ಇಸ್ರೇಲಿ ಮಿಲಿಟರಿಯೊಂದಿಗಿನ ಮೈಕ್ರೋಸಾಫ್ಟ್‌ ಕಂಪನಿಯ ಸಹಯೋಗವನ್ನು ಕೊನೆಗೊಳಿಸುವಂತೆ ಒತ್ತಾಯಿಸುವ ಮೈಕ್ರೋಸಾಫ್ಟ್ ಉದ್ಯೋಗಿಗಳ ಸಾಮೂಹಿಕ ಸಂಘಟನೆಯಾದ ನೋ ಅಜುರೆ ಫಾರ್ ಅಪಾರ್ಥೀಡ್ (No Azure for Apartheid) ಈ ಆರೋಪಗಳನ್ನು ಮಾಡಿದೆ. ಮೈಕ್ರೋಸಾಫ್ಟ್‌ನ ಪ್ರಮುಖ ಬಿಲ್ಡ್ ಡೆವಲಪರ್ ಸಮ್ಮೇಳನವು ಉನ್ನತ ಮಟ್ಟದ ಉದ್ಯೋಗಿಗಳ ಪ್ರತಿಭಟನೆಗಳಿಂದ ಹಾನಿಗೊಳಗಾದಂತೆಯೇ ಬುಧವಾರ ಇಮೇಲ್ ಫಿಲ್ಟರ್ ಮೊದಲ ಬಾರಿಗೆ ಗಮನಕ್ಕೆ ಬಂತು ಎಂದು ಈ ಸಂಘಟನೆ ಹೇಳಿದೆ.

“ಈ ಫಿಲ್ಟರ್‌ ಇ-ಮೇಲ್‌ನಲ್ಲಿ ನಿರ್ದಿಷ್ಟ ಪದಗಳನ್ನು ತಲುಪಬೇಕಾದವರಿಗೆ ಹೋಗದಂತೆ ನಿರ್ಬಂಧಿಸುತ್ತದೆ. ʼP4lestineʼ ಅಥವಾ ʼIsraelʼ ಎಂದು ಬಳಸಿದರೂ ಸಾಧ್ಯವಾಗುತ್ತಿಲ್ಲ,” ಎಂದು ಈ ಸಂಘಟನೆ ಆರೋಪ ಮಾಡಿದೆ. ಈ ಬಗ್ಗೆ ಕಂಪನಿ ಯಾವುದೇ ಅಧಿಕೃತ ಹೇಳಿಕೆಗಳನ್ನು ನೀಡಿಲ್ಲ.

ಇಸ್ರೇಲ್ ರಕ್ಷಣಾ ಸಚಿವಾಲಯದೊಂದಿಗೆ ಮೈಕ್ರೋಸಾಫ್ಟ್‌ ಇಟ್ಟುಕೊಂಡಿರುವ ವ್ಯವಹಾರ ಸಂಬಂಧಗಳ ಬಗ್ಗೆ ಕಂಪನಿಯಲ್ಲಿ ಆಂತರಿಕ ಭಿನ್ನಾಭಿಪ್ರಾಯ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ನಡೆದಿದೆ. ವಿಶೇಷವಾಗಿ ಗಾಜಾದಲ್ಲಿ ಇಸ್ರೇಲ್‌ ನಡೆಸುತ್ತಿರುವ ಮಿಲಿಟರಿ ಕಾರ್ಯಾಚರಣೆಗಳಿಂದ ಸಂಭವಿಸುತ್ತಿರುವ ಘೋರ ಸಾವುನೋವುಗಳು ಮತ್ತು ಮಾನವೀಯ ಬಿಕ್ಕಟ್ಟುಗಳ ಬಗ್ಗೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಖಂಡನೆ ವ್ಯಕ್ತವಾಗಿರುವ ಹಿನ್ನಲೆಯಲ್ಲಿ ಕಂಪನಿಯ ಒಳಗೂ ಉದ್ಯೋಗಿಗಳು ತಮ್ಮ ಸಂಸ್ಥೆಯು ಇಸ್ರೇಲ್‌ ಜೊತೆಗೆ ಇಟ್ಟುಕೊಂಡಿರುವ ಸಂಬಂಧಗಳ ಬಗ್ಗೆ ತೀವ್ರ ಪ್ರತಿರೋಧವನ್ನು ಒಡ್ಡುತ್ತಿದ್ದಾರೆ.

ಬಿಲ್ಡ್‌ನ ಆರಂಭದಲ್ಲಿ ಮೈಕ್ರೋಸಾಫ್ಟ್ ಈ ವಿವಾದದಿಂದ ದೂರವಿರಲು ಪ್ರಯತ್ನಿಸಿತು. ಈ ಬಗ್ಗೆ ಆಂತರಿಕ ತನಿಖೆ ನಡೆಸಿದ ಕಂಪನಿಯ, ತನ್ನ ತಂತ್ರಜ್ಞಾನಗಳು ಗಾಜಾದಲ್ಲಿ ನಾಗರಿಕರ ಸಾವು ನೋವಿಗೆ ನೇರವಾದ ಪಾತ್ರವನ್ನು ವಹಿಸಿದೆ ಎಂಬುದಕ್ಕೆ “ಯಾವುದೇ ಪುರಾವೆಗಳು” ಕಂಡುಬಂದಿಲ್ಲ ಎಂದು ಕಂಪನಿಯು ತನ್ನ ವರದಿಯನ್ನು ಬಿಡುಗಡೆ ಮಾಡಿತು. ಹಾಗಿದ್ದೂ, ಡ್ರಾಪ್ ಸೈಟ್ ನ್ಯೂಸ್, ದಿ ಗಾರ್ಡಿಯನ್ ಮತ್ತು ಇಸ್ರೇಲಿ ಔಟ್‌ಲೆಟ್ +972 ಮ್ಯಾಗಜೀನ್‌ನ ವರದಿಗಳು ಕಂಪನಿಯಿಂದ ಸೋರಿಕೆಯಾದ ಆಂತರಿಕ ದಾಖಲೆಗಳನ್ನು ಉಲ್ಲೇಖಿಸಿ ವರದಿಗಳನ್ನು ಮಾಡಿದ್ದವು.

ಅಕ್ಟೋಬರ್ 7, 2023 ರ ದಾಳಿಗಳು ಮತ್ತು ಗಾಜಾದಲ್ಲಿ ಇಸ್ರೇಲ್‌ನ ಮಿಲಿಟರಿ ಕಾರ್ಯಾಚರಣೆಯ ಆರಂಭದ ಸ್ವಲ್ಪ ಸಮಯದ ನಂತರ, ಮೈಕ್ರೋಸಾಫ್ಟ್ ಇಸ್ರೇಲ್ ರಕ್ಷಣಾ ಸಚಿವಾಲಯಕ್ಕೆ ಹೆಚ್ಚಿನ ರಿಯಾಯಿತಿಗಳಲ್ಲಿ ಸೂಕ್ತವಾದ ಕ್ಲೌಡ್ ಮತ್ತು AI ನೀಡುವ ಪ್ರಸ್ತಾಪಗಳನ್ನು ಮುಂದಿಟ್ಟಿತು ಎಂದು ದಾಖಲೆಗಳನ್ನು ಉಲ್ಲೇಖಿಸಿ ಮಾಧ್ಯಮಗಳು ವರದಿ ಮಾಡಿವೆ. 2024 ರ ಆರಂಭದ ವೇಳೆಗೆ, ಇಸ್ರೇಲಿ ಮಿಲಿಟರಿ ಮೈಕ್ರೋಸಾಫ್ಟ್‌ನ ಟಾಪ್ 500 ಜಾಗತಿಕ ಗ್ರಾಹಕರಲ್ಲಿ ಒಂದಾಗಿತ್ತು.

ತನ್ನ ಕಂಪನಿಯಿಂದ ಸೋರಿಕೆಯಾದ ದಾಖಲೆಗಳ ಸತ್ಯಾಸತ್ಯತೆಯನ್ನು ಮೈಕ್ರೋಸಾಫ್ಟ್ ಪ್ರಶ್ನಿಸಿತಲ್ಲದೇ, ಇಸ್ರೇಲ್‌ ನಡೆಸುತ್ತಿರುವ ಹತ್ಯಾಕಾಂಡದಲ್ಲಿ ತನ್ನ ತಂತ್ರಜ್ಞಾನದ ದುರುಪಯೋಗವಾಗಿದ್ದು ಕಂಡುಬಂದಿಲ್ಲ ಎಂದು ಹೇಳಿಕೊಂಡಿತು.

ಬಿಲ್ಡ್‌ನಲ್ಲಿ ವಿವಾದವು ಹೆಚ್ಚಾಗುತ್ತಲೇ ಹೋದಂತೆ, ಸೋಮವಾರ, ಮೈಕ್ರೋಸಾಫ್ಟ್‌ನ ಸಿಇಒ ಸತ್ಯ ನಾದೆಲ್ಲಾ ಅವರು ಮಾಡುತ್ತಿದ್ದ ಮುಖ್ಯ ಭಾಷಣಕ್ಕೆ ಅಡ್ಡಿಪಡಿಸಿದ ಉದ್ಯೋಗಿಯನ್ನು ವಜಾಗೊಳಿಸಲಾಯಿತು ಎಂದು ನೋ ಅಜೂರ್ ಫಾರ್ ಅಪಾರ್ಥೀಡ್ ವರದಿ ಮಾಡಿದೆ. ಮರುದಿನ, ಮತ್ತೊಬ್ಬ ಪ್ರತಿಭಟನಾಕಾರರು ಕೋರ್‌ಎಐ (CoreAI) ಯನ್ನು ಮುನ್ನಡೆಸುತ್ತಿರುವ ಜೇ ಪಾರಿಖ್ ಅವರ ಭಾಷಣಕ್ಕೆ ಅಡ್ಡಿಪಡಿಸಿ, “ಜೇ! ನನ್ನ ಜನರು ಸಾಯುತ್ತಿದ್ದಾರೆ! ಇಸ್ರೇಲ್ ಜೊತೆಗಿನ ಸಂಬಂಧಗಳನ್ನು ನಿಲ್ಲಿಸು! ಜನಾಂಗೀಯವಾದಕ್ಕೆ ಅಜೂರ್‌ನ ಬೆಂಬಲವಿಲ್ಲ! ಫ್ರೀ, ಫ್ರೀ ಪ್ಯಾಲೆಸ್ಟೈನ್!” ಎಂದು ಘೋಷಣೆ ಕೂಗಿದರು. ನಂತರ ಭದ್ರತಾ ಸಿಬ್ಬಂದಿ ಅವರನ್ನು ಹೊರಗೆ ಕರೆದೊಯ್ದರು.

ಸದ್ಯದ ಈ ಪ್ರಕರಣ ಕಾರ್ಪೊರೇಟ್ ಕಂಪನಿಗಳ ಪಾರದರ್ಶಕತೆ, ತಂತ್ರಜ್ಞಾನ ಸಂಸ್ಥೆಗಳಲ್ಲಿ ಇರುವ ಅಭಿವ್ಯಕ್ತಿ ಸ್ವಾತಂತ್ರ್ಯ ಮತ್ತು ರಕ್ಷಣಾ ತಂತ್ರಜ್ಞಾನಗಳಲ್ಲಿ ತೊಡಗಿರುವ ಕಂಪನಿಗಳ ನೈತಿಕ ಜವಾಬ್ದಾರಿಗಳ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ. ಈ ಕಂಪನಿಗಳು ಜಾಗತಿಕ ಮಟ್ಟದಲ್ಲಿ ಇಸ್ರೇಲ್‌ನಂತಹ ರಾಷ್ಟ್ರ ನಡೆಸುತ್ತಿರುವ ನರಮೇಧದ ಬಗ್ಗೆ ವಹಿಸಿರುವ ಮೌನ ಮತ್ತು ಪ್ರತುಭಟನೆಯನ್ನು ಹತ್ತಿಕ್ಕುವ ರೀತಿ, ಅವುಗಳ ನೈತಿಕತೆಯ ಬಗ್ಗೆ ಅನುಮಾನ ಮೂಡಿಸುತ್ತವೆ.

ಇಮೇಲ್‌ನಲ್ಲಿ ಬಳಸಲಾಗಿರುವ ಫಿಲ್ಟರ್‌ಗಳು ಮತ್ತು ತನ್ನ ಉದ್ಯೋಗಿಗಳು ನಡೆಸುತ್ತಿರುವ ಪ್ರತಿಭಟನೆಗಳ ಬಗ್ಗೆ ಮೈಕ್ರೋಸಾಫ್ಟ್ ಇನ್ನೂ ಯಾವುದೇ ಅಧಿಕೃತ ಹೇಳಿಕೆಗಳನ್ನು ನೀಡಿಲ್ಲ.

ಇಸ್ರೇಲ್‌ ಜೊತೆಗೆ ಈ ಹಡಗು ಸಂಪರ್ಕ ಹೊಂದಿದ್ದರಿಂದ ಇರಾನ್ ಬೆಂಬಲಿತ ಹೌತಿಗಳು (Houthi) ವಶಪಡಿಸಿಕೊಂಡಿದ್ದಾರೆ.  ಗಾಝಾದ ಮೇಲಿನ ಇಸ್ರೇಲ್‌ನ ದಾಳಿ ಕೊನೆಯಾಗುವ ವರೆಗೆ ಅಂತರರಾಷ್ಟ್ರೀಯ ಸಮುದ್ರಮಾರ್ಗದಲ್ಲಿ ಇಸ್ರೇಲಿಗೆ ಸಂಬಂಧಿಸಿದ ಅಥವಾ ಅದರ ಒಡೆತನದ ಹಡಗುಗಳನ್ನು ಗುರಿಯಾಗಿಸುತ್ತೇವೆ ಎಂದು ಈ ಸಂಘಟನೆ ಹೇಳಿದೆ.

“ಇಸ್ರೇಲಿ ಹಡಗನ್ನು ವಶಮಾಡಿಕೊಂಡಿರುವುದು ಯೆಮೆನ್ ಸಶಸ್ತ್ರ ಪಡೆ ಕಡಲ ಯುದ್ಧವನ್ನು ನಡೆಸಲು ಹೊರಟಿರುವ ಪ್ರಾಯೋಗಿಕ ಹೆಜ್ಜೆ, ಇದು ಆರಂಭ ಅಷ್ಟೇ” ಎಂದು ಹೌತಿಗಳ ವಕ್ತಾರ ಮೊಹಮ್ಮದ್ ಅಬ್ದುಲ್-ಸಲಾಮ್ ಹೇಳಿದ್ದಾರೆ.

