ಮುಖ್ಯವಾಗಿ ಈ ಉದ್ಯೋಗ ಕಡಿತದ ಪರ್ವ ಕೃತಕ ಬುದ್ಧಿಮತ್ತೆ (AI) ಪರಿಣಾಮದಿಂದ ಎಂದು ತಿಳಿದು ಬಂದಿದೆ. AI ತಂತ್ರಜ್ಞಾನವನ್ನು ಅದರ ಉತ್ಪನ್ನಗಳಲ್ಲಿ ಸಂಯೋಜಿಸುವ ಮೂಲಕ ಗೂಗಲ್ ಅಸಿಸ್ಟೆಂಟ್ ಅನ್ನು ವರ್ಧಿಸುವ ಗುರಿಯನ್ನು ಹೊಂದಿದೆ ಎಂದು ಗೂಗಲ್ ಸಂಸ್ಥೆಯ ವಕ್ತಾರರು ತಿಳಿಸಿದ್ದಾರೆ.

AI ತಂತ್ರಜ್ಞಾನದ ಪರಿಣಾಮ ಈಗ ಟೆಕ್ ಕ್ಷೇತ್ರದ ಎಲ್ಲಾ ವಲಯಗಳನ್ನೂ ಚಾಚಿರುವ ಹಿನ್ನೆಲೆಯಲ್ಲಿ IT ವಲಯದಲ್ಲಿ ಇನ್ನು ಅತಿ ಹೆಚ್ಚು ಉದ್ಯೋಗ ಕಡಿತದ ನಿರೀಕ್ಷೆ ಮಾಡಬಹುದು ಎಂದು ಊಹಿಸಲಾಗಿದೆ. ಗೂಗಲ್ ಕೂಡಾ ಈ ಹಿಂದೆ AI ತಂತ್ರಜ್ಞಾನದ ಬಳಕೆ ಹಿನ್ನೆಲೆಯಲ್ಲಿ ಸಾವಿರಾರು ಉದ್ಯೋಗಿಗಳನ್ನು ತನ್ನ ಸಂಸ್ಥೆಯಿಂದ ಹೊರಗಿಟ್ಟಿತ್ತು.

ಈಗ ಮತ್ತೊಮ್ಮೆ ಉದ್ಯೋಗ ಕಡಿತ ನಡೆದಿದ್ದು, ಬೇರೆ ಬೇರೆ ಸಂಸ್ಥೆಗಳಲ್ಲೂ ಇದೇ ಮಾದರಿಯಲ್ಲಿ ಉದ್ಯೋಗ ಕಡಿತ ಆಗುವುದಕ್ಕೆ ಗೂಗಲ್ ಸಂಸ್ಥೆ ಮುನ್ನುಡಿ ಬರೆದಿದೆ.

ಗೂಗಲ್ ಅಸಿಸ್ಟೆಂಟ್ನ ಪರಿಷ್ಕೃತ ಆವೃತ್ತಿಯನ್ನು ಅಭಿವೃದ್ಧಿಪಡಿಸಲು ಗೂಗಲ್ ತನ್ನ ಉತ್ಪಾದನಾ ಎಐ ಚಾಟ್ಬಾಟ್ ಬಾರ್ಡ್ ಅನ್ನು ಬಳಸಿಕೊಳ್ಳಲು ಯೋಜಿಸಿದೆ ಎಂದು ಅದು ಹೇಳಿದೆ. ಈ ನವೀಕರಿಸಿದ ಆವೃತ್ತಿಯು “ಧ್ವನಿಯನ್ನು ಮೀರಿ ವಿಸ್ತರಿಸುತ್ತದೆ, ಬಳಕೆದಾರರನ್ನು ಅರ್ಥಮಾಡಿಕೊಳ್ಳುತ್ತದೆ ಮತ್ತು ಹೊಂದಿಕೊಳ್ಳುತ್ತದೆ ಮತ್ತು ವೈಯಕ್ತಿಕ ಕಾರ್ಯಗಳನ್ನು ಹೊಸ ರೀತಿಯಲ್ಲಿ ನಿರ್ವಹಿಸುತ್ತದೆ” ಎಂದು ನಿರೀಕ್ಷಿಸಲಾಗಿದೆ.

ಈ ವರ್ಷದ ಆರಂಭದಲ್ಲಿ ಗೂಗಲ್ ಸಂಸ್ಥೆ ಸುಮಾರು 12,000 ಉದ್ಯೋಗಿಗಳನ್ನು ವಜಾಗೊಳಿಸಿದೆ. ಇದು ಕಂಪನಿಯ ಇತಿಹಾಸದಲ್ಲಿ ಅತಿದೊಡ್ಡ ಉದ್ಯೋಗ ಕಡಿತವಾಗಿದೆ. ವರದಿಯ ಪ್ರಕಾರ, ಜಾಹೀರಾತು ಮಾರಾಟ ಘಟಕದಲ್ಲಿನ ಹಲವು ಉದ್ಯೋಗಗಳನ್ನು ಅನಗತ್ಯಗೊಳಿಸಲಾಗುತ್ತಿದೆ. ಏಕೆಂದರೆ Google ಹೊಸ AI-ಆಧಾರಿತ ಪರಿಕರಗಳನ್ನು ಪರಿಚಯಿಸಿದೆ.

ಅದು ಗ್ರಾಹಕರಿಗೆ ಉತ್ತಮವಾಗಿ ಕಾರ್ಯನಿರ್ವಹಿಸುವ ಮತ್ತು ಉದ್ಯೋಗಿಗಳನ್ನು ಕಡಿತಗೊಳಿಸಿ, ಹೊಸ ಜಾಹೀರಾತುಗಳನ್ನು ಸ್ವಯಂಚಾಲಿತವಾಗಿ ಸೂಚಿಸಬಹುದು ಮತ್ತು ರಚಿಸಬಹುದಾಗಿದೆ. ವರದಿಯು ಡಿಜಿಟಲ್ ಜಾಹೀರಾತಿಗೆ ಸಂಬಂಧಿಸಿದ ಆದಾಯದ ಸ್ಟ್ರೀಮ್‌ಗಳ ಮೇಲೆ ಎಐಯ ರೂಪಾಂತರದ ಪರಿಣಾಮವನ್ನು ತೋರಿಸಿದೆ. ಈ ಕಾರ್ಯಗಳಲ್ಲಿ ಮಾನವ ಹಸ್ತಕ್ಷೇಪದ ಅಗತ್ಯವನ್ನು ಕಡಿಮೆ ಮಾಡುತ್ತದೆ ಎಂದು ವರದಿಯಾಗಿದೆ.

ದಿ ಇನ್ಫರ್ಮೇಷನ್ ವರದಿಯ ಬಗ್ಗೆ ಅಧಿಕೃತವಾಗಿ ಪ್ರತಿಕ್ರಿಯಿಸಲು Google ನಿರಾಕರಿಸಿದ್ದರೂ, ಅದರ ಜಾಹೀರಾತು ಮಾರಾಟ ವಿಭಾಗದಲ್ಲಿ ಪ್ರಮುಖ ಬದಲಾವಣೆಯಾಗುತ್ತಿದೆ ಎಂಬುದು ಸ್ಪಷ್ಟವಾಗಿದೆ.

ಮೆಟಾದ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಮತ್ತು ಆಲ್ಫಾಬೆಟ್ ಸಿಇಒ ಸುಂದರ್ ಪಿಚೈ ಅವರಿಗೆ ಬುಧವಾರ ಪ್ರತ್ಯೇಕವಾಗಿ ಪತ್ರಗಳನ್ನು ಬರೆಯಲಾಗಿದೆ. Facebook ಮತ್ತು Instagram – Metaದ ಒಡೆತನದಲ್ಲಿದ್ದರೆ, ಆಲ್ಫಾಬೆಟ್ Google ಮತ್ತು YouTube ನ ಮೂಲ ಕಂಪನಿಯಾಗಿದೆ.

ಅಕ್ಟೋಬರ್ 8ರಂದು ದಿ ವಾಷಿಂಗ್ಟನ್ ಪೋಸ್ಟ್ ತನ್ನ ಸಂಪಾದಕೀಯಲ್ಲಿ  ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದ ಬಿಜೆಪಿ ಸರ್ಕಾರದ ಭಾರತದಲ್ಲಿ ಸಾಮಾಜಿಕ ಮಾಧ್ಯಮಗಳು ದ್ವೇಷ ಹರಡುವ ವೇದಿಕೆಗಳಾಗಿವೆ (conveyor belts for hate) ಎಂದು ಆರೋಪಿಸಿತ್ತು. ಇದರ ಬೆನ್ನಲ್ಲೇ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಕೆಸಿ ವೇಣುಗೋಪಾಲ್ ಅವರು ಎರಡು ಕಂಪನಿಗಳಿಗೆ ಪತ್ರಗಳನ್ನು ಬರೆದಿದ್ದಾರೆ.

ಭಾರತದಲ್ಲಿ ಕೋಮು ದ್ವೇಷವನ್ನು ಪ್ರಚೋದಿಸಿ ತಪ್ಪಿತಸ್ಥವಾಗಿದೆ ಎಂದು ಮೆಟಾಗೆ ಬುಧವಾರ ಬರೆದ ಪತ್ರದಲ್ಲಿ ಆರೋಪಿಸಲಾಗಿದೆ. “ಇದಲ್ಲದೆ, ನಿಮ್ಮ ಜಾಲತಾಣಗಳಲ್ಲಿ ಆಡಳಿತ ಪಕ್ಷದ ವಿಚಾರವನ್ನು ಪ್ರಚಾರ ಮಾಡುತ್ತಾ ವಿರೋಧ ಪಕ್ಷದ ನಾಯಕರ ವಿಚಾರಗಳನ್ನು ಅಲ್ಗಾರಿದಮಿಕ್ ಆಗಿ ಮಿತಗೊಳಿಸುವ (algorithmic moderation) ಮತ್ತು ನಿಗ್ರಹಿಸುವ ಬಗ್ಗೆ ನಮ್ಮಲ್ಲಿ ಡೇಟಾವಿದೆ” ಎಂದು INDIA ಆರೋಪಿಸಿದೆ.

“ಖಾಸಗಿ ವಿದೇಶಿ ಕಂಪನಿಯೊಂದು ರಾಜಕೀಯ ಸಂರಚನೆಯಲ್ಲಿ ಅಸ್ಪಷ್ಟ ಪಕ್ಷಪಾತ ನಿಲಯವನ್ನು ಹೊಂದಿರುವುದು ಮತ್ತು ಭಾರತದ ಪ್ರಜಾಪ್ರಭುತ್ವದಲ್ಲಿ ಮೂಗುತೂರಿಸುವುದನ್ನು INDIA ಮೈತ್ರಿಕೂಟ ಲಘುವಾಗಿ ಪರಿಗಣಿಸುವುದಿಲ್ಲ,” ಟೀಕಿಸಿದೆ.

2024 ರ ಲೋಕಸಭಾ ಚುನಾವಣೆಯಲ್ಲಿ ಭಾರತದಲ್ಲಿ ಮೆಟಾದ ಚಟುವಟಿಕೆಗಳನ್ನು ತಟಸ್ಥಗೊಳಿಸಲು ಪತ್ರದಲ್ಲಿ ಜುಕರ್‌ಬರ್ಗ್ ಅವರನ್ನು INDIA ಒತ್ತಾಯಿಸಿದೆ.

ಸೆಪ್ಟೆಂಬರ್ 26 ರಂದು ವಾಷಿಂಗ್ಟನ್ ಪೋಸ್ಟ್ ಪ್ರಕಟಿಸಿದ ಲೇಖನ “Under India’s pressure, Facebook let propaganda and hate speech thrive ” ವನ್ನು ಸಹ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.

ಸುಮಾರು ಮೂರು ವರ್ಷಗಳ ಹಿಂದೆ, ಕಾಶ್ಮೀರದಲ್ಲಿ ಭದ್ರತಾ ಪಡೆಗಳ ದಮನವನ್ನು ಹೊಗಳಲು ಮತ್ತು ಕಾಶ್ಮೀರಿ ಪತ್ರಕರ್ತರ ಮೇಲೆ ಪ್ರತ್ಯೇಕತಾವಾದ ಮತ್ತು ದೇಶದ್ರೋಹದ ಆರೋಪ ಮಾಡಲು ನೂರಾರು ನಕಲಿ ಖಾತೆಗಳನ್ನು ಬಳಸಿರುವ ಬೃಹತ್ ಸೋಷಿಯಲ್‌ ಮಿಡಿಯಾ ಆಪರೇಷನ್ ಹಿಂದೆ ಭಾರತೀಯ ಸೇನೆಯ ಚಿನಾರ್ ಕಾರ್ಪ್ಸ್ ಇದೆ ಎಂದು ಫೇಸ್‌ಬುಕ್‌ನ ತಂಡವೊಂದು ಆರೋಪಿಸಿರುವ ಬಗ್ಗೆ ಈ  ಲೇಖನದಲ್ಲಿ ವರದಿ ಮಾಡಲಾಗಿತ್ತು. ಈ ಸಂದರ್ಭದಲ್ಲಿ ಹೊಸದಿಲ್ಲಿಯಲ್ಲಿರುವ ಫೇಸ್‌ಬುಕ್ ಅಧಿಕಾರಿಗಳು ಭಾರತ ಸರ್ಕಾರದ ವಿರುದ್ಧ ಹೋಗಲು ಅಸಾಧ್ಯವೆಂದು ಈ ಕಾರ್ಯಾಚರಣೆಯಲ್ಲಿ ಬಳಸಿದ ಫೇಸ್‌ಬುಕ್‌ ಪೇಜ್‌ಗಳನ್ನು ಡಿಲಿಟ್‌ ಮಾಡಲು ಹಿಂಜರಿದರು ಎಂದು ಲೇಖನದಲ್ಲಿ ಹೇಳಲಾಗಿದೆ.

ಪಿಚೈ ಅವರಿಗೆ ಬರೆದ ಪತ್ರದಲ್ಲಿ He live-streamed his attacks on Indian Muslims. YouTube gave him an award ಎಂಬ ದಿ ವಾಷಿಂಗ್ಟನ್ ಪೋಸ್ಟ್‌ನ ಲೇಖನವನ್ನು ಉಲ್ಲೇಖಿಸಲಾಗಿದೆ.

ಈ ಲೇಖನದಲ್ಲಿ “emerging phenomenon of cow vigilante streamers” ಬಗ್ಗೆ ಹೇಳುತ್ತಾ ಬಜರಂಗ ದಳದ ಸದಸ್ಯ ಮತ್ತು ಡಬಲ್ ಮರ್ಡರ್ ಆರೋಪಿ ಮೋನು ಮಾನೇಸರ್‌ ಬಗ್ಗೆ ಬರೆಯಲಾಗಿದೆ. ಕಳೆದ ಅಕ್ಟೋಬರ್‌ನಲ್ಲಿ, 10,000 ಸಬ್‌ಸ್ಕ್ರೈಬರ್‌ ಗಳಿಸಿದಕ್ಕಾಗಿ ಮೋನು ಮನೇಸರ್‌ಗೆ ಯೂಟ್ಯೂಬ್‌ ‘ಸಿಲ್ವರ್ ಕ್ರಿಯೇಟರ್’ ಪ್ರಶಸ್ತಿ ನೀಡಿತ್ತು. ಈತ ಹಸುವಿನ ಪಕ್ಕದಲ್ಲಿ ಅದನ್ನು ಹಿಡಿದುಕೊಂಡು ಪೋಸ್ ನೀಡಿದ್ದ ಎಂದು ಲೇಖನದಲ್ಲಿ ತಿಳಿಸಲಾಗಿದೆ.

ಈ ಲೇಖನವು “ಬಿಜೆಪಿ ಸದಸ್ಯರು ಮತ್ತು ಬೆಂಬಲಿಗರು ಯೂಟ್ಯೂಬ್  ಬಳಸಿಕೊಂಡು ಹೇಗೆ ಇಂತಹ ನೀಚ, ಕೋಮು ದ್ವೇಷದ ಪ್ರಚಾರವನ್ನು ಮಾಡುತ್ತಾರೆ” ಎಂಬುದರ ಚಿತ್ರಣವನ್ನು ನೀಡುತ್ತದೆ ಎಂದು INDIA ಪತ್ರದಲ್ಲಿ ತಿಳಿಸಿದೆ. ಆದರೂ ಮೆಟಾ ಮತ್ತು ಆಲ್ಫಾಬೆಟ್ ಈ ದೇಶದ ಮಹಾತ್ಮ ಬಯಸಿದ ಸಾಮರಸ್ಯದ ಭಾರತವನ್ನು ಕಟ್ಟುತ್ತವೆ ಎಂದು ಪತ್ರದಲ್ಲಿ ವಿಶ್ವಾಸ ವ್ಯಕ್ತಪಡಿಸಲಾಗಿದೆ.  

ಸಾಮಾಜಿಕ ಜಾಲತಾಣಗಳಾದ ಫೇಸ್‌ಬುಕ್, ವಾಟ್ಸ್‌ಆ್ಯಪ್ ಮತ್ತು ಯೂಟ್ಯೂಬ್‌ಗಳು ಭಾರತದಲ್ಲಿ ಆಡಳಿತಾರೂಢ ಬಿಜೆಪಿ ಮತ್ತು ನರೇಂದ್ರ ಮೋದಿಯವರ ಆಡಳಿತವನ್ನು ಬೆಂಬಲಿಸುವ ಪಕ್ಷಪಾತಿಯಾಗಿವೆ ಎಂದು ‘ವಾಷಿಂಗ್ಟನ್ ಪೋಸ್ಟ್’ ನಿಯತಕಾಲಿಕದ ಲೇಖನದ ಹಿನ್ನೆಲೆಯಲ್ಲಿ ಈ ಪತ್ರಗಳ ಬರೆಯಲಾಗಿದೆ. ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರು ಜುಕರ್‌ಬರ್ಗ್‌ಗೆ ಈ ಪತ್ರವನ್ನು ಬರೆದಿದ್ದಾರೆ. ಪತ್ರದಲ್ಲಿ ವಾಷಿಂಗ್ಟನ್ ಪೋಸ್ಟ್‌ನಲ್ಲಿನ ತನಿಖಾ ಲೇಖನವನ್ನು ಉಲ್ಲೇಖಿಸಿದ್ದಾರೆ ಮತ್ತು ಮೆಟಾ ಭಾರತದಲ್ಲಿ ಸಾಮಾಜಿಕ ಅಸಮಾನತೆಯನ್ನು ಉತ್ತೇಜಿಸುತ್ತಿದೆ ಮತ್ತು ಧಾರ್ಮಿಕ ದ್ವೇಷವನ್ನು ಪ್ರಚೋದಿಸುತ್ತಿದೆ ಎಂದು ಆರೋಪಿಸಿದ್ದಾರೆ. ಇದೇ ಪತ್ರವನ್ನು ಗೂಗಲ್ ಸಿಇಒ ಸುಂದರ್ ಪಿಚೈ ಅವರಿಗೂ ಬರೆದಿದ್ದಾರೆ.

ಅವರಿಗೆ ವಿರೋಧ ಪಕ್ಷ ‘ಇಂಡಿಯಾ’ ಮೈತ್ರಿ ಕೂಟವನ್ನು ಪರಿಚಯಿಸುತ್ತಾ, 28 ರಾಜಕೀಯ ಪಕ್ಷಗಳ ಒಕ್ಕೂಟವು 11 ರಾಜ್ಯಗಳಲ್ಲಿ ಅಧಿಕಾರದಲ್ಲಿದೆ ಮತ್ತು ಭಾರತದ ಅರ್ಧದಷ್ಟು ಮತದಾರರನ್ನು ಪ್ರತಿನಿಧಿಸುತ್ತದೆ ಎಂದು ಹೇಳಿಕೊಂಡಿದೆ. ಎಐಸಿಸಿ ಕಾರ್ಯದರ್ಶಿ ಕೆ.ಸಿ.ವೇಣುಗೋಪಾಲ್ ಅವರ ಹೆಸರಿನಲ್ಲಿ ಕಳುಹಿಸಿರುವ ಪತ್ರದಲ್ಲಿ, ಕೆಲವು ಸಾಮಾಜಿಕ ಜಾಲತಾಣಗಳು ಆಡಳಿತ ಪಕ್ಷವನ್ನು ಕೆಣಕುವ ಮತ್ತು ವಿರೋಧ ಪಕ್ಷದ ನಾಯಕರ ಮೇಲೆ ದಬ್ಬಾಳಿಕೆ ನಡೆಸುತ್ತಿರುವ ಬಗ್ಗೆ ತಮ್ಮ ಬಳಿ ಮಾಹಿತಿ ಇದೆ ಎಂದು ಹೇಳಿದ್ದಾರೆ.

ಖಾಸಗಿ ವಿದೇಶಿ ಕಂಪನಿಯೊಂದು ಈ ರೀತಿ ಭಾರತದ ಪ್ರಜಾಪ್ರಭುತ್ವದಲ್ಲಿ ಹಸ್ತಕ್ಷೇಪ ಮಾಡಿದರೆ ಅದನ್ನು ಲಘುವಾಗಿ ಪರಿಗಣಿಸುವುದಿಲ್ಲ ಎಂದು ಪತ್ರದಲ್ಲಿ ಎಚ್ಚರಿಸಿದ್ದಾರೆ. ಈ ವಿಷಯಗಳನ್ನು ಗಂಭೀರವಾಗಿ ಪರಿಗಣಿಸಿರುವ ‘ಮೆಟಾ’ ತಕ್ಷಣವೇ ತಟಸ್ಥ ಸ್ಥಾನದಲ್ಲಿರಲು ಬಯಸಿದೆ ಎಂದು ತಿಳಿದುಬಂದಿದೆ. ಗೂಗಲ್ ಸಿಇಒ ಸುಂದರ್ ಪಿಚೈ ಅವರಿಗೆ ಬರೆದ ಪತ್ರದಲ್ಲಿ ‘ಭಾರತ’ದ ನಾಯಕರು ಭಾರತದಲ್ಲಿ ಸಾಮಾಜಿಕ ಅಶಾಂತಿಯನ್ನು ಸೃಷ್ಟಿಸಲು ಮತ್ತು ಪ್ರಜಾಪ್ರಭುತ್ವದ ಆದರ್ಶಗಳನ್ನು ವಿರೂಪಗೊಳಿಸಲು ನಿಮ್ಮ ವೇದಿಕೆಯನ್ನು ಬಳಸದಂತೆ ನೋಡಿಕೊಳ್ಳುವಂತೆ ಕೇಳಿಕೊಂಡಿದ್ದಾರೆ.

ದಂಡದ ಜೊತೆಗೆ ಸ್ಪರ್ಧಾ ವಿರೋಧಿ ಚಟುವಟಿಕೆಗಳಿಂದ ದೂರು ಉಳಿಯುವಂತೆ ಸಿಸಿಐ ಗೂಗಲ್‌ಗೆ ಹೇಳಿದ್ದು, ತನ್ನ ನಡೆಯನ್ನು ಬದಲಾಯಿಸಿಕೊಳ್ಳುವಂತೆ ನಿರ್ದೇಶಿಸಿದೆ.

ಯೂಟ್ಯೂಬ್‌ ಮೂಲಕ ಆನ್‌ಲೈನ್ ವಿಡಿಯೋ ಹೋಸ್ಟಿಂಗ್ ಪ್ಲಾಟ್‌ಫಾರ್ಮ್ (ಓವಿಎಚ್‌ಪಿ) ಮಾರುಕಟ್ಟೆಯಲ್ಲಿ ಪ್ರವೇಶ ಮಾಡಲು ಮತ್ತು ಅಲ್ಲಿ ಗಳಿಸಿಕೊಂಡಿರುವ ಸ್ಥಾನವನ್ನು ರಕ್ಷಿಸಲು ಆಂಡ್ರಾಯ್ಡ್‌ ಓಎಸ್‌ ಆಧರಿತ ಅಪ್ಲಿಕೇಷನ್‌ ಸ್ಟೋರ್‌ ಮಾರುಕಟ್ಟೆಯಲ್ಲಿನ ತನ್ನ ಪ್ರಬಲ ಸ್ಥಾನವನ್ನು ಗೂಗಲ್‌ ಬಳಸಿಕೊಂಡಿದೆ ಎನ್ನಲಾಗಿದೆ.

ಆಂಡ್ರಾಯ್ಡ್‌ ಓಎಸ್‌ ಆಧರಿತ ಅಪ್ಲಿಕೇಶನ್‌ ಸ್ಟೋರ್‌ ಮಾರುಕಟ್ಟೆಯಲ್ಲಿನ ತನ್ನ ಪ್ರಬಲ ಸ್ಥಾನವನ್ನು ಬಳಸಿಕೊಂಡು ಆನ್‌ಲೈನ್‌ ಸಾಮಾನ್ಯ ಹುಡುಕಾಟದಲ್ಲಿ ತಾನು ಹೊಂದಿರುವ ಸ್ಥಾನವನ್ನು ಗೂಗಲ್‌ ಬಳಕೆ ಮಾಡಿಕೊಳ್ಳುತ್ತಿದೆ ಎಂದು ಹೇಳಲಾಗುತ್ತಿದೆ. ಈ ಹಿನ್ನಲೆಯಲ್ಲಿ 1337.76 ಕೋಟಿ ರೂ. ದಂಡ ಹಾಕಲಾಗಿದೆ.

ಗೂಗಲ್‌ ಭಾರತೀಯ ಭೌತಶಾಸ್ತ್ರಜ್ಞೆ ಮತ್ತು ಹವಾಮಾನಶಾಸ್ತ್ರಜ್ಞೆ ಅನ್ನಾ ಮಣಿ ಅವರ ಚಿತ್ರವನ್ನು ವಿಶೇಷವಾಗಿ ಬಣ್ಣಬಣ್ಣದಲ್ಲಿ ಚಿತ್ರಿಸಿ ಗೌರವವನ್ನು ಸಲ್ಲಿಸಿದೆ.

ಅನ್ನಾ ಮಣಿ ಅವರು ಆಗಸ್ಟ್‌ 23, 1918 ರಂದು ಕೇರಳದ ಪೀರುಮೆಟ್‌ನಲ್ಲಿ ಜನಿಸಿದರು. ಅವರು 1939 ರಲ್ಲಿ ಭೌತಶಾಸ್ತ್ರ ಮತ್ತು ರಸಾಯನಶಾಸ್ತ್ರದಲ್ಲಿ ಬಿಎಸ್ಸಿ ಗೌರವ ಪದವಿಯೊಂದಿಗೆ ಮದ್ರಾಸಿನ ಪ್ರೆಸಿಡೆನ್ಸಿ ಕಾಲೇಜಿನಲ್ಲಿ ಪದವಿ ಪಡೆದರು ಮತ್ತು ನೊಬೆಲ್‌ ಪ್ರಶಸ್ತಿ ವಿಜೇತ ಸಿ.ವಿ.ರಾಮನ್‌ ಅವರ ಅಡಿಯಲ್ಲಿ ಭಾರತೀಯ ವಿಜ್ಞಾನ ಸಂಸ್ಥೆಯಲ್ಲಿ ಸಂಶೋಧನೆ ಮಾಡಿದರು.