲಾಗಿದೆಎಂದರು.
ಈ ಸಂದರ್ಭದಲ್ಲಿಚಲನಚಿತ್ರ ನಾಯಕ ನಟ ಹಾಗೂ ವೈದ್ಯರಾದಡಾ. ವಸಂತ್ ಮಾದವ್, ಉಮೇಶ್, ರವಿಕುಮಾರ್, ಜೂನಿಯರ್‌ರಾಜಕುಮಾರ್‌ಆದ ವಿಜಯಕುಮಾರ್, ದೇವರಾಜು, ಗುರುಪ್ರಸಾದ್, ಗಂಗಾಧರ್,.ಶಿವು ಇತರರು ಉಪಸ್ಥಿತರಿದ್ದರು.

ಕನ್ನಡದ ಕುಳ್ಳ ಎಂದೇ ಜನಪ್ರಿಯರಾದ ದ್ವಾರಕೀಶ್ ರವರು ಆಗಸ್ಟ್ 19-1942 ರಂದು ಹುಣಸೂರು ನಲ್ಲಿ ಶಮಾರಾವ್ ಮತ್ತು ಜಯಮ್ಮರವರಿಗೆ ಜನಿಸಿದರು. ಶಾರದಾ ವಿಲಾಸ್ ಮತ್ತು ಬನುಮಯ್ಯ ಶಾಲೆಯಲ್ಲಿ ತನ್ನ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣದ ನಂತರ CPC ಪಾಲಿಟೆಕ್ನಿಕ್‌ ನಲ್ಲಿ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಡಿಪ್ಲೊಮಾ ಕೋರ್ಸ್ ಮುಗಿಸಿದರು. ನಂತರ ಅವರ ಸೋದರನ ಜೊತೆ ಸೇರಿ ಭಾರತ್ ಆಟೋ ಸ್ಪೇರ್ ಸ್ಟೋರ್ ಶುರು ಮಾಡಿದರು. ಮೈಸೂರಿನ ಗಾಂಧೀ ಚೌಕದಲ್ಲಿ ಭಾರತ್ ಆಟೋ ಸ್ಪೇರ್ಸ್ ಎಂಬ ಅಂಗಡಿ ಹೊಂದಿದ್ದ ದ್ವಾರಕೀಶ್ ಸಿನಿಮಾಗಳಲ್ಲಿ ನಟಿಸುವ ಕನಸು ಕಂಡಿದ್ದರು. 1963ರಲ್ಲಿ ವ್ಯಾಪಾರ ಬಿಟ್ಟು ಸಿನೆಮಾ ನಟನೆಯನ್ನು ಆಯ್ದುಕೊಂಡರು. ಸೋದರಮಾವ ಹುಣಸೂರು ಕೃಷ್ಣಮೂರ್ತಿ ಅವರ ಸಹಾಯದಿಂದ ಬಣ್ಣದ ಲೋಕಕ್ಕೆ ಕಾಲಿಟ್ಟರು.

ನಟ ದ್ವಾರಕೀಶ್‌ ಅವರು ಕನ್ನಡ ಚಿತ್ರರಂಗದಲ್ಲಿ ಬಹುದೊಡ್ಡ ಹೆಸರು ಮಾಡಿದ್ದಾರೆ. ಹಲವಾರು ವರ್ಷಗಳಿಂದ ಕನ್ನಡ ಚಿತ್ರರಂಗದಲ್ಲಿ ಗಣನೀಯ ಸೇವೆ ಸಲ್ಲಿಸಿದ ಅವರನ್ನು ಪರಿಗಣಿಸಿ ಬೆಂಗಳೂರು ವಿಶ್ವವಿದ್ಯಾನಿಲಯವು ಗೌರವ ಡಾಕ್ಟರೇಟ್‌ ನೀಡಿದೆ.