ಇಸ್ರೇಲಿ ರಕ್ಷಣಾ ಪಡೆ ತನ್ನ X ನಲ್ಲಿ ಈ ಅಪಹರಣವನ್ನು ದೃಢಪಡಿಸಿದ್ದು, ಇದನ್ನು “ಜಾಗತಿಕ ಪರಿಣಾಮ ಬೀರಬಲ್ಲ ಅತ್ಯಂತ ಗಂಭೀರ ಘಟನೆ” ಎಂದು ಕರೆದಿದೆ.

“ನೌಕೆಯು ಟರ್ಕಿಯಿಂದ ಭಾರತಕ್ಕೆ ಹೋಗುವ ದಾರಿಯಲ್ಲಿತ್ತು, ಇಸ್ರೇಲಿಗರು ಸೇರಿದಂತೆ ವಿವಿಧ ದೇಶದ ನಾಗರಿಕರು ಮತ್ತು ಸಿಬ್ಬಂದಿಗಳು ಇದ್ದರು. ಆದರೆ ಇದು ಇಸ್ರೇಲಿ ಹಡಗು ಅಲ್ಲ,” ಎಂದು ಇಸ್ರೇಲಿ ರಕ್ಷಣಾ ಪಡೆ ತಿಳಿಸಿದೆ.

ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರ ಕಚೇರಿಯು ಈ ಅಪಹರಣವನ್ನು “ಇರಾನ್ ಭಯೋತ್ಪಾದನೆಯ ಕೃತ್ಯ” ಎಂದು ಖಂಡಿಸಿದೆ.

“ಇದು ಮುಕ್ತ ಪ್ರಪಂಚದ ನಾಗರಿಕರ (citizens of the free world) ವಿರುದ್ಧ ಇರಾನ್‌ನ ಆಕ್ರಮಣ, ಜಾಗತಿಕ ಕಡಲ ಮಾರ್ಗಗಳ ಸುರಕ್ಷತೆಯ ಮೇಲೆ ಅಂತರರಾಷ್ಟ್ರೀಯ ಪರಿಣಾಮಗಳನ್ನು ಬೀರುತ್ತದೆ” ಎಂದು ನೆತನ್ಯಾಹ ಕಚೇರಿ ಹೇಳಿದೆ.

ಈ ಹಡಗು ಬ್ರಿಟಿಷ್ ಕಂಪನಿಯ ಒಡೆತನದಲ್ಲಿದ್ದು, ಜಪಾನಿನ ಸಂಸ್ಥೆಯೊಂದರಿಂದ ನಿರ್ವಹಿಸಲ್ಪಡುತ್ತದೆ ಎಂದು ಇಸ್ರೇಲ್ ಪ್ರಧಾನ ಮಂತ್ರಿ ಕಚೇರಿ ಹೇಳಿದೆ.

ಅಸೋಸಿಯೇಟೆಡ್ ಪ್ರೆಸ್ ಪ್ರಕಾರ: ಇಸ್ರೇಲ್‌ನ ಶ್ರೀಮಂತರಲ್ಲಿ ಒಬ್ಬರಾದ ಅಬ್ರಹಾಂ “ರಾಮಿ” ಉಂಗಾರ್ (Abraham “Rami” Ungar) ಒಡೆತನದ ರೇ ಕಾರ್ ಕ್ಯಾರಿಯರ್ಸ್‌ಗೆ (Ray Car Carriers) ಹಡಗಿನ ಮಾಲೀಕರು ಸಂಬಂಧವನ್ನು ಹೊಂದಿದ್ದಾರೆ ಎಂದು ಸಾರ್ವಜನಿಕ ಶಿಪ್ಪಿಂಗ್ ಡೇಟಾಬೇಸ್ ದಾಖಲೆಗಳು ತೋರಿಸುತ್ತವೆ.

ಗಾಜಾದ ಮೇಲಿನ ಇಸ್ರೇಲ್‌ನ ದಾಳಿ ಏಳನೇ ವಾರಕ್ಕೆ ಮುನ್ನುಗ್ಗುತ್ತಿದ್ದು, ಇದುವರೆಗೆ 13,000 ಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯರು ಹತರಾಗಿದ್ದಾರೆ ಎಂದು ಅಲ್ ಜಜೀರಾ ವರದಿ ಮಾಡಿದೆ. ಅಕ್ಟೋಬರ್ 7 ರಂದು ಪ್ಯಾಲೇಸ್ತೇನಿ ಬಂಡುಕೋರ ಗುಂಪು ಹಮಾಸ್ ನಡೆಸಿದ ದಾಳಿಗೆ ಪ್ರತಿಕ್ರಿಯೆಯಾಗಿ ಇದನ್ನು ನಡೆಸಲಾಗುತ್ತಿದೆ ಎಂದಿರುವ ಇಸ್ರೇಲ್‌, ಈ ದಾಳಿಯಲ್ಲಿ 1,200 ಇಸ್ರೇಲಿಗಳು ಹತರಾಗಿದ್ದರು.

“ಅಮೇರಿಕಾದ ಅಧಿಕಾರಿಗಳು ಇಂತಹ ಅತ್ಯಂತ ಗಂಭೀರ ಅಪರಾಧಗಳನ್ನು ತಡೆಯುವ ಕಾನೂನಾತ್ಮಕ ಕರ್ತವ್ಯವನ್ನು ಹೊಂದಿದ್ದಾರೆ,” ಎಂದು ಹೇಳಿಕೆಯಲ್ಲಿ ಹೇಳಲಾಗಿದೆ.

ಈ ಅರ್ಜಿದಾರರ ಗುಂಪಲ್ಲಿ – ಪ್ಯಾಲೆಸ್ಟೀನಿಯನ್ ಮಾನವ ಹಕ್ಕುಗಳ ಸಂಘಟನೆಗಳಾದ ಡಿಫೆನ್ಸ್ ಫಾರ್ ಚಿಲ್ಡ್ರನ್ ಇಂಟರ್ನ್ಯಾಷನಲ್-ಪ್ಯಾಲೆಸ್ಟೈನ್ ಮತ್ತು ಅಲ್-ಹಕ್; ಗಾಜಾದಲ್ಲಿರುವ ಅಹ್ಮದ್ ಅಬು ಅರ್ಟೆಮಾ ಮತ್ತು ಮೊಹಮ್ಮದ್ ಅಹಮದ್ ಅಬು ರೋಕ್ಬೆಹ್; ಮತ್ತು ತಮ್ಮ ಕುಟುಂಬದೊಂದಿಗೆ ಗಾಝಾದಲ್ಲಿ ಇರುವ ಅಮೇರಿಕಾದ ನಾಗರಿಕರಾದ ಮೊಹಮ್ಮದ್ ಮೊನಾಡೆಲ್ ಹರ್ಜಲ್ಲಾ, ಲೈಲಾ ಎಲ್ಹದ್ದಾದ್, ವೈಲ್ ಎಲ್ಭಾಸ್ಸಿ, ಬಾಸಿಮ್ ಎಲ್ಕರ್ರಾ, ಮತ್ತು ಎ.ಎನ್ ಹಾಗೂ ಖಾನ್ ಯೂನಿಸ್‌ನಲ್ಲಿರುವ ನಾಸರ್ ಮೆಡಿಕಲ್ ಕಾಂಪ್ಲೆಕ್ಸ್‌ನಲ್ಲಿ ವೈದ್ಯಕೀಯ ಇಂಟರ್ನ್ ಆಗಿರುವ ಒಮರ್ ಅಲ್-ನಜ್ಜರ್ ಇದ್ದಾರೆ. ಇವೆರೆಲ್ಲರೂ ತಮ್ಮ ಕುಟುಂಬದ ಅನೇಕರನ್ನು ಕಳೆದುಕೊಂಡಿದ್ದಾರೆ.

ಅರ್ಜಿದಾರರ ಪ್ರಕಾರ, “ಇಸ್ರೇಲ್‌ಗೆ ಶಸ್ತ್ರಾಸ್ತ್ರಗಳು, ಹಣ ಮತ್ತು ರಾಜತಾಂತ್ರಿಕವಾಗಿ ನೆರವನ್ನು ನೀಡುತ್ತಾ Genocide Convention and customary international lawಯನ್ನು ಉಲ್ಲಂಘಿಸಿ ಜನಾಂಗೀಯ ಹತ್ಯೆಯನ್ನು  ತಡೆಯಲು ವಿಫಲವಾದ ಅಧ್ಯಕ್ಷ ಬಿಡೆನ್, ಬ್ಲಿಂಕೆನ್ ಮತ್ತು ಆಸ್ಟಿನ್‌ರ ಅಧಿಕೃತ ಸಾಮರ್ಥ್ಯವನ್ನು ಪ್ರಶ್ನಿಸಿ,” ಮೊಕದ್ದಮೆ ಹೂಡಲಾಗಿದೆ.

ನರಮೇಧದ ಬಗೆಗಿನ ಕಾನೂನು ತಜ್ಞ ವಿಲಿಯಂ ಶಾಬಾಸ್ ಅವರ ಅಭಿಪ್ರಾಯಗಳನ್ನೂ ಈ ಮೊಕದ್ದಮೆಯಲ್ಲಿ ಸೇರಿಸಲಾಗಿದ್ದು, ಇವರ ಪ್ರಕಾರ ಇಸ್ರೇಲಿ ಸರ್ಕಾರದ ಹೇಳಿಕೆಗಳು, ಮಾರಣಾಂತಿಕ ಮಿಲಿಟರಿ ದಾಳಿ ಮತ್ತು ಮುತ್ತಿಗೆ ಹಾಕುವ ರೀತಿ, ಇವೆಲ್ಲವೂ ನರಮೇಧದ ಚಿಹ್ನೆಗಳು. ನರಮೇಧವನ್ನು ತಡೆಗಟ್ಟುವ ಬದಲು ಅಮೇರಿಕಾ ಕಾನೂನು ಕರ್ತವ್ಯದ ಉಲ್ಲಂಘನೆ ಮಾಡಿರುವುದಾಗಿ ವಿಲಿಯಂ ಶಾಬಾಸ್ ತಿಳಿಸಿದ್ದಾರೆ.

ನರಹತ್ಯೆ ಮತ್ತು ಹತ್ಯಾಕಾಂಡದ ಬಗಿನ ತಜ್ಞರಾದ ಜಾನ್ ಕಾಕ್ಸ್, ವಿಕ್ಟೋರಿಯಾ ಸ್ಯಾನ್‌ಫೋರ್ಡ್ ಮತ್ತು ಬ್ಯಾರಿ ಟ್ರಾಚ್ಟೆನ್‌ಬರ್ಗ್‌ರವರ “ಇಸ್ರೇಲಿ ನಾಯಕತ್ವದಲ್ಲಿ ನಡೆಯುತ್ತಿರುವ ನರಹತ್ಯೆಯ ಉದ್ದೇಶಗಳು ಮತ್ತು ರೀತಿ ಇತ್ತೀಚಿನ ಇತಿಹಾಸದಲ್ಲಿ ನಡೆದ ಇತರ ನರಮೇಧಗಳನ್ನು ಯಾವ ರೀತಿಯಲ್ಲಿ ಹೋಲುತ್ತವೆ,” ಎಂಬ ಅಭಿಪ್ರಾಯವನ್ನು ಈ ಪತ್ರಿಕಾ ಪ್ರಕಟಣೆಯಲ್ಲಿ ಉಲ್ಲೇಖಿಸಲಾಗಿದೆ.

“ಕಳೆದ ಐದು ವಾರಗಳಿಂದ ಅಧ್ಯಕ್ಷ ಬಿಡೆನ್ ಮತ್ತು ಕಾರ್ಯದರ್ಶಿಗಳಾದ ಬ್ಲಿಂಕೆನ್ ಮತ್ತು ಆಸ್ಟಿನ್ ಇಸ್ರೇಲಿ ಸರ್ಕಾರದೊಂದಿಗೆ ಭುಜಕ್ಕೆ ಭುಜಕೊಟ್ಟು ನಿಂತಿದ್ದಾರೆ. ಇದು ಗಾಜಾದಲ್ಲಿ ಪ್ಯಾಲೇಸ್ಟಿನಿಯನ್ ಜನರನ್ನು ನಾಶಮಾಡುವ ಉದ್ದೇಶವನ್ನು ಸ್ಪಷ್ಟಪಡಿಸುತ್ತದೆ. ಸ್ವಲ್ಪ ಸ್ವಲ್ಪವೇ ನೆರೆಯ ಪ್ರದೇಶಗಳ, ಆಸ್ಪತ್ರೆಗಳ ಮತ್ತು ಮನೆಮಠ ಕಳೆದುಕೊಂಡು ಸ್ಥಳಾಂತರಗೊಂಡ ಪ್ಯಾಲೆಸ್ಟೀನಿಯನ್ನರ ಮೇಲೆ ಬಾಂಬ್ ದಾಳಿಯಾದಾಗ, 2.2 ಮಿಲಿಯನ್ ಜನರಿಗೆ ಬದುಕಲು ಬೇಕಾದ ಮೂಲಭೂತ ಅವಶ್ಯಕತೆಗಳನ್ನು ಸಂಪೂರ್ಣವಾಗಿ ನಿಲ್ಲಿಸಿದಾಗಲೂ ಈ ಮೂವರು ಇಸ್ರೇಲ್‌ನ ಈ ನರಮೇಧದ ಅಭಿಯಾನಕ್ಕೆ ಯಾವುದೇ ತಡೆಯನ್ನು ತಾರದೇ ಮಿಲಿಟರಿ ಮತ್ತು ರಾಜಕೀಯ ಬೆಂಬಲ ನೀಡುವುದನ್ನು ಮುಂದುವರೆಸಿದ್ದಾರೆ, ”ಎಂದು ಪ್ರಕರಣವನ್ನು ಅಮೇರಿಕಾದ ನ್ಯಾಯಾಲಯಕ್ಕೆ ತಂದಿರುವ ಸೆಂಟರ್ ಫಾರ್ ಸಾಂವಿಧಾನಿಕ ಹಕ್ಕುಗಳ (Center for Constitutional Rights – CCR) ಹಿರಿಯ ವಕೀಲ ಕ್ಯಾಥರೀನ್ ಗಲ್ಲಾಘರ್ ತಿಳಿಸಿದ್ದಾರೆ.

