EVM ಗಳ ವಿನ್ಯಾಸ ಮತ್ತು ಕಾರ್ಯವೈಖರಿ ಕುರಿತು ಹಲವಾರು ನಿರ್ದಿಷ್ಟ ಪ್ರಶ್ನೆಗಳೊಂದಿಗೆ INDIA ಪಕ್ಷಗಳು ಭಾರತೀಯ ಚುನಾವಣಾ ಆಯೋಗಕ್ಕೆ ವಿವರವಾದ ಮೆಮೊರಾಂಡಮ್ ಅನ್ನು ಸಲ್ಲಿಸಿವೆ. ದುರದೃಷ್ಟವಶಾತ್, ಈ ಜ್ಞಾಪಕ ಪತ್ರದ ಮೇಲೆ INDIA ನಿಯೋಗವನ್ನು ಭೇಟಿ ಮಾಡಲು ಈವರೆಗೂ ಚುನಾವಣಾ ಆಯೋಗ ಉತ್ಸುಕತೆ ತೋರಿಲ್ಲ ಎಂದು ತಿಳಿದು ಬಂದಿದೆ.

ಎಲೆಕ್ಟ್ರಾನಿಕ್ ಓಟಿಂಗ್ ಮಷಿನ್ ಗಳ ಕಾರ್ಯನಿರ್ವಹಣೆಯ ಸಮಗ್ರತೆಯ ಬಗ್ಗೆ ಈ ಹಿಂದಿನಿಂದಲೂ ಹಲವಷ್ಟು ಅನುಮಾನಗಳು ಕೇಳಿ ಬಂದಿತ್ತು. INDIA ಮೈತ್ರಿಕೂಟದ ಸಭೆಯಲ್ಲೂ ಈ ಬಗ್ಗೆ ಚರ್ಚೆ ನಡೆದಿದ್ದು, ಮಂಗಳವಾರ ನಡೆದ ರಾಷ್ಟ್ರೀಯ ಮತ್ತು ಪ್ರಾದೇಶಿಕ ಪಕ್ಷಗಳು ಪುನರುಚ್ಚರಿಸಿವೆ. ಈ ಹಿಂದೆಯೂ ಅನೇಕ ತಜ್ಞರು ಮತ್ತು ವೃತ್ತಿಪರರು ಕೂಡ ಅನುಮಾನಗಳನ್ನು ಈ ಹಿಂದೆಯೂ ವ್ಯಕ್ತಪಡಿಸಿದ್ದು ಇಲ್ಲಿ ಮತ್ತೆ ನೆನಪಿಸಬೇಕು.

ಮುಕ್ತ ಮತ್ತು ನ್ಯಾಯಸಮ್ಮತ ಚುನಾವಣೆಗಳಲ್ಲಿ ಜನರ ಸಂಪೂರ್ಣ ವಿಶ್ವಾಸವನ್ನು ಪಡೆಯಲು ಚುನಾವಣಾ ಆಯೋಗ ಮುಂದಾಗಬೇಕು ಎಂದು ಮೈತ್ರಿಕೂಟ ಅಭಿಪ್ರಾಯ ಪಟ್ಟಿದೆ. ಹಾಗೂ ಈ ಬಗ್ಗೆ ಚುನಾವಣಾ ಆಯೋಗವನ್ನು ಒತ್ತಾಯಿಸಲು ಮುಂದಾಗಿವೆ.

ಅದರಂತೆ ಮತದಾನದ ನಂತರ ಬರುವ EVM ನ ಒಂದು ಭಾಗವಾಗಿರುವ VV PAT ಕಡೆಯಿಂದ ಬರುವ ಸ್ಲಿಪ್ ಗಳನ್ನು ಮತದಾರರಿಗೇ ಹಸ್ತಾಂತರಿಸಬೇಕು. ನಂತರ ಆ ಸ್ಲಿಪ್ ಗಳನ್ನು ಮತದಾರ ಪರಿಶೀಲಿಸಿದ ನಂತರವೇ ಅದನ್ನು ಪ್ರತ್ಯೇಕ ಮತಪೆಟ್ಟಿಗೆಯಲ್ಲಿ ಇರಿಸಬೇಕು. ಇದು ಮುಕ್ತ ಮತ್ತು ನ್ಯಾಯಸಮ್ಮತವಾಗಿ ಇರುತ್ತದೆ. ಚುನಾವಣಾ ಆಯೋಗ ಈ ನಿರ್ಧಾರ ತಗೆದುಕೊಂಡರೆ ಜನರ ವಿಶ್ವಾಸವನ್ನು ಇನ್ನಷ್ಟು ಹತ್ತಿರಕ್ಕೆ ತಗೆದುಕೊಂಡಂತೆ ಎಂದು ಮೈತ್ರಿಕೂಟ ಅಭಿಪ್ರಾಯ ಪಟ್ಟಿದೆ.

ʼಇವಿಎಂಗಳು ಕಾರ್ಯನಿರ್ವಹಿಸದಿರುವ ಬಗ್ಗೆ ನಾವು ಲಿಖಿತ ದೂರನ್ನು ಸಲ್ಲಿಸಿದ್ದೇವೆ, ಹೀಗಾಗಿ ಅವುಗಳನ್ನು ಬದಲಾಯಿಸಲು ಸಾಕಷ್ಟು ಸಮಯ ತೆಗೆದುಕೊಳ್ಳಲಾಗುತ್ತಿದೆ. ಇವಿಎಂಗಳು ಕೆಲಸ ಮಾಡದ ಸ್ಥಳಗಳ ಪಟ್ಟಿಯನ್ನು ನಾವು ಸಲ್ಲಿಸಿದ್ದೇವೆ. ಈ ಸಮಸ್ಯೆ ಸುಮಾರು 50 ಮತಗಟ್ಟೆಗಳಲ್ಲಿ ಉದ್ಭವಿಸಿದ್ದು, ಅವುಗಳಲ್ಲಿ ಹೆಚ್ಚಿನವು ಜಾಮ್ ನಗರ ಮತ್ತು ರಾಜ್ಕೋಟ್ ಸೇರಿದಂತೆ ಸೌರಾಷ್ಟ್ರದಲ್ಲಿವೆ. ಇವುಗಳನ್ನು ಆದಷ್ಟುಬೇಗ ಸರಿಪಡಿಸಬೇಕು, ಇದರಿಂದ ಗರಿಷ್ಠ ಮತದಾನ ನಡೆಯಬಹುದುʼ ಎಂದು ಕಾಂಗ್ರೆಸ್ ರಾಷ್ಟ್ರೀಯ ವಕ್ತಾರ ಅಲೋಕ್ ಶರ್ಮಾ ಹೇಳಿದ್ದಾರೆ.

‘ಎರಡನೆಯ ದೂರು ಮಾಧ್ಯಮಗಳು ಬಿಜೆಪಿಯ ದೃಶ್ಯ ಅಥವಾ ಬೈಟ್ ಗಳನ್ನು ಮತದಾರರ ಮೇಲೆ ಪ್ರಭಾವ ಬೀರುವ ರೀತಿಯಲ್ಲಿ ತೋರಿಸುತ್ತಿವೆ. ಇದು ಜನಾಭಿಪ್ರಾಯ ಸಮೀಕ್ಷೆಗಳು ಅಥವಾ ಚುನಾವಣೋತ್ತರ ಸಮೀಕ್ಷೆಗಳನ್ನು ಪ್ರಸಾರ ಮಾಡುವ ಚುನಾವಣಾ ಆಯೋಗದ ಮಾರ್ಗಸೂಚಿಗಳಿಗೆ ವಿರುದ್ಧವಾಗಿದೆ’ ಎಂದು ಶರ್ಮಾ ಹೇಳಿದರು. ಇವಿಎಂಗಳನ್ನು ಸರಿಪಡಿಸುವ ಮತ್ತು ಸೂಕ್ತ ಕ್ರಮ ತೆಗೆದುಕೊಳ್ಳುವ ಭರವಸೆಯನ್ನು ಚುನಾವಣಾ ಆಯೋಗವು ಕಾಂಗ್ರೆಸ್ ಗೆ ಭರವಸೆ ನೀಡಿದೆ ಎಂದು ಶರ್ಮಾ ತಿಳಿಸಿದ್ದಾರೆ.

ಮತದಾನದ ಆರಂಭಿಕ ಸಮಯದಲ್ಲಿ ಇವಿಎಂ ವೈಫಲ್ಯಗಳ ಬಗ್ಗೆ ಕೇಳಿದಾಗ ಉತ್ತರಿಸಿದ ಅವರು, ಗುಜರಾತ್‌ನ ಚುನಾವಣಾ ಆಯೋಗದ ಅಧಿಕಾರಿಗಳು ಡೇಟಾವನ್ನು ಸಂಗ್ರಹಿಸುತ್ತಿದ್ದು, ಅದರ ಬಗ್ಗೆ ಮಾಹಿತಿ ನೀಡಲಿದ್ದಾರೆ ಎಂದು ಹೇಳಿದರು.

ಗುಜರಾತ್ ವಿಧಾನಸಭಾ ಚುನಾವಣೆಯ ಮೊದಲ ಹಂತದಲ್ಲಿ 182 ಸ್ಥಾನಗಳ ಪೈಕಿ 89 ಸ್ಥಾನಗಳಿಗೆ ಮತದಾನ ನಡೆಯಲಿದೆ. ಎರಡನೇ ಮತ್ತು ಅಂತಿಮ ಹಂತದ ಮತದಾನವು ಡಿಸೆಂಬರ್ 5 ರ ಸೋಮವಾರದಂದು ನಿಗದಿಯಾಗಿದ್ದು, ಡಿಸೆಂಬರ್ 8 ರಂದು ಫಲಿತಾಂಶ ಪ್ರಕಟವಾಗಲಿದೆ.