1984 ರಲ್ಲಿ “ಅಬೋಧ್” ಚಿತ್ರದ ಮೂಲಕ ಪಾದಾರ್ಪಣೆ ಮಾಡಿದ ಮಾಧುರಿ, “ದಿಲ್ ತೋ ಪಾಗಲ್ ಹೈ”, “ತೇಜಾಬ್”, “ಬೇಟಾ” ಮತ್ತು “ರಾಜಾ” ನಂತಹ ಚಿತ್ರಗಳಲ್ಲಿ ಅಭಿಯಿಸಿದ್ದರು, ಚಲನಚಿತ್ರ ಸೆಟ್‌ಗಳಲ್ಲಿ ನಟಿಯರು ಮತ್ತು ಕೇಶ ವಿನ್ಯಾಸಕರಾಗಿ ಮಾತ್ರ ಈ ಹಿಂದೆ ಮಹಿಳೆಯರೇ ಇರುತ್ತಿದ್ದರು ಎಂಬುದನ್ನು ನೆನಪಿಸಿಕೊಂಡರು. 

“ಮಹಿಳೆಯರು ಬಹಳ ದೂರ ಬಂದಿದ್ದಾರೆ, ಇದು ಒಂದು ಪುಟ್ಟ ಹೆಜ್ಜೆಯ ನಡಿಗೆ. ನಾನು 80 ಮತ್ತು 90 ರ ದಶಕದಲ್ಲಿ ಕೆಲಸ ಮಾಡುತ್ತಿದ್ದಾಗ, ಸೆಟ್‌ನಲ್ಲಿ ನಾನು, ನನ್ನ ಸಹ ನಟಿಯರು ಮತ್ತು ಕೇಶ ವಿನ್ಯಾಸಕಿಯರು ಮಾತ್ರ ಮಹಿಳೆರು. ಇಂದು, ನಾನು ಸೆಟ್‌ನಲ್ಲಿ ಕಾಲಿಟ್ಟಾಗ — DOP ನಿಂದ ಹಿಡಿದು AD ಗಳು, ಬರಹಗಾರರು ಮತ್ತು ಆಕ್ಷನ್ ಮಾಸ್ಟರ್‌ಗಳವರೆಗೆ – ಮಹಿಳೆಯರು ಬೇರೆ ಬೇರೆ ಕ್ಷೇತ್ರದಲ್ಲಿರುತ್ತಾರೆ ಎಂದು ನಾನು ಊಹಿಸಿರಲಿಲ್ಲ,” ಅದ್ಭುತ,” ಎಂದು ಅವರು ಹೇಳಿದ್ದಾರೆ. (PTI)

ಬಾಲಿವುಡ್ ನಟಿ ಮಲೈಕಾ ಅರೋರಾ ಅವರ ತಂದೆ ಇಂದು ಬೆಳಗ್ಗೆ (ಸೆಪ್ಟೆಂಬರ್‌, 11) ಆ*ಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮುಂಬೈನ ಬಾಂದ್ರಾದಲ್ಲಿರುವ ಕಟ್ಟಡವೊಂದರ ಏಳನೇ ಮಹಡಿಯಿಂದ ಅನಿಲ್ ಅರೋರಾ ಜಿಗಿದು ಸಾವನ್ನಪ್ಪಿದ್ದಾರೆ. 

ನಟಿಯ ಮಾಜಿ ಪತಿ ಅರ್ಬಾಜ್ ಖಾನ್ ಮತ್ತು ಹಿರಿಯ ಪೊಲೀಸ್ ಅಧಿಕಾರಿಗಳು ಆಕೆಯ ನಿವಾಸಕ್ಕೆ ತಲುಪಿದ್ದಾರೆ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು, ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ವರದಿಗಳ ಪ್ರಕಾರ, ಅನಿಲ್ ಅರೋರಾ ಮರ್ಚೆಂಟ್ ನೇವಿಯಲ್ಲಿ ಕೆಲಸ ಮಾಡುತ್ತಿದ್ದರು.

ಯಶ್ ಸೋಶಿಯಲ್ ಮೀಡಿಯಾದಲ್ಲಿ ಆಕರ್ಷಕ ಟೈಟಲ್ ಟೀಸರ್ ಅನ್ನು ಹಂಚಿಕೊಂಡಾಗಿನಿಂದ ‘ಟಾಕ್ಸಿಕ್’ ಸುತ್ತಲಿನ ನಿರೀಕ್ಷೆಯು ಹೆಚ್ಚಾಗುತ್ತಿದೆ. ಈಗ, ಕರೀನಾ ಕಪೂರ್ ಅವರನ್ನು ಪಾತ್ರವರ್ಗಕ್ಕೆ ಸೇರಿಸುವ ಮಾತುಕತೆಯೊಂದಿಗೆ, ನಿರೀಕ್ಷೆಗಳು ಇನ್ನೂ ಹೆಚ್ಚಾಗುತ್ತಿವೆ.

‘ಟಾಕ್ಸಿಕ್’ ಚಿತ್ರದ ಟೈಟಲ್ ಟೀಸರ್ ಈಗಾಗಲೇ ಪ್ರೇಕ್ಷಕರಲ್ಲಿ ಹೊಸಯಿಂದಾಗಿ ಛಾಪು ಮೂಡಿಸಿದೆ. ಈ ಚಿತ್ರದ ನಿಗೂಢ ಶೀರ್ಷಿಕೆ ಮತ್ತು ಆಕರ್ಷಕ ನಿರೂಪಣೆಯಿಂದಾಗಿ ಅಭಿಮಾನಿಗಳಲ್ಲಿ ಈ ಚಿತ್ರದ ಬಗ್ಗೆ ಕುತೂಹಲ ಹೆಚ್ಚಾಗಿದೆ ಮತ್ತು ಬಿಡುಗಡೆಗಾಗಿ ಕಾತರದಿಂದ ಕಾಯುತ್ತಿದ್ದಾರೆ. ‘ಟಾಕ್ಸಿಕ್’ ಅನ್ನು ಗೀತು ಮೋಹನ್‌ದಾಸ್ ನಿರ್ದೇಶಿಸಲಿದ್ದು, ಏಪ್ರಿಲ್ 10, 2025 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ.

ಕರೀನಾ ಕಪೂರ್ ಅವರ ಸಂಭಾವ್ಯ ದಕ್ಷಿಣ ಚೊಚ್ಚಲ ಚಿತ್ರ:

ಕರೀನಾ ಕಪೂರ್ ಅವರೊಂದಿಗಿನ ಮಾತುಕತೆಗಳು ಕಾರ್ಯರೂಪಕ್ಕೆ ಬಂದರೆ, ಇದು ದಕ್ಷಿಣ ಭಾರತದ ಚಿತ್ರರಂಗಕ್ಕೆ ಅವರ ಮೊದಲ ಹೆಜ್ಜೆಯಾಗಲಿದೆ. ಇಬ್ಬರು ಪವರ್‌ಹೌಸ್ ಕಲಾವಿದರು ಪರದೆಯನ್ನು ಹಂಚಿಕೊಳ್ಳುತ್ತಿರುವ ಬಗೆಗಿನ ಮಾತುಗಳು ಈಗಾಗಲೇ ಅಪಾರ ನಿರೀಕ್ಷೆ ಸೃಷ್ಟಿಸಿದೆ. ಏಪ್ರಿಲ್ 10, 2025 ರಂದು ಟಾಕ್ಸಿಕ್‌ ಬಿಡುಗಡೆಯಾಗಲಿದ್ದು ಯಶ್, ಕರೀನಾ ಕಪೂರ್ ಕಮಾಲ್‌ ಮಾಡಲಿದ್ದಾರೆ.