Center for Constitutional Rights ನ್ಯಾಯಾಲಯದಲ್ಲಿ ಅರ್ಜಿದಾರರ ಪರವಾಗಿ ಪ್ರಕರಣ ದಾಖಲಿಸಿದೆ. ಪತ್ರಿಕಾ ಹೇಳಿಕೆಯ ಪ್ರಕಾರ, ನರಮೇಧದ ಕೃತ್ಯಗಳನ್ನು ತಡೆಗಟ್ಟುವುದು ಮತ್ತು ಶಿಕ್ಷಿಸುವುದು ಜೆನೊಸೈಡ್ ಕನ್ವೆನ್ಷನ್‌ನ ಆರ್ಟಿಕಲ್ – 1 (Article 1 of the Genocide Convention) ರ ಅಡಿಯಲ್ಲಿ ಅಮೇರಿಕಾದ ಕರ್ತವ್ಯ. 18 U.S.C. § 1091

ಈ ನಿರ್ಣಯವು 120 ಮತಗಳನ್ನು ಗಳಿಸಿದ್ದು, ಇಸ್ರೇಲ್, ಅಮೇರಿಕಾ, ಹಂಗೇರಿ ಮತ್ತು ಐದು ಪೆಸಿಫಿಕ್ ದ್ವೀಪ ರಾಜ್ಯಗಳು ಸೇರಿದಂತೆ ಕೇವಲ 14 ದೇಶಗಳು ವಿರುದ್ಧ ಮತ ಚಲಾಯಿಸಿವೆ. ಶುಕ್ರವಾರ (ಅ.27) ಮಧ್ಯಾಹ್ನ ನ್ಯೂಯಾರ್ಕ್‌ನಲ್ಲಿ ನಡೆದ ಯುಎನ್‌ಜಿಎಯ ತುರ್ತು ಅಧಿವೇಶನದಲ್ಲಿ ಮತದಾನದಿಂದ ದೂರ ಉಳಿದುಕೊಂಡಿರುವ 45 ದೇಶಗಳಲ್ಲಿ ಭಾರತವೂ ಸೇರಿದೆ.

ಎಲ್ಲಾ ಇತರ ಏಳು ರಾಷ್ಟ್ರಗಳು ನಿರ್ಣಯದ ಪರವಾಗಿ ಮತ ಚಲಾಯಿಸುವುದರೊಂದಿಗೆ ದಕ್ಷಿಣ ಏಷ್ಯಾದಲ್ಲಿ ಭಾರತ ಮಾತ್ರ ತನ್ನ ವಿಲಕ್ಷಣ ನಡೆಯನ್ನು ತೋರಿಸಿದೆ.  

ಜೋರ್ಡಾನ್ ಪ್ರಸ್ತಾಪಿಸಿರುವ ಈ ನಿರ್ಣಯವು ಮಾನವೀಯ “ಕದನ ವಿರಾಮ” ಕ್ಕೆ ಕರೆ ನೀಡಿದ್ದು, ಅಂತರರಾಷ್ಟ್ರೀಯ ಮಾನವೀಯ ಕಾನೂನಿಗೆ ಬದ್ಧವಾಗಿರಬೇಕಾದ ಅಗತ್ಯಗಳ ಬಗ್ಗೆ ಒತ್ತಿಹೇಳಿದೆ. ಇದು ಎಲ್ಲಾ ಬಂಧಿತ ನಾಗರಿಕರನ್ನು ಬೇಷರತ್ತಾಗಿ ಬಿಡುಗಡೆ ಮಾಡಲು ಮತ್ತು ಗಾಝಾಕ್ಕೆ ಬೇಕಾದ ಅಗತ್ಯಗಳನ್ನು ಅಡೆತಡೆಯಿಲ್ಲದ ಪೂರೈಸಲು ಒತ್ತಾಯಿಸಿದೆ.

ಈಜಿಪ್ಟ್, ಓಮನ್ ಮತ್ತು ಯುಎಇಯಂತಹ ಪ್ರಮುಖ ದೇಶಗಳು ಸೇರಿದಂತೆ ಅನೇಕ ಅರಬ್ ಮತ್ತು ಇಸ್ಲಾಮಿಕ್ ದೇಶಗಳು ಸೇರಿದಂತೆ, ರಷ್ಯಾ ಕೂಡ ನಿರ್ಣಯವನ್ನು ಅಂಗೀಕರಿಸಿದೆ.

ಹಮಾಸ್ ಅನ್ನು ಖಂಡಿಸುವ ಪಾಶ್ಚಿಮಾತ್ಯ ಪ್ರಣೀತ ಕರಡು ತಿದ್ದುಪಡಿಯ ಮಂಡನೆಯನ್ನು ಬೆಂಬಲಿಸಿ ವಿಫಲವಾದ ದೇಶಗಳಲ್ಲಿ ಭಾರತವೂ ಸೇರಿದೆ.

ಕೆನಡಾ ಪ್ರಸ್ತಾಪಿಸಿರುವ ಈ ತಿದ್ದುಪಡಿಯನ್ನು ಭಾರತ, ಅಮೇರಿಕಾ ದೇಶಗಳು ಬೆಂಬಲಿಸಿದ್ದವು.  ಹಮಾಸ್ ವಿರುದ್ಧ ಮತ್ತು ಅವರ ಒತ್ತೆಯಾಳುಗಳ ಪರವಾಗಿರುವ ಈ ಇಸ್ರೇಲ್‌ ಬೆಂಬಲಿತ ಈ ತಿದ್ದುಪಡಿಗೆ 88 ಬೆಂಬಲಿತ ಮತಗಳು, ವಿರುದ್ಧವಾಗಿ 55 ಮತಗಳು ಬಿದ್ದಿದ್ದವು. 23 ಮತಗಳು ಗೈರು ಹಾಜರಾಗಿದ್ದವು. ಆದರೆ, ಅಗತ್ಯವಾಗಿ ಬೇಕಾದ ಮೂರನೇ ಎರಡರಷ್ಟು ಮತಗಳನ್ನು ಪಡೆದುಕೊಳ್ಳದ ಕಾರಣ ಈ ಕರಡನ್ನು ಅಂಗೀಕರಿಸಲಾಗಿಲ್ಲ. ಮತದಾನದಿಂದ ದೂರವಿರುವ ರಾಷ್ಟ್ರಗಳನ್ನು ಮತದಾನ ಮಾಡದಿರುವಂತೆ ಪರಿಗಣಿಸಲಾಗಿದೆ. ಟುನೀಶಿಯಾ ಹೊರತುಪಡಿಸಿ ಎಲ್ಲಾ ಅರಬ್ ರಾಷ್ಟ್ರಗಳು ಇದನ್ನು ವಿರೋಧಿಸಿದವು.

ವಿಶ್ವಸಂಸ್ಥೆಯ ಭಾರತದ ಉಪ ಖಾಯಂ ಪ್ರತಿನಿಧಿ ಯೋಜನಾ ಪಟೇಲ್, “ಗಾಝಾದಲ್ಲಿ ನಡೆಯುತ್ತಿರುವ ಸಂಘರ್ಷದಲ್ಲಿ ನಡೆದಿರುವ ಸಾವುನೋವುಗಳ ಗಂಭೀರತೆ ಮತ್ತು ಕಾಳಜಿ ನಮಗಿದೆ. ನಾಗರಿಕರು, ವಿಶೇಷವಾಗಿ ಮಹಿಳೆಯರು ಮತ್ತು ಮಕ್ಕಳು ತಮ್ಮ ಜೀವವನ್ನು ಬಲಿಕೊಡುತ್ತಿದ್ದಾರೆ. ಆದರೆ ಭಾರತವು ತಾನು ಏಕೆ ಇದರಿಂದ ದೂರವಿದೆ ಎಂಬುದನ್ನು ತಿಳಿಸಿಲ್ಲ. ಹದಗೆಡುತ್ತಿರುವ ಭದ್ರತಾ ಪರಿಸ್ಥಿತಿ ಮತ್ತು ನಡೆಯುತ್ತಿರುವ ಸಂಘರ್ಷದಲ್ಲಿ ನಾಗರಿಕ ಜೀವಗಳ ನಷ್ಟದ ಬಗ್ಗೆ ಭಾರತ ತೀವ್ರ ಕಳವಳ ವ್ಯಕ್ತಪಡಿಸಿದೆ ಮತ್ತು ಈ ಪ್ರದೇಶದಲ್ಲಿ ಹೆಚ್ಚುತ್ತಿರುವ ದ್ವೇಷ ಮಾನವೀಯ ಬಿಕ್ಕಟ್ಟನ್ನು ಉಲ್ಬಣಗೊಳಿಸುತ್ತದೆ,” ಎಂದು ಹೇಳಿದ್ದಾರೆ.

ದಕ್ಷಿಣ ಏಷ್ಯಾದ ಅಫ್ಘಾನಿಸ್ತಾನ (ಗಣರಾಜ್ಯ), ಬಾಂಗ್ಲಾದೇಶ, ಭೂತಾನ್, ಮಾಲ್ಡೀವ್ಸ್, ನೇಪಾಳ, ಪಾಕಿಸ್ತಾನ, ಶ್ರೀಲಂಕಾ – ಈ ದೇಶಗಳು ಇಸ್ರೇಲ್-ಗಾಝಾ ಸಂಘರ್ಷದಲ್ಲಿ ನಾಗರಿಕರನ್ನು ರಕ್ಷಿಸಲು ಮತದಾನ ಮಾಡಿವೆ. ದೂರ ಉಳಿದಿರುವುದು ಇರುವುದು ಭಾರತ ಮಾತ್ರ – ಸುಹಾಸಿನಿ ಹೈದರ್‌, ಪತ್ರಕರ್ತೆ

ವಿಚಿತ್ರವೆಂದರೆ, ಹಮಾಸ್‌ ಖಂಡಿಸಿ ಪ್ರಸ್ತಾಪಿಸಿರುವ ತಿದ್ದುಪಡಿಗೆ ಭಾರತ ಬೆಂಬಲ ನೀಡಿದರೂ, ವಿಶ್ವಸಂಸ್ಥೆಯ ಭಾರತದ ಆ ಸಂಘಟನೆಯ ಹೆಸರು ಹೇಳದೆ ಇರಲು ನಿರ್ಧರಿಸಿದೆ.  

“ಅಕ್ಟೋಬರ್ 7 ರಂದು ಇಸ್ರೇಲ್‌ನಲ್ಲಿ ನಡೆದ ಭಯೋತ್ಪಾದಕ ದಾಳಿಗಳು ಆಘಾತಕಾರಿ ಮತ್ತು ಖಂಡನಾರ್ಹ. ನಾವು ಒತ್ತೆಯಾಳುಗಳ ಜೊತೆಯಲ್ಲಿದ್ದೇವೆ. ಅವರನ್ನು ತಕ್ಷಣ ಬಿಡುಗಡೆ ಮಾಡಲು ಕರೆ ನೀಡುತ್ತೇವೆ. ಭಯೋತ್ಪಾದನೆಯು ಮಾರಣಾಂತಿಕ. ಅದಕ್ಕೆ ಯಾವುದೇ ಗಡಿ, ರಾಷ್ಟ್ರೀಯತೆ ಅಥವಾ ಜನಾಂಗವಿಲ್ಲ. ಭಯೋತ್ಪಾದಕ ಕೃತ್ಯಗಳನ್ನು ಯಾವುದೇ ರೀತಿಯಲ್ಲಿ ಸಮರ್ಥಿಸಬಾರದು. ನಾವು ಭಿನ್ನಾಭಿಪ್ರಾಯಗಳನ್ನು ಬದಿಗಿಟ್ಟು ಒಂದಾಗೋಣ. ಭಯೋತ್ಪಾದನೆಯ ಬಗ್ಗೆ ಶೂನ್ಯ ಸಹಿಷ್ಣುತೆಯನ್ನು ತೋರಿಸೋಣ.”

“ಯುನೈಟಿಂಗ್ ಫಾರ್ ಪೀಸ್” ಆದೇಶದ ಅಡಿಯಲ್ಲಿ ಈ ತುರ್ತು ಅಧಿವೇಶನವನ್ನು ಕರೆಯಲಾಗಿತ್ತು. 193-ಸದಸ್ಯಬಲ ಇರುವ ಜನರಲ್ ಅಸೆಂಬ್ಲಿಯು ವಿಶ್ವಸಂಸ್ಥೆಯ ಸೆಕ್ಯುರಿಟಿ ಕೌನ್ಸಿಲ್ ತನ್ನ ಖಾಯಂ ಸದಸ್ಯರು ಚಲಾಯಿಸುವ ವೀಟೋ ಅಧಿಕಾರದಿಂದ ಸಮಸ್ಯೆಯಾದಾಗ ಕ್ರಮ ತೆಗೆದುಕೊಳ್ಳಲು ಅನುವು ಮಾಡಿಕೊಡುತ್ತದೆ.

ಕಳೆದ ಎರಡು ವಾರಗಳಲ್ಲಿ ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಬಿಕ್ಕಟ್ಟನ್ನು ಪರಿಹರಿಸುವ ಯಾವುದೇ ನಿರ್ಣಯ ಅಂಗೀಕಾರವಾಗದಂತೆ ಮಾಡಲು ಅಮೇರಿಕಾ, ಚೀನಾ ಮತ್ತು ರಷ್ಯಾ ತಮ್ಮ ವೀಟೋ ಅಧಿಕಾರವನ್ನು ಬಳಸಿಕೊಂಡಿವೆ.

ಅಕ್ಟೋಬರ್ 18, ಭದ್ರತಾ ಮಂಡಳಿಯಲ್ಲಿ ಬ್ರೆಜಿಲ್ ಮತ್ತು ಯುಎಇ ಮಂಡಿಸಿದ ಕರಡು ನಿರ್ಣಯವನ್ನು ಅಮೇರಿಕಾ ವೀಟೋ ಮಾಡಿತು. ರಷ್ಯಾದ ಕರಡು ಕೂಡಾ ಅಂಗೀಕಾರವಾಗಲು ಬೇಕಾದ ಒಂಬತ್ತು ಮತಗಳನ್ನು ಪಡೆಯಲು ವಿಫಲವಾಗಿದೆ.

ಒಂದು ವಾರದ ನಂತರ ಅಕ್ಟೋಬರ್ 25 ರಂದು ಚೀನಾ ಮತ್ತು ರಷ್ಯಾ ಅಮೇರಿಕಾ ನೇತೃತ್ವದ ಕರಡು ನಿರ್ಣಯವನ್ನು ವೀಟೋ ಮಾಡಿದಾಗ ಇದೇ ರೀತಿಯ ಸನ್ನಿವೇಶವು ಸಂಭವಿಸಿತು. ತನ್ನ ನಿರ್ಣಯ ಅಂಗೀಕಾರವಾಗಲು ರಷ್ಯಾ ಮಾಡಿದ ಎರಡನೇ ಪ್ರಯತ್ನವೂ ಅಗತ್ಯವಾದ ಮತಗಳು ಬೀಳದೆ ವಿಫಲವಾಯಿತು.  