ನಟರಾಗಿ, ನಿರ್ದೇಶಕ, ನಿರ್ಮಾಪಕರಾಗಿ ಹಲವಾರು ಚಿತ್ರಗಳ ಕೊಡುಗೆ ನೀಡಿರುವ ಅವರು ಕನ್ನಡ ಚಿತ್ರರಂಗಕ್ಕೆ ಕಲಾಸೇವೆ ಸಲ್ಲಿಸಿದ್ದಾರೆ. ಡಾ. ವಿಷ್ಣುವರ್ಧನ್‌, ಡಾ. ರಾಜ್‌ಕುಮಾರ್‌ ಹಾಗೂ ಅಂಬರೀಶ್‌ರಂತಹ ಮೇರು ನಟರೊಂದಿಗೆ ಹಿರಿಯ ತೆರೆಯಲ್ಲಿ ಮಿಂಚಿರುವ ನಟ ದ್ವಾರಕೀಶ್‌ ಅವರು ನೂರಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಬರೋಬ್ಬರಿ 40ಕ್ಕೂ ಹೆಚ್ಚು ಸಿನಿಮಾಗಳ ನಿರ್ಮಾಣ ಮಾಡಿ ಸೈ ಎನಿಸಿಕೊಂಡವರು.

ದಾಖಲೆಗಳ ನಿರ್ಮಾತೃ

ಭಾರತದ ಹೊರಗೆ ಅಂದರೆ ವಿದೇಶಗಳಲ್ಲಿ  ಕನ್ನಡ ಚಲನ ಚಿತ್ರಗಳ ಚಿತ್ರೀಕರಣ ಮಾಡಿದ ನಿರ್ಮಾಪಕರು ಈ ದ್ವಾರಕೀಶ್‌, ಅವರು ನಿರ್ಮಿಸಿದ ಆಪ್ತಮಿತ್ರ ಕನ್ನಡ ಚಿತ್ರರಂಗದಲ್ಲಿ ಆಪ್ತಮಿತ್ರ ದಾಖಲೆ ನಿರ್ಮಿಸಿದೆ. ಬೆಂಗಳೂರಿನ ಸಂತೋಷ್ ಮತ್ತು ಮೈಸೂರಿನ ರಣಜಿತ್‌ನಲ್ಲಿ ಎರಡು ಚಿತ್ರಮಂದಿರಗಳಲ್ಲಿ ಒಂದು ವರ್ಷ ಪ್ರದರ್ಶನವನ್ನು ಆಚರಿಸಿದ ಮೊದಲ ಕನ್ನಡ ಚಲನಚಿತ್ರ ಇದಾಗಿದೆ. ಪ್ರತಿದಿನ ನಾಲ್ಕು ಪ್ರದರ್ಶನಗಳೊಂದಿಗೆ ಒಂದು ವರ್ಷ ಪ್ರದರ್ಶನವನ್ನು ಯಶಸ್ವಿಯಾಗಿ ಪೂರೈಸಿದ ಮೊದಲ ಕನ್ನಡ ಚಲನಚಿತ್ರ ಎಂದು ಆಪ್ತಮಿತ್ರ ಹೆಸರು ಮಾಡಿದೆ.

ದ್ವಾರಕೀಶ್ 1964ರಲ್ಲಿ ವೀರ ಸಂಕಲ್ಪ ಎಂಬ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ದ್ವಾರಕೀಶ್, ಹಾಸ್ಯ ಕಲಾವಿದರಾಗಿ, ಪೋಷಕ ನಟನಾಗಿ ಕನ್ನಡ ಸಿನಿ ಅಭಿಮಾನಿಗಳ ಹೃದಯದಲ್ಲಿ ಕುಳ್ಳನಾಗಿ, ಕಿಟ್ಟಿಯಾಗಿ ವಿಶೇಷ ಸ್ಥಾನ ಗಿಟ್ಟಿಸಿಕೊಂಡಿದ್ದರು. ದಿವಂಗತ ನಟ ವಿಷ್ಣುವರ್ಧನ್ ಮತ್ತು ದ್ವಾರಕೀಶ್ ಜೋಡಿ ಕಳ್ಳ-ಕುಳ್ಳ ಎಂದೇ ಪ್ರಸಿದ್ಧವಾಗಿತ್ತು. ಇವರಿಬ್ಬರೂ ಉತ್ತಮ ಸ್ನೇಹಿತರಾಗಿದ್ದು, ದ್ವಾರಕೀಶ್ ವಿಷ್ಣು ಅಭಿನಯದ ಬಹುತೇಕ ಚಿತ್ರಗಳಲ್ಲಿ ತೆರೆ ಹಂಚಿಕೊಂಡಿದ್ದರು.