ಬಾಯ್ ಎಂದರೆ ಸೋದರತ್ವ. ಈ ಸೋದರತ್ವದ ಕಥನವನ್ನು ಇಟ್ಟುಕೊಂಡು ಚಿತ್ರದ ಮೂಲಕ ಬಂಜಾರ ಸಂಸ್ಕೃತಿ ತಿಳಿಸಲು ಹೊರಟಿದ್ದಾರೆ. ಚಿತ್ರದ ಟ್ರೇಲರ್ ಹಾಗೂ ಹಾಡು ರಿಲೀಸ್ ಆಗಿದೆ. ಖಳ ನಟ ಚಲುವರಾಜ್ ಟ್ರೇಲರ್ ಲಾಂಚ್ ಮಾಡಿ, ಇಡೀ ತಂಡಕ್ಕೆ ಶುಭ ಹಾರೈಸಿದ್ದಾರೆ‌.

ನಟ, ನಿರ್ದೇಶಕ ಯುವ ಮಾತನಾಡಿ, “ಇದು ಮಾಸ್ ಓರಿಯೆಂಟ್ ಸಿನಿಮಾ. ಇದರಲ್ಲಿ ಬಂಜಾರ ಸಮುದಾಯದ ಸಂಪ್ರದಾಯ ತೋರಿಸಿದ್ದೇವೆ. ಸಿನಿಮಾ ಅಂತು ಅದ್ಭುತವಾಗಿ ಮೂಡಿ ಬಂದಿದೆ. ಇದು ಫ್ಯಾಮಿಯೆಲ್ಲಾ ಕೂತು ನೋಡುವಂತ, ಫ್ಯಾಮಿಲಿ ಒರಿಯೆಂಟೆಡ್ ಸಿನಿಮಾ ಆಗಿದೆ. ಇದಕ್ಕೆ ನೀವೆಲ್ಲಾ‌ ಸಪೋರ್ಟ್ ಮಾಡಿ, ಬೆಂಬಲ ನೀಡಿ. ಇಡೀ ಟೀಂ ಬೆಂಬಲ ಅಂತು ತುಂಬಾ ಚೆನ್ನಾಗಿ ಇತ್ತು. ಬೆಳಗಾವಿಯ ಹುಡುಗ ನಾನು. ಕನಸು ಹೊತ್ತು ಬೆಂಗಳೂರಿಗೆ ಬಂದೆ. ಗ್ಯಾಂಗ್‌ಸ್ಟರ್, ಜೂನಿಯರ್ ಆರ್ಟಿಸ್ಟ್ ಆಗಿ ಕೂಡ ಮಾಡಿದ್ದೀನಿ. ಥ್ರಿಲ್ಲರ್ ಮಂಜು ಸರ್ ಕೂಡ ಒಮ್ಮೆ‌ ನಾನು ಒಳ್ಳೆ ಕಲಾವಿದ ಆಗಬಹುದು ಎಂದಿದ್ದರು. ಅಲ್ಲಿಂದ ಪ್ರಯತ್ನ ಶುರು ಮಾಡಿದೆ. ಬಂಜಾರ ಸಮುದಾಯ ಸಂಸ್ಕೃತಿಯನ್ನು ತೆರೆ ಮೇಲೆ ತರಬೇಕೆಂದು ನಿರ್ದೇಶನಕ್ಕೆ ಇಳಿದೆ. ಸಿನಿಮಾ ರೆಡಿ ಇದೆ. ಇದೇ ತಿಂಗಳ 17ಕ್ಕೆ ತೆರೆಗೆ ಬರಲಿದೆ,” ಎಂದಿದ್ದಾರೆ.

ಈ ಸಿನಿಮಾಗೆ ಕಥೆ ಬರೆದ ಸುರೇಶ್ ಮಾತನಾಡಿ, “ಈ ಸಿನಿಮಾಗೆ ಕಥೆ ಬರೆಯಲು ಅಪ್ಪು ಸರ್ ಸ್ಪೂರ್ತಿ. ನಾನು ಹೈಗ್ರೌಂಡ್ ಪೊಲೀಸ್ ಠಾಣೆಯಲ್ಲಿ ಕೆಲಸ ಮಾಡುತ್ತಿರಬೇಕಾದರೆ, ಅಲ್ಲಿ ಶಾಲೆಗೆ ಮಕ್ಕಳನ್ನು ಬಿಡಲು ಬರುತ್ತಿದ್ದರು. ಅಲ್ಲಿ ಸಿಕ್ಕಾಗ ಮಾತನಾಡಿಸುತ್ತಿದ್ದೆ. ಅವರು ಕೂಡ ಏನ್ರಿ ಪೊಲೀಸಪ್ಪ ಚೆನ್ನಾಗಿದ್ದೀರಾ ಅಂತ ಮಾತನಾಡಿಸೋರು. ಇವತ್ತು ಅವರನ್ನ ಮಿಸ್ ಮಾಡಿಕೊಳ್ಳುತ್ತಾ ಇದ್ದೇವೆ. ಆಗ ನಾನು ಅವರಿಗೋಸ್ಕರ ಕಥೆ ಬರಿಬೇಕು ಎಂದು ಹೇಳಿದ್ದೆ. ಅದು ಬಂಜಾರ ಹಾಗೂ ಕನ್ನಡ ಭಾಷೆಯಲ್ಲಿರಬೇಕು ಸರ್ ಎಂದಿದ್ದ. ಆಗ ಅವರು ಬರಿಯಪ್ಪ, ನೀನು ಪೋಲಿಸ್ ಆಗಿದ್ದು ಸ್ಟೋರಿ ಬರೆಯೋಕೆ ಬರುತ್ತಾ ಎಂದಿದ್ದರು. ಇದು ಅವರಿಗೋಸ್ಕರ ಬರೆದ ಕಥೆ. ಅವರು ಇದ್ದಿದ್ದರು ಇವತ್ತು, ಇಲ್ಲಿಗೆ ಬರ್ತಾ ಇದ್ದರು,” ಎಂದು ನೋವು ವ್ಯಕ್ತಪಡಿಸಿದ್ದಾರೆ.

