ಇಂದು ಚಿತ್ರಮಂದಿರಗಳಲ್ಲಿ ಸುಮಾರು 250 ಸ್ಕ್ರೀನ್‌ಗಳಲ್ಲಿ ಗಂಧದ ಗುಡಿ ಬಿಡುಗಡೆಯಾಗಿದ್ದು, ಬೆಳಗ್ಗೆ 6 ಗಂಟೆಯಿಂದಲೇ ಅಪ್ಪು ಅಭೀಮಾನಿಗಳ ಅಬ್ಬರ ಶುರುವಾಗಿದೆ. ಎಲ್ಲಾ ಚಿತ್ರಮಂದಿರಗಳೂ ಹೌಸ್‌ಫುಲ್‌ ಆಗಿವೆ. ಈಗಿರುವಾಗ ಅಪ್ಪು ಅವರ ಇಬ್ಬರು ಅಭಿಮಾನಿಗಳು ಇಡೀ ಚಿತ್ರಮಂದಿರದ ಎಲ್ಲಾ ಸೀಟ್ ಗಳ ಟಿಕೆಟ್‌ಗಳನ್ನು ಕೊಂಡು ಇಬ್ಬರೇ ಕೂತು ಸಿನೆಮಾ ವೀಕ್ಷಿಸಿದ್ದಾರೆ. ಗಂಧದಗುಡಿ ಚಿತ್ರದಲ್ಲಿ ಅಪ್ಪು ತೋರಿಸಿರುವ ಕರ್ನಾಟಕದ ಪರಿಸರದ ಸೌಂದರ್ಯವನ್ನು ಸವಿದಿದ್ದಾರೆ.

ಅಪ್ಪು ಅವರ ಮೇಲಿನ ಅಭಿಮಾನಿದಿಂದ ಇಡೀ ಚಿತ್ರಮಂದಿರವನ್ನೇ ಕೊಂಡು ಇಬ್ಬರೇ ಸಿನೆಮಾ ವೀಕ್ಷಿಸಿರುವ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲೆಡೆ ವೈರಲ್‌ ಆಗುತ್ತಿದೆ.

ನಾಡಿನಾದ್ಯಂತ ಎಲ್ಲರ ಮನದಲ್ಲಿ ಚಿರಿಸ್ಥಾನ ಹೊಂದಿರುವ ಪುನೀತ್‌ ರಾಜ್‌ಕುಮಾರ್‌ ಕೊನೆಯ ಅಭಿನಯ ಮಾಡಿರುವ  ಅವರ ಕನಸಿನ ಚಿತ್ರ ಗಂಧದ ಗುಡಿ ಸಿನೆಮಾದ ಪ್ರೀ ರಿಲೀಸ್‌ ಕಾರ್ಯಕ್ರಮ ಶುಕ್ರವಾರ ಸಂಜೆ ನಡೆದಿದೆ . ಕಾರ್ಯಕ್ರಮಕ್ಕೆ ರಾಜ್ಯಾದ್ಯಂತ ಅಭಿಮಾನಿಗಳು ಆಗಿಮಿಸಿದ್ದು ಗಂಧದ ಗುಡಿ ಚಿತ್ರದ ಬಿಡುಗಡೆಗಾಗಿ ಅಪ್ಪು ಅಭಿಮಾನಿಗಳು ಕಾದು ಕುಳಿತಿದ್ದಾರೆ.

ಈ ಕುರಿತು ಟ್ವೀಟ್‌ ಮಾಡಿರುವ ಡಿ.ಕೆ.ಶಿವಕುಮಾರ್‌, ʼಸಿನಿಮಾ ಒಂದು ಸಾಮಾಜಿಕ ಜವಾಬ್ದಾರಿ ಎಂದು ನಂಬಿದ್ದವರು ನಮ್ಮ ಪ್ರೀತಿಯ ಶ್ರೀ ಪುನೀತ್ ರಾಜ್‍ಕುಮಾರ್. ಅವರ ಕನಸಿನ ಗಂಧದಗುಡಿ ಸಾಕ್ಷ್ಯಚಿತ್ರದ ಪ್ರೀ ರಿಲೀಸ್ ಕಾರ್ಯಕ್ರಮಕ್ಕೆ ಅಭಿಮಾನಿಗಳು ಸಾಗರದಂತೆ ಹರಿದುಬಂದಿದ್ದಾರೆ. ತೆರೆಗೆ ಬರಲು ಸಿದ್ಧವಾಗಿರುವ ಅಪ್ಪು ಅವರನ್ನು ನೋಡಲು ಕಾತುರನಾಗಿದ್ದೇನೆ. ಕರುನಾಡ ರಾಜಕುಮಾರನ ಕನಸು ನನಸಾಗಲಿʼ ಎಂದು ಆಶಿಸಿದ್ದಾರೆ.

ಅಪ್ಪುವಿನ ಬಹುದಿನಗಳ ಕನಸಿನ ಸಿನಿಮಾ ಇದಾಗಿದ್ದು, ಗಂಧದಗುಡಿ ಚಿತ್ರವು ನಾಡಿನಾದ್ಯಂತ ಅಕ್ಟೋಬರ್‌ 28 ರಂದು ತೆರೆಗೆ ಬರಲಿದೆ. ಅಪ್ಪು ಅಭಿನಯದ ಕೊನೆಯ ಚಿತ್ರ ಗಂಧದಗುಡಿ ಅಭಿಮಾನಿಗಳಲ್ಲಿ ಒಂದೆಡೆ ಸಂತಸದ ವಿಷಯವಾದರೆ ಒಂದೆದೆ ಅಪ್ಪುವಿನ ಕೊನೆಯ ಅಭಿನಯ ಎಂಬುದು ಅರಗಿಸಿಕೊಳ್ಳಲಾಗದ ದುಃಖದ ವಿಷಯವೂ ಆಗಿದೆ.           

ಇಂದು ನರ್ತಕಿ ಚಿತ್ರಮಂದಿರದಲ್ಲಿ ಚಿತ್ರದ ಟ್ರೇಲರ್‌ ಅದ್ದೂರಿಯಾಗಿ ಬಿಡುಗಡೆಯಾಗಿದ್ದು, ಟ್ರೇಲರ್‌ ಬಿಡುಗಡೆ ಕಾರ್ಯಕ್ರಮದಲ್ಲಿ ಅಶ್ವಿನಿ ಪುನೀತ್‌ ರಾಜ್‌ಕುಮಾರ್‌ ಸೇರಿದಂತೆ ಹಲವು ರಾಜ್‌ ಕುಟುಂಬಸ್ಥರು ಹಾಜರಿದ್ದರು. ಈ  ಚಿತ್ರವು ಪರಿಸರದ ಸೌಂದರ್ಯವನ್ನೇ ಬಿಂಬಿಸಿ ಚಿತ್ರೀಕರಿಸಿಲಾಗಿದೆ. ಟ್ರೇಲರ್‌ ನೋಡಿ ಕುಣಿದು ಕುಪ್ಪಳಿಸಿದ ಅಭಿಮಾನಿಗಳು , ʼಅಪ್ಪು ಮತ್ತೇ ಬಂದೇ ಹುಟ್ಟಿ ಬಂದೇ ಬರ್ತಾರೆʼ ಎನ್ನುವ ಪ್ರೀತಿಯ ಕೂಗು ಎಲ್ಲವನ್ನೂ ನೋಡಿದ ಅಪ್ಪು ಪತ್ನಿ ಅಶ್ವಿನಿ ಪುನೀತ್‌ ರಾಜ್‌ಕುಮಾರ್‌ ಭಾವುಕರಾದರು.

ಇದನ್ನೂ ನೋಡಿ : ಗಂಧದಗುಡಿ ಚಿತ್ರದ ಟ್ರೇಲರ್‌ ನೋಡಿ ಪ್ರಶಂಸೆ ವ್ಯಕ್ತಪಡಿಸಿದ ಪ್ರಧಾನಿ ಮೋದಿ