 1966ರಲ್ಲಿ ಮಮತೆಯ ಬಂಧನ ಸಿನಿಮಾವನ್ನು ದ್ವಾರಕೀಶ್ ಅವರು ಮತ್ತಿಬ್ಬರು ನಿರ್ಮಾಪಕರ ಜೊತೆ ಸೇರಿ ತುಂಬಾ ಪಿಕ್ಚರ್ಸ್ ಬ್ಯಾನರ್‌ನಲ್ಲಿ ನಿರ್ಮಾಣ ಮಾಡಿದ್ದರು. 1969ರಲ್ಲಿ ಡಾ.ರಾಜ್‌ಕುಮಾರ್ ಅಭಿನಯದ ಮೇಯರ್ ಮುತ್ತಣ್ಣ ಎಂಬ ಸಿನಿಮಾಗೆ ಬಂಡವಾಳ ಹಾಕುವ ಮೂಲಕ ಸ್ವತಂತ್ರ ನಿರ್ಮಾಪಕರಾಗಿ ಯಶಸ್ವಿಯಾದರು. 1985ರಲ್ಲಿ ನೀ ಬರೆದ ಕಾದಂಬರಿ ಎಂಬ ಚಿತ್ರಕ್ಕೆ ಮೊದಲ ಬಾರಿಗೆ ಡೈರೆಕ್ಟರ್ ಕ್ಯಾಪ್ ತೊಟ್ಟರು. ಇದು ಸೂಪರ್‌ ಹಿಟ್ ಆಗಿತ್ತು. ಕ್ಯಾಮೆರಾ ಹಿಂದೆಯೂ ದ್ವಾರಕೀಶ್ ಯಶಸ್ವಿಯಾದರು.ಡಾನ್ಸ್ ರಾಜ ಡಾನ್ಸ್, ಶ್ರುತಿ, ಶ್ರುತಿ ಹಾಕಿದ ಹೆಜ್ಜೆ, ರಾಯರು ಬಂದರು ಮಾವನ ಮನೆಗೆ ಸೇರಿ ಸುಮಾರು  ಬ್ಲಾಕ್ ಬಸ್ಟರ್ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.

ವಿಷ್ಣು ವರ್ಧನ್ ಮತ್ತು ದ್ವಾರಕೀಶ್ ಜೋಡಿಯಾಗಿ ನಟಿಸಿದ ಸೂಪರ್‌ ಹಿಟ್ ಚಿತ್ರಗಳ ಸಾಲೇ ಇದೆ. ಆಪ್ತಮಿತ್ರ, ಕಳ್ಳ ಕುಳ್ಳ, ಕಿಲಾಡಿಗಳು, ಸಿಂಗಾಪುರದಲ್ಲಿ ರಾಜ ಕುಳ್ಳ, ಕಿಟ್ಟು ಪುಟ್ಟು ರಾಯರು ಬಂದರು ಮಾವನ ಮನೆಗೆ, ಆಪ್ತಮಿತ್ರ ಮುತಾದವು ಜನ್ಮರಹಸ್ಯ, ಮಂಕುತಿಮ್ಮ,ಪೆದ್ದ ಗೆದ್ದ,ಕಿಟ್ಟು ಪುಟ್ಟು, , ಮನೆ ಮನೆ ಕಥೆ, ಆಫ್ರಿಕಾದಲ್ಲಿ ಶೀಲಾ, ಭಲೇ ಹುಡುಗ, ಬಂಗಾರದ ಮನುಷ್ಯ, ಗಲಾಟೆ ಸಂಸಾರ,ಪ್ರಚಂಡ ಕುಳ್ಳ, , ಗುರುಶಿಷ್ಯರು, ವಿಷ್ಣುವರ್ಧನ, ಮುದ್ದಿನ ಮಾವ,  ಮನೆಗೆ, ಆಟಗಾರ, ಚೌಕ, ಪ್ರೀತಿ ಮಾಡು ತಮಾಷೆ ನೋಡು ಮುಂತಾದ ಚಿತ್ರಗಳಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದ್ದಾರೆ. ಅದರಲ್ಲಿಯೂ ಗುರು ಶಿಷ್ಯರು ಚಿತ್ರದಲ್ಲಿ ಇವರ ಅಭಿನಯ ಇಂದಿಗೂ ಕನ್ನಡ ಚಿತ್ರ ರಸಿಕರ ಮನಸ್ಸಿನಲ್ಲಿದ್ದು, ಚಿತ್ರದ ಕೆಲವು ದೃಶ್ಯಗಳನ್ನು ನೆನಪಿಸಿಕೊಂಡು ಬಿದ್ದು ಬಿದ್ದು ನಗುವವರಿದ್ದಾರೆ.  

