ಇಸಿಐ, ತನ್ನ 2023 ರ ಆದೇಶದಲ್ಲಿ, ಮೂಲ ಶಿವಸೇನೆಯ ಹೆಸರು ಮತ್ತು ಚಿಹ್ನೆಯನ್ನು ಪಕ್ಷದ ಬೆಂಬಲ ಮತ್ತು ಕಾನೂನು ಮಾನದಂಡಗಳ ವಿವರವಾದ ಪರಿಶೀಲನೆ ನಂತರ ಏಕನಾಥ್ ಶಿಂಧೆ ಬಣಕ್ಕೆ ನೀಡಿತ್ತು. ಈ ನಿರ್ಧಾರವನ್ನು ನಂತರ ಸುಪ್ರೀಂ ಕೋರ್ಟ್ ಎತ್ತಿಹಿಡಿದಿದೆ.

ಇಂದಿನ ಚುನಾವಣಾ ಟ್ರೆಂಡ್‌ಗಳು, ಮಧ್ಯಾಹ್ನದ ಇಸಿಐ ವೆಬ್‌ಸೈಟ್‌ನ ಪ್ರಕಾರ, ಏಕನಾಥ್ ಶಿಂಧೆ ಬಣಕ್ಕೆ 56 ಸ್ಥಾನಗಳನ್ನು ಮತ್ತು ಉದ್ಧವ್ ಠಾಕ್ರೆ ಗುಂಪಿಗೆ ಕೇವಲ 19 ಸ್ಥಾನಗಳನ್ನು ತೋರಿಸಿದೆ, ಮತದಾರರ ದೃಷ್ಟಿಯಲ್ಲಿ ಇಸಿಐ ನಿರ್ಧಾರವನ್ನು ಮತ್ತಷ್ಟು ಮಾನ್ಯ ಮಾಡಿದೆ.

ಈ ರಾಜಕೀಯ ಬದಲಾವಣೆಯ ಬೇರುಗಳನ್ನು 2023 ರಲ್ಲಿ 55 ರಲ್ಲಿ 40 ಶಿವಸೇನೆ ಶಾಸಕರು ಉದ್ಧವ್ ಠಾಕ್ರೆ ವಿರುದ್ಧ ಬಂಡಾಯವೆದ್ದರು, ಮೂಲ ಶಿವಸೇನೆ ಸಿದ್ದಾಂತದಿಂದ ವಿಚಲನಗಳು, ಆಪಾದಿತ ದುರಹಂಕಾರ ಮತ್ತು ಠಾಕ್ರೆ ಕುಟುಂಬದ ಹೆಸರನ್ನು ದುರುಪಯೋಗಪಡಿಸಿಕೊಂಡರು. ಉದ್ಧವ್ ಠಾಕ್ರೆಯವರ ನಾಯಕತ್ವದ ವಿರುದ್ಧದ ಬಂಡಾಯವೆಂದೇ ನಿರೂಪಿಸಲ್ಪಟ್ಟಿರುವ ಈ ವಿಭಾಗವನ್ನು ಈಗ ಪ್ರಸ್ತುತ ವಿಧಾನಸಭಾ ಚುನಾವಣೆಯಲ್ಲಿ ಮತದಾರರು ಬಲಗೊಳಿಸಿದ್ದಾರೆ .

ವಿಭಜನೆಯ ಕುರಿತು ಇಸಿಐ ನಿರ್ಧಾರವನ್ನು ಮತದಾರರು ಮಾನ್ಯ ಮಾಡಿದ್ದಾರೆ. ಕೂಲಂಕಷ ವಿಚಾರಣೆಯ ನಂತರ ಇಸಿಐ ಮೂಲ ಪಕ್ಷದ ಹೆಸರು ಮತ್ತು ಚಿಹ್ನೆಯನ್ನು ನಿಗದಿಪಡಿಸಿದ ಎನ್‌ಸಿಪಿಯ ಅಜಿತ್ ಪವಾರ್ ಬಣವು ಪ್ರಸ್ತುತ 38 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ, ಶರದ್ ಪವಾರ್‌ ನೇತೃತ್ವದ ಬಣಕ್ಕೆ ಕೇವಲ 15 ಸ್ಥಾನಗಳಿಗೆ ಹೋಲಿಸಿದರೆ. ಈ ಫಲಿತಾಂಶಗಳು ಶಿವಸೇನೆ ಮತ್ತು ಎನ್‌ಸಿಪಿ ಎರಡರಲ್ಲೂ ಇಸಿಐನ ಆದೇಶಗಳ ಮಹತ್ವದ ಅನುಮೋದನೆಯನ್ನು ಎತ್ತಿ ತೋರಿಸುತ್ತವೆ, ಈ ನಿರ್ಧಾರಗಳ ಹಿಂದೆ ಸಾಂಸ್ಥಿಕ ಮತ್ತು ಕಾನೂನು ತರ್ಕಬದ್ಧತೆಯೊಂದಿಗೆ ಮತದಾರರ ಹೊಂದಾಣಿಕೆಯನ್ನು ಪ್ರತಿಬಿಂಬಿಸುತ್ತದೆ. (ANI)

ಬಿಜೆಪಿ ನೇತೃತ್ವದ ಮಹಾಯುತಿ 220 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸುತ್ತಿದ್ದು, ಭರ್ಜರಿ ಗೆಲುವಿನತ್ತ ಸಾಗುವ ಸಾಧ್ಯತೆ ಇದೆ. ಮುಂಬೈನ ಬಿಜೆಪಿ ಕಚೇರಿಯಲ್ಲಿ ಈಗಾಗಲೇ ಸಂಭ್ರಮಾಚರಣೆ ಆರಂಭವಾಗಿದೆ, ಶಿವಸೇನೆ ಸಂಸದ ಶ್ರೀಕಾಂತ್ ಶಿಂಧೆ, “ನಾವು ನಿರೀಕ್ಷಿಸಿದಂತೆ, ನಮಗೆ ಉತ್ತಮ ಸಂಖ್ಯೆಗಳು ಸಿಕ್ಕಿವೆ. ಮಹಾಯುತಿಯ ಹಿಂದೆ ನಿಂತು ಈ ಪ್ರಚಂಡ ಗೆಲುವು ನೀಡಿದ ಎಲ್ಲಾ ಮತದಾರರಿಗೆ ನಾನು ಧನ್ಯವಾದಗಳು…” ಎಂದು ಶಿವಸೇನಾ ನಾಯಕ ನರೇಶ್ ಮಾಸ್ಕೆ ಹೇಳಿದ್ದಾರೆ, “ಮಹಾರಾಷ್ಟ್ರ ಸರ್ಕಾರವು ಮಹಾಯುತಿಯಲ್ಲಿ ನಂಬಿಕೆಯನ್ನು ವ್ಯಕ್ತಪಡಿಸಿದ್ದಾರೆ. ಇಂದು ಉದ್ಧವ್ ಠಾಕ್ರೆ ಅವರ ಶಿವಸೇನೆಗೆ ಏನಾಗುತ್ತಿದೆ ಎಂಬುದನ್ನು ಸಾರ್ವಜನಿಕರು ನೋಡುತ್ತಿದ್ದಾರೆ ಎಂದು ಜನರು ಹೇಳಿದ್ದಾರೆ ಬಾಳಾಸಾಹೇಬ್ ಠಾಕ್ರೆಯವರ ಶಿವಸೇನೆಯನ್ನು ಮುನ್ನಡೆಸುವ ಸಾಮರ್ಥ್ಯವುಳ್ಳವರು … ತಮ್ಮ ಮತಗಳ ಮೂಲಕ ಸಾರ್ವಜನಿಕರು ಸಂಜಯ್ ರಾವುತ್ ಅವರ ಮುಖಕ್ಕೆ ಚಪ್ಪಲಿಯಿಂದ ಹೊಡೆದಿದ್ದಾರೆ ಮತ್ತು ನಾನು ಶಿವಸೇನೆ ಕಾರ್ಯಕರ್ತ ಮತ್ತು ಏಕನಾಥ್ ಶಿಂಧೆ ಮುಖ್ಯಮಂತ್ರಿಯಾಗಬೇಕೆಂದು ನಾನು ಭಾವಿಸುತ್ತೇನೆ.

ಆರಂಭಿಕ ಫಲಿತಾಂಶಗಳ ಪ್ರಕಾರ, ಮಹಾಯುತಿ ಮೈತ್ರಿಕೂಟವು 220 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ, ಭಾರತೀಯ ಜನತಾ ಪಕ್ಷ ( ಬಿಜೆಪಿ ) 128 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ. ಮಹಾರಾಷ್ಟ್ರದಲ್ಲಿ ಏಕನಾಥ್ ಶಿಂಧೆ ನೇತೃತ್ವದ ಶಿವಸೇನೆ (ಎಸ್‌ಎಚ್‌ಎಸ್) 55 ಸ್ಥಾನಗಳೊಂದಿಗೆ ನಿಕಟವಾಗಿ ಅನುಸರಿಸುತ್ತಿದೆ. ಮಹಾರಾಷ್ಟ್ರ ಉಪ ಮುಖ್ಯಮಂತ್ರಿ ಅಜಿತ್ ಪವಾರ್ ನೇತೃತ್ವದ ನ್ಯಾಶನಲಿಸ್ಟ್ ಕಾಂಗ್ರೆಸ್ ಪಕ್ಷ (ಎನ್‌ಸಿಪಿ) 35 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದ್ದರೆ, ರಾಷ್ಟ್ರೀಯ ಯುವ ಸ್ವಾಭಿಮಾನ್ ಪಕ್ಷ (ಆರ್‌ಎಸ್‌ಎಚ್‌ ವೈವಿಎಸ್‌ಡಬ್ಲ್ಯೂಬಿಎಚ್‌ಎಂ) 2 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ. ಏತನ್ಮಧ್ಯೆ, ಮಹಾ ವಿಕಾಸ್ ಅಘಾಡಿ (ಎಂವಿಎ) 51 ಸ್ಥಾನಗಳಲ್ಲಿ ಮುನ್ನಡೆಯೊಂದಿಗೆ ಹಿಂದುಳಿದಿದೆ. MVA ಯ ಭಾಗವಾಗಿರುವ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ (INC) 20 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ. ಶಿವಸೇನೆ (ಉದ್ಧವ್ ಬಾಳಾಸಾಹೇಬ್ ಠಾಕ್ರೆ) 16 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದರೆ, ರಾಷ್ಟ್ರೀಯವಾದಿ ಕಾಂಗ್ರೆಸ್ ಪಕ್ಷ – ಶರದ್ವಂದ್ರ ಪವಾರ್ (ಎನ್‌ಸಿಪಿ-ಎಸ್‌ಪಿ) 13 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ.

ಸಮಾಜವಾದಿ ಪಕ್ಷ (ಎಸ್‌ಪಿ) ಕೂಡ 2 ಸ್ಥಾನಗಳಲ್ಲಿ ಮುನ್ನಡೆಯಲ್ಲಿದೆ. ಇದಲ್ಲದೆ, ಆಲ್ ಇಂಡಿಯಾ ಮಜ್ಜಿಸ್-ಇ-ಇತ್ತೆಹಾದುಲ್ ಮುಸ್ಲಿಮೀನ್ (ಎಐಎಂಐಎಂ), ಜನ್ ಸುರಾಜ್ಯ ಶಕ್ತಿ (ಜೆಎಸ್‌ಎಸ್), ಮತ್ತು ಪೆಸೆಂಟ್ಸ್ ಅಂಡ್ ವರ್ಕಸ್‌್ರ ಪಾರ್ಟಿ ಆಫ್ ಇಂಡಿಯಾ (ಪಿಡಬ್ಲ್ಯುಪಿಐ) ತಲಾ 2 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿವೆ. ಸ್ವತಂತ್ರ ಭಾರತ ಪಕ್ಷ (ಎಸ್‌ಟಿಬಿಪಿ), ಭಾರತೀಯ ಸೆಕ್ಯುಲರ್ ಲಾರ್ಜೆಸ್ಟ್ ಅಸೆಂಬ್ಲಿ ಆಫ್ ಮಹಾರಾಷ್ಟ್ರ (ಡಿಐಎಸ್‌ಇಸಿಎಲ್), ಸಿಪಿಐ(ಎಂ), ಬಹುಜನ ವಿಕಾಸ್ ಆಗಾಡಿ (ಬಿವಿಎ), ಮತ್ತು ರಾಜರ್ಷಿ ಶಾಹು ವಿಕಾಸ್ ಅಘಾಡಿ (ಆರ್‌ಎಸ್‌ವಿಎ) ಸೇರಿದಂತೆ ಇತರ ಸಣ್ಣ ಪಕ್ಷಗಳು ತಲಾ 1 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿವೆ. ಹೆಚ್ಚುವರಿಯಾಗಿ, 5 ಸ್ವತಂತ್ರ ಅಭ್ಯರ್ಥಿಗಳು (IND) ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದ್ದಾರೆ.

ಶಿವಸೇನೆ- ಬಿಜೆಪಿ -ಎನ್‌ಪಿ ಸಂಭ್ರಮಾಚರಣೆಯಲ್ಲಿದ್ದು, ರಾಜ್ಯದ ಸಿಎಂ ಹುದ್ದೆಯನ್ನು ಯಾರು ವಹಿಸಲಿದ್ದಾರೆ ಎಂಬುದೇ ಎಲ್ಲರ ಕಣ್ಣು. (ANI)

ಗದಗ ಜಿಲ್ಲೆ: ಮಾಜಿ ಮುದ್ರಣ ನಗರದಲ್ಲಿ ಚುನಾವಣಾ ಕಲರವ

ಮೊದಲೆಲ್ಲ ಯಾವುದೇ ಗೈಡ್‌, ಡಿಕ್ಷನರಿ ಇತ್ಯಾದಿ ಶಿಕ್ಷಣ ಸಂಬಂಧಿ ಪುಸ್ತಕಗಳನ್ನುತೆರೆದರೆ ಅದು ಮುದ್ರಣಗೊಂಡ ಸ್ಥಳದ ಹೆಸರು ಗದಗವಾಗಿರುತ್ತಿತ್ತು. ಅಷ್ಟರಮಟ್ಟಿಗೆ ಗದಗವೆಂದರೆ ಮುದ್ರಣ ಮುದ್ರಣವೆಂದರೆ ಗದಗವೆನ್ನುವಂತಿತ್ತು. ಇಲ್ಲಿನ ಶಾಬಾದಿಮಠ ಪ್ರಕಾಶನದ ಪುಸ್ತಕವನ್ನು ನೋಡದವರು ವಿರಳವೆಂದೇ ಹೇಳಬೇಕು. ಕರ್ನಾಟಕದ ಮೂಲೆ ಮೂಲೆಯಲ್ಲಿಯೂ ಈ ಪ್ರಕಾಶನದ ಪುಸ್ತಕಗಳು ಕಾಣುತ್ತಿದ್ದವು. ಕುಮಾರವ್ಯಾಸನೆಂದು ಗುರುತಿಸಿಕೊಂಡಿದ್ದ ಗದುಗಿನ ನಾರಣಪ್ಪನ ಸ್ಥಳವೂ ಹೌದು.

ಗದಗ ಕೈಮಗ್ಗಕ್ಕೂ ಖ್ಯಾತಿಯನ್ನು ಹೊಂದಿದೆ. ಇಲ್ಲಿನ ಕಪ್ಪತಗುಡ್ಡ ಪ್ರಕೃತಿ ಪ್ರಿಯರ ನೆಚ್ಚಿನ ತಾಣ. ಪವನ ವಿದ್ಯುತ್‌, ಕೃಷಿ, ಉದ್ಯಮಗಳು ಈ ಜಿಲ್ಲೆಗೆ ಸಮೃದ್ಧಿಯನ್ನು ತಂದಿವೆ.

ಇನ್ನು ರಾಜಕೀಯವಾಗಿ ಬಿಜೆಪಿ ಒಂದು ಕೈ ಮೇಲಿದೆಯಾದರೂ ಈ ಬಾರಿ ಆಡಳಿತ ವಿರೋಧಿ ಅಲೆ ಅದಕ್ಕೆ ಮುಳುವಾಗುವ ಸಾಧ್ಯತೆಯಿದೆ. ವಿಪರೀತ ಬಲೆಯೇರಿಕೆ, ಅದರಲ್ಲೂ ಗ್ಯಾಸ್‌ ಬೆಲೆ ಏರಿಕೆಯಿಂದ ಕೆಳ ಮಧ್ಯಮ ವರ್ಗಗಳಷ್ಟೇ ಅಲ್ಲದೆ ಮಧ್ಯಮ ವರ್ಗಗಳೂ ಕಂಗೆಟ್ಟಿವೆ. ಬಿಜೆಪಿಯ ಕಮಿಷನ್‌ ದಂಧೆ, ಟಿಕೆಟ್‌ ಮೇಲಾಟಗಳು ಅದಕ್ಕೆ ಮುಳುವಾಗುವ ಸಾಧ್ಯತೆ ಎದ್ದು ಕಾಣುತ್ತಿದೆ. ನಾಲ್ಕು ಸೀಟುಗಳಿರುವ ಈ ಜಿಲ್ಲೆಯಲ್ಲಿ ಎರಡು ಬಿಜೆಪಿಗೆ ಎರಡು ಕಾಂಗ್ರೆಸ್ಸಿಗೆ ಸಿಗಲಿದೆ ಎನ್ನುವುದು ಸ್ಥಳೀಯ ವಿಶ್ಲೇಷಕರ ಅಭಿಪ್ರಾಯ.

ರೋಣ: ಲಿಂಗಾಯತರ ಅಂಗಳದಲ್ಲಿ ನಿಂತ ಆನೇಕಲ್‌ ಆನೇಕಲ್‌ ದೊಡ್ಡಯ್ಯ

ಲಿಂಗಾಯತರ ಜಿದ್ದಾಜಿದ್ದಿನ ಕ್ಷೇತ್ರವಾದ ರೋಣದಲ್ಲಿ ಈ ಬಾರಿ ಆಟ ಕಟ್ಟಲು ದೂರದ ಆನೇಕಲ್ಲಿನಿಂದ ದೊಡ್ಡಯ್ಯ ಎನ್ನುವವರು ಚುನಾವಣೆಗೂ ಮೊದಲೇ ಬಂದು ಕಣದಲ್ಲಿ ಬೀಡುಬಿಟ್ಟಿದ್ದಾರೆ. ಇಲ್ಲಿ ಲಿಂಗಾಯತರ ನಂತರ ಕುರುಬರ ಮತಗಳೂ ದೊಡ್ಡ ಪ್ರಮಾಣದಲ್ಲಿದ್ದು ಅದನ್ನು ಬುಟ್ಟಿಗೆ ಹಾಕಿಕೊಳ್ಳುವ ಆಸೆಯಲ್ಲಿ ದೊಡ್ಡಯ್ಯ ಇದ್ದರೆ, ಕಾಂಗ್ರೆಸ್ ಅಭ್ಯರ್ಥಿಗೆ ದೊಡ್ಡಯ್ಯನವರ ಈ ಪ್ರಯತ್ನ ದೊಡ್ಡ ತಲೆನೋವಾಗಿದೆ. ಆನೇಕಲ್‌ ದೊಡ್ಡಯ್ಯ ಆಮ್‌ ಆದ್ಮಿ ಪಕ್ಷದಿಂದ ಉಮೇದುವಾರರಾಗಿ ಕಣಕ್ಕೆ ಧುಮುಕಿದ್ದಾರೆ. ಒಂದು ಹಂತಕ್ಕೆ ಇಲ್ಲಿ ಆಪ್‌ ತನ್ನ ಖಾತೆ ತೆರೆಯುವ ಭರವಸೆಯಲ್ಲೂ ಇದ್ದಂತಿದೆ.

ಈ ಬಾರಿ ಸರ್ಕಾರದ ವಿರುದ್ಧವಲ್ಲದೆ, ಸ್ಥಳೀಯ ಶಾಸಕರ ವಿರುದ್ಧವೂ ದೊಡ್ಡ ಮಟ್ಟದ ಆಕ್ರೋಶ ಜನರಲ್ಲಿ ಮಡುಗಟ್ಟಿತ್ತು. ಮೊದಲೇ ತೀರಾ ಹಿಂದುಳಿದ ಪ್ರದೇಶವಾದ ಇಲ್ಲಿ ಶಾಸಕರ ನಿಷ್ಕ್ರಿಯತೆ ಜನರ ಸಿಟ್ಟಿಗೆ ಕಾರಣವಾಗಿದೆ. ಕುಡಿಯುವ ನೀರನ್ನು ಬಿಂದಿಗೆ ಲೆಕ್ಕದಲ್ಲಿ ದುಡ್ಡು ಕೊಟ್ಟು ಖರೀದಿಸಬೇಕಾದ ಪರಿಸ್ಥಿತಿಯಿರುವ ಇಲ್ಲಿ ರಾಜಕಾರಣಿಗಳು ಚುನಾವಣಾ ಸಮಯದಲ್ಲಿ ಹಣವನ್ನು ನೀರಿನಂತೆ ಚೆಲ್ಲಿ ಗೆಲ್ಲಲು ಸಿದ್ಧವಾಗುತ್ತಾರೆಯೇ ಹೊರತು ಕ್ಷೇತ್ರದ ಜನರಿಗೆ ನೀರಿನ ವ್ಯವಸ್ಥೆ ಮಾಡುವ ಮೂಲಕ ಅಲ್ಲ.

ಈ ಆನೇಕಲ್‌ ದೊಡ್ಡಯ್ಯ ರಿಯಲ್‌ ಎಸ್ಟೇಟ್‌ ಉದ್ಯಮಿಯಾಗಿದ್ದು ನಾಮಪತ್ರ ಸಲ್ಲಿಸುವಾಗ ಜೊತೆಯಲ್ಲಿ ಪಂಜಾಬ್‌ ಮುಖ್ಯಮಂತ್ರಿ ಭಗವಂತ್ ಮಾನ್ ಅವರನ್ನೇ ಪಕ್ಕದಲ್ಲಿ ನಿಲ್ಲಿಸಿಕೊಂಡಿದ್ದರು! ಇತ್ತೀಚೆಗಷ್ಟೇ ಇವರಿಗೆ ಕ್ಷೇತ್ರದ ಕುರಿಗಾಹಿಗಳು 300 ಕುರಿಗಳನ್ನು ಚುನಾವಣಾ ಖರ್ಚಿಗೆಂದು ಉಡುಗೊರೆಯಾಗಿ ನೀಡಿದ್ದು ಸುದ್ದಿಯಾಗಿತ್ತು.

ಕಳೆದ ಬಾರಿ 83,735 ಮತಗಳನ್ನು ಪಡೆದು ಕಾಂಗ್ರೆಸ್ ಅಭ್ಯರ್ಥಿ ಗುರುಪಾದಗೌಡ ಸಂಗನಗೌಡ ಪಾಟೀಲ ವಿರುದ್ಧ 7,334 ಮತಗಳ ಅಂತರದಿಂದ ಗೆದ್ದಿದ್ದ ಕಳಕಪ್ಪ ಬಂಡಿಯವರಿಗೆ ಬಿಜೆಪಿ ತನ್ನ ಟಿಕೆಟ್‌ ಮರಳಿ ನೀಡಿದೆ. ಪಕ್ಷದಲ್ಲಿ ಬಂಡಾಯವೂ ತಲೆದೋರಿದ್ದು, ಶಾಸಕರ ವಿರುದ್ಧದ ಜನಾಭಿಪ್ರಾಯವೂ ಸೇರಿ ಈ ಬಾರಿ ಇವರಿಗೆ ಸೋಲು ಕಟ್ಟಿಟ್ಟ ಬುತ್ತಿ ಎನ್ನುವುದು ಜನರ ಅಭಿಪ್ರಾಯ.

ಕಾಂಗ್ರೆಸ್ಸಿನಿಂದ ಕಳೆದ ಬಾರಿ 76,401ಮತ ಪಡೆದು ಎರಡನೇ ಸ್ಥಾನ ಪಡೆದಿದ್ದ ಗುರುಪಾದಗೌಡ ಸಂಗನಗೌಡ ಪಾಟೀಲ (ಜಿ ಎಸ್‌ ಪಾಟೀಲ) ಈ ಬಾರಿ ಮತ್ತೆ ಕಣಕ್ಕಿಳಿದಿದ್ದಾರೆ. ಕ್ಷೇತ್ರದ ಲಿಂಗಾಯತ ಮತಗಳ ಜೊತೆಗೆ ಸಿದ್ಧರಾಮಯ್ಯನವರ ಜನಪ್ರಿಯತೆ ಕುರುಬ ಸೇರಿದಂತೆ ಅಹಿಂದ ಮತಗಳನ್ನು ತನಗೆ ತಂದುಕೊಡಬಹುದು ಎನ್ನುವ ನಂಬಿಕೆಯಲ್ಲಿ ಅವರಿದ್ದಾರೆ. ಆನೇಕಲ್‌ ದೊಡ್ಡಯ್ಯ ದೊಡ್ಡ ಮೊತ್ತದ ವೋಟುಗಳನ್ನು ಪಡೆಯದೇ ಹೋದಲ್ಲಿ ಸಿ ಎಸ್‌ ಪಾಟೀಲರ ಗೆಲುವು ಖಚಿತ. ಈ ಬಾರಿ ಒಂದಷ್ಟು ಗಮನೀಯ ಸಂಖ್ಯೆಯ ಮತಗಳನ್ನು ಪಡೆದು ಮುಂದಿನ ಸಲ ಕಾಂಗ್ರೆಸ್‌ ಟಿಕೆಟಿನಿಂದ ಸ್ಪರ್ಧಿಸುವುದು ಆನೇಕಲ್‌ ದೊಡ್ಡಯ್ಯ ಅವರ ಯೋಚನೆ ಎನ್ನುವುದು ಸ್ಥಳೀಯ ರಾಜಕೀಯ ಪರಿಣಿತರ ಲೆಕ್ಕಾಚಾರ. ಪ್ರಸ್ತುತ ಕಾಂಗ್ರೆಸ್‌ ಅಭ್ಯರ್ಥಿ ಪಾಟೀಲರಿಗೆ ಈಗಾಗಲೇ ವಯಸ್ಸಾಗಿರುವುದರಿಂದ ಈ ಲೆಕ್ಕಾಚಾರ ಸರಿಯೂ ಇರಬಹುದು.

ಅಂದ ಹಾಗೆ ಮೊದಲಿನಿಂದಲೂ ಇದೊಂದು ಸ್ವಿಂಗ್‌ ಕ್ಷೇತ್ರವಾಗಿದ್ದು ಆಗಾಗ ಅಚ್ಚರಿಯ ಫಲಿತಾಂಶಗಳನ್ನು ನೀಡುತ್ತಲೇ ಬಂದಿದೆ. ಇಲ್ಲಿನ ಒಟ್ಟು ಮತದಾರರ ಸಂಖ್ಯೆ, 2,20,702.

ನರಗುಂದ: ಲಿಂಗಾಯತರಿಬ್ಬರ ಹಣಾಹಣಿ

ನರಗುಂದ ಎಂದರೆ ನೆನಪಾಗುವುದು ರೈತಕ್ರಾಂತಿಯಾದರೂ ಈಗ ಅಲ್ಲಿ ಈ ಕ್ರಾಂತಿ ಉಳಿದಿರುವುದು ಅಷ್ಟಕ್ಕಷ್ಟೇ. ಎಲ್ಲ ಬಣ್ಣವನ್ನೂ ಕಪ್ಪು ನುಂಗಿತು ಎಂಬಂತೆ ಕರ್ನಾಟಕದ ಎಲ್ಲೆಡೆಯಂತೆ ಇಲ್ಲಿನ ಬಣ್ಣಗಳನ್ನು ಕೇಸರಿ ನುಂಗಿದೆ. ಹಿಂದುತ್ವದ ಹೆಸರಿನಲ್ಲಿ ಮತ ಕೇಳುವ ಬಿಜೆಪಿ ಕೂಡಾ ಟಿಕೆಟ್‌ ಕೊಡುವುದು ಜಾತಿ ಲೆಕ್ಕಾಚಾರದಲ್ಲೇ. ಹೀಗಾಗೀಯೇ ಇಲ್ಲಿಯೂ ಬಲಾಢ್ಯ ಲಿಂಗಾಯತ ಸಮುದಾಯಕ್ಕೆ ಟಿಕೆಟ್‌ ನೀಡಲಾಗಿದೆ. ಹಿಂದುತ್ವವೆನ್ನುವುದು ಕಾಂಗ್ರೆಸ್ಸಿನ ವಿರುದ್ಧ ಮತ ಚಲಾವಣೆ ಮಾಡುವಂತೆ ಮಾಡಬಲ್ಲದೆ ಹೊರತು ಜಾತಿಶಕ್ತಿಯ ವಿರುದ್ಧವಲ್ಲವೆನ್ನುವುದು ಎಲ್ಲರಿಗೂ ತಿಳಿದಿರುವ ಸತ್ಯ. ಇಂದು ಕೇಸರಿಯನ್ನು ಕಣ ಕಣದಲ್ಲೂ ತುಂಬಿಕೊಂಡಿರುವ ಲಿಂಗಾಯತ ಸಮುದಾಯ ತನ್ನವರಿಗೆ ಟಿಕೆಟ್‌ ನೀಡದೆ ಹೋದಲ್ಲಿ ಬಿಜೆಪಿಗೆ ಟಾಟಾ ಮಾಡುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ಎಂದಿನಂತೆ ಇಲ್ಲಿ ಸಿಸಿ ಪಾಟೀಲ ಬಿಜೆಪಿಯಿಂದ ಮತ್ತು ಬಿ ಆರ್‌ ಯಾವಗಲ್‌ ಕಾಂಗ್ರೆಸ್ಸಿನಿಂದ ಕಣಕ್ಕಿಳಿದಿದ್ದಾರೆ. ಆಮ್‌ ಆದ್ಮಿಯ ಉಮೇದುವಾರರಾಗಿ ರಾಮಪ್ಪ ದ್ಯಾಮಪ್ಪ ಹೊನ್ನವರ ಕಣಕಿಳಿದಿದ್ದಾರೆ. ಇಲ್ಲಿ ನೇರ ಹಣಾಹಣಿ ಇರುವುದು ಕಾಂಗ್ರೆಸ್‌ ಬಿಜೆಪಿ ನಡುವೆ ಉಳಿದ ಪಕ್ಷಗಳು ನಾಮಕಾವಸ್ತೆಗೆ ಮಾತ್ರ.

ಈ ಕ್ಷೇತ್ರದಲ್ಲಿ ಸುಮಾರು 1.96 ಮತದಾರರಿದ್ದು ವಿವಿಧ ಪಂಗಡಗಳ 80 ಸಾವಿರ ಲಿಂಗಾಯತ ಮತಗಳಿದ್ದು ಈ ಮತಗಳಿಗಾಗಿಯೇ ಹೋರಾಟ ನಡೆಯುತ್ತದೆ. ಉಳಿದಂತೆ ಕುರುಬರು 27 ಸಾವಿರ, ಮುಸ್ಲಿಮ್ 25 ಸಾವಿರ, ಎಸ್ಸಿ 23 ಸಾವಿರ, ಎಸ್ಟಿ 10 ಸಾವಿರ, ಮರಾಠ 10 ಸಾವಿರ, ಬ್ರಾಹ್ಮಣ 5 ಸಾವಿರ ಮತದಾರರಿದ್ದಾರೆ.

ಗದಗ: ಎಚ್‌ ಕೆ ಪಾಟೀಲರ ಕ್ಷೇತ್ರದಲ್ಲಿ ಮೆಣಸಿಕಾಯಿ ಘಾಟು!

ಕಳೆದ ಬಾರಿ ತೀರಾ ಸಣ್ಣ ಅಂತರದಿಂದ ಗೆದ್ದು ಸಮಾಧಾನದ ನಿಟ್ಟುಸಿರು ಬಿಟ್ಟಿದ್ದ ಎಚ್‌ ಕೆ ಪಾಟೀಲರ ಎದುರು ಈಗ ಇನ್ನೊಂದು ಚುನಾವಣೆ ಬಂದು ನಿಂತಿದೆ, ಗೆಲ್ಲಲೇಬೇಕಾದ ಅನಿವಾರ್ಯತೆಯಲ್ಲಿ ಅವರಿದ್ದಾರೆ. ಇತ್ತ ಕಳೆದ ಸಲ ಕೇವಲ 1,868 ಮತಗಳ ಅಂತರದಿಂದ ಗಾದಿ ಕಳೆದುಕೊಂಡಿದ್ದ ಲಿಂಗಾಯತ ಅಭ್ಯರ್ಥಿ ಅನೀಲ ಮೆಣಸಿನಕಾಯಿ ಎಚ್‌ ಕೆ ಪಾಟೀಲರಿಗೆ ಘಾಟು ತಾಕಿಸಲು ಸಜ್ಜಾಗುತ್ತಿದ್ದಾರೆ.

ಮೊದಲಿಗೆ ನಾಲ್ಕು ಅವಧಿಗೆ ಪರಿಷತ್‌ ಸದಸ್ಯರಾಗಿ ಆಯ್ಕೆಯಾಗಿದ್ದ ಪಾಟೀಲರು 2008ರಲ್ಲಿ ಇಲ್ಲಿ ಮೊದಲ ಸಲ ಚುನಾವಣೆಗೆ ನಿಂತು ಸೋತಿದ್ದರು. ನಂತರದ ಎರಡೂ ಚುನಾವಣೆಗಳಲ್ಲಿ ಗೆದ್ದು ಬೀಗಿದ್ದರಾದರೂ ಕಳೇದ ಬಾರಿಯ ಚುನಾವಣೆಯ ಗೆಲುವು ನೆಮ್ಮದಿಯಿಂದ ಕೂರಲು ಬಿಡುವಂತಹ ಗೆಲುವಾಗಿರಲಿಲ್ಲ. ಶ್ರೀರಾಮು-ರೆಡ್ಡಿ ಬಣದ ಅಭ್ಯರ್ಥಿ ಮೆಣಸಿನಕಾಯಿ ಈ ಬಾರಿಯೂ ಪಾಟೀಲರಿಗೆ ಟಫ್‌ ಫೈಟ್‌ ಕೊಡುವ ಸಾಧ್ಯತೆ ಇದೆ.

ಮೆಣಸಿನಕಾಯಿ ಗೆಲ್ಲುವ ಕುದುರೆಯಾದರೂ ಬೆಂಗಳೂರು ನಿವಾಸಿ ಕೈಗೆ ಸಿಗುವುದಿಲ್ಲ ಎನ್ನುವುದು ಸ್ಥಳೀಯ ಕಾರ್ಯಕರ್ತರ ಅಳಲು. ಮೂಲಭೂತ ಸೌಕರ್ಯಗಳ ಕೊರತೆ ಎದುರಿಸುತ್ತಿರುವ ಗದಗದಲ್ಲಿ ಪಾಟೀಲರಿಗೂ ಅಧಿಕಾರ ವಿರೋದಿ ಅಲೆಯ ಬಿಸಿ ತಾಕುತ್ತಿದೆ.

ಇನ್ನು ಜೆಡೆಎಸ್‌ ಪಕ್ಷದಿಂದ ಇಲ್ಲಿ ವೆಂಕನ ಗೌಡ ಗೋವಿಂದ ಗೌಡ್ರ ಕಣಕ್ಕಿಳಿದಿದ್ದರೆ ಆಪ್‌ ಪಕ್ಷದಿಂದ ಫೀರ್‌ಸಾಬ್‌ ಶೇಖ್‌ ದೊಡ್ಡಮನಿ ಕಣಕ್ಕಿಳಿದಿದ್ದಾರೆ.

ಗದಗದ ಈ ಕ್ಷೇತ್ರದಲ್ಲಿ ಸುಮಾರು 85,000 ಲಿಂಗಾಯತ ಮತಗಳಿದ್ದು, ಕುರುಬ ಮತ್ತು ಮುಸ್ಲಿಂ ಸಮುದಾಯದ ಮತಗಳು ದೊಡ್ಡ ಮಟ್ಟದಲ್ಲಿವೆ. ಒಟ್ಟಾರೆ ಕ್ಷೇತ್ರದಲ್ಲಿ 2,17,833 ಮತದಾರರಿದ್ದು, ಅವರಲ್ಲಿ 1,08,215 ಮಂದಿ ಪುರುಷರು, 1,09,603 ಮಂದಿ ಮಹಿಳೆಯರು ಹಾಗೂ ಇತರೆ 15 ಮಂದಿ ಮತದಾರರಿದ್ದಾರೆ.

ಶಿರಹಟ್ಟಿ: ಗೆದ್ದು ಬರುವರೇ ಸುಜಾತ ದೊಡ್ಡಮನಿ?

ಮೀಸಲು ಕ್ಷೇತ್ರವಾದ ಶಿರಹಟ್ಟಿಯಲ್ಲಿ ಈ ಬಾರಿ ಕಾಂಗ್ರೆಸ್‌ ಟಿಕೆಟ್ಟಿಗೆ ಬರೋಬ್ಬರಿ 14 ಆಕಾಂಕ್ಷಿಗಳಿದ್ದರು. ಅವರಲ್ಲಿ ಪ್ರಮುಖರೆಂದರೆ ಮಾಜಿ ಜಿಲ್ಲಾ ಪಂಚಾಯ್ತಿ ಅಧ್ಯಕ್ಷೆ ಸುಜಾತ ದೊಡ್ಡ ಮನಿ ಮತ್ತು ಮಾಜಿ ಶಾಸಕ ರಾಮಕೃಷ್ಣ ದೊಡ್ಡಮನಿ. ಕೊನೆಗೂ ಸುಜಾತ ದೊಡ್ಡಮನಿ ಟಿಕೆಟ್‌ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದು. ರಾಷ್ಟ್ರೀಯ ಪಕ್ಷಗಳಿಂದ ಟಿಕೆಟ್‌ ಪಡೆದ ಜಿಲ್ಲೆಯ ಏಕೈಕ ಮಹಿಳೆ ಎನ್ನಿಸಿಕೊಂಡು ಕಣದಲ್ಲಿದ್ದಾರೆ.

ಇತ್ತ ಬಿಜೆಪಿ ಕಳೆದ ಬಾರಿ 29,993 ಮತಗಳ ಅಂತರದಿಂದ ಕಾಂಗ್ರೆಸ್ ಅಭ್ಯರ್ಥಿಯನ್ನು ಸೋಲಿಸಿ ಶಾಸಕರಾಗಿದ್ದ ರಾಮಣ್ಣ ಲಮಾಣಿಯವರನ್ನು ಬದಿಗೆ ಸರಿಸಿ ಹೊಸ ಮುಖವಾಗಿ ಡಾ. ಚಂದ್ರ ಲಮಾಣಿ ಎನ್ನುವವರನ್ನು ಕಣಕ್ಕಿಳಿಸಿದೆ. ಸರಕಾರಿ ಕೆಲಸದಲ್ಲಿದ್ದ ಇವರ ರಾಜೀನಾಮೆ ಮೊನ್ನೆಯಷ್ಟೇ ಸ್ವೀಕೃತಗೊಂಡು ಇವರ ಚುನಾವಣಾ ಸ್ಪರ್ಧೆಯ ಹಾದಿ ಸುಗಮಗೊಂಡಿದೆ,

ಬಿಜೆಪಿ ಅಭ್ಯರ್ಥಿ ಚಂದ್ರ ಲಮಾಣಿಯ ವಿರುದ್ಧ ಲೋಕಾಯುಕ್ತದಲ್ಲಿ ದೂರು ದಾಖಲಾಗಿರುವ ಕಾರಣ ಅವರ ರಾಜೀನಾಮೆಯನ್ನು ಅಂಗೀಕರಿಸದಂತೆ ಜಿಲ್ಲಾಧಿಕಾರಿ ಷರಾ ಬರೆದಿದ್ದರು. ಕೊನೆಯ ಘಳಿಗೆಯಲ್ಲಿ ಹಲವು ಷರತ್ತುಗಳೊಂದಿಗೆ ಆರೋಗ್ಯ ಇಲಾಖೆ ಅವರ ರಾಜೀನಾಮೆಯನ್ನು ಅಂಗೀಕರಿಸಿದೆ.

ಆದರೆ ಚಂದ್ರ ಲಮಾಣಿ ಪಾಲಿಗೆ ಇಲ್ಲಿ ಗೆಲುವು ಸುಲಭವಿಲ್ಲ. ಮಾಜಿ ಶಾಸಕ ರಾಮಣ್ಣ ಲಮಾಣಿ ಬಂಡಾಯ ಅಭ್ಯರ್ಥಿಯಾಗಿ ಕಣಕ್ಕಿಳಿಯುವುದಾಗಿ ಘೋಷಿಸಿದ್ದಾರೆ. ಇವರು ಗೆಲ್ಲದಿದ್ದರೂ ಬಿಜೆಪಿಯ ಮತ ವಿಭಜನೆ ಮಾಡುವ ಎಲ್ಲಾ ಸಾಧ್ಯತೆಗಳೂ ಇವೆ. ಕ್ಷೇತ್ರದ ಎಲ್ಲೆಡೆ ಬಿಜೆಪಿ ನಾಯಕತ್ವನ್ನು ಬಯ್ಯುತ್ತಾ ಸಾಗುತ್ತಿರುವ ಇವರು ಪಕ್ಷದ ಪಾಲಿಗೆ ತಲೆನೋವಾಗಿ ಪರಿಣಮಿಸಿದ್ದು ಇದು ಸುಜಾತ ದೊಡ್ಡಮನಿಯವರಿಗೆ ವರವಾಗುವ ಸಾಧ್ಯತೆಯಿದೆ ಎನ್ನುವ ಗುಸುಗುಸು ಕೇತ್ರದಲ್ಲಿ ಕೇಳಿಬರುತ್ತಿದೆ.

ಈ ಬಾರಿ ಗದಗ ಜಿಲ್ಲೆಯಲ್ಲಿ ಒಟ್ಟಾರೆ ಎರಡು ಬಿಜೆಪಿಗೆ ಎರಡು ಕಾಂಗ್ರೆಸ್ಸಿಗೆ ಎನ್ನುವ ಮಾತುಗಳು ಕೇಳಿಬರುತ್ತಿದ್ದು ಕೊನೆಯ ಕ್ಷಣದಲ್ಲಿ ಏನೂ ಆಗಬಹುದು. ಜನರು ಪ್ರಜ್ಞಾವಂತರಾಗಿ ಮತ