ಚಿತ್ರದ ನಾಐಕಿ ಪೂಜಾ ಮಾತನಾಡಿ, “ನನ್ನದು ವಿದೇಶಿ ಹುಡುಗಿಯ ಪಾತ್ರ. ಬಂಜಾರ ಕಲೆ ಮತ್ತು ಸಂಸ್ಕೃತಿಯ ಅಧ್ಯಯನಕ್ಕಾಗಿ ಬಂದಿರುತ್ತೇನೆ. ಮುಂದೆ ಏನೆಲ್ಲಾ ಆಗುತ್ತೆ ಎಂಬುದನ್ನು ಸಿನಿಮಾದಲ್ಲಿ ಅದ್ಭುತವಾಗಿ ತೋರಿಸಿದ್ದಾರೆ,” ಎಂದಿದ್ದಾರೆ.

ಸಿನಿಮಾ ಈಗಾಗಲೇ ತನ್ನೆಲ್ಲಾ ಕೆಲಸ ಮುಗಿಸಿದ್ದು, ರಿಲೀಸ್ ಗೆ ಸಿದ್ದವಾಗಿದೆ. ಇದೇ ತಿಂಗಳ 17ಕ್ಕೆ ತೆರೆಗೆ ಬರಲಿದ್ದು, ಇಡೀ ತಂಡ ಕುತೂಹಕದಿಂದ ಕಾಯುತ್ತಿದೆ. ಈ ಸಿನಿಮಾಗೆ ಮಾಲಾಶ್ರೀ ಸುರೇಶ್ ಬಂಡವಾಳ ಹೂಡಿದ್ದಾರೆ.

ಸಚಿವ ಎಂ.ಟಿ.ಬಿ. ನಾಗರಾಜ್​ ಆಶೀರ್ವಾದದೊಂದಿಗೆ ಶ್ರೀ ಸಿದ್ಧೇಶ್ವರ ಎಂಟರ್​ಪ್ರೈಸಸ್​ ನಿರ್ಮಿಸಿರುವ ‘ಕಬ್ಜ’ ಚಿತ್ರದ ಚಿತ್ರೀಕರಣ ಮುಗಿದು, ಇತ್ತೀಚೆಗೆ ಟೀಸರ್​ ಸಹ ಬಿಡುಗಡೆಯಾಗಿದೆ. ಟೀಸರ್​ಗೆ ಎಲ್ಲಡೆಯಿಂದ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದ್ದು. ಚಿತ್ರದ ಬಿಡುಗಡೆಗೆ ಪ್ರೇಕ್ಷಕರು ಕಾತುರದಿಂದ ಕಾಯುತ್ತಿದ್ದಾರೆ. ಬರೀ ಪ್ರೇಕ್ಷಕರಷ್ಟೇ ಅಲ್ಲ, ಬೇರೆ ಚಿತ್ರರಂಗಗಳು ಸಹ ಈ ಚಿತ್ರವನ್ನು ಎದುರು ನೋಡುತ್ತಿದ್ದು, ಇತ್ತೀಚೆಗೆ ಇದೇ ವಿಚಾರವಾಗಿ ಬಾಲಿವುಡ್​ನ ಖ್ಯಾತ ಸಿನಿಮಾ ವಿಶ್ಲೇಷಕ ತರಣ್​ ಆದರ್ಶ್​ ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟರ್​ ಹಂಚಿಕೊಳ್ಳುವುದರ ಜತೆಗೆ ಚಿತ್ರದ ಬಿಡುಗಡೆ ದಿನಾಂಕಕ್ಕೆ ಎದುರು ನೋಡುತ್ತಿರುವುದಾಗಿ ಹೇಳಿದ್ದಾರೆ. ಇದಕ್ಕೆ ಪೂರಕವಾಗಿ ಚಿತ್ರತಂಡದವರು ಚಿತ್ರದ ಬಿಡುಗಡೆಯ ದಿನಾಂಕವನ್ನು ಅಧಿಕೃತವಾಗಿ ಘೋಷಣೆ ಮಾಡಬೇಕಿದೆ.

ಆರ್​. ಚಂದ್ರು ನಿರ್ದೇಶನದ ‘ಕಬ್ಜ’ ಚಿತ್ರವು ಪ್ಯಾನ್​ ಇಂಡಿಯಾ ಚಿತ್ರವಾಗಿದ್ದು ಏಳು ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗಲಿದೆ. ಉಪೇಂದ್ರ ಜತೆಗೆ ಸುದೀಪ್​ ಸಹ ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಶ್ರೀಯಾ ಶರಣ್​, ನವಾಬ್​ ಷಾ, ಕಬೀರ್​ ಸಿಂಗ್​ ದುಹಾನ್​, ಪ್ರಮೋದ್​ ಶೆಟ್ಟಿ, ಮುರಳಿ ಶರ್ಮ ಮುಂತಾದವರು ಅಭಿನಯಿಸಿದ್ದಾರೆ. ‘ಕೆಜಿಎಫ್​’ ಖ್ಯಾತಿಯ ಸಂಗೀತ ನಿರ್ದೇಶಕ ರವಿ ಬಸ್ರೂರು ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ.

ಬಾಲಿವುಡ್‌ ನಟ ಪ್ರಭಾಸ್‌ ನಟನೆಯ ʼಆದಿಪುರುಷ್ʼ ಸಿನಿಮಾ ಟೀಸರ್‌ ಅಕ್ಟೋಬರ್‌ 2 ರಂದು ಅಯೋಧ್ಯೆಯಲ್ಲಿ ಅದ್ದೂರಿಯಾಗಿ ಬಿಡುಗಡೆಯಾಗಿತ್ತು. ಚಿತ್ರವು ʼರಾಮಾಯಣʼ ಆಧಾರಿತವಾಗಿ ಚಿತ್ರೀಕರಣಗೊಂಡಿದ್ದರಿಂದ ಸಿನಿಮಾತಂಡದವರು ಪ್ರೇಕ್ಷಕರನ್ನು ತಮ್ಮೆಡೆಗೆ ಸೆಳೆಯುವ ಭಾರೀ ನಿರೀಕ್ಷೆಯಲ್ಲಿದ್ದರು. ಆದರೆ ಟೀಸರ್‌ ಬಿಡುಗಡೆಯಾದ ನಂತರ ನಾನಾ ಕಾರಣಗಳಿಂದ ಆದಿಪುರುಷ್ ಸುದ್ದಿಯಾಗುತ್ತಿದೆ. ಟೀಸರ್‌ ನೋಡಿದ ಅಭಿಮಾನಿಗಳು ಬೇಸರವಾಗಿದ್ದಾರೆ. ಚಿತ್ರದಲ್ಲಿ ಬಳಕೆಯಾಗಿರುವ ಗ್ರಾಫಿಕ್ಸ್‌, ಪಾತ್ರಗಳ ಆಯ್ಕೆ , ಪಾತ್ರಗಳ ಬೆಳವಣಿಗೆ ಸರಿಯಿಲ್ಲ ಎಂದು ಪ್ರೇಕ್ಷಕರು ಅಭಿಪ್ರಾಯ ವ್ಯಕ್ತ ಪಡಿಸಿದ್ದಾರೆ. ಇದಲ್ಲದೇ ಸಿನಿಮಾ ಬಿಡುಗಡೆ ಬಗ್ಗೆ ಅತೀ ನಿರೀಕ್ಷೆಯಿದ್ದ ಚಿತ್ರತಂಡಕ್ಕೆ ಕಾನೂನಿನ ಸಂಕಷ್ಟವೂ ಎದುರಾಗಿದೆ.