ದ್ವಾರಕೀಶ್  ಕೆಲವು ಸಿನಿಮಾಗಳ  ಗಲ್ಲಾಪೆಟ್ಟಿಗೆಯ ವೈಫಲ್ಯಗಳಿಂದ ದೊಡ್ಡ ನಷ್ಟವಾಗಿ ತೀವ್ರ  ಆರ್ಥಿಕ ಸಮಸ್ಯೆ ಎದುರಿಸಿದರು.ಇಷ್ಟೆಲ್ಲಾ ವೈಫಲ್ಯಗಳ ನಡುವೆಯೂ ದ್ವಾರಕೀಶ್ ಹತಾಶರಾಗಲಿಲ್ಲ. ಕನ್ನಡ ಚಿತ್ರರಂಗಕ್ಕೆ ಹೊಸ ಮುಖಗಳನ್ನು ಪರಿಚಯಿಸುವ ಸಿನಿಮಾಗಳನ್ನು ಮಾಡುವುದನ್ನು ಮುಂದುವರೆಸಿದರು. ನಿರ್ಮಾಪಕರಾಗಿ ಅನೇಕ ಹೊಸಬರನ್ನು ಚಿತ್ರರಂಗಕ್ಕೆ ಕರೆತಂದಿದ್ದಾರೆ. ನಟ-ನಟಿಯರಷ್ಟೇ ಅಲ್ಲ- ಹೊಸ ನಿರ್ದೇಶಕರು ಮತ್ತು ಇತರ ತಂತ್ರಜ್ಞರಿಗೂ ಅವಕಾಶ ಕೊಟ್ಟಿದ್ದಾರೆ. ಅವರೆಲ್ಲರೂ ಅವರನ್ನು ತಮ್ಮ “ಗಾಡ್ ಫಾದರ್” ಎಂದು ಪರಿಗಣಿಸುತ್ತಾರೆ.

ಬಣ್ಣ ಬಣ್ಣದ ಹೂಗಳಿಂದಲೇ ರೂಪಿಸಿದ ಜಿರಾಫೆ, ಪಾತರಗಿತ್ತಿ, ಲಿಂಬೆ ಹಣ್ಣುಗಳಿಂದ ನಿರ್ಮಿಸಿದ ಬಿಂದಿಗೆಯೊಳಗಿಂದ ಹರಿದುಬರುವ ನೊರೆನೀರಿನಂಥ ಪುಷ್ಪಧಾರೆ ವಿಶೇಷ ಆಕರ್ಷಣೆಯಾಗಿ ಅಲ್ಲಿ ಯುವ ಸೆಲ್ಫಿಗರ ತರಹೇವಾರಿ ಪೋಸ್‌ ಗಳು  ತಣ್ಣಗೆ ದೂರದಲ್ಲಿ ನಿಂತು ನೋಡುವವರಿಗೆ ಮನರಂಜನೆಯೇ ಆಗಿತ್ತು.

