ರೈತರಿಗೆ ನೀಡಿದ ಭರವಸೆ ಎಲ್ಲಿ? : ಬಿಜೆಪಿ ವಿರುದ್ಧ ಸಿದ್ದರಾಮಯ್ಯ ವಾಗ್ದಾಳಿ

ಬೆಂಗಳೂರು: ಭಾರತೀಯ  ಜನತಾ  ಪಕ್ಷವು  ರೈತರ ಬೆಳೆ ಸಾಲಮನ್ನಾ  ಮಾಡುವುದಾಗಿ ಜನರಿಗೆ ಭರವಸೆ  ನೀಡಿತ್ತು, ಆದರೆ ಹೇಳಿದಂತೆ  ನಡೆದುಕೊಂಡಿದೆಯಾ? ಇದಕ್ಕೆ ಬಿಜೆಪಿ ಬಳಿ ಉತ್ತರವಿದೆಯಾ? ಎಂದು ವಿರೋಧ ಪಕ್ಷದ  ನಾಯಕ ಸಿದ್ದರಾಮಯ್ಯ ಪ್ರಶ್ನಿಸಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ಅವರು, ಕರ್ನಾಟಕ ಬಿಜೆಪಿ ಸರ್ಕಾರ ರೈತರಿಗೆ ರಾಷ್ಟ್ರೀಕೃತ ಬ್ಯಾಂಕ್‌ಗಳು ಮತ್ತು ಸಹಕಾರಿ ಸಂಸ್ಥೆಗಳಿಂದ ₹1 ಲಕ್ಷದವರೆಗಿನ ಸಾಲವನ್ನು ಮನ್ನಾ ಮಾಡುವುದಾಗಿ ಭರವಸೆ ನೀಡಿದೆ. ಆದರೆ ಸಾಲ ಮನ್ನಾ ಮಾಡುವುದನ್ನು ಮರೆತು ಬಿಜೆಪಿ ಅನ್ನದಾತರಿಗೆ ಹೆಚ್ಚಿನ ಸಾಲದ ಹೊರೆ ಹಾಕಿದೆ. ಈ ಮೂಲಕ ಸರ್ಕಾರ ಬರವಸೆ ನೀಡಿದಂತೆ ನಡೆದುಕೊಂಡಿಲ್ಲ  ಎಂದು ಸರ್ಕಾರವನ್ನು ದೂರಿದ್ದಾರೆ.

‘ನಾವು ರೈತರ ಪರವಾಗಿ  ಬಿಜೆಪಿಯವರಿಗೆ ಕೇಳುತ್ತೇವೆ’, ಬಿಜೆಪಿ ಭರವಸೆಯಂತೆ ಬೆಳೆ ಸಾಲ ಮನ್ನಾ ಮಾಡುತ್ತದೆಯೇ?  ಇದಕ್ಕೆ ನಿಮ್ಮ ಬಳಿ ಉತ್ತರ ಇದೆಯಾ? ಎಂದು ಸಿದ್ದರಾಮಯ್ಯ ಪ್ರಶ್ನಿಸಿದ್ದಾರೆ.