ರಾಮಾಯಣ ಆಧಾರಿತ ʼಆದಿಪುರುಷ್‌ʼ ಚಿತ್ರದಲ್ಲಿ ರಾಮ, ಸೀತೆ , ಆಂಜನೇಯ , ರಾವಣ ಸೇರಿದಂತೆ ಕೆಲವು ಪಾತ್ರಗಳನ್ನು ಕೆಟ್ಟದಾಗಿ ಬಿಂಬಿಸಿದ್ದಾರೆ ಎಂಬ ಆರೋಪಕ್ಕೆ ಚಿತ್ರತಂಡ ಸಿಲುಕಿದೆ. ಧಾರ್ಮಿಕ ಸಂಕೇತವಾಗಿರುವ ಚಿತ್ರಗಳನ್ನು ಜನರ ಮುಂದೆ ಪ್ರದರ್ಶಿಸುವಾಗ ಬಹಳ ಎಚ್ಚರಿಕೆಯಿಂದ ಇರಬೇಕಾಗುತ್ತದೆ.ಇದೀಗ ಆದಿಪುರುಷ್‌ ಚಿತ್ರಕ್ಕೆ ಅದೇ ಕಾರಣದಿಂದ ಸಂಕಷ್ಟ ಎದುರಾಗಿದೆ. ಈ ಆರೋಪವು ಕೇವಲ ಆರೋಪವಾಗಿರದೆ ಈ ವಿರುದ್ದ ಉತ್ತರ ಪ್ರದೇಶದ ವ್ಯಕ್ತಿಯೊಬ್ಬರು ದೂರು ನೀಡಿದ್ದಾರೆ.

ಆದಿಪುರುಷ್‌ ಸಿನಿಮಾದಲ್ಲಿ ರಾಮ, ಸೀತೆ , ಆಂಜನೇಯ ಸೇರಿದಂತೆ ಕೆಲ ಪಾತ್ರಗಳನ್ನು ನೈಜವಾಗಿ ತೋರಿಸಿಲ್ಲದ ಕಾರಣ ರಾಮಾಯಣದ ಆ ಪಾತ್ರಗಳಿಗೆ ಅವಮಾನ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ. ಈ ಹಿನ್ನಲೆಯಲ್ಲಿ ನಟ ಪ್ರಭಾಸ್‌, ಸೈಫ್‌ ಅಲಿಖಾನ್‌ ಹಾಗೂ ನಿರ್ದೇಶಕ ಓಂ ರಾವತ್‌ ಸೇರಿದಂತೆ ತಂಡದ ಐದು ಜನರ ವಿರುದ್ದ ಪ್ರಕರಣ ದಾಖಲಿಸಲಾಗಿದೆ.

ಪಾತ್ರಗಳನ್ನು ಈ ರೀತಿ ಬಿಂಬಿಸಲು ಕಾರಣವೇನು ಎಂದು ನ್ಯಾಯಾಲಯದ ಮುಂದೆ ಹೇಳಿ ಎಲ್ಲವನ್ನೂ ಸ್ಪಷ್ಟನೇ ಮಾಡಿಕೊಂಡೇ ಚಿತ್ರವನ್ನು ಬಿಡುಗಡೆ ಮಾಡಬೇಕು ಎಂದು ಹೇಳಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ನ್ಯಾಯಾಲಯವು ಅಕ್ಟೋಬರ್‌ 27ರಂದು ವಿಚಾರಣೆ ನಡೆಸುವುದಾಗಿ ದಿನಾಂಕ ಮಾಡಿದೆ.

ಇದನ್ನೂ ನೋಡಿ : ತಂತಿ ಮೇಲಣ ಹೆಜ್ಜೆ

ಇದೊಂದು ಕಥೆಯಲ್ಲದ ಕಥೆ! ಚಿವುಟಿದಷ್ಟೂ ಚಿಗುರುವ ಹೆಣ್ಣಿನ ಆತ್ಮಬಲದ ಸೂಕ್ಷ್ಮತೆಯ ಅನಾವರಣದ ಕಥನ. ದೇಹವೊಂದು ವಿಕಸನಗೊಂಡಂತೆಲ್ಲ ಆ ದೇಹದ ಜತೆ ಹೆಣೆದುಕೊಂಡ ಸವಾಲುಗಳನ್ನು ಎದುರಿಸುತ್ತಾ ಪ್ರತೀ ದಿನ ಸತ್ತು ಹುಟ್ಟುತ್ತಾ ನಾಳೆಗಳ ಭರವಸೆಯಲ್ಲಿಯೇ ಹಣ್ಣಾದ ಒಂಟಿ ಹೆಣ್ಣೊಬ್ಬಳ ಬದುಕಿನ ದಿಟ್ಟ ಪಯಣದ ಕಥನ. ಈ ಕಥನವನ್ನು “ತಂತಿ ಮೇಲಣ ಹೆಜ್ಜೆ” ಅಂಕಣದಲ್ಲಿ ಪಡಿ ಮೂಡಿಸಲಿದ್ದಾರೆ ರಂಗಭೂಮಿ ಹಾಗೂ ನೃತ್ಯ ಕಲಾವಿದೆ ವಿದುಷಿ ವಾಣಿ ಸತೀಶ್‌

ಅಲ್ಲಿನ ಜನರು ತಮ್ಮ ನೆಚ್ಚಿನ ಸೌತ್ ಸೂಪರ್ ಸ್ಟಾರ್‌ಗಳ ಬಾಯಿಂದ ಹಿಂದಿ ಡೈಲಾಗ್‌ಗಳನ್ನು ಕೇಳಿ  ಇಷ್ಟಪಟ್ಟಿದ್ದಾರೆ. ಆದರೆ ಆ ಡೈಲಾಗ್ ಗಳನ್ನು ಹೇಳಿದವರು ಆ ನಟ ಅಲ್ಲ ಅನ್ನೋದು ಪ್ರೇಕ್ಷಕರಿಗೆ ತಿಳಿದಿಲ್ಲ.

ಈ ದಕ್ಷಿಣ ಭಾರತದ ನಟರ ಹಿಂದಿ ಧ್ವನಿಗಳನ್ನು ಸಾಮಾನ್ಯವಾಗಿ ಅನುಭವಿ ಡಬ್ಬಿಂಗ್ ಕಲಾವಿದರಿಂದ ಡಬ್ ಮಾಡಲಾಗುತ್ತದೆ ಮತ್ತು ಕೆಲವು ಸಂದರ್ಭಗಳಲ್ಲಿ, ದಕ್ಷಿಣ ಭಾರತದ ನಟರಿಗೆ ಹಿಂದಿ ಡಬ್ಬಿಂಗ್ ಮಾಡಲು ಪ್ರಸಿದ್ಧ ಬಾಲಿವುಡ್ ನಟರ ಡಬ್ಬಿಂಗ್ ಸಹಾಯವನ್ನು ಪಡೆಯುತ್ತಾರೆ.