ವಿವಿಧ ಜಾತಿಯ ಅರಳಿನಿಂತ ಹೂ ಗಿಡಗಳು, ತರಕಾರಿಗಳು, ಅಲಂಕಾರಿಕ ಗಿಡಗಳನ್ನು ಬೆಳೆಸಿ ಪ್ರದರ್ಶಿಸಿರುವುದು ಕುತೂಹಲ ಕಾರಿಯಾಗಿತ್ತು. ಅಡಿಕೆ ಮತ್ತು ಜೀರಿಗೆ ಮೆಣಸಿನಿಂದ ಮಾಡಿದ ವಿಶೇಷ ಐಸ್ಕ್ರೀಂ ಹೊಟ್ಟೆ ತಂಪಾಗಿರಿಸುವುದರ ಜತೆಗೆ ಮನವನ್ನೂ ತಂಪಾಗಿಸಿತು. ಬಣ್ಣ ಬಣ್ಣದ ಕಾರಂಜಿಗಳು ಫಲಪುಷ್ಪ ಪ್ರದರ್ಶನಕ್ಕೆ ವಿಶೇಷ ಮೆರಗು ನೀಡಿದ್ದವು. ಪ್ಲಾಸ್ಟಿಕ್‌ ಕುಂಡಗಳಿಗೆ  ಪ್ರತಿಯಾಗಿ ಮೈದಳೆದ ತೆಂಗಿನ ನಾರಿನಿಂದ ಮಾಡಿದ ಹೂಕುಂಡಗಳು ನೋಡುಗರ ಮನಗೆದ್ದವು. ಉಳಿದಂತೆ ಅಲಂಕಾರಿಕ ವಸ್ತುಗಳು, ಕೃಷಿಸಂಬಂಧಿ ಪ್ರಾತ್ಯಕ್ಷಿಕೆಗಳ ಮಳಿಗೆಗಳು, ಮನೆಬಳಕೆಯ ವಸ್ತುಗಳು, ಹೂ ಹಣ್ಣಿನ ತರಹೇವಾರಿ ಗಿಡಗಳ ನರ್ಸರಿಗಳಿಗೆ ಜನ ಮುಗಿಬೀಳುತ್ತಿದ್ದರು.

ಮಂಗಳೂರಿಗರು ಹೂಹಣ್ಣು ಪ್ರದರ್ಶನದ ಅಂದ ಚೆಂದವನ್ನು ಕಣ್ಮನ ತುಂಬಿಕೊಂಡರೆ ಇದ್ಯಾವುದರ ಗೊಡವೆಯೇ ಇಲ್ಲದೆ ಎಲ್ಲಿಂದಲೋ ಬಂದ ಪುಟ್ಟ ಮಕ್ಕಳು ಹೊರಗೆ ಬಲೂನ್‌ ಮಾರುವುದರಲ್ಲಿ ತಲ್ಲೀನರಾಗಿದ್ದರು!

ಪೀಪಲ್‌ ಮೀಡಿಯಾ ಸೆರೆ ಹಿಡಿದ ಕೆಲ ಚಿತ್ರಗಳು ಇಲ್ಲಿವೆ.

ಮೈಸೂರು ಶೈಲಿ, ತಂಜಾವೂರು ಶೈಲಿ, ಜಲವರ್ಣ, ತೈಲವರ್ಣ, ರಾಜಸ್ಥಾನ ಶೈಲಿ, ಸ್ಯಾಂಡ್ ಆರ್ಟ್, ಆಕ್ರಿಲಿಕ್ ಆರ್ಟ್, ಗ್ರಾಫಿಕ್ಸ್.. ಗ್ರಾಮಿಣ ಸೊಗಡಿನ‌ ಚಿತ್ರಗಳು, ನಗರದ ಚಿತ್ರಗಳು, ವ್ಯಕ್ತಿಚಿತ್ರಗಳು, ವ್ಯಂಗ್ಯಚಿತ್ರ, ದೇವರಚಿತ್ರಗಳು, ಪ್ರಕೃತಿ ಸೌಂದರ್ಯ, ಮೂರ್ತ, ಅಮೂರ್ತ ಕಲೆಗಳ ಅಪೂರ್ವ ಸಂಗಮದಂತಿತ್ತು ಈ ಚಿತ್ರಸಂತೆ.