ಹಮಾಸ್ ಗಾಜಾದಿಂದ ದಕ್ಷಿಣ ಇಸ್ರೇಲ್‌ ಮೇಲೆ ಆಕ್ರಮಣ ಆರಂಭಿಸಿದಾಗ ಪಶ್ಚಿಮ ಏಷ್ಯಾದ ಪ್ರದೇಶದಲ್ಲಿನ ಬಿಕ್ಕಟ್ಟು ಉಲ್ಬಣಗೊಂಡಿತು. ಇದರಿಂದಾಗಿ, 1200 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದರು. ಅನೇಕ ಇಸ್ರೇಲಿ ಸೈನಿಕರನ್ನು ಸೆರೆಹಿಡಿದ ಹಮಾಸ್ 220 ಕ್ಕೂ ಹೆಚ್ಚು ಇಸ್ರೇಲಿ ಮತ್ತು ವಿದೇಶಿ ಪ್ರಜೆಗಳನ್ನು ಅಪಹರಿಸಿ ಗಾಝಾಕ್ಕೆ ಮರಳಿ ಕೊಂಡುಹೋಯಿತು. ಇದು ಅಂತರರಾಷ್ಟ್ರೀಯ ಮಾನವೀಯ ಕಾನೂನಿನ ಉಲ್ಲಂಘನೆಯಾಗಿದೆ.

ಇದಾದ ನಂತರ ಇಸ್ರೇಲ್‌ ಗಾಝಾದ ಮೇಲೆ ಅವ್ಯಾಹತ ವಾಯುದಾಳಿಯನ್ನು ನಡೆಸಲು ಆರಂಭಿಸಿ ನಿನ್ನೆಯ ವರೆಗೆ (ಅ.27) 7,326 ಸಾವು ಸಂಭವಿಸಿದೆ.

ಪ್ಯಾಲೇಸ್ಟಿನಿಯನ್ ಆರೋಗ್ಯ ಸಚಿವಾಲಯದ ಪ್ರಕಾರ, ಇಸ್ರೇಲ್ ಆಹಾರ, ಇಂಧನ, ವಿದ್ಯುತ್, ವೈದ್ಯಕೀಯ ಸರಬರಾಜು ಮತ್ತು ನೀರಿನ ಪೂರೈಕೆಯ ಮೇಲೆ ದಿಗ್ಬಂಧನವನ್ನು ವಿಧಿಸಿದೆ. ಈಜಿಪ್ಟ್‌ನ ಗಡಿಯಲ್ಲಿರುವ ರಫಾ ಕ್ರಾಸಿಂಗ್ ಮೂಲಕ ಬರುತ್ತಿರುವ ಕೆಲವೇ ಕೆಲವು ಟ್ರಕ್‌ಗಳ ಮೂಲಕ ಸಣ್ಣ ಪ್ರಮಾಣದ ಆಹಾರ ಮತ್ತು ವೈದ್ಯಕೀಯ ನೆರವು ಗಾಝಾಕ್ಕೆ ಸಿಗುತ್ತಿದೆ.

ಭಾರತದ ಕಥೆ ಏನು?

ಅಕ್ಟೋಬರ್‌ 7 ರಂದು ಭಾರತದ ಪ್ರಧಾನಿ ನರೇಂದ್ರ ಮೋದಿಯವರು ಇಸ್ರೇಲ್‌ ಜೊತೆಗೆ ʼನಾವಿದ್ದೇವೆʼ ಎಂದು ಟ್ವೀಟ್‌ ಮಾಡಿದ್ದರು. ಇಸ್ರೇಲ್‌ನ ಪ್ರಧಾನಿ ಬೆಂಜಮಿನ್ ನೆತನ್ಯಾಹುಗೆ ಫೋನ್ ಕರೆ ಕೂಡಾ ಮಾಡಿದ್ದರು.

ಒಂದು ವಾರದ ನಂತರ, ಪ್ರಧಾನಿ ಮೋದಿ ಗಾಝಾದ ಅಲ್-ಅಹ್ಲಿ ಬ್ಯಾಪ್ಟಿಸ್ಟ್ ಆಸ್ಪತ್ರೆಯ ಮೇಲೆ ಇಸ್ರೇಲ್‌ ನಡೆಸಿದೆ ಎನ್ನಲಾದ ಸ್ಫೋಟದ ನಂತರ ಪ್ಯಾಲೇಸ್ಟಿನಿಯನ್ ಅಧ್ಯಕ್ಷ ಮಹಮೂದ್ ಅಬ್ಬಾಸ್ ಅವರೊಂದಿಗೂ ಮಾತನಾಡಿದ್ದರು. ಸದ್ಯ ಇಬ್ಬುಗೆಯ ಗೊಂದಲ ನೀತಿಯಿಂದ ಬಳಲುತ್ತಿರುವ ಭಾರತ ಈಗ ʼದ್ವಿರಾಷ್ಟ್ರ ಸಿದ್ಧಾಂತʼದ ಮೊರೆ ಹೋಗಿದೆ.  

ಗಾಝಾದ ಅಲ್-ಅಹ್ಲಿ ಬ್ಯಾಪ್ಟಿಸ್ಟ್ ಆಸ್ಪತ್ರೆಯ ಮೇಲೆ ನಡೆದ ವೈಮಾನಿಕ ದಾಳಿಗೆ 400 ಅಧಿಕ ಜನ ಬಲಿಯಾಗಿದ್ದರು. ಈ ದಾಳಿಯನ್ನು ʼನಾವು ಮಾಡಿದ್ದಲ್ಲʼ ಎಂದು ಇಸ್ರೇಲ್‌ ನಿರಾಕರಿಸಿದೆ. ಇದರ ಜೊತೆಗೆ ಪ್ಯಾಲಿಸ್ತೇನಿನ ಹಮಾಸ್‌ ರಾಕೇಟ್‌ ತಪ್ಪಾಗಿ ಉಡಾವಣೆಯಾಗಿ ಈ ದುರ್ಘಟನೆ ಸಂಭವಿಸಿದೆ ಎಂದು ಹೇಳಿ ಇಸ್ರೇಲ್‌ ವಿಡಿಯೋವೊಂದನ್ನು ಹರಿಯಬಿಟ್ಟಿತ್ತು. ಆದರೆ ಈ ವಿಡಿಯೋವನ್ನು ಡಿಜಿಟಲ್ ಫೋರೆನ್ಸಿಕ್ಸ್ ಮತ್ತು ತಾಂತ್ರಿಕ ವಿಶ್ಲೇಷಣೆ ತಳ್ಳಿಹಾಕಿದೆ.

ಹನನ್ಯಾ ನಫ್ತಾಲಿ ಎಂಬ ಯೂಟ್ಯೂಬರ್‌, ಸೋಷಿಯಲ್‌ ಮಿಡಿಯಾ ಇನ್‌ಫ್ಲೂಯೆನ್ಸರ್‌ ತನ್ನ X ನಲ್ಲಿ (ಟ್ವಿಟರ್)‌ ಒಂದು ಪೋಸ್ಟ್‌ ಮಾಡುತ್ತಾನೆ.

“ಬ್ರೇಕಿಂಗ್: ಇಸ್ರೇಲಿ ವಾಯುಪಡೆಯು ಗಾಝಾದ ಆಸ್ಪತ್ರೆಯೊಳಗೆ ಇದ್ದ ಹಮಾಸ್ ಭಯೋತ್ಪಾದಕ ನೆಲೆಯನ್ನು ಹೊಡೆದು ಹಾಕಿದೆ. ಹಲವಾರು ಉಗ್ರರು ಸತ್ತಿದ್ದಾರೆ. ಹಮಾಸ್ ಆಸ್ಪತ್ರೆಗಳು, ಮಸೀದಿಗಳು, ಶಾಲೆಗಳಿಂದ ರಾಕೆಟ್‌ಗಳನ್ನು ಉಡಾಯಿಸುತ್ತಿದೆ ಮತ್ತು ನಾಗರಿಕರನ್ನು ಮಾನವ ಗುರಾಣಿಯಾಗಿ ಬಳಸುತ್ತಿರುವುದು ಹೃದಯ ವಿದ್ರಾವಕವಾಗಿದೆ.”

ಈ ಪೋಸ್ಟನ್ನು ಈತ ಕೆಲವೇ ನಿಮಿಷಗಳಲ್ಲಿ ಡಿಲಿಟ್‌ ಮಾಡುತ್ತಾನೆ. ಮಾತ್ರವಲ್ಲ, ಇದರ ಸಮರ್ಥನೆಗಾಗಿ ಮತ್ತೆ ಟ್ವೀಟ್‌ ಮಾಡುತ್ತಾನೆ.

 “ನಾನು ಡಿಲಿಟ್‌ ಮಾಡಿದ ಪೋಸ್ಟ್‌ನಲ್ಲಿ ಮಾಹಿತಿಯನ್ನು ತಪ್ಪಾಗಿ ಹಂಚಿಕೊಂಡಿದ್ದೇನೆ. ಈ ದೋಷಕ್ಕಾಗಿ ನಾನು ಕ್ಷಮೆಯಾಚಿಸುತ್ತೇನೆ. IDF ಆಸ್ಪತ್ರೆಗಳ ಮೇಲೆ ಬಾಂಬ್ ಹಾಕಿಲ್ಲ……. ಹಮಾಸ್ ನಾಗರಿಕರನ್ನು ಮಾನವ ಗುರಾಣಿಯಾಗಿ ಬಳಸುತ್ತಿದೆ ಎಂದು ತಿಳಿದಿದೆ, ಇದು ಯುದ್ಧ ಅಪರಾಧ ಮತ್ತು ಅಮಾನವೀಯ.”

ಹನನ್ಯಾ ನಫ್ತಾಲಿಯ ಜೊತೆಗೆ ಇಸ್ರೇಲ್‌ ಪ್ರಧಾನಿ ನೇತಾನ್ಯಾಹು ಸಂಬಂಧವನ್ನು ಹೊಂದಿದ್ದು, ಈತ ನೇತನ್ಯಾಹುವಿಗೆ ಐದು ವರ್ಷಗಳ ಕಾಲ ಕೆಲಸ ಮಾಡಿದ್ದ ಎಂದು ತನ್ನ ವೆಬ್‌ಸೈಟ್‌ನಲ್ಲಿ ಬರೆದುಕೊಂಡಿದ್ದಾನೆ. ಇಸ್ರೇಲ್‌ನ ಪ್ರಭಾವಿಯಾದ ಈತನ ಮೊದಲ ಟ್ವೀಟ್‌ ಸತ್ಯವೇ ಆಗಿದ್ದರೆ, ಆಸ್ಪತ್ರೆಯ ಮೇಲೆ ದಾಳಿ ಮಾಡಿದ್ದು ಇಸ್ರೇಲ್?‌

ಇಸ್ರೇಲ್‌ ವ್ಯವಸ್ಥಿತವಾಗಿ ತನ್ನ ಕೃತ್ಯಗಳನ್ನು ಸುಳ್ಳುಗಳ ಮೂಲಕ ಮುಚ್ಚಿಹಾಕಲು ಯತ್ನಿಸುತ್ತಿರುವುದು ಬಯಲಾಗುತ್ತಿದ್ದರೂ, ಭಾರತ ಇಸ್ರೇಲ್‌ ಸರ್ಕಾರದ ಜೊತೆಗೆ ನಡೆದುಕೊಳ್ಳುವ ರೀತಿ ಗೊಂದಲಮಯವಾಗಿದೆ.

ಮೋದಿಯವರು ಕೆಲವು ದಿನಗಳ ಹಿಂದೆ ಜೋರ್ಡಾನ್ ರಾಜ ಅಬ್ದುಲ್ಲಾ ಅವರೊಂದಿಗೆ ಮಾತುಕತೆ ನಡೆಸಿದ್ದರು. ಕದನ ವಿರಾಮಕ್ಕೆ ಕರೆ ನೀಡಿರುವ ಅತಿದೊಡ್ಡ ಅಭಿವೃದ್ಧಿಶೀಲ ರಾಷ್ಟ್ರಗಳಲ್ಲಿ ಭಾರತವೂ ಒಂದಾಗಿದೆ. ಆದರೆ ಜೋರ್ಡಾನ್‌ ಪ್ರಸ್ತಾಪಿಸಿರುವ ನಿರ್ಣಯಗಳಿಗೆ ಮತದಾನ ನಡೆಯುವ ಸಂದರ್ಭದಲ್ಲಿ ಭಾರತ ದೂರ ಉಳಿದಿದೆ.

ವಿಶ್ವಸಂಸ್ಥೆಗೆ ಜೋರ್ಡಾನ್‌ನ ಖಾಯಂ ಪ್ರತಿನಿಧಿ ಮಹಮೂದ್ ಡೈಫಲ್ಲಾಹ್ ಹಮೂದ್  ಮಾನವೀಯ ಪರಿಸ್ಥಿತಿಯನ್ನು ತಿಳಿಸುವ ತಮ್ಮ ಕರಡು ನಿರ್ಣಯಕ್ಕೆ ವಿರುದ್ಧವಾಗಿ ಕೆನಡಾದ ತಿದ್ದುಪಡಿಯನ್ನು ತಂದು ಪ್ಯಾಲೇಸ್ಟಿನಿಯನ್ ಜನರ ಮೇಲೆ ಇಸ್ರೇಲ್‌ ನಡೆಸುತ್ತಿರುವ ದೌರ್ಜನ್ಯವನ್ನು ಸೋಪು ಹಾಕಿ ತೊಳೆಯಲು ನಡೆಸುತ್ತಿರುವ ಪಾಶ್ಚಿಮಾತ್ಯ ದೇಶಗಳ ಪ್ರಯತ್ನವನ್ನು ವಿವರಿಸಿದ್ದರು.  

ಕೆನಡಾ ಪ್ರಸ್ತಾಪಿಸಿರುವ ಕರಡು ತಿದ್ದುಪಡಿ

ವಿಶ್ವಸಂಸ್ಥೆಯ ಕೆನಡಾದ ಖಾಯಂ ಪ್ರತಿನಿಧಿ ಬಾಬ್ ರೇ ತನ್ನ ತಿದ್ದುಪಡಿಯಲ್ಲಿ ಹಮಾಸ್ ಅನ್ನು ಹೆಸರಿಸುವುದು “ನ್ಯಾಯಯುತ” ಮತ್ತು “ವಾಸ್ತವ” ಎಂದು ಹೇಳಿ, “ಹೆಸರಿಸಬೇಕಾದ ಹೆಸರನ್ನು ಹೆಸರಿಸಿದ್ದೇವೆ” ಎಂದು ಪ್ರತಿಪಾದಿಸಿದ್ದಾರೆ.