ಇದು ಹೊಸದೇನು ಅಲ್ಲ. ಆದರೆ ಇತ್ತೀಚೆಗೆ ಇಂಥ ವಾಯ್ಸ್ ಓವರ್ ಆರ್ಟಿಸ್ಟ್ ಗಳು ತಮ್ಮ ವಿಶಿಷ್ಟ ಧ್ವನಿಯಿಂದಾಗಿ ಖ್ಯಾತಿಯನ್ನು ಪಡೆಯಲಾರಂಭಿಸಿದ್ದಾರೆ ಅನ್ನೋದು ಸತ್ಯ. ಅವರಿಗೆ ಸಲ್ಲಬೇಕಾದ ಮನ್ನಣೆ ಈಗ ಸಿಗುತ್ತಿದೆ.

ಆದ್ದರಿಂದ, ಈಗ ಖ್ಯಾತಿ ಗಳಿಸುತ್ತಿರುವ ಆ ಡಬ್ಬಿಂಗ್ ಕಲಾವಿದರ ಪಟ್ಟಿಯನ್ನು ನಿಮ್ಮದುರು ಇಡುತ್ತಿದ್ದೇವೆ.

1 ಸಂಕೇತ್ ಮಾತ್ರೆ

ಪ್ರಸಿದ್ಧ ಧ್ವನಿ ಕಲಾವಿದರಾದ ಸಂಕೇತ್ ಮಾತ್ರೆ ಅವರು ಚೂಡನ್ (ದಿ ರಿಯಲ್ ಟೈಗರ್), ಶ್ರೀಮಂತುಡು (ದಿ ರಿಯಲ್ ತೇವರ್), ಮತ್ತು ಆಗಡು (ಎನ್‌ಕೌಂಟರ್ ಶಂಕರ್), ಹಾಗೆಯೇ ಜೈ ಭೀಮ್, ಸೂರರೈ ಪೊಟ್ರು ಮತ್ತು ಕಪ್ಪಾನ್‌ನಲ್ಲಿ ಸೂರ್ಯ, ಮಹೇಶ್ ಬಾಬುಗೆ ಹಿಂದಿ ಧ್ವನಿಯನ್ನು ನೀಡಿದ್ದಾರೆ.

ಎನ್ಟಿಆರ್ ಜೂನಿಯರ್ ಮತ್ತು ರಾಮ್ ಪೋತಿನೇನಿ ಕೂಡ ಸಂಕೇತ್ ಅವರ ಧ್ವನಿಯನ್ನು ತಮ್ಮ ಡಬ್ಬಿಂಗ್ ಚಲನಚಿತ್ರಗಳಲ್ಲಿ ಬಳಸಿದ್ದಾರೆ.

2. ಶ್ರೇಯಸ್ ತಲ್ಪಾಡೆ

ವೆಲ್ಕಮ್ ಟು ಸಜ್ಜನ್ ಪುರ್, ಇಕ್ಬಾಲ್, ಗೋಲ್ಮಾಲ್ ಸರಣಿಯ ಬಾಲಿವುಡ್ ತಾರೆ ಶ್ರೇಯಸ್ ತಲ್ಪಾಡೆ ಅಲ್ಲು ಅರ್ಜುನ್ ಅವರ  ಪುಷ್ಪದಲ್ಲಿ ತಮ್ಮ ವಾಯ್ಸ್ ನ ಝಲಕ್ ತೋರಿಸಿದ್ದಾರೆ. ಹೌದು, ಪುಷ್ಪ ಚಿತ್ರದ ಹಿಂದಿ ಅವತರಣಿಕೆಯಲ್ಲಿ ಅಲ್ಲು ಅರ್ಜುನ್ ಪಾತ್ರಕ್ಕೆ ಧ್ವನಿ ನೀಡಿರುವ ನಟ ಶ್ರೇಯಸ್ ತಲ್ಪಡೆ. ವರದಿಗಳ ಪ್ರಕಾರ, ಅವರು ಈಗ ಅಲ್ಲು ಅರ್ಜುನ್ ಅವರ ಮುಂಬರುವ ಹಿಂದಿ ಬ್ಲಾಕ್‌ಬಸ್ಟರ್ ಅಲಾ ವೈಕುಂಠಪುರಮುಲೋ’ಗು ಧ್ವನಿ ನೀಡಲಿದ್ದಾರೆ,

3. ವಿನೋದ್ ಕುಲಕರ್ಣಿ

ಆರ್ಯ 2, ಪವರ್, ರೆಬೆಲ್, ಮತ್ತು ಕಂಡಿರೀಗದಂತಹ ಚಿತ್ರಗಳಲ್ಲಿ, ಖ್ಯಾತ ಹಾಸ್ಯ ನಟ ಬ್ರಹ್ಮಾನಂದಂ ಅವರಿಗೆ ಧ್ವನಿ ಓವರ್ ಕಲಾವಿದ ವಿನೋದ್ ಕುಲಕರ್ಣಿ ಡಬ್ ಮಾಡಿದ್ದಾರೆ.

4. ಮನೋಜ್ ಪಾಂಡೆ

ಮನೋಜ್ ಪಾಂಡೆ ವಾಯ್ಸ್ ಓವರ್ ಆರ್ಟಿಸ್ಟ್ ಆಗಿದ್ದು, ರಾಣಾ ದಗ್ಗುಬಾಟಿ ಅವರ ಹಿಂದಿ ಧ್ವನಿಯಾಗಿ ಬಾಹುಬಲಿ ಮತ್ತು ಕೃಷ್ಣ ಕಾ ಬದ್ಲಾ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.

5. ರಾಜೇಶ್ ಕಾವಾ

ವಾಯ್ಸ್ ಓವರ್ ಆರ್ಟಿಸ್ಟ್ ಆಗಿರುವ ರಾಜೇಶ್ ಕಾವಾ ಅವರು ವಿಜಯ್ ಅವರ ಬಹುತೇಕ ಡಬ್ಬಿಂಗ್ ಹಿಂದಿ ಚಲನಚಿತ್ರಗಳಲ್ಲಿ ವೇಲಾಯುಧಂ (ಸೂಪರ್ ಹೀರೋ ಶಾಹೆನ್‌ಶಾ) ಮತ್ತು ತಂಗ ಮಗನ್‌ನಂತಹ ಚಿತ್ರಗಳಲ್ಲಿ ಧನುಷ್‌ಗೆ ಧ್ವನಿ ನೀಡಿದ್ದಾರೆ.