ಹಲವಾರು ಕಲಾಕೃತಿಗಳು ಮನಸ್ಸಿನಲ್ಲಿ ಮರೆಯಾಗದೆ ಉಳಿದವು. ಬಾವಿಯಲಿ ಈಜಲು ಧುಮುಕುವ ಮಕ್ಕಳ ಚಿತ್ರ, ತಾಯಿಯೊಬ್ಬಳು ಮಗುವಿಗೆ ಸ್ನಾನ ಮಾಡಿಸುವ ಚಿತ್ರ, ಹಂಪಿದೇವಾಲಯ, ಯಕ್ಷಗಾನ ಪ್ರಸಂಗ, ಹೀಗೆ ಬರೆಯುತ್ತಾ ಹೋದರೆ  ಸಾಕಷ್ಟು ಇದೆ . ಸರಿಯಾಗಿ ಮೂರುಗಂಟೆಗಳ ಕಾಲ ಚಿತ್ರ ಸಂತೆ ಸುತ್ತಿ ಕಲಾವಿದರ ಕಲ್ಪನಾಲಹರಿಗೆ, ಸೃಜನಶೀಲತೆಗೆ ಸೆಲ್ಯೊಟ್ ಹೊಡೆದು ಬಂದೆ.

ಗೀತಾಂಜಲಿ. ಎಸ್. ಸಿ

ಕವಯಿತ್ರಿ

ಹಿರಿಯ ಕವಿ ಪ್ರೊ.ಕೆ.ಬಿ.ಸಿದ್ದಯ್ಯ ಅವರ ಖಂಡಕಾವ್ಯವಾದ ದಕ್ಲಕಥಾ ದೇವಿ ಕಾವ್ಯವನ್ನು ಯುವ ರಂಗನಿರ್ದೇಶಕ ಲಕ್ಷ್ಮಣ ಕೆ.ಪಿ ನಾಟಕರೂಪಕ್ಕೆ ಮಾರ್ಪಡಿಸಿ ನಿರ್ದೇಶನ ಮಾಡಿದ್ದಾರೆ. ಜಂಗಮ ಕಲೆಕ್ಟಿವ್‌ ತಂಡ ಇದನ್ನು ಅಭಿನಯಿಸಿ ಪ್ರದರ್ಶಿಸುತ್ತಿದೆ. ಈ ನಾಟಕವು ಕನ್ನಡ ರಂಗಭೂಮಿಯಲ್ಲಿ ಒಂದು ವಿನೂತನ ಪ್ರಯೋಗವಾಗಿದ್ದು ಹೊಸ ಅನುಭೂತಿಯನ್ನು ನೀಡುತ್ತಾ ನಾಡಿನಲ್ಲಿ ಒಂದು ಹೊಸ ಬಗೆಯ ಸಂಸ್ಕೃತಿ ಚರ್ಚೆಗೆ ಎಡೆಮಾಡಿದೆ.  

ಹಿರಿಯ ರಂಗಕರ್ಮಿ ಹಾಗೂ ಹವ್ಯಾಸಿ ಫೋಟೋಗ್ರಾಫರ್ ಐವನ್‌ ಡಿ ಸಿಲ್ವಾ ಅವರು ಸಾಣೆಹಳ್ಳಿಯಲ್ಲಿ ನಡೆದ ದಕ್ಲಕಥಾ ದೇವಿಕಾವ್ಯದ ದೃಶ್ಯಗಳನ್ನು ಪೀಪಲ್‌ ಮೀಡಿಯಾ ಚಿತ್ರಪಟಕ್ಕಾಗಿ ಸೆರೆ ಹಿಡಿದಿದ್ದಾರೆ.