ಈ ಸಂದರ್ಭದಲ್ಲಿ ಈ ತಿದ್ದುಪಡಿಯಲ್ಲಿ ಪ್ರತಿಕಾರವಾಗಿ ನಡೆಸಿದ ವೈಮಾನಿಕ ದಾಳಿಗೆ ಇಸ್ರೇಲನ್ನು ಹೊಣೆ ಮಾಡಿ ಹೆಸರಿಸಬೇಕು ಎಂದು ಪಾಕಿಸ್ತಾನದ ರಾಯಭಾರಿ ಮುನೀರ್‌ ಅಕ್ರಮ್‌ ಸೂಚಿಸಿದರು. “ನೀವು ನ್ಯಾಯಯುತವಾಗಿ ಇರಬೇಕಾದರೆ ಇಸ್ರೇಲ್‌ ಹೆಸರನ್ನೂ ಪ್ರಸ್ತಾಪಿಸಿ” ಎಂದು ಹೇಳಿ, ಮಾನವೀಯ ಬಿಕ್ಕಟ್ಟಿನ ಬಗ್ಗೆ ತೆಗೆದುಕೊಳ್ಳುವ ಯಾವುದೇ ತೀರ್ಮಾಣಗಳಿಗೆ ಯಾವುದೇ ಹೆಸರು ಇಡದಿರುವುದು ಒಳ್ಳೆಯದು ಎಂದಿದ್ದಾರೆ.

ಇಸ್ರೇಲಿ ರಾಯಭಾರಿ ಗಿಲಾಡ್ ಎರ್ಡಾನ್ ವಿಶ್ವಸಂಸ್ಥೆ “ಸ್ವಲ್ಪವೇ ಸ್ವಲ್ಪ ಕಾನೂನುಬದ್ಧತೆಯನ್ನು ಹೊಂದಿಲ್ಲ” ಎಂದು ಹೇಳಿ, “ಹಮಾಸ್ ಅನ್ನು ನಾಶಮಾಡುವ ಏಕೈಕ ಮಾರ್ಗವೆಂದರೆ ಬೇರುಸಹಿತ ಕಿತ್ತೊಗೆಯುವುದು. ನೀವು ಹಮಾಸ್ ಅನ್ನು ಏಕೆ ಹೊಣೆಗಾರರನ್ನಾಗಿ ಮಾಡುತ್ತಿಲ್ಲ,” ಎಂದು ಪ್ರಶ್ನಿಸಿದರು. ಗಾಝಾದಲ್ಲಿ ಸಂಭವಿಸಿರುವ ಹಮಾಸ್‌ ನೀಡಿರುವ ಸಾವಿನ ಅಂಕಿ ಅಂಶಗಳ ಬಗ್ಗೆ ತಕರಾರು ವ್ಯಕ್ತಪಡಿಸಿ, ಅಂತರಾಷ್ಟ್ರೀಯ ಮಾನವೀಯ ಕಾನೂನಿನ ಅನುಸಾರವಾಗಿ ಅಲ್ಲಿ ಯಾವುದೇ ಮಾನವೀಯ ಬಿಕ್ಕಟ್ಟು ಸಂಭವಿಸಿಲ್ಲ ಎಂದು ಹೇಳಿದ್ದಾರೆ.

ಅಮೇರಿಕಾ ಅಧ್ಯಕ್ಷ ಜೋ ಬಿಡನ್‌ ಕೂಡಾ ಗಾಝಾದಲ್ಲಿ ನಡೆದಿರುವ ಸಾವಿನ ಪ್ರಮಾಣವನ್ನು ಅನುಮಾನಿಸಿದ್ದಾರೆ. ಗುರುವಾರ (ಅ.27) , ಪ್ಯಾಲೇಸ್ಟಿನಿಯನ್ ಆರೋಗ್ಯ ಸಚಿವಾಲಯವು ಅಕ್ಟೋಬರ್ 7 ರಂದು ಇಸ್ರೇಲಿ ವೈಮಾನಿಕ ದಾಳಿಗಳು ಪ್ರಾರಂಭವಾದಾಗಿನಿಂದ ಗಾಜಾದಲ್ಲಿ ಕೊಲ್ಲಲ್ಪಟ್ಟ 6,747 ಪ್ಯಾಲೆಸ್ಟೀನಿಯನ್ನರ ಹೆಸರು ಮತ್ತು ವಿವರಗಳನ್ನು ಪ್ರಕಟಿಸಿತು. ಒಟ್ಟು ಕೊಲ್ಲಲ್ಪಟ್ಟ ಮಕ್ಕಳ ಸಂಖ್ಯೆ 2,655!

‘ಭಯೋತ್ಪಾದನೆ ಮತ್ತು ವಿವೇಚನಾರಹಿತ ದಾಳಿಗಳನ್ನು’ ಖಂಡಿಸಿ UNGA ನಿರ್ಣಯ

“Protection of civilians and upholding legal and humanitarian obligations” ಎಂಬ ಯುಎನ್‌ಜಿಎ ನಿರ್ಣಯವು “ಎಲ್ಲಾ ಭಯೋತ್ಪಾದನಾ ಕೃತ್ಯಗಳು ಮತ್ತು ವಿವೇಚನಾರಹಿತ ದಾಳಿಗಳು ಸೇರಿದಂತೆ ಪ್ಯಾಲೆಸ್ಟೀನಿಯನ್ ಮತ್ತು ಇಸ್ರೇಲಿ ನಾಗರಿಕರ ವಿರುದ್ಧದ ಎಲ್ಲಾ ಹಿಂಸಾಚಾರಗಳನ್ನು  ಖಂಡಿಸಿದೆ (all acts of violence against Palestinian and Israeli civilians including all acts of terrorism and indiscriminate attacks) ಮತ್ತು ಮಾನವೀಯ ಮತ್ತು ಮಾನವ ಹಕ್ಕುಗಳ ಕಾನೂನುಗಳು, ವಿಶೇಷವಾಗಿ ನಾಗರಿಕರು ಮತ್ತು ನಾಗರಿಕ ವಸ್ತುಗಳ ರಕ್ಷಣೆಗೆ ಸಂಬಂಧಿಸಿದಂತೆ ಎಲ್ಲಾ ಪಕ್ಷಗಳು ತಕ್ಷಣ ಮತ್ತು ಸಂಪೂರ್ಣವಾಗಿ ಅಂತಾರಾಷ್ಟ್ರೀಯ ಬಾಧ್ಯತೆಗಳನ್ನು ಅನುಸರಿಸುತ್ತವೆ,” ಎಂದು ತಿಳಿಸಿದೆ.

ಗಾಯಾಳುಗಳು, ಮಾನವೀಯ ಸೌಲಭ್ಯಗಳು, ಸ್ವತ್ತುಗಳ ರಕ್ಷಣೆ ಮತ್ತು ಗಾಜಾ ಪಟ್ಟಿಯ ಎಲ್ಲಾ ನಾಗರಿಕರಿಗೆ ಅಗತ್ಯವಾಗಿ ಬೇಕಾದ ಸೇವೆಗಳು ತಲುಪಲು ಮಾನವ ಪ್ರವೇಶವನ್ನು ಸಕ್ರಿಯಗೊಳಿಸಲು ಮತ್ತು ಸುಗಮಗೊಳಿಸಲು ಇದು ಒತ್ತಾಯಿಸಿದೆ.

ಇದಲ್ಲದೆ, ಪ್ಯಾಲೇಸ್ಟಿನಿಯನ್ ನಾಗರಿಕರು, ಯುಎನ್ ಸಿಬ್ಬಂದಿ ಮತ್ತು ಮಾನವಸೇವಾ ಸಿಬ್ಬಂದಿಗಳಿಗಾಗಿ ಗಾಜಾ ಪಟ್ಟಿಯಲ್ಲಿರುವ ಎಲ್ಲಾ ಪ್ರದೇಶಗಳನ್ನು ವಾಡಿ ಗಾಜಾದ ಉತ್ತರಕ್ಕೆ ಮತ್ತು ದಕ್ಷಿಣಕ್ಕೆ ಸ್ಥಳಾಂತರಿಸಲು ಇಸ್ರೇಲ್ “ಆಕ್ರಮಣದ” ಆದೇಶವನ್ನು ರದ್ದುಗೊಳಿಸುವಂತೆ ನಿರ್ಣಯವು ಕರೆ ನೀಡಿದೆ.

ಅಂತರಾಷ್ಟ್ರೀಯ ಕಾನೂನಿಗೆ ಅನುಸಾರವಾಗಿ ಅಕ್ರಮವಾಗಿ ಬಂಧಿತರಾಗಿರುವ ನಾಗರಿಕರನ್ನು “ತಕ್ಷಣ ಬಿಡುಗಡೆ” ಮಾಡಲು ಸಾಮಾನ್ಯ ಸಭೆ ತಿಳಿಸಿದೆ.

ವಿಶ್ವಸಂಸ್ಥೆಯ ನಿರ್ಣಯಗಳ ಆಧಾರದ ಮೇಲೆ ಮತ್ತು ಅಂತರರಾಷ್ಟ್ರೀಯ ಕಾನೂನಿನ ಪ್ರಕಾರ ʼದ್ವಿರಾಷ್ಟ್ರʼ ಪರಿಹಾರದ ಆಧಾರದ ಮೇಲೆ ಶಾಂತಿಯುತ ವಿಧಾನಗಳಿಂದ ಮಾತ್ರ ಇಸ್ರೇಲಿ-ಪ್ಯಾಲೆಸ್ತೀನ್ ಸಂಘರ್ಷಕ್ಕೆ “ನ್ಯಾಯ ಮತ್ತು ಶಾಶ್ವತ ಪರಿಹಾರ” ವನ್ನು ಕಂಡುಕೊಳ್ಳಲು ಸಾಧ್ಯ ಎಂದು ಪುನರುಚ್ಚರಿಸಿತು.

ಸಭೆಯಲ್ಲಿ ಗೈರು ಹಾಜರಾಗಿದ್ದ ಭಾರತ  “ಭಾರತವು ಯಾವಾಗಲೂ ಇಸ್ರೇಲ್-ಪ್ಯಾಲೆಸ್ಟೈನ್ ಸಮಸ್ಯೆಗೆ ಸಂಧಾನದ ದ್ವಿರಾಷ್ಟ್ರ ಪರಿಹಾರವನ್ನು ಬೆಂಬಲಿಸುತ್ತದೆ, ಇದು ಸಾರ್ವಭೌಮ, ಸ್ವತಂತ್ರ ಪ್ಯಾಲೆಸ್ಟೈನ್ ರಾಜ್ಯವನ್ನು ಸ್ಥಾಪಿಸಲು ಕಾರಣವಾಗುತ್ತದೆ, ಸುರಕ್ಷಿತ ಮತ್ತು ಮಾನ್ಯತೆ ಪಡೆದ ಗಡಿಗಳಲ್ಲಿ ಇಸ್ರೇಲ್‌ನೊಂದಿಗೆ ಶಾಂತಿಯಿಂದ ಅಕ್ಕಪಕ್ಕದಲ್ಲಿಯೇ ವಾಸಿಸಲು ಸಾಧ್ಯವಾಗುತ್ತದೆ. ಇದಕ್ಕಾಗಿ, ಹಿಂಸಾಚಾರವನ್ನು ತ್ಯಜಿಸಿ, ನೇರ ಶಾಂತಿಯ ಮಾತುಕತೆಗಳನ್ನು ಪುನರಾರಂಭಿಸಲು ನಾವು ಒತ್ತಾಯಿಸುತ್ತೇವೆ,” ಎಂದಿದೆ.

“ಕಳೆದ ಗಂಟೆಯಲ್ಲಿ ನಡೆದ ಭಾರೀ ಬಾಂಬ್ ಸ್ಫೋಟವು ಗಾಜಾವನ್ನು ಹೊರಗಿನ ಪ್ರಪಂಚಕ್ಕೆ ಸಂಪರ್ಕಿಸುವ ಉಳಿದ ಎಲ್ಲಾ ಅಂತರರಾಷ್ಟ್ರೀಯ ಮಾರ್ಗಗಳನ್ನು ನಾಶಪಡಿಸಿದೆ” ಎಂದು ಜವ್ವಾಲ್ ತನ್ನ ಫೇಸ್‌ಬುಕ್ ನಲ್ಲಿ ಬರೆದುಕೊಂಡಿದೆ.

ಅಲ್ ಜಜೀರಾ ವರದಿ ಮಾಡಿರುವಂತೆ, ಗಾಝಾ ಪಟ್ಟಿಯಾದ್ಯಂತ ಇಂಟರ್ನೆಟ್ ಮತ್ತು ಮೊಬೈಲ್ ಫೋನ್ ನೆಟ್‌ವರ್ಕ್‌ಗಳ ಹಠಾತ್ ಕಡಿತ ಉಂಟಾಗಿದ್ದು, ಗಾಝಾದಲ್ಲಿ ಜನರು ಇದ್ದಕ್ಕಿದ್ದಂತೆ ಎಲ್ಲಾ ಸಂಪರ್ಕಗಳನ್ನು ಕಳೆದುಕೊಂಡಿದ್ದಾರೆ. ಜನರಿಗೆ ಎಚ್ಚರಿಕೆಯ ಸಂದೇಶಗಳನ್ನು ನೀಡುತ್ತಾರೆ ಎಂಬ ಕಾರಣಕ್ಕೆ ಸ್ಥಳೀಯ ರೇಡಿಯೊ ಕೇಂದ್ರಗಳನ್ನು ಸಹ ಇಸ್ರೇಲಿ ಸೇನೆಯ ವಕ್ತಾರರು ತಡೆಹಿಡಿಯುತ್ತಾರೆ.

ಪ್ಯಾಲೆಸ್ಟೈನ್‌ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪ್ಯಾಲೆಸ್ಟೈನ್ ರೆಡ್ ಕ್ರೆಸೆಂಟ್ ಸೊಸೈಟಿ, ಗಾಝಾ ಪಟ್ಟಿಯಲ್ಲಿರುವ ತನ್ನ ಎಲ್ಲಾ ಸಿಬ್ಬಂದಿಗಳೊಂದಿಗೆ ಸಂಪರ್ಕವನ್ನು ಕಳೆದುಕೊಂಡಿದೆ ಎಂದು ಹೇಳಿದೆ. “ನಮ್ಮ ತಂಡಗಳು ತಮ್ಮ ತುರ್ತು ವೈದ್ಯಕೀಯ ಸೇವೆಗಳನ್ನು ಒದಗಿಸುವುದನ್ನು ಮುಂದುವರಿಸುವ ಸಾಮರ್ಥ್ಯದ ಬಗ್ಗೆ ನಾವು ಆಳವಾಗಿ ಕಾಳಜಿ ವಹಿಸುತ್ತೇವೆ. ಈ ಅಡಚಣೆಯು  ತುರ್ತು ಸಂಪರ್ಕ ಸಂಖ್ಯೆ “101” ಮೇಲೆ ಪರಿಣಾಮ ಬೀರಿ, ಗಾಯಾಳುಗಳಿಗೆ ಬೇಕಾದ ಆಂಬ್ಯುಲೆನ್ಸ್ ವಾಹನಗಳ ಸೇವೆಗೆ ಅಡ್ಡಿಯಾಗುತ್ತದೆ” ಎಂದು ಆತಂಕ ವ್ಯಕ್ತಪಡಿಸಿದೆ.

