ಬರ್ಮಿಂಗ್ ಹ್ಯಾಮ್‌ನ ಕಾಮನ್ ವೆಲ್ತ್ ಗೇಮ್ಸ್ 2022 ಕ್ರೀಡಾ ಕೂಟದಲ್ಲಿ ಭಾಗವಹಿಸಿ ಪದಕ ಗಳಿಸಿದ ಭಾರತದ ಆಟಗಾರರ ಜೊತೆ ಇಂದು ತಮ್ಮ ನಿವಾಸದಲ್ಲಿಯೇ ಬೇಟಿಯಾಗಿ ಸಂವಾದ ನಡೆಸಿದರು.

ದೇಶವು ಅಜಾದಿ ಕಾ ಅಮೃತ ಮಹೋತ್ಸವ ಆಚರಿಸುತ್ತಿರುವ ಸಂದರ್ಭದಲ್ಲಿ ನೀವು ನಿಮ್ಮ ಕಠಿಣ ಪರಿಶ್ರಮ ಮತ್ತು ಶ್ರದ್ಧೆಯಿಂದ ಕ್ರೀಡಾ ಕ್ಷೇತ್ರದಲ್ಲಿಯೂ ಮಾಡಿರುವ ಈ ಸಾಧನೆ ದೇಶಕ್ಕೆ ಬಹಳಷ್ಟು ಹೆಮ್ಮೆ ತಂದಿದೆ ಎಂದು ಹೇಳಿದ್ದಾರೆ.

ಈ ಕುರಿತು ಪ್ರಧಾನಿಯವರೇ ತಮ್ಮ ಟ್ವಟರ್ ಖಾತೆಯ ಮೂಲಕ ‘ಇಡೀ ದೇಶವೇ ಹೆಮ್ಮೆ ಪಡುವ ಸಾಧನೆ ಮಾಡಿದ್ದಿರಿ’ ಎಂದು ಅಭಿನಂದನೆ ವ್ಯಕ್ತಪಡಿಸಿದ್ದಾರೆ.

ಪ್ರಿಯಾಂಕ ಗೋಸ್ವಾಮಿಯವರು ಕಾಮನ್‌ವೆಲ್ತ್‌ ಕೂಟದಲ್ಲಿ ವೇಗದ ನಡಿಗೆಯಲ್ಲಿ ಪದಕ ಗೆದ್ದ ಮೊದಲ ಭಾರತೀಯ ಮಹಿಳೆ ಎಂಬ ದಾಖಲೆಗೆ ಪಾತ್ರರಾದರು. ಅವರು 43ನಿಮಿಷ 38 ಸೆಕೆಂಡ್ಸ್‌ ನಲ್ಲಿ ಗುರಿ ತಲಪಿದರು. ಆಸ್ಟ್ರೇಲಿಯಾದ ಜೆಮಿಮಾ ಮೊಂಟಾಗ್‌ 42ನಿಮಿಷ 34ಸೆಕೆಂಡ್ಸ್‌ನಲ್ಲಿ ಗುರಿ ತಲಪಿ ಚಿನ್ನದ ಪದಕ ಮುಡಿಗೇರಿಸಿಕೊಂಡರು. ಕೀನ್ಯಾದ ವಮುಸ್ಯಿ ಎನ್‌ಗಿ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡರು.

ಪುರುಷರ ಸ್ಟೀಪಲ್‌ ಚೇಸ್‌ ಪಂದ್ಯದಲ್ಲಿ ಭಾರತದ ಅವಿನಾಶ ಮುಕುಂದ್‌ ಸಬ್ಲೆ ಅವರು ಬೆಳ್ಳಿ ಪದಕ ಜಯಿಸಿದ್ದಾರೆ. 3,000 ಮೀಟರ್‌ ಸ್ಟೀಪಲ್‌ ಚೇಸ್‌ನಲ್ಲಿ ಅವಿನಾಶ್‌ ರಾಷ್ಟ್ರೀಯ ದಾಖಲೆಯನ್ನು 9ನೇ ಬಾರಿಗೆ ಮುರಿದು 8.11.20 ರಲ್ಲಿ ಗುರಿ ತಲಪಿದರು. ಆ ಮೂಲಕ ಭಾರತದ ಮೊತ್ತ ಮೊದಲ ಸ್ಟೀಪಲ್ ಚೇಸ್‌ ಪದಕವನ್ನು ಜಯಿಸಿದರು.

ಇದೀಗ ಭಾರತ ಪದಕ ಪಟ್ಟಿಯಲ್ಲಿ ಐದನೇ ಸ್ಥಾನವನ್ನು ಅಲಂಕರಿಸಿದೆ. ಭಾರತ ಇದುವರೆಗೆ ಒಟ್ಟು ಒಂಭತ್ತು ಚಿನ್ನ, ಹತ್ತು ಬೆಳ್ಳಿ ಮತ್ತು ಒಂಭತ್ತು ಕಂಚಿನ ಪದಕ ಗೆದ್ದುಕೊಂಡಿದೆ.

ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಟಾಸ್‌ ಗೆದ್ದ ಆಸ್ಟ್ರೇಲಿಯಾ ತಂಡ  ಮೊದಲು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿತು. ನಂತರ ಕಣಕ್ಕೆ ಇಳಿದ ಆಸ್ಟ್ರೇಲಿಯಾ ಆಟಾಗಾರ್ತಿ ಅಲಸ್ಯಾ ಹೀಲಿ  7 ರನ್‌ ಇರುವಾಗಲೇ ರೇಣುಕಾ ಸಿಂಗ್ ಬೌಲಿಂಗ್‌ ದಾಳಿಗೆ ಎಲ್ ಬಿಡಬ್ಲ್ಯು ಆಗಿ ಪೆವಿಲಿಯನ್‌ ಸೇರಿದರು. ಆದರೆ ಎರಡನೇ ವಿಕೆಟ್‌ಗೆ ಜೊತೆಯಾದ ಆರಂಭಿಕ ಆಟಗಾರ್ತಿ ಬೆತ್‌ ಮೂನಿ ಹಾಗೂ ನಾಯಕಿ ಮೆಗ್‌ ಲ್ಯಾನಿಂಗ್‌, 72 ರನ್‌ ಕಲೆಹಾಕಿದರೆ. ಮೂನಿ 41 ಎಸೆತಗಳಲ್ಲಿ 61 ರನ್ ಗಳಿಸಿದರು, ಅವರೊಂದಿಗೆ ಉತ್ತಮ ಪಾಟ್ನರಶಿಪ್‌ ಗಳಿಸಿದ  ಮೆಗ್‌, 36 ರನ್ ಬಾರಿಸಿದರು. ಹೀಗಾಗಿ ಆಸಿಸ್‌ ತಂಡ 20 ಓವರ್‌ಗಳಲ್ಲಿ 8 ವಿಕೆಟ್‌ ಕಳೆದುಕೊಂಡು 161 ರನ್ ಕಲೆಹಾಕಿತು.

161 ಗುರಿಯತ್ತ ಸಾಗಿದ ಭಾರತ ತಂಡಕ್ಕೆ ಮೊದಲೇ ಆಘಾತಕ್ಕೆ ಸಿಲುಕಿತು. ಭಾರತ ತಂಡದ ಭರವಸೆಯ ಆಟಗಾರ್ತಿ ಸ್ಮೃತಿ ಮಂದಾನ 6 ರನ್‌ ಗಳಿಸಿ ಹಾಗೂ ಶೆಫಾಲಿ ವರ್ಮಾ 11 ರನ್‌ ಗಳಿಸಿ ತಂಡಕ್ಕೆ ಆಸರೆಯಾಗದೆ ಬೇಗ ಪವಲಿಯನ್‌ ಸೇರಿದರು. ಆದರೆ ಭರವಸೆ ಆಟವಾಡಿ ನಾಯಕಿ ಹರ್ಮನ್‌ಪ್ರೀತ್ ಕೌರ್‌ ಮತ್ತು ಜೆಮಿಯಾ ರಾಡ್ರಿಗಸ್‌ ತಂಡಕ್ಕೆ ಆಸರೆಯಾದರು. 96 ರನ್‌ ಜೊತೆಯಾಟವಾಡಿದ ಈ ಜೋಡಿ ತಂಡಕ್ಕೆ ಗೆಲುವಿನ ಭರವಸೆ ಹುಟ್ಟಿಸಿದರು. 

ಆದರೆ ಜೊತೆಯಾಟವನ್ನ ಬೇರ್ಪಡಿಸಿದ ಮೇಘನ್‌ ಸ್ಕಟ್‌ ಭಾರತದ ಗೆಲುವಿನ ಹಾದಿಯನ್ನು ದಿಕ್ಕುತಪ್ಪಿಸಿದರು. ನಂತರ ಬಂದ ಆಟಗಾರ್ತಿಯರು ಉತ್ತಮ ಬ್ಯಾಟಿಂಗ್‌ ಪ್ರದರ್ಶನ ನೀಡದ ಕಾರಣ 19.3 ಓವರ್ ಗಳಿಗೆ ಆಲ್‌ ಔಟ್‌ ಆಗಿ 152 ರನ್‌ ಕಲೆಹಾಕಿ ಆಸಿಸ್‌ ವಿರುದ್ಧ ಮಣಿದರು.

ಅತ್ಯತ್ತಮ ಪ್ರದರ್ಶನ ನೀಡಿದ ಆಸಿಸ್‌ ತಂಡ  ಕಾಮನ್‌ ವೆಲ್ತ್‌ ಗೇಮ್ಸ್‌ ಮಹಿಳಿಯರ ಕ್ರಿಕೆಟ್‌ ನಲ್ಲಿ ದಾಖಲೆ ಮಾಡುವುದರೊಂದಿಗೆ ದೇಶಕ್ಕೆ ಚಿನ್ನದ ಪದಕಗಳಿಸಿ ಕೊಟ್ಟಿತು.  ಇದರ ಜೊತೆಗೆ ಉತ್ತಮ ಪ್ರದರ್ಶನ ನೀಡಿದ ಭಾರತ ತಂಡ ಬೆಳ್ಳಿಗಳಿಸಿ ಅಷ್ಟಕ್ಕೆ ತೃಪ್ತಿಹೊಂದಿದೆ.

ಮಹಿಳೆಯರ 10 ಕಿಮೀ ರೇಸ್‌ವಾಕ್‌ನಲ್ಲಿ  43:38.00 ನಿಮಿಷದಲ್ಲಿ ಗುರಿ ತಲುಪಿ ಬೆಳ್ಳಿ ಪದಕವನ್ನು ತಮ್ಮದಾಗಿಸಿಕೊಂಡರು. ಈ ಹಿನ್ನಲೆಯಲ್ಲಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರು ಟ್ವೀಟ್ ಮೂಲಕ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.

https://twitter.com/narendramodi/status/1555881491795697664?s=20&t=sC_R5Qg2cFt9trBOka7XLA

ಅದೇ ದಿನ ಕೆಲವು ನಿಮಿಷಗಳ ನಂತರ ಮಹಿಳೆಯರ 62 ಕೆಜಿ ವಿಭಾಗದಲ್ಲಿ, ಭಾರತದ ಸಾಕ್ಷಿ ಮಲ್ಲಿಕ್ ಅವರು ಕೆನಾಡದ ಅನಾ ಗೊನ್ಜಾಲೆಜ್ ಅವರನ್ನು ಹಿಂದಿಕ್ಕಿ ಭಾರತಕ್ಕೆ ಎರಡನೇ ಚಿನ್ನದ ಪದಕವನ್ನು ಮತ್ತು 86 ಕೆಜಿ ಪುರುಷರ ವಿಭಾಗದಲ್ಲಿ ಪಾಕಿಸ್ತಾನದ ಮುಹಮ್ಮದ್ ಇನಾಮ್ ಅವರನ್ನು ಸೋಲಿಸುವ ಮೂಲಕ ಭಾರತದ ದೀಪಕ್ ಪುನಿಯಾ ಭಾರತಕ್ಕೆ ಕುಸ್ತಿಯಲ್ಲಿ ಮೂರನೇ ಚಿನ್ನದ ಪದಕವನ್ನು ತಂದು ಕೊಟ್ಟಿದ್ದಾರೆ.

ಶ್ರೀಶಂಕರ್‌ ಅವರು ತಮ್ಮ ಐದನೇ ಜಿಗಿತದ ಮೂಲಕ ಈ ಸಾಧನೆಯನ್ನು ಸಾಧಿಸಿದರು,

ಬಹಮಾಸ್‌ನ ಲಕ್ವಾನ್ ನಾಯರ್ನ್ ಕೂಡ 8.08 ಮೀಟರ್‌ಗಳ ಅತ್ಯುತ್ತಮ ಜಿಗಿತವನ್ನು ಹೊಂದಿದ್ದ ಕಾರಣ ಇಬ್ಬರು ಸಮಬಲ ಪ್ರದರ್ಶನ ತೋರಿದ್ದರು. ನಂತರ ಇಬ್ಬರಿಗೂ ನೀಡಿದ ಅವಕಾಶದಲ್ಲಿ ಶ್ರೀಶಂಕರ್ ಅವರು 7.84 ಮೀಟರ್‌ ಜಿಗಿದರೆ, ನಾಯರ್ನ್ 7.98 ಮೀಟರ್‌ ಜಿಗಿದು ಚಿನ್ನಕ್ಕೆ ಕೊರಳೊಡ್ಡಿದರು. 

ದಕ್ಷಿಣ ಆಫ್ರಿಕಾದ ಜೋವನ್ ವ್ಯಾನ್ ವುರೆನ್ (8.06 ಮೀ) ಕಂಚಿನ ಪದಕ ಪಡೆದರು. ಹಾಗೆಯೇ ಸ್ಪರ್ಧೆಯಲ್ಲಿದ್ದ ಭಾರತದ ಮತ್ತೊಬ್ಬ ಆಟಗಾರ ಮುಹಮ್ಮದ್ ಅನೀಸ್ ಯಾಹಿಯಾ 7.97ಮೀ ಜಿಗಿತದೊಂದಿಗೆ ಐದನೇ ಸ್ಥಾನ ಪಡೆದರು.

ಸಿಡಬ್ಲ್ಯೂಜಿಯಲ್ಲಿ ಭಾರತದ ಪುರುಷ ಲಾಂಗ್ ಜಂಪ್‌ ನಲ್ಲಿ ಶ್ರೀಶಂಕರ್ ಅವರು ಬೆಳ್ಳಿಗೆ ಕೊರಳೊಡ್ಡಿ ಭಾರತಕ್ಕೆ ಮತ್ತೊಂದು ಪದಕದ ಸಂಖ್ಯೆಯನ್ನು ಹೆಚ್ಚಿಸಿದರು. 

27 ವರ್ಷದ ಸುಧೀರ್ ಪೋಲಿಯೊ ಕಾರಣದಿಂದ ಅಂಗವೈಕಲ್ಯ ಹೊಂದಿದ್ದು ಏಷಿಯನ್ ಪ್ಯಾರ ಗೇಮ್ಸ್ನಲ್ಲಿ ಕಂಚಿನ ಪದಕ ಗೆದ್ದು ತಮ್ಮ ಖಾತೆ ತೆÀರೆದಿದ್ದರು. ಕಾಮನ್‌ವೆಲ್ತ್ ಗೇಮ್ಸ್ನ ಹೆವಿವೇಯ್ಟ್ ಪ್ಯಾರ ಪವರ್‌ಲಿಫ್ಟಿಂಗ್‌ನ ಮೊದಲ ಪ್ರಯತ್ನದಲ್ಲಿ 208 ಕೆ.ಜಿ. ಯನ್ನು ಎತ್ತಿದರು. ಎರಡನೇ ಪ್ರಯತ್ನದಲ್ಲಿ ೨೧೨ ಕೆ.ಜಿ.ಗೆ ಹೆಚ್ಚಿಸಿಕೊಂಡರು. ಈ ಮೂಲಕ 134.5 ಅಂಕಗಳನ್ನು ಗಳಿಸಿ ಹೊಸ ದಾಖಲೆಯನ್ನು ನಿರ್ಮಿಸಿದ್ದಾರೆ.

ಕಾಮನ್‌ವೆಲ್ತ್ ಗೇಮ್ಸ್ನ 7 ನೇ ದಿನದಲ್ಲಿ ಭಾರತ ಚಿನ್ನ ಮತ್ತು ಬೆಳ್ಳಿಯ ಎರಡು ಪದಕಗಳನ್ನು ಮೂಡಿಗೇರಿಸಿಕೊಂಡಿದೆ. ಆರು ಚಿನ್ನ, ಏಳು ಬೆಳ್ಳಿ ಮತ್ತು ಏಳು ಕಂಚಿನ ಪದಕಗಳೊಂದಿಗೆ ಭಾರತ ಪ್ರಸ್ತುತ ಪದಕ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದೆ.

ಬುಧವಾರ ನಡೆದ ಎರಡು ಸ್ಪರ್ಧೆಯಲ್ಲಿ ಗೆದ್ದ ತುಲಿಕಾ ಮಾನ್ ಚಿನ್ನದ ಬೇಟೆಗೆ ಲಗ್ಗೆ ಇಟ್ಟಿದ್ದರು. ಫೈನಲ್‌ನಲ್ಲಿ ತುಲಿಕಾ ಮುನ್ನಡೆಯಲ್ಲಿದ್ದರೂ, ಅದ್ಲಿಂಗ್ಟನ್ ತಮ್ಮ ನಿರ್ಣಾಯಕ ನಡೆಯಿಂದ ಭಾರತೀಯ ಪಟುವನ್ನು ಕೆಳಕ್ಕೆ ಬೀಳಿಸಿ ಚಿನ್ನದ ಪದಕವನ್ನು ತಮ್ಮದಾಗಿಸಿಕೊಂಡರು. ಕೇವಲ ೩೦ ಸೆಂಕಡ್ ಪಂದ್ಯ ಬಾಕಿ ಇರುವಾಗ ಅದ್ಲಿಂಗ್ ತಮ್ಮ ಬಲಶಾಲಿ ಎಸೆತದಿಂದ ತುಲಿಕಾ ಅವರನ್ನು ಮ್ಯಾಟ್ ಮೇಲೆ ಬೀಳಿಸಿದರು.

ಈ ಮೂಲಕ ಬರ್ಮಿಂಗ್‌ಹ್ಯಾಂನ ಕಾಮನ್‌ವೆಲ್ತ್ ಜ್ಯೂಡೊ ಸ್ಫರ್ಧೆಯಲ್ಲಿ ೨೩ ವಯಸ್ಸಿನ ದೆಹಲಿ ಪಟು ತುಲಿಕಾ ಮಾನ್ ಭಾರತಕ್ಕೆ ಮೂರನೇ ಪದಕ ತಂದು ಕೊಟ್ಟರು.

ಲವ್‌ಪ್ರೀತ್ ಸ್ನ್ಯಾಚ್‌ನಲ್ಲಿ 163 ಕೆಜಿ ಮತ್ತು ಕ್ಲೀನ್ ಮತ್ತು ಜರ್ಕ್‌ನಲ್ಲಿ 192 ಕೆಜಿ ಸೇರಿದಂತೆ ಒಟ್ಟು 355 ಕೆಜಿ ಎತ್ತಿದರು. ಕ್ಯಾಮರೂನ್‌ನ ಜೂನಿಯರ್ ನ್ಯಾಬೆಯು ಒಟ್ಟು 361 ಕೆಜಿ ತೂಕದೊಂದಿಗೆ ಚಿನ್ನ ಗೆದ್ದರೆ, ಸಮೋವನ್ ಜ್ಯಾಕ್ ಒಪೆಲೋಗ್ 358 ಕೆಜಿ ಪ್ರಯತ್ನದಲ್ಲಿ ಬೆಳ್ಳಿ ಗೆದ್ದರು.

ಏತನ್ಮಧ್ಯೆ, 26 ವರ್ಷದ ಚೊಚ್ಚಲ ಆಟಗಾರ ಗುರ್ದೀಪ್ ಪೋಡಿಯಂ ಫಿನಿಶ್‌ಗಾಗಿ 390 ಕೆಜಿ (167 ಕೆಜಿ + 223 ಕೆಜಿ) ಎತ್ತುವ ಅತ್ಯುತ್ತಮ ಪ್ರಯತ್ನವನ್ನು ಮಾಡಿದರು. 

ಬರ್ಮಿಂಗ್‌ಹ್ಯಾಮ್‌ನಲ್ಲಿ ನಡೆಯುತ್ತಿರುವ  ವೇಟ್‌ಲಿಫ್ಟಿಂಗ್‌ ಕೀಡಾಕೂಟದ ವಿಭಾಗದಲ್ಲಿ ಭಾರತ ಮೂರು ಚಿನ್ನ, ಮೂರು ಬೆಳ್ಳಿ ಮತ್ತು ನಾಲ್ಕು ಕಂಚು ಸೇರಿದಂತೆ 10 ಪದಕಗಳನ್ನು ತಮ್ಮದಾಗಿಸಿಕೊಂಡಿದೆ.