(ಗ್ಯಾಲರಿ ನೋಡಲು ಫೋಟೋ ಮೇಲೆ ಕ್ಲಿಕ್‌ ಮಾಡಿ)

ನಿನ್ನೆ ಕುಂದಾಪುರ ತಾಲೂಕಿನ ಆಲೂರು ಗ್ರಾಮದ ಹಾಡಿಮನೆಯಲ್ಲಿ ನಡೆದ ಕೊರಗ ಮಕ್ಕಳ ರಂಗ ಶಿಬಿರ ಕಾಡ್ತ್ ಕಿಜ್ರ್ ಬಣ್ಣತ್ ಹೆಜ್ ಇದರ ಸಮಾರೋಪ ಸಮಾರಂಭ ಮತ್ತು ಅದರ ಅಂಗವಾಗಿ ನಡೆದ “ಹುಬಾಶಿಕ” ನಾಟಕದ ಕೆಲವು ವರ್ಣರಂಜಿತ ಚಿತ್ರಗಳು

ಚಿತ್ರ ಕುರಿತು ವಿವರಣೆ: ತೊಗರಿಕಣಜ, ಬಿಸಿಲು ನಾಡು ಎಂದು ಕರೆದುಕೊಳ್ಳುವ ಕಲಬುರ್ಗಿ ಜಿಲ್ಲೆ ಎಂದರೆ ದಕ್ಷಿಣ ಕರ್ನಾಟಕದ ಬಹುತೇಕರಿಗೆ ಅಲರ್ಜಿ. ತಮ್ಮ ಮಾತನ್ನು ಪಾಳಿಸದ ಕೆಳಗಿನ ಅಧಿಕಾರಿಗಳಿಗೆ “ ನಿನ್ನನ್ನು ಗುಲಬರ್ಗಾಕ್ಕೆ ವರ್ಗಾ ಮಾಡ್ತೀನ್ ನೋಡು” ಎಂದು ಮೇಲಧಿಕಾರಿಗಳು ಹೆದರಿಸುವುದು ತೀರಾ ಮಾಮೂಲಿ. ಕಲಬುರ್ಗಿ ಉರ್ಫ್ ಗುಲ್ಬರ್ಗಾಕ್ಕೆ ಎರಡೇ  ಕಾಲಗಳು ಒಂದು ಬಏಸಿಗೆ  ಇನ್ನೋಂದು ಬಿರುಬೇಸಿಗೆ ಎಂದೂ ಇಲ್ಲಿನ ಹವಾಮಾನದ ಬಗ್ಗೆ ಹೇಳುವುದುಂಟು. ಇಂತಿಪ್ಪ  ಕಲಬುರಗಿ ಜಿಲ್ಲೆಯ ಹಿಂದುಳಿದ ತಾಲೂಕು ಕಾಳಗಿ ಯ ಅತ್ಯಂತ  ಹಿಂದುಳಿದಿರುವ “ಅಲ್ಲಾಪುರ” ವೆಂಬ  ಮುಸ್ಲಿಂ ಹೆಸರಿನ ಗ್ರಾಮದ ಜನರ ದೈನಂದಿನ ಬದುಕಿನ  ಚಿತ್ರಣವನ್ನು ಈ ಚಿತ್ರಗಳು ಹೇಳುತ್ತವೆ.  ಹೆಚ್ಚಾಗಿ ಮಳೆಯನ್ನೇ ಆಶ್ರಯಿಸಿದ ಕೃಷಿ ಮತ್ತು  ಕೂಲಿ ಕೆಲಸಕ್ಕಾಗಿ ಮಹರಾಷ್ಟ್ರದ ರತ್ನಗಿರಿ ಜಿಲ್ಲೆಗಳಿಗೆ ಗುಳೇ  ಹೋಗುವ ಪರಿಪಾಠವಿರುವ ಈ ಹಳ್ಳಿಯಲ್ಲಿ ಉಳಿದು ತಣ್ಣಗೆ  ಬದುಕು ಸವೆಸುವವರು, ಮತ್ತು ಬದುಕುಸಾಗಿಸುವವರು ಹೆಚ್ಚಾಗಿ   ಶಾಲೆಗೆ ಹೋಗುವ ಮಕ್ಕಳು, ವಯಸ್ಸಾದ ಹೆಂಗಸರು ಹಾಗೂ ಮುದುಕರು ಮಾತ್ರ.