ಇಂಟರ್ನೆಟ್ ಸೆನ್ಸಾರ್‌ಶಿಪ್ ಅನ್ನು ಮೇಲ್ವಿಚಾರಣೆ ಮಾಡುವ ಲಾಭರಹಿತ ಸಂಸ್ಥೆಯಾದ ನೆಟ್‌ಬ್ಲಾಕ್ಸ್ ಗಾಝಾದಲ್ಲಿ  ಸಂಭವಿಸಿರುವ ಈ ಸಂಪರ್ಕ ಕಡಿತದ ಬಗ್ಗೆ ತನ್ನ X ನಲ್ಲಿ ದೃಢೀಕರಿಸಿದೆ.

ಈ ಎಲ್ಲದರ ಮಧ್ಯೆ, ಇಸ್ರೇಲಿ ಮಿಲಿಟರಿ ವಕ್ತಾರ ಡೇನಿಯಲ್ ಹಗರಿ ಎನ್‌ಕ್ಲೇವ್‌ನ ಬಾಂಬ್ ದಾಳಿ ತೀವ್ರಗೊಳ್ಳುತ್ತಿದ್ದಂತೆ ಗಾಝಾದಲ್ಲಿ ಇಸ್ರೇಲಿ ನೆಲದ ಕಾರ್ಯಾಚರಣೆಗಳು ವಿಸ್ತರಿಸುತ್ತಿವೆ ಎಂದು ಹೇಳಿದ್ದಾರೆ.

ಅಕ್ಟೋಬರ್ 7 ರಿಂದ ಇಲ್ಲಿಯವರೆಗೆ, ಇಸ್ರೇಲ್ ದಾಳಿಯಲ್ಲಿ 7,326 ಪ್ಯಾಲೆಸ್ಟೀನಿಯಾದವರು ಸಾವನ್ನಪ್ಪಿದ್ದಾರೆ. ಇಸ್ರೇಲ್ ಪ್ಯಾಲೆಸ್ತೈನ್ ಮೇಲಿನ ತನ್ನ ದಾಳಿ ಮಾಡುವುದನ್ನು ಮುಂದುವರೆಸಿದೆ. ಇಸ್ರೇಲ್ ಮೇಲೆ ನಡೆದ ಹಮಾಸ್ ದಾಳಿಯಲ್ಲಿ 1,400 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದರು.

ಹಮಾಸ್ ಮತ್ತು ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ “ಬೆದರಿಕೆಗಳನ್ನು ಪ್ರತಿನಿಧಿಸುತ್ತಾರೆ. ಇವರಿಬ್ಬರೂ ನೆರೆಯ ದೇಶಗಳ ಪ್ರಜಾಪ್ರಭುತ್ವವನ್ನು ಸಂಪೂರ್ಣವಾಗಿ ನಾಶಮಾಡಲು ಹೊರಟಿದ್ದಾರೆ” ಎಂದು ಬಿಡೆನ್  ತಮ್ಮ ಭಾಷಣದಲ್ಲಿ ಹೇಳಿದ್ದಾರೆ.

“ಒಂದು ದೊಡ್ಡ ರಾಷ್ಟ್ರವಾಗಿ ನಮ್ಮ ಜವಾಬ್ದಾರಿಯಂತೆ ಕ್ಷುಲ್ಲಕ ಪಕ್ಷಪಾತದ, ದ್ವೇಷದ ರಾಜಕಾರಣವನ್ನು ನಾವು ಎಂದಿಗೂ ಸುಮ್ಮನೆ ಬಿಡಲಾರೆವು. ನಾವು ಹಮಾಸ್‌ನಂತಹ ಭಯೋತ್ಪಾದಕರು ಮತ್ತು ಪುಟಿನ್‌ನಂತಹ ನಿರಂಕುಶಾಧಿಕಾರಿಗಳನ್ನು ಗೆಲ್ಲಲು ಬಿಡುವುದಿಲ್ಲ,” ಎಂದು ಬಿಡೆನ್ ರಾಷ್ಟ್ರವನ್ನು ಉದ್ದೇಶಿಸಿ ಹೇಳಿದ್ದಾರೆ.

ಉಕ್ರೇನ್ ಮತ್ತು ಇಸ್ರೇಲ್‌ಗೆ ಸಹಾಯವಾಗಿ ಬೃಹತ್ ಹಣಕಾಸಿನ ನಿಧಿಯನ್ನು ಅನುಮೋದಿಸಲು ಶುಕ್ರವಾರ ಕಾಂಗ್ರೆಸ್‌ಗೆ ಮನವಿ ಮಾಡುವುದಾಗಿ ಹೇಳಿರುವ ಬಿಡೆನ್, “ಇದು ಜಾಗತಿಕ ನಾಯಕನಾಗಿ ನಾನು ಯುನೈಟೆಡ್ ಸ್ಟೇಟ್ಸ್‌ನ ಭವಿಷ್ಯಕ್ಕಾಗಿ ಮಾಡುವ ಹೂಡಿಕೆಯಾಗಿದೆ” ಎಂದು ತಿಳಿಸಿದ್ದಾರೆ.

“ಇದು ಅನೇಕ ತಲೆಮಾರುಗಳವರೆಗೆ ಅಮೇರಿಕನ್ನರ ಭದ್ರತೆಗಾಗಿ ಮಾಡುವ ಸ್ಮಾರ್ಟ್ ಹೂಡಿಕೆಯಾಗಿದೆ” ಎಂದು ಐತಿಹಾಸಿಕ ರೆಸಲ್ಯೂಟ್ ಡೆಸ್ಕ್‌ನಿಂದ ಮಾಡಿದ ಅಧ್ಯಕ್ಷೀಯ ಭಾಷಣದಲ್ಲಿ ಹೇಳಿದ್ದಾರೆ.

“ಅಮೆರಿಕನ್ ನಾಯಕತ್ವವು ಜಗತ್ತನ್ನು ಒಟ್ಟಿಗೆ ಹಿಡಿದಿಡಲು ಬಯಸುತ್ತದೆ. ಅಮೇರಿಕದ ಜೊತೆಗಿನ ಮೈತ್ರಿಗಳು ನಮ್ಮನ್ನು, ಅಮೇರಿಕಾವನ್ನು ಸುರಕ್ಷಿತವಾಗಿರಿಸುತ್ತವೆ. ಅಮೆರಿಕಾದ ಮೌಲ್ಯಗಳೇ ಇತರ ರಾಷ್ಟ್ರಗಳು ನಮ್ಮ ಜೊತೆಗೆ ಕೆಲಸ ಮಾಡುವಂತೆ ಮಾಡುತ್ತಿವೆ. ಅಮೇರಿಕಾ ಜಗತ್ತಿಗೆ ಎಂದೆಂದಿಗೂ ದಾರಿದೀಪವಾಗಿರುತ್ತದೆ” ಎಂದು ಅವರು ತಿಳಿಸಿದ್ದಾರೆ.

ಈ ವಾರ ಇಸ್ರೇಲ್‌ಗೆ ಪ್ರವಾಸ ಮಾಡಿದ್ದ ಬಿಡೆನ್, ತಮ್ಮ 2024 ರ ಮರುಚುನಾವಣೆಯನ್ನು ಗೆಲ್ಲುವ ಯುದ್ಧದಿಂದ  ದಣಿದಿರುವ ಮತದಾರರು ಮತ್ತು ರಿಪಬ್ಲಿಕನ್ನರನ್ನು ಗೆಲ್ಲಲು ಯೋಜನೆ ಹಾಕಿಕೊಳ್ಳುತ್ತಿದ್ದಾರೆ.

ಶ್ವೇತಭವನವು ಹಮಾಸ್‌ ವಿರುದ್ಧ ಇಸ್ರೇಲ್‌ಗೆ ಮತ್ತು ರಷ್ಯಾದ ಆಕ್ರಮಣದ ವಿರುದ್ಧದ ಉಕ್ರೇನ್‌ಗೆ ಯುದ್ಧ ನೆರವಾಗಿ 100 ಬಿಲಿಯನ್‌ ಡಾಲರ್ ಪ್ಯಾಕೇಜ್‌ ಘೋಷಿಸಲು ಕಾಂಗ್ರೆಸ್‌ಗೆ ವಿನಂತಿಯನ್ನು ಮಾಡುವುದಾಗಿ ತಿಳಿಸಿದ್ದಾರೆ.  

ಯುನೈಟೆಡ್ ಸ್ಟೇಟ್ಸ್‌ನಿಂದ ಸಾಗರ ದೂರದಲ್ಲಿರುವ ಎರಡೂ ಸಂಘರ್ಷಗಳನ್ನು ಒಂದಾಗಿ ಜೋಡಿಸಿ ಮತ್ತು  ಯುಎಸ್‌ನಲ್ಲಿ ಅಮೆರಿಕನ್ನರನ್ನು ಸುರಕ್ಷಿತನ್ನಾಗಿ ಇಡಲು ದೊಡ್ಡ ಹೋರಾಟದ ಭಾಗವಾಗಿ ಇದನ್ನು ರೂಪಿಸಲು ಬಿಡೆನ್  ಪ್ರಯತ್ನ ಪಡುತ್ತಿದ್ದಾರೆ.

ಅಮೇರಿಕಾ ಅಧ್ಯಕ್ಷರು ಸಾಂಪ್ರದಾಯಿಕವಾಗಿ ಓವಲ್ ಕಚೇರಿಯಿಂದ (solemn setting of the Oval Office) ಪ್ರಮುಖ ರಾಷ್ಟ್ರೀಯ ಮಹತ್ವದ ಭಾಷಣಗಳನ್ನು ಮಾತ್ರ ಮಾಡುತ್ತಾರೆ.

ಜೂನ್‌ನಲ್ಲಿ ಅಮೇರಿಕಾದ ಸಾಲ ಡೀಫಾಲ್ಟ್ ದುರಂತವನ್ನು ತಪ್ಪಿಸಲು ಕಾಂಗ್ರೆಸ್‌ನೊಂದಿಗೆ ಒಪ್ಪಂದ ಮಾಡಿಕೊಂಡಾಗ ಇಲ್ಲಿಂದಲೇ ಭಾಷಣ ಮಾಡಿದ್ದರು.  

ಆದರೆ, ವೈಟ್‌ಹೌಸ್‌ನಲ್ಲಿ ಬಹುಮತವನ್ನು ನಿಯಂತ್ರಿಸುವ ವಿಭಜನೆಗೊಂಡಿರುವ ರಿಪಬ್ಲಿಕನ್ನರು ಹೌಸ್ ಸ್ಪೀಕರ್ ಅನ್ನು ಆಯ್ಕೆ ಮಾಡಲು ಪದೇ ಪದೇ ವಿಫಲರಾಗಿರುವುದರಿಂದ ಕಾಂಗ್ರೆಸ್ ಎರಡು ವಾರಗಳಿಗೂ ಹೆಚ್ಚು ಕಾಲ ನಿಷ್ಕ್ರಿಯವಾಗಿದೆ.

ಫೆಬ್ರವರಿ 2022 ರಲ್ಲಿ ಮಾಸ್ಕೋ ಉಕ್ರೇನ್‌ ಮೇಲೆ ದಾಳಿಯನ್ನು ಆರಂಭಿಸಿದಾಗಿನಿಂದ ಯುನೈಟೆಡ್ ಸ್ಟೇಟ್ಸ್ ಉಕ್ರೇನ್‌ಗೆ ನೀಡಲು ಹೊರಟಿರುವ 43.9 ಬಿಲಿಯನ್‌ ಡಾಲರ್ ಭದ್ರತಾ ನೆರವನ್ನು ಹೆಚ್ಚಿಸುವುದಕ್ಕೆ ರಿಪಬ್ಲಿಕನ್ನರು ಮತ್ತು ಸ್ವತಃ ಜನರೇ ವಿರೋಧಿಸಿದ್ದರು.

ಶುಕ್ರವಾರ, ವಿನಂತಿ ಮಾಡಲು ಹೊರಟಿರುವ ಪ್ಯಾಕೇಜ್‌ನಲ್ಲಿ ಇಸ್ರೇಲ್‌ಗೆ  10 ಬಿಲಿಯನ್ ಡಾಲರ್‌ ಮತ್ತು ಉಕ್ರೇನ್‌ಗೆ  60‌ ಬಿಲಿಯನ್ ಡಾಲರ್ ಹಣಕಾಸಿನ ನೆರವು ಇರುತ್ತದೆ ಎಂದು ಅಮೇರಿಕಾದ ಮಾಧ್ಯಮಗಳು ವರದಿ ಮಾಡಿವೆ.

ಈ ಭಾಷಣಕ್ಕೂ ಮೊದಲು ಬಿಡೆನ್ ಉಕ್ರೇನ್‌ನ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿಯೊಂದಿಗೆ ಮಾತುಕತೆ ನಡೆಸಿದ್ದರು.

ವೊಲೊಡಿಮಿರ್ ಝೆಲೆನ್ಸ್ಕಿ ಅಮೇರಿಕಾ ನೀಡಿದ ATACMS ಎಂಬ ಲಾಂಗ್-ರೇಂಜ್‌ ಕ್ಷಿಪಣಿಗಳಿಗೆ ಕೃತಜ್ಞತೆ ತಿಳಿಸಿದ್ದಾರೆ. “ಸ್ವಾತಂತ್ರ್ಯಕ್ಕಾಗಿ ಮತ್ತು ರಷ್ಯಾದ ಆಕ್ರಮಣದ ವಿರುದ್ಧದ ನಮ್ಮ ಹೋರಾಟಕ್ಕೆ ಅಮೇರಿಕಾ ನೀಡಿರುವ ಬೆಂಬಲಕ್ಕೆ ಉಕ್ರೇನ್ ಕೃತಜ್ಞವಾಗಿರುತ್ತದೆ,” ಎಂದು ಉಕ್ರೇನ್‌ನ ಅಧ್ಯಕ್ಷ ತಿಳಿಸಿದ್ದಾರೆ.

ಎಡಪಂಥೀಯ ಡೆಮೋಕ್ರಾಟ್‌ಗಳು ಬಿಡೆನ್ ನಿಲುವನ್ನು ವಿರೋಧಿಸಿದರೂ, ಅದೇ ಪಕ್ಷದ ಬಿಡೆನ್‌ ಮಾತ್ರ ಇಸ್ರೇಲ್‌ಗೆ ಬಲವಾದ ಬೆಂಬಲ ನೀಡುತ್ತಿರುವ ಅಮೇರಿಕಾ ಮತದಾರರ ಕಾರಣದಿಂದಾಗಿ ಇಸ್ರೇಲ್-ಹಮಾಸ್ ಯುದ್ಧದ ಮೇಲೆ ತಮ್ಮ ಪ್ರಭಾವವನ್ನು ಹೆಚ್ಚಿಸುವಲ್ಲಿ ತೊಡಗಿಸಿಕೊಂಡಿದ್ದಾರೆ.