6. ಶರದ್ ಕೇಳ್ಕರ್

ಬಾಹುಬಲಿ ಚಿತ್ರದಲ್ಲಿ ಪ್ರಭಾಸ್‌ಗಾಗಿ ಧ್ವನಿ ಕೊಟ್ಟ ನಟ ಶರದ್ ಕೇಳ್ಕರ್ ಅವರ ಧ್ವನಿ ಬಹುಶಃ ದಕ್ಷಿಣ ಭಾರತದ ಚಲನಚಿತ್ರವೊಂದಕ್ಕೆ ಕೊಟ್ಟ ಅತ್ಯಂತ ಪ್ರಸಿದ್ಧವಾದ ಹಿಂದಿ ಧ್ವನಿಯಾಗಿದೆ. ಅವರ ಧ್ವನಿಯು ಪ್ರಭಾಸ್ ರ ಬಾಹುಬಲಿ ಪಾತ್ರಕ್ಕೆ ಪರಿಪೂರ್ಣವಾಗಿತ್ತು ಅನ್ನೋದು ಅನೇಕರ ಅಭಿಪ್ರಾಯ.

7. ಅಜಯ್ ದೇವಗನ್

ಅಜಯ್ ದೇವಗನ್ ಬಹುಶಃ ಡಬ್ಬಿಂಗ್ ಹಿಂದಿ ಚಿತ್ರವೊಂದಕ್ಕೆ ಧ್ವನಿ ನೀಡಿದ ಅತ್ಯಂತ ಪ್ರಸಿದ್ಧ ನಟ. ಅವರು ರಾಮ್ ಚರಣ್ ಅವರ ಧ್ರುವ ಚಿತ್ರಕ್ಕೆ ಹಿಂದಿ ಡಬ್ಬಿಂಗ್ ಒದಗಿಸಿದ್ದಾರೆ.

8. ಅರ್ಬಾಜ್ ಖಾನ್

ಧ್ರುವ ಚಿತ್ರದಲ್ಲಿ, ಅರವಿಂದ್ ಸ್ವಾಮಿ ನಟಿಸಿದ ಪ್ರತಿನಾಯಕ ಪಾತ್ರಧಾರಿಗೆ ಸಲ್ಮಾನ್ ಖಾನ್ ಸೋದರ ಅರ್ಬಾಜ್ ಖಾನ್ ಹಿಂದಿ ಧ್ವನಿಯನ್ನು ಒದಗಿಸಿದ್ದಾರೆ.

ಇದನ್ನೂ ನೋಡಿ: ಮೈಸೂರು ದಸರಾ ಫಲಪುಷ್ಪ ಪ್ರದರ್ಶನಕ್ಕೆ ಭರ್ಜರಿ ರೆಸ್ಪಾನ್ಸ್ : ಅ.5ಕ್ಕೆ ತೆರೆ

ಈ ವಿಡಿಯೋ ಫೇಸ್‌ಬುಕ್‌ ನಲ್ಲಿ ನೋಡಲು- 👇🏼

https://fb.watch/fY5Pn7MFTr/

1. ಆಮ್ನಾ ಇಮ್ರಾನ್

ಆಮ್ನಾ ಅವರು ಪಾಕಿಸ್ತಾನದ ಸೋಷಿಯಲ್ ಇನ್ ಫ್ಲುಯೆನ್ಸರ್ ಮತ್ತು ಬ್ಲಾಗರ್ ಆಗಿದ್ದಾರೆ. ಅವರು ತಮ್ಮ ಫೋಟೋಗಳನ್ನು ಇಂಟರ್ ನೆಟ್ ನಲ್ಲಿ ಪೋಸ್ಟ್ ಮಾಡಿ ರಾತ್ರೋರಾತ್ರಿ ಪ್ರಸಿದ್ಧರಾದವರು. ಅವರು ಕೇವಲ ತಮ್ಮ ದೇಶದಲ್ಲಿ ಅಷ್ಟೇ ಅಲ್ಲದೆ, ಭಾರತದಲ್ಲಿಯೂ ಗುರುತಿಸಲ್ಪಟ್ಟಿದ್ದಾರೆ. ಅದಕ್ಕೆ ಕಾರಣ ಐಶ್ವರ್ಯಾ ರೈ ಅವರನ್ನು ಹೋಲುವ ಅವರ ಮುಖಚಹರೆ. ವೈದ್ಯಕೀಯ ವೃತ್ತಿಯಲ್ಲಿ ಪದವಿ ಪಡೆಯಲು ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾಕ್ಕೆ ಹೋಗಿದ್ದ ಸಮಯದಲ್ಲಿ ಆಮ್ನಾ ತನ್ನ ಟಿಕ್ ಟಾಕ್ ವೀಡಿಯೊಗಳೊಂದಿಗೆ ಎಲ್ಲರ ಗಮನ ಸೆಳೆದರು. ಆಮ್ನಾ ಅವರು ತಾನು ಮಿಸ್ ವರ್ಲ್ಡ್ 1994 ಪ್ರಶಸ್ತಿ ಪಡೆದ ಐಶ್ವರ್ಯಾ ಅವರ ದೊಡ್ಡ ಅಭಿಮಾನಿ ಎಂದು ಒಪ್ಪಿಕೊಳ್ಳುತ್ತಾರೆ. ಅವರಿಗೆ ದೇವದಾಸ್, ಉಮ್ರಾವ್ ಜಾನ್, ಮೊಹಬ್ಬತೇನ್ ಮತ್ತು ಹಮ್ ದಿಲ್ ದೇ ಚುಕೆ ಸನಮ್ ಚಿತ್ರಗಳು ಅಚ್ಚುಮೆಚ್ಚಂತೆ.

2. ಸ್ನೇಹಾ ಉಳ್ಳಾಲ್

2005 ರಲ್ಲಿ ಸಲ್ಮಾನ್ ಖಾನ್ ಜೊತೆಗೆ ‘ಲಕ್ಕಿ: ನೋ ಟೈಮ್ ಫಾರ್ ಲವ್’ ಚಿತ್ರದಲ್ಲಿ ಕಾಣಿಸಿಕೊಂಡ ನಟಿ ಸ್ನೇಹಾ ಉಳ್ಳಾಲ್. ಸ್ನೇಹಾ ಅವರನ್ನು ಐಶ್ವರ್ಯಾ ಅವರ ಅತಿ ಹೆಚ್ಚು ಹೋಲಿಕೆ ಇರುವ ಚೆಲುವೆ ಅಂದರೆ ತಪ್ಪಿಲ್ಲ. ಈ ಹೋಲಿಕೆಯಿಂದಾಗಿ ಅವರ ಹೆಸರು ಬಾಲಿವುಡ್ ಉದ್ಯಮದಲ್ಲಿ ಹೆಚ್ಚು ಬೆಳೆಯಿತು. ಆಕೆಯ ಚೊಚ್ಚಲ ಚಿತ್ರದ ನಂತರ, ಅನೇಕ ಜನ ಅವರ ಕಾಲ್ ಶೀಟ್ ಗಾಗಿ ಬೆನ್ನು ಬಿದ್ದರು. ಆ ನಂತರ ಸ್ನೇಹಾ ಟಾಲಿವುಡ್‌ಗೆ ಹೋದರು. ‘ನೇನು ಮೀಕು ತೆಲುಸಾ…?, ಬೆಜುಬಾನ್ ಇಷ್ಕ್, ಅಲಾ ಮೊದಲೈಂದಿ ಮುಂತಾದ ಚಲನಚಿತ್ರಗಳಲ್ಲಿ ಅವರು ಅಭಿನಯಿಸಿದ್ದಾರೆ. ಈಗಲೂ ಆಕೆ ಐಶ್ವರ್ಯಾ ರೈಯೊಂದಿಗೆ ಇರುವ ಹೋಲಿಕೆಗಾಗಿಯೇ ಹೆಚ್ಚು ಪ್ರಸಿದ್ಧಿ.