2011ರಜನಗಣತಿ ಪ್ರಕಾರ ಈ ಗ್ರಾಮದಲ್ಲಿ 121 ಮನೆಗಳಿದ್ದು ಜನಸಂಖ್ಯೆ 569. ಲಿಂಗಾಯತರ, ಹಿಂದುಳಿದ ವರ್ಗದವರ, ಪರಿಶಿಷ್ಟ ಜಾತಿಗಳ. ಲಂಬಾಣಿಗಳ ಹಾಗೂ ಮುಸ್ಲಿಮರ ಮನೆಗಳು ಒಂದಕ್ಕೊಂದು ಅಂಟಿಕೊಂಡೇ ಬಾಳುತ್ತಿವೆ. ಊರ ಮಧ್ಯದಲ್ಲಿ ಮಸೀದೀಯಿದ್ದು ಪಕ್ಕದಲ್ಲೇ ಹನುಮಪ್ಪನೂ ಒಂದು ಗುಡಿಯಲ್ಲಿ ಭಜಿಸಲ್ಪಡುತ್ತಾನೆ.  ಪ್ರಾಥಮಿಕ ವಿದ್ಯಾಭ್ಯಾಸಕ್ಕಾಗಿ ಒಂದು ಪ್ರೈಮರಿ ಶಾಲೆಯಿದ್ದು ಪ್ರೌಢ ಶಿಕ್ಷಣಕ್ಕಾಗಿ ಇಲ್ಲಿಯ ಮಕ್ಕಳು ಹತ್ತು ಕಿಲೋಮೀಟರ್ ನಡೆದು  ಕೂಡ್ಲಿ ಕ್ರಾಸಿನಲ್ಲಿ ಬಸ್ಸು ಹಿಡಿದು 35 ಕಿಮಿದೂರದ ಚಿಂಚೋಳಿಗೋ  15 ಕಿಮಿ ದೂರದ ಕಾಳಗಿಗೋ ಹೋಗಬೇಕಾಗಿದೆ.

ಇಂತಹ ಕಠಿಣ ಪರಿಸ್ಥಿತಿಯಲ್ಲೂ ಇಲ್ಲಿಯ ಜನರ ಜೀವನೊಲ್ಲಾಸ, ಸುತ್ತಲಿನ ಪರಿಸರ, ಬದುಕಿನ ವ್ಯವಹಾರಗಳು, ಇತ್ಯಾದಿಗಳನ್ನು ಹಿರಿಯ ರಂಗಕರ್ಮಿ ಮತ್ತು ಹವ್ಯಾಸಿ ಫೋಟೋಗ್ರಾಫರ್‌ ಆಗಿರುವ ಐವನ್‌ ಡಿ ಸಿಲ್ವಾ ಅವರು ಸೆರೆ ಹಿಡಿದಿರುವ ಚಿತ್ರಗಳು ತಮ್ಮಷ್ಟಕ್ಕೇ ಇಲ್ಲಿನ ಕತೆಗಳನ್ನು ಹೇಳುತ್ತವೆ.

ಕುಂದಾಪುರದ ಸಮೀಪದ ಆಲೂರಿನಲ್ಲಿ ಕೊರಗ ಮಕ್ಕಳ ಮೇಳ ನಡೆಯುತ್ತಿದೆ. ಇಂದು ಕಡೆಯ ದಿನವಾಗಿದ್ದು ಚಿತ್ರಪಟಗಳನ್ನು ರಂಗಕರ್ಮಿ ಉದಯ ಗಾಂವ್ಕರ್‌ ಕಳಿಸಿಕೊಟ್ಟಿದ್ದಾರೆ.