ಬುಧವಾರ ಟೆಲ್ ಅವೀವ್‌ನಲ್ಲಿ ಮಾತನಾಡಿದ ಬಿಡೆನ್ ಇಸ್ರೇಲ್‌ಗೆ ಬೆಂಬಲ ಸೂಚಿಸಿ, ಅಕ್ಟೋಬರ್ 7 ರಂದು ಪ್ಯಾಲೇಸ್ಟಿನಿಯನ್ ಬಂಡುಕೋರ ಗುಂಪು ಹಮಾಸ್ ನಡೆಸಿದ ದಾಳಿಯಲ್ಲಿ 1,400 ಕ್ಕೂ ಹೆಚ್ಚು ಜನರನ್ನು ಹತರಾದ ನಂತರ ಗಾಜಾದ ಮೇಲೆ  ಆಕ್ರಮಣಕ್ಕೆ ಇಸ್ರೇಲ್‌ ಸಜ್ಜಾಗಿದೆ ಎಂದು ಹೇಳಿದ್ದರು.

ಆದರೆ, ಬಿಡೆನ್‌ ಈಜಿಪ್ಟ್ ಮೂಲಕ ಇಸ್ರೇಲಿ ಬಾಂಬ್ ದಾಳಿಯಿಂದ ಕನಿಷ್ಠ 3,785 ಪ್ಯಾಲೆಸ್ಟೀನಿಯನ್ನರು ಸಾವನ್ನಪ್ಪಿರುವ ಗಾಜಾ ಪಟ್ಟಿಗೆ ನೆರವು ನೀಡಲು ಒಪ್ಪಂದವನ್ನು ಮಾಡಿಕೊಂಡಿದ್ದರು.

ವಿಶಾಲವಾದ ಮಧ್ಯಪ್ರಾಚ್ಯದ ಈ ಸಂಘರ್ಷದ ಮಧ್ಯೆ ಅಮೇರಿಕಾ ಒಳಗೊಳಗಿನ ಅಟಗಳನ್ನು ಆಡುತ್ತಿದೆ. ಹಮಾಸ್‌ನ ಮಿತ್ರರಾಷ್ಟ್ರಗಳಾದ ಇರಾನ್ ಮತ್ತು ಲೆಬನಾನ್‌ನ ಹಿಜ್ಬುಲ್ಲಾವನ್ನು ತಡೆಯಲು  ಯುನೈಟೆಡ್ ಸ್ಟೇಟ್ಸ್ ಈಗಾಗಲೇ ಎರಡು ಯುದ್ಧನೌಕೆಗಳನ್ನು ಪೂರ್ವ ಮೆಡಿಟರೇನಿಯನ್‌ಗೆ ಸ್ಥಳಾಂತರಿಸಿದೆ

ಕನಿಷ್ಠ ಎಂಟು ಜನರು ಈ ದಾಳಿಯಿಂದ ಸಾವನ್ನಪ್ಪಿದ್ದಾರೆ ಎಂದು ಅಲ್ ಜಜೀರಾ ವರದಿ ಮಾಡಿತ್ತು. ಆದರೆ ಸಂಖ್ಯೆಯಲ್ಲಿ ಏರಿಕೆಯಾಗುತ್ತಿದೆ.

ಗ್ರೀಕ್ ಆರ್ಥೊಡಾಕ್ಸ್ ಸೇಂಟ್ ಪೋರ್ಫಿರಿಯಸ್ ಚರ್ಚ್ ಗಾಜಾದ ಅತ್ಯಂತ ಹಳೆಯ ಚರ್ಚ್ ಆಗಿದ್ದು, ಅಲ್ ಜಜೀರಾ ವರದಿಯ ಪ್ರಕಾರ, “ಮುಸ್ಲಿಮರು ಮತ್ತು ಕ್ರಿಶ್ಚಿಯನ್ನರು ಅಲ್ಲಿ ಆಶ್ರಯ ಪಡೆದಿರುವುದರಿಂದ ಈ ದಾಳಿ ನಡೆಸಲಾಗಿದ್ದು, ಇದು ಧರ್ಮ ಮಾತ್ರವಲ್ಲ ಮಾನವೀಯತೆಯ ಮೇಲಿನ ದಾಳಿ,” ಎಂದು ಫಾದರ್ ಎಲಿಯಾಸ್ ಹೇಳಿದ್ದರು.

ದಿ ವಾಷಿಂಗ್ಟನ್ ಪೋಸ್ಟ್ ದಾಳಿಯಾದ ಕಟ್ಟಡವನ್ನು ಜಿಯೋಲೊಕೇಟ್ ಮಾಡಿದ್ದು, ನಾಶವಾದ ಕಟ್ಟಡದ ಅವಶೇಷಗಳ ನಡುವೆ ಜನರನ್ನು ಹುಡುಕುತ್ತಿರುವ ವೀಡಿಯೊವನ್ನು ಆಧರಿಸಿ ಇದು ಚರ್ಚ್‌ ಎಂದು ದೃಢಪಡಿಸಿದೆ”.

ಚರ್ಚ್‌ನ ಅಧಿಕೃತ ಆದೇಶವಾದ ʼಆರ್ಡರ್ ಆಫ್ ಸೇಂಟ್ ಜಾರ್ಜ್ʼ: “ಆರ್ಚ್‌ಬಿಷಪ್ ಅಲೆಕ್ಸಿಯೊಸ್  ಜೀವಂತವಾಗಿದ್ದಾರೆ, ಆದರೆ ಅವರು ಗಾಯಗೊಂಡಿದ್ದಾರೆಯೇ ಎಂದು ನಮಗೆ ತಿಳಿದಿಲ್ಲ. ನಮಗೆ ಮಾಹಿತಿ ನೀಡುವ ವ್ಯಕ್ತಿ ಸೇರಿದಂತೆ ಚರ್ಚ್ ಮತ್ತು ಚರ್ಚ್‌ ಒಳಗೆ ನೆಲೆಸಿರುವ 500 ಕ್ಕೂ ಹೆಚ್ಚು ಜನರ ಸ್ಥಿತಿ ಹೇಗಿದೆ ಎಂಬುದು ತಿಳಿದಿಲ್ಲ ಎಂದು ಹೇಳಿಕೆಯನ್ನು ಪ್ರಕಟಿಸಿದೆ.

“ಮಕ್ಕಳು ಮತ್ತು ಹಸುಳೆಗಳು ಸೇರಿದಂತೆ ನಿರಾಶ್ರಿತರು ಮಲಗಿದ್ದ ಎರಡು ಚರ್ಚ್ ಹಾಲ್‌ಗಳಿಗೆ ಬಾಂಬ್‌ಗಳು ಅಪ್ಪಳಿಸಿದವು. ಪ್ರಸ್ತುತ, ಬದುಕುಳಿದವರು ಇತರರನ್ನು ಅವಶೇಷಗಳ ನಡುವೆ ಹುಡುಕುತ್ತಿದ್ದಾರೆ. ಘಟನಾ ಸ್ಥಳದಲ್ಲಿರುವ ನಮ್ಮವರು150-200 ಜನರು ಸತ್ತಿದ್ದಾರೆ ಎಂದು ಅಂದಾಜಿಸಿದ್ದಾರೆ ಮತ್ತು ಅವಶೇಷಗಳ ನಡುವೆ ಹೆಚ್ಚಿನ ಜನರು ಕಂಡುಬರುವುದರಿಂದ ಆ ಸಂಖ್ಯೆಯಲ್ಲಿ ಏರಿಕೆಯಾಗುವ ಸಾಧ್ಯತೆ ಇದೆ, ” ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಗಾಜಾದ ಆರೋಗ್ಯ ಸಚಿವಾಲಯದ ಪ್ರಕಾರ, ಅಕ್ಟೋಬರ್ 7 ರಿಂದ 3,000 ಜನರು ಸಾವನ್ನಪ್ಪಿದ್ದಾರೆ ಮತ್ತು 12,500 ಜನರು ಗಾಯಗೊಂಡಿದ್ದಾರೆ. ಇಸ್ರೇಲ್‌ನಲ್ಲಿ, ಅಕ್ಟೋಬರ್ 7 ರಂದು ಹಮಾಸ್‌ನ ಹಠಾತ್ ದಾಳಿ ಮತ್ತು ಅದರ ನಂತರ 1,400 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದರು.

ಸ್ಮಶಾನ ಸದೃಶವಾಗಿರುವ ಗಾಜಾದಲ್ಲಿ ಜನರ ಬಾಯಾರಿಕಯನ್ನು ತಣಿಸಲಿ ತನ್ನ ಕತ್ತೆ ಅಲ್ಮಂಡನ ಜೊತೆಗೆ ಬೀದಿ ಸುತ್ತುವ ʼಜಮೀಲ್‌ʼ ಎಂಬ ʼಮನುಷ್ಯʼನೊಬ್ಬನ ಕಥೆ!

ಇಸ್ರೇಲ್‌ನ ದಾಳಿಗೆ ಗಾಜಾ ಪಟ್ಟಣ ಸ್ಮಶಾನವಾಗಿ ಬದಲಾಗಿತ್ತು. ಯುಧ್ಧ ಭೀತಿ, ಸಾವು, ರಕ್ತ…ಯಾವಾಗ ಜೀವ ಬಿಡುತ್ತೇವೋ ಎಂಬ ಭಯದಿಂದ ಅಳುವ ಪುಟ್ಟ ಪುಟ್ಟ ಮಕ್ಕಳ ಆಕ್ರಂದನವೇ ಸಾಕು, ಇಡೀ ಜಗತ್ತು ಎಂದೆಂದೂ ಕ್ಷಮೆಯಿಲ್ಲದ ಪಾಪದಿಂದ ತುಂಬಿ ಹೋಗಲು.

ರಕ್ತಸಿಕ್ತವಾಗಿರುವ ಗಾಜಾದ ಬೀದಿಯಲ್ಲಿ ವ್ಯಕ್ತಿಯೋರ್ವ ತನ್ನ ಕತ್ತೆಯ ಜೊತಗೆ ಓಡಾಡುತ್ತಿರುತ್ತಾನೆ. ಇಸ್ರೇಲ್‌ ಗಾಜಾದ ನೀರು, ವಿದ್ಯುತ್‌ ಸಂಪರ್ಕವನ್ನು ಕಡಿದ ಹಾಕಿ ಯುದ್ಧದಿಂದ ನೊಂದು ಬಳಲಿದೆ ಜನರಿಗೆ ಮತ್ತಷ್ಟೂ ಘನಘೋರ ಹಿಂಸೆಯನ್ನು ನೀಡಿತ್ತು.

ಇದ್ಯಾವುದೂ ಜಗತ್ತಿನ ದೊಡ್ಡ ದೊಡ್ಡ ರಾಷ್ಟ್ರಗಳ ನಾಯಕರಿಗೆ ಕಾಣಲಿಲ್ಲ. ಇಸ್ರೇಲ್‌ ವ್ಯವಸ್ಥಿತವಾಗಿ ಹಬ್ಬಿಸುತ್ತಿದ್ದ ತನ್ನ ಪ್ರೊಪಗಾಂಡವನ್ನು ಮುಂದಿಟ್ಟು, ಇವರೆಲ್ಲರೂ ಇಸ್ರೇಲ್‌ನ ಯೋಗಕ್ಷೇಮ ವಿಚಾರಿಸಲು ಬರುತ್ತಿದ್ದರು.

ಇನ್ನೊಂದು ಕಡೆ ಗಾಜಾದ ಜನತೆ ನೀರು-ಅನ್ನ ಆಹಾರ ಇಲ್ಲದೆ, ಜೀವವನ್ನು ಕೈಯಲ್ಲಿ ಹಿಡಿದು ಸಾವನ್ನು ಎದುರು ನೋಡುತ್ತಿದ್ದರು. ಇದಕ್ಕೆ ಕರಗದ ಹೃದಯಗಳನ್ನು ಎಂದಿಗೂ ದೇವರು ಕ್ಷಮಿಸಲು ಸಾಧ್ಯವಿಲ್ಲ.

ಇವೆಲ್ಲದರ ಮಧ್ಯೆ, ಗಾಜಾ ನಗರದ ಬೀದಿಯಲ್ಲಿ ವ್ಯಕ್ತಿಯೋರ್ವ ತನ್ನ ಕತ್ತೆಯೊಂದಿಗೆ ಅಲ್ಲಿಲ್ಲಿ ಓಡಾಡುತ್ತಿದ್ದ.  ಹೆಸರಿಗೆ ಸರಿಯಾಗಿ ಸುಂದರ ಹೃದಯವಂತ  ಜಮೀಲ್ ಅಲ್ ಕರೂಬಿ. ಅವರು ತಮ್ಮ ಕತ್ತೆ ಅಲ್ಮಂಡ್‌ ಜೊತೆಗೆ  ಕಳೆದ ಒಂಬತ್ತು ದಿನಗಳಿಂದ ನರಕ ಸದೃಶವಾದ ಈ ನಗರದಲ್ಲಿ ʼದೇವರ ಕೆಲಸಕ್ಕೆʼ ಇಳಿದ್ದಿದ್ದಾರೆ.

ಪ್ರತಿದಿನ, ಸೂರ್ಯ ಹುಟ್ಟುವ ಮೊದಲು ಎದ್ದು ತಮ್ಮ ಮನೆಯವರಿಗೆ ಬೇಕಾದದ್ದನ್ನು ಮಾಡಿಕೊಟ್ಟು ಜಮೀಲ್‌ ನೀರು ವಿತರಿಸಲು ಹೊರಡುತ್ತಾರೆ.  ಗುಂಡಿಗಳಿಂದ ತುಂಬಿರುವ ಬೀದಿಗಳಲ್ಲಿ ಅಲ್ಮಂಡನು ಗಾಡಿಯನ್ನು ಎಳೆಯುತ್ತಾ ನೆರೆಹೊರೆಯ ಜನರಿಗೆ ಶುದ್ಧ ಕುಡಿಯುವ ನೀರನ್ನು ನೀಡಲು ಜಮೀಲ್‌ ಅವರಿಗೆ ನೆರವಾಗುತ್ತಾನೆ.

