ಮುಂಬೈ ಮೂಲದ ಟ್ರೈನಿ ಪೈಲಟ್‌ಗಳಾದ ಅಭಯ್ ಗದ್ರು ಮತ್ತು ಆಶ್ ರಾಮುಗಡೆ ಅವರು ಶನಿವಾರ ಬ್ರಿಟಿಷ್ ಕೊಲಂಬಿಯಾ ಪ್ರಾಂತ್ಯದಲ್ಲಿ ಸಂಭವಿಸಿದ ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ.

ಇವರಿಬ್ಬರೂ ಒಂದೇ ಕುಟುಂಬದವರು ಎಂಬುದು ಗಮನಾರ್ಹ. ಅವಳಿ-ಎಂಜಿನ್ ಹೊಂದಿದ್ದ ಹಗುರ ವಿಮಾನ, ಪೈಪರ್ ಪಿಎ -34 ಸೆನೆಕಾ, ಚಿಲ್ಲಿವಾಕ್ ಸಿಟಿ ಬಳಿಯ ಮೋಟೆಲ್‌ನ ಹಿಂದಿನ ಮರಗಳು ಮತ್ತು ಪೊದೆಗಳಿಗೆ ಇದ್ದಕ್ಕಿದ್ದಂತೆ ಅಪ್ಪಳಿಸಿತು.

ಈ ಅಪಘಾತಕ್ಕೆ ಕಾರಣಗಳು ತಿಳಿದುಬಂದಿಲ್ಲ. ಅಪಘಾತದಲ್ಲಿ ಮತ್ತೊಬ್ಬ ಪೈಲಟ್ ಕೂಡ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಕೆನಡಾದ ಸಾರಿಗೆ ಸುರಕ್ಷತಾ ಮಂಡಳಿಯು ಅಪಘಾತದ ಬಗ್ಗೆ ತನಿಖೆ ನಡೆಸುತ್ತಿದೆ.