3. ಮಹ್ಲಾಘಾ ಜಬೇರಿ

ಮಹ್ಲಾಘಾ ಇರಾನಿನ-ಅಮೇರಿಕನ್ ರೂಪದರ್ಶಿ. ಉಚ್ಚರಿಸಲು ಕಷ್ಟಕರವಾದ ಹೆಸರನ್ನು ಹೊಂದಿದ್ದರೂ ಆಕೆಯ ಹೆಸರು ಎತ್ತರಕ್ಕೆ ಏರಿದ್ದು ಐಶ್ವರ್ಯಾ ರೈ ಅವರಂತೆಯೇ ಇರುವ ಅವರ ಆಕರ್ಷಕ ಸೌಂದರ್ಯದಿಂದಾಗಿ. ಹದಿಹರೆಯದಿಂದಲೂ ಈಕೆ ಸಿನಿಮಾ ಇಂಡಸ್ಟ್ರಿಯಲ್ಲಿದ್ದವರು. ಇವರು ಮಾಡೆಲಿಂಗ್ ವೃತ್ತಿಯಲ್ಲಿದ್ದಾರೆ.

4. ಅಮುಜ್ ಅಮೃತ

ಇಂಟರ್ನೆಟ್ ಸೆನ್ಸೇಷನ್ ಆಗಿರುವ ‘ಅಮುಜ್ ಅಮೃತಾ’ ಐಶ್ವರ್ಯಾ ರೈ ಅವರ ಮತ್ತೊಂದು ಪ್ರತಿರೂಪ. ಅವರು ತಮಿಳು‌ಚಿತ್ರ ಮಣಿರತ್ನಂರ ‘ಇರುವರ್’ ಚಲನಚಿತ್ರದ ಐಶ್ವರ್ಯಾ ಅವರ ಲುಕ್ ಅನ್ನು ಕಾಪಿ ಮಾಡಿ ಸಾಕಷ್ಟು ಫೇಮಸ್ ಆದರು. ಅದರ ನಂತರ, ಅಮುಜ್ Instagram ಮತ್ತು Tik Tok ನಂತಹ ದೊಡ್ಡ ಸಾಮಾಜಿಕ ಮಾಧ್ಯಮ ಸೈಟ್‌ಗಳಲ್ಲಿ ಹೆಸರು ಮಾಡಿದರು.

5. ಮಾನಸಿ ನಾಯ್ಕ್

ಈ ಪಟ್ಟಿಯಲ್ಲಿ ಅತ್ಯಂತ ಪ್ರಸಿದ್ಧ ವ್ಯಕ್ತಿ ಎಂದರೆ ಮರಾಠಿ ನಟಿ, ಮಾನಸಿ ನಾಯಕ್. ಇವರು 35 ವರ್ಷ ವಯಸ್ಸಿನವರು. ಮರಾಠಿ ಚಿತ್ರೋದ್ಯಮದ ಅತ್ಯುತ್ತಮ ನಟಿಯರಲ್ಲಿ ಒಬ್ಬರು. ಅವರ ಪ್ರಸಿದ್ಧ ಚಲನಚಿತ್ರಗಳೆಂದರೆ ‘ತೀನ್ ಬಾಯ್ಕಾ ಫಜಿತಿ ಐಕಾ, ‘ತುಕ್ಯಾ ತುಕ್ವಿಲಾ ನಾಗ್ಯಾ ನಾಚ್ವಿಲಾ, ಮರ್ಡರ್ ಮೇಸ್ತ್ರಿ, ಇತ್ಯಾದಿ. ಕಳೆದ ವರ್ಷದ ಜನವರಿಯಲ್ಲಿ, ಮಾನಸಿ ಪ್ರದೀಪ್ ಖರೇರಾ ಎಂಬ ಬಾಕ್ಸರ್‌ ಜೊತೆ ಮದುವೆ ಆದರು. ಈಕೆ ನೃತ್ಯಗಾರ್ತಿಯೂ ಹೌದು. ಐಶ್ವರ್ಯಾ ರೈ ಅವರ ಲುಕ್ ಅನ್ನು ನಕಲು ಮಾಡಿ ಅಂತರ್ಜಾಲದಲ್ಲಿ ಈಕೆ ಬೆಳೆದರು.

6. ಆಶಿತಾ ರಾಥೋಡ್

ಸಾಮಾಜಿಕ ಮಾಧ್ಯಮ ಬಳಕೆದಾರರು Instagram ನಲ್ಲಿ ಈಕೆಯ ಪ್ರೊಫೈಲ್ ಅನ್ನು ಗುರುತಿಸಬಹುದು. ಆಶಿತಾ ರಾಥೋಡ್ ಅವರು ಐಶ್ವರ್ಯಾ ರೈ ಬಚ್ಚನ್ ಅವರಂತೆ ಕಾಣುತ್ತಾರೆ ಎಂಬ ಕಾರಣಕ್ಕೆ ಈಕೆ ಇತ್ತೀಚಿನ ಇಂಟರ್ನೆಟ್ ಸೆನ್ಸೇಶನ್ ಆಗಿದ್ದಾರೆ. ಇಂದೋರ್ ಮೂಲದ ಆಶಿತಾ ಪ್ರಸ್ತುತ 34 ಸಾವಿರಕ್ಕೂ ಹೆಚ್ಚು ಇನ್‌ಸ್ಟಾಗ್ರಾಮ್ ಫಾಲೋಯರ್ಸ್ ಹೊಂದಿದ್ದಾರೆ.

🔸 ಪೀಪಲ್‌ ಗ್ರೂಪ್‌ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ
https://chat.whatsapp.com/G94DLKaJrsBH07M7DvkqRo

ಇದನ್ನೂ ನೋಡಿ: ದೇಶ ವಿಭಜನೆಯಾಗಿದ್ದು ಹೇಗೆ? ಮತ್ತು ದೇಶ ವಿಭಜನೆಯಾಗಲೇ ಬೇಕು ಎಂದವರು ಯಾರು ? ಬನ್ನಿ ಸ್ನೇಹಿತರೆ ದೇಶ ವಿಭಜನೆಯಾದ ಹಿಂದಿನ ಸತ್ಯವನ್ನು ತಿಳಿಯೋಣ

 ಸೋಷಿಯಲ್ ಮೀಡಿಯಾಗಳಲ್ಲಿ ಎಲ್ಲರನ್ನೂ ನಗೆಗಡಲಿನಲ್ಲಿ ತೇಲಿಸಿ, ತಮ್ಮ ಪಂಚ್ ತುಂಬಿದ ಮಾತುಗಳು ಮತ್ತು ಮತನಾಡುವ ಶೈಲಿಯಿಂದ ಎಲ್ಲರನ್ನೂ ಮೋಡಿ ಮಾಡಿರುವ ಸೋಷಿಯಲ್ ಮೀಡಿಯಾ ಸ್ಟಾರ್, ಆರ್​ ಜೆ ಅಯ್ಯೋ ಶ್ರದ್ಧಾ ಅವರು ಬಾಲಿವುಡ್​​ಗೆ ಎಂಟ್ರಿ ಕೊಟ್ಟಿದ್ದಾರೆ. ಈಗ ಅವರು ಡಾಕ್ಟರ್ ಜಿ ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಅಯ್ಯೋ ಶ್ರದ್ಧಾ ಎನ್ನುವ ಹೆಸರು ಸೋಷಿಯಲ್ ಮೀಡಿಯಾಗಳಲ್ಲಿ ಆಕ್ಟಿವ್ ಆಗಿರುವವರಿಗೆ ತುಂಬಾ ಪರಿಚಿತ. ಸೋಷಿಯಲ್ ಮೀಡಿಯಾ ಬಳಸುವವರೆಲ್ಲ ಈ ಹುಡುಗಿಯ ಮಾತಿನ ಮೋಡಿಗೆ ಮರುಳಾಗಿದ್ದಾರೆ. ಈಗಲೇ ತಮ್ಮ ಅಭಿಮಾನಿಗಳಿಗೆ ನೀಡುವ ಮನರಂಜನೆಯನ್ನು ನೆಕ್ಸ್ಟ್ ಲೆವೆಲ್ಲಿಗೆ ಕೊಂಡೊಯ್ಯುತ್ತಿದ್ದಾರೆ ಶ್ರದ್ಧಾ.

ಸೋಶಿಯಲ್ ಮೀಡಿಯಾಗಳಲ್ಲಿ ನಮ್ಮ ದಿನನಿತ್ಯದ ಜೀವನದಲ್ಲಿ ನಡೆಯುವ ಸಣ್ಣ ಸಣ್ಣ ವಿಷಯಗಳನ್ನೇ ಆಯ್ದುಕೊಂಡು ಅದಕ್ಕೇ ತಮ್ಮದೇ ಆದ ಟಚ್ ಕೊಟ್ಟು, ಕಣ್ಣಿಗೆ ಕಟ್ಟುವಂತೆ ಮನಸಿಗೆ ಮುಟ್ಟುವಂತೆ ಶಾರ್ಟ್ ವಿಡಿಯೋಗಳನ್ನು ಮಾಡಿ ಮನರಂಜಿಸೋ ಶ್ರದ್ಧಾ ಅವರ ಈ ಟ್ಯಾಲೆಂಟ್​ಗೆ ಕನ್ನಡಿಗರು ಮಾತ್ರವಲ್ಲ, ದೇಶಾದ್ಯಂತ ಅಭಿಮಾನಿಗಳಿದ್ದಾರೆ.

ಈಗ ಕನ್ನಡದ ಪ್ರತಿಭೆ ಗಡಿ ದಾಟಿ ಬಾಲಿವುಡ್ಡಿಗೆ ಕಾಲಿಟ್ಟಿದೆ. ಈಗ  ಬಾಲಿವುಡ್ ಸಿನಿಮಾದಲ್ಲಿ ನಟಿಸುತ್ತಿರೋದು ಆಯುಷ್ಮಾನ್ ಖುರಾನ ಜೊತೆ ಅನ್ನೋದು ವಿಶೇಷ. ಶ್ರದ್ಧಾ ಅವರು ಈ ಗುಡ್ ನ್ಯೂಸ್ ಅನ್ನು ಇನ್​ಸ್ಟಗ್ರಾಮ್ ಪೋಸ್ಟ್ ಮೂಲಕ ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

ತಮ್ಮ ವಿಭಿನ್ನ ಚಿತ್ರಗಳಿಗೆ ಹೆಸರುವಾಸಿ ಆಗಿರುವ ಬಾಲಿವುಡ್ ನಟ  ಆಯುಷ್ಮಾನ್ ಖುರಾನಾ ಮತ್ತು ರಕುಲ್ ಪ್ರೀತ್ ಸಿಂಗ್ ಅವರು ಡಾಕ್ಟರ್ ಜಿ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದ ಹೆಸರೇ ಹೇಳುವಂತೆ ಅವರಿಬ್ಬರಿಗೂ ಇಲ್ಲಿ ಡಾಕ್ಟರ್ ಪಾತ್ರ.

ಈ ಚಿತ್ರದ ಟ್ರೈಲರ್ ಇತ್ತೀಚೆಗೆ ಬಿಡುಗಡೆಯಾಗಿದೆ. ಅನುಭೂತಿ ಕಶ್ಯಪ್ ನಿರ್ದೇಶನದ ಈ ಚಿತ್ರದಲ್ಲಿ ಶೀಬಾ ಚಡ್ಡಾ ಮತ್ತು ಶೆಫಾಲಿ ಶಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಶ್ರದ್ಧಾ ಅವರ ಪಾತ್ರ ಏನಿರುತ್ತದೆ ಅನ್ನೋದರ ಬಗ್ಗೆ ಇನ್ನೂ ಕ್ಲಾರಿಟಿ ಇಲ್ಲ. ಆದರೆ, ಅದರ ಬಗ್ಗೆ ಕುತೂಹಲವಂತೂ ಎಲ್ಲರಿಗೂ ಇದೆ.

ಆಗಸ್ಟ್ 10 ರಂದು ಜಿಮ್ ನಲ್ಲಿ ಕಸರತ್ತು ಮಾಡುವಾಗ ಎದೆನೋವು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ತಕ್ಷಣವೇ ಆಸ್ಪತ್ರೆಗೆ ದಾಖಲಾಗಿದ್ದರು. ಸುಮಾರು ಒಂದೂವರೆ ತಿಂಗಳ ಸುದೀರ್ಘ ಚಿಕಿತ್ಸೆಯಲ್ಲಿ ಬಹು ಅಂಗಾಂಗ ವೈಫಲ್ಯಕ್ಕೆ ನಟ ರಾಜು ಶ್ರೀವಾಸ್ತವ್ ತುತ್ತಾಗಿದ್ದರು.

ಬಾಲಿವುಡ್ ನ ಘಟಾನುಘಟಿ ನಾಯಕರುಗಳ ಜೊತೆಗೆ ತೆರೆ ಹಂಚಿಕೊಂಡಿದ್ದ ನಟ ರಾಜು ಶ್ರೀವಾಸ್ತವ್ ಅವರ ನಿಧನಕ್ಕೆ ಬಾಲಿವುಡ್ ನ ಅನೇಕ ಮಂದಿ ಸಂತಾಪ ಸೂಚಿಸಿದ್ದಾರೆ‌.