“ನಾನು ಮತ್ತು ನನ್ನ ಮಿತ್ರ ಆಲ್ಮಂಡನ ನಡುವೆ ಒಂದು ಒಪ್ಪಂದವಾಗಿದೆ.  ಅವನು ಪ್ರತಿದಿನ ಬೇಗನೆ ಎದ್ದು, ನೀರಿನ ತೊಟ್ಟಿಯನ್ನು ತುಂಬಲು ಮತ್ತು ಅದನ್ನು ನೆರೆಹೊರೆಯವರಿಗೆ ವಿತರಿಸಲು ಸಹಾಯ ಮಾಡಿದರೆ, ನಾನು ಅವನಿಗೆ ಪ್ರತಿದಿನ ತಿನ್ನಲು ಹೆಚ್ಚು ಆಹಾರ ಕೊಡುತ್ತೇನೆ ಎಂದು ಮಾತುಕೊಟ್ಟಿದ್ದೇನೆ” ಎನ್ನುತ್ತಾರೆ ಜಮೀಲ್. ತನ್ನ ಪ್ರೀತಿಯ ಕತ್ತೆಗೆ ಕೊಟ್ಟ ಮಾತನ್ನು ಜಮೀಲ್‌ ಎಂದಿಗೂ ತಪ್ಪಲಿಲ್ಲ.

ಯುದ್ಧ ಆರಂಭವಾಗುವ ಮೊದಲು ಮೂವತ್ತನಾಲ್ಕು ವರ್ಷದ ಜಮೀಲ್‌ ತನ್ನ ಗಾಡಿಯಲ್ಲಿ ತರಕಾರಿಗಳನ್ನು ಇಟ್ಟುಕೊಂಡು ಮಾರುತ್ತಿದ್ದರು. ಬಾಂಬು ದಾಳಿ ಆರಂಭವಾದಾಗಿನಿಂದ, ಗಾಜಾದ ತುಂಬಾ ನೋವು-ಆಕ್ರಂದನ, ರಕ್ತದ ಕೋಡಿ ಹರಿಯಲು ಶುರುವಾದಾಗ ಆಲ್ಮಂಡನ ಜೊತೆಗೆ ಜನರಿಗಾಗಿ ತಾನು ಏನು ಮಾಡಬಹುದು ಎಂದು ಜಮೀಲ್‌ ಯೋಚಿಸಲು ಶುರು ಮಾಡಿದರು.

ಆಗಾಗಲೇ ಇಸ್ರೇಲ್‌ ನೊಂದಿರುವ ಗಾಜಾ ಪಟ್ಟಣಕ್ಕೆ ನೀರಿನ ಪೂರೈಕೆಯನ್ನು ನಿಲ್ಲಿಸಿತ್ತು. ಜನ ಹಸಿವು ಬಾಯಾರಿಕೆಯಿಂದ ತತ್ತರಿಸಿ ಹೋಗಿದ್ದರು. ಆಗ ಜಮೀಲ್‌ ಕಣ್ಣ ಮುಂದೆ ಬಂದದ್ದು ತನ್ನ ತಂದೆ ಸಾಯುವ ಮುನ್ನ ತನಗೆ ಕೊಟ್ಟು ಹೋದ ಒಂದು ಬಾವಿ. ಈ ಬಾವಿಯ ನೀರಿನಿಂದ ಜನರ ಬಾಯಾರಿಕೆಯನ್ನು ನೀಗಿಸಬಹುದು ಎಂದು ತನ್ನ ಮಿತ್ರ  ಕತ್ತೆ ಅಲ್ಮಂಡನ ಜೊತೆಗೆ ಯೋಜನೆ ಹಾಕಿಕೊಂಡರು.

ತನ್ನ ಮನೆಯವರ ನೀರಿನ ಅಗತ್ಯವನ್ನು ಪೂರೈಸಿದ ನಂತರ, ಜಮೀಲ್‌ ಎರಡು ದೊಡ್ಡ ಟ್ಯಾಂಕ್‌ಗಳಲ್ಲಿ ನೀರನ್ನು ತುಂಬಿಸಿ ನೆರೆಹೊರೆಯವರಿಗೆ ನೀರನ್ನು ಹಂಚುತ್ತಾರೆ. ನೀರು ಖಾಲಿಯಾದಾಗ ಮತ್ತೆ ಬಂದು ತುಂಬಿಸುತ್ತಾರೆ. ಇದಕ್ಕೆ ಅಲ್ಮಂಡನೂ ಜೊತೆಗೂಡುತ್ತಾನೆ.

ಜಮೀಲ್‌ ಅವರದ್ದು ತಾಯಿ, ಹೆಂಡತಿ ಮತ್ತು ನಾಲ್ಕು ಮಕ್ಕಳಿರುವ ಏಳು ಜನರ ಕುಟುಂಬ. ಒಂದು ವಾರದ ಹಿಂದೆ ಇಸ್ರೇಲ್‌ ಪಡೆ ನೀರು-ವಿದ್ಯುತ್ತಿನ ಸರಬರಾಜು ನಿಲ್ಲಿಸುವಾಗ ನೆರೆಹೊರೆಯವರಿಗೆ ನೀರು ಕೊಟ್ಟು ಧೈರ್ಯ ತುಂಬಿದ್ದು ಇದೇ ಮನೆ.  ಕತ್ತೆಯ ಗಾಡಿಯೊಂದಿಗೆ ಜನರು ಅಗತ್ಯವಿರುವವರಿಗೆ ನೀರು ಹಂಚುತ್ತಿದ್ದಾರೆ

ಈ ಸಂಕಷ್ಟದ ಸಂದರ್ಭದಲ್ಲಿ ಜಮೀಲ್‌ರ ಈ ಕೆಲಸ ಜನರು ಒಂದಾಗಿ ನಿಲ್ಲಬೇಕು ಎಂಬುದರ ದೊಡ್ಡ ಸಂದೇಶವಾಗಿ ಕಾಣುತ್ತದೆ. ಕಾರ್ಮಿಕ ವರ್ಗದ ಕುಟುಂಬವೊಂದು ಯಾವುದೇ ಫಲಾಪೇಕ್ಷೆ ಇಲ್ಲದೆ ಈ ಕೆಲಸವನ್ನು ಮಾಡುತ್ತಿದೆ.  

“ನಾನು ನೀರನ್ನು ಮಾರಾಟ ಮಾಡುತ್ತಿಲ್ಲ, ಉಚಿತವಾಗಿ ನೀಡುತ್ತಿದ್ದೇನೆ. ನಾನು ನನ್ನ ಜನರಿಗೆ ಸಹಾಯ ಮಾಡದಿದ್ದರೆ, ಬೇರೆ ಯಾರು ಸಹಾಯ ಮಾಡುತ್ತಾರೆ? ಇಸ್ರೇಲ್? ನನಗೆ ಅನುಮಾನವಿದೆ,” ಎನ್ನುತ್ತಾರೆ ಜಮೀಲ್.

ಜನರು ವಿದ್ಯುತ್‌, ಇಂಟರ್‌ನೆಟ್‌ ಇಲ್ಲದದೆ ಬದುಕಬಹುದು, ನೀರಿಲ್ಲದೆ ಬದುಕಲು ಸಾಧ್ಯವೇ?

“ಜಮೀಲ್ ಇಲ್ಲದಿದ್ದರೆ ನಾವು ಏನು ಮಾಡಬೇಕೆಂದೇ ನಮಗೆ ತಿಳಿದಿಲ್ಲ. ನಾವು ನೀರಿಗಾಗಿ ಏಜೆನ್ಸಿಗಳ ಬಳಿಗೆ ಹೋದರೆ, ಜನ ಕಿಕ್ಕಿರುದು ನಿಂತಿದ್ದಾರೆ.  ಅಲ್ಲಿನ ನೀರು ಕೂಡ ಕುಡಿಯಲು ಯೋಗ್ಯವಾಗಿಲ್ಲ,” ಶುದ್ಧ ರುಚಿಯನ್ನು ಹೊಂದಿಲ್ಲ,” ” ಎಂದು ಜನರು ಹೇಳುತ್ತಾರೆ.

ಜಮೀಲ್ ಅವರಿಗೆ ತನ್ನ ನೆರೆಹೊರೆಯವರಲ್ಲದೇ ಬೇರೆಯವರಿಗೂ ನೆರವು ನೀಡಬೇಕೆಂಬ ಇರಾದೆ ಇದೆ. ಆದರೆ ಇಸ್ರೇಲಿ ಕ್ಷಿಪಣಿಗಳ ದಾಳಿಯಿಂದ ಬೀದಿಗಳ ತುಂಬಾ ಬಿದ್ದಿರುವ ಅವಶೇಷಗಳು ಇವರ ಕತ್ತೆಯ ಗಾಡಿಯನ್ನು ಓಡಿಸಲು ಸಾಧ್ಯವಾಗುತ್ತಿಲ್ಲ.

ಜಮೀಲ್‌ ಹೀಗೆ ಭಯವಿಲ್ಲದೆ ತಮ್ಮ ಕತ್ತೆ ಅಲ್ಮಂಡನ ಜೊತೆಗೆ ಸುತ್ತಾಡುತ್ತಿರುವುದು ಅವರ  ಕುಟುಂಬಕ್ಕೆ ಆತಂಕವನ್ನುಂಟು ಮಾಡಿದೆ. ಆದರೆ ಜಮೀಲ್‌ರ ಈ ಸೇವೆಗೆ ಅಡ್ಡಿಬರಲು ಅವರಿಗೆ ಮನಸಿಲ್ಲ.  

ಜಮೀಲ್ ಅವರ ಕಿರಿಯ ಮಗ ಒಸಾಮಾ “ನನ್ನ ತಂದೆ ಅಪರಿಚಿತರೂ ಸೇರಿದಂತೆ ಎಲ್ಲಾ ಜನರಿಗೆ ಸಹಾಯ ಮಾಡುವ ಜವಾಬ್ದಾರಿಯನ್ನು ಹೊತ್ತಿದ್ದಾರೆ. ಜನರು ರಾತ್ರಿ ಬಾಯಾರಿಕೆ ತೀರಿಸಿಕೊಂಡು ಮಲಗಲು ಸಾಧ್ಯವಾಗುವುದು ಅವರಿಗೆ ನೆಮ್ಮದಿ ಮತ್ತು ಹೆಮ್ಮೆಯನ್ನುಂಟು ಮಾಡುತ್ತದೆ,” ಎನ್ನುತ್ತಾನೆ.  

“ಇದು ತುಂಬಾ ಅಪಾಯಕಾರಿ ಕೆಲಸ. ಕ್ಷಿಪಣಿಗಳು ಗಾಜಾದಾದ್ಯಂತ ಎಲ್ಲೆಂದರಲ್ಲಿ ದಾಳಿಮಾಡುತ್ತಿವೆ. ಆದರೆ ನಾವು ಅಪ್ಪನನ್ನು ತಡೆಯಲು ಸಾಧ್ಯವಿಲ್ಲ. ಜನರು ನಮ್ಮನ್ನು ಪ್ರೀತಿಸುತ್ತಾರೆ. ಅವರಿಗೆ ಬೇಕಾಗಿರುವುದು ಜನರ ಪ್ರೀತಿಯಷ್ಟೇ,” ಎನ್ನುತ್ತಾನೆ ಒಸಾಮಾ.

ನೀರಿನ ಜೊತೆಗೆ ಕೆಲವೊಮ್ಮೆ ಜಮೀಲ್ ಮತ್ತು ಆಲ್ಮಂಡ ನಿಂಬೆಹಣ್ಣು, ಆಲೂಗಡ್ಡೆಗಳಂತಹ ತರಕಾರಿಗಳನ್ನು ವಿತರಿಸುತ್ತಾರೆ. ಅವರ ತೋಟದಲ್ಲಿ ಬೆಳೆದ ತರಕಾರಿಗಳು ಮನೆಯ ಅಗತ್ಯದ ಬಳಕೆಯ ನಂತರ ಉಳಿದರೆ, ಅವನ್ನು ಜನರಿಗೆ ನೀಡುತ್ತಾರೆ.  

“ನನ್ನಲ್ಲಿ ಹೆಚ್ಚು ತರಕಾರಿಗಳು ಇದ್ದಾಗ, ಅವನ್ನು ಹಂಚದೇ ಇರಲು ಸಾಧ್ಯವಿಲ್ಲ. ಇದರಿಂದ ನಾನೂ, ನನ್ನ ಜನ ನೆಮ್ಮದಿಯನ್ನು ಕಾಣುತ್ತಾರೆ,” ಎನ್ನುತ್ತಾರೆ ಜಮೀಲ್.

ಜಮೀಲ್‌ನ ನೆರೆಹೊರೆಯವರು ಆಗಾಗ ಆಲ್ಮಂಡನಿಗೆ ಆಹಾರವನ್ನು ನೀಡುತ್ತಾರೆ. ಅವನ್ನು ಸ್ವೀಕರಿಸುವಂತೆ ಜಮೀಲ್‌ರನ್ನು ಒತ್ತಾಯಿಸುತ್ತಾರೆ. ಜನರು ಜಮೀಲ್‌ರವರ ಸೇವೆಯನ್ನು, ಅವರ ಧೈರ್ಯವನ್ನು ಪ್ರಶಂಸಿಸುತ್ತಾರೆ.  

ಜಮೀಲ್‌ಗೆ ರಾಜಕೀಯ ಗೊತ್ತಿಲ್ಲ,  ಯುದ್ಧವು ಯಾವಾಗ ಕೊನೆಗೊಳ್ಳುತ್ತದೆ ಎಂಬುದು ತಿಳಿದಿಲ್ಲ. ತನ್ನ ನೆರೆಹೊರೆಯವರು ಬಾಯಾರಿಕೆಯಿಂದ ಬಳಲುತ್ತಿದ್ದಾರೆ ಎಂದು ಮಾತ್ರ ಅವನಿಗೆ ಮನಸ್ಸಿನಲ್ಲಿದೆ.

“ನನ್ನ ಜನರಿಗೆ ಅಗತ್ಯವಿರುವವರೆಗೂ, ನಾನು ಅವರ ಜೊತೆಗಿರುತ್ತೇನೆ, ನನಗೆ ಸಾಧ್ಯವಾದಷ್ಟು ಸಹಾಯ ಮಾಡಲು ಪ್ರಯತ್ನಿಸುತ್ತೇನೆ,” ಎಂದು ಜಮೀಲ್‌ ತನ್ನ ನೀರು ಹಂಚುವ ಕೆಲಸವನ್ನು ಮುಂದುವರಿಸಿದರು.

(ಈ ಕಥೆಯನ್ನು ಅಲ್‌ಜಝೀರಾದಲ್ಲಿ ಪ್ರಕಟಿಸಲಾದ A man and his donkey ensure Gaza people don’t go thirsty amid Israeli siege ವರದಿಯಿಂದ ಸ್ಪೂರ್ತಿಗೊಂಡಿದೆ)