ಕಾಮನ್ ವೆಲ್ತ್: ಬೆಳ್ಳಿ ಪದಕ ತಂದು ಕೊಟ್ಟ ತುಲಿಕಾ ಮಾನ್

ಬರ್ಮಿಂಗ್‌ಹ್ಯಾಂ: ಕಾಮನ್‌ವೆಲ್ತ್ ಕ್ರೀಡಾಕೂಟದ ೭೮ ಕೆಜಿ ವೈಯಕ್ತಿಕ ಜ್ಯೂಡೊ ಸ್ಪರ್ಧೆಯಲ್ಲಿ ಸ್ಕಾಟ್ಲೆಂಡ್‌ನ ಸರಹ ಅದ್ಲಿಂಗ್ಟನ್ ವಿರುದ್ಧ ಭಾರತದ ಜ್ಯೂಡೊ ಪಟು ತುಲಿಕಾ ಮಾನ್ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.

ಬುಧವಾರ ನಡೆದ ಎರಡು ಸ್ಪರ್ಧೆಯಲ್ಲಿ ಗೆದ್ದ ತುಲಿಕಾ ಮಾನ್ ಚಿನ್ನದ ಬೇಟೆಗೆ ಲಗ್ಗೆ ಇಟ್ಟಿದ್ದರು. ಫೈನಲ್‌ನಲ್ಲಿ ತುಲಿಕಾ ಮುನ್ನಡೆಯಲ್ಲಿದ್ದರೂ, ಅದ್ಲಿಂಗ್ಟನ್ ತಮ್ಮ ನಿರ್ಣಾಯಕ ನಡೆಯಿಂದ ಭಾರತೀಯ ಪಟುವನ್ನು ಕೆಳಕ್ಕೆ ಬೀಳಿಸಿ ಚಿನ್ನದ ಪದಕವನ್ನು ತಮ್ಮದಾಗಿಸಿಕೊಂಡರು. ಕೇವಲ ೩೦ ಸೆಂಕಡ್ ಪಂದ್ಯ ಬಾಕಿ ಇರುವಾಗ ಅದ್ಲಿಂಗ್ ತಮ್ಮ ಬಲಶಾಲಿ ಎಸೆತದಿಂದ ತುಲಿಕಾ ಅವರನ್ನು ಮ್ಯಾಟ್ ಮೇಲೆ ಬೀಳಿಸಿದರು.

ಈ ಮೂಲಕ ಬರ್ಮಿಂಗ್‌ಹ್ಯಾಂನ ಕಾಮನ್‌ವೆಲ್ತ್ ಜ್ಯೂಡೊ ಸ್ಫರ್ಧೆಯಲ್ಲಿ ೨೩ ವಯಸ್ಸಿನ ದೆಹಲಿ ಪಟು ತುಲಿಕಾ ಮಾನ್ ಭಾರತಕ್ಕೆ ಮೂರನೇ ಪದಕ ತಂದು ಕೊಟ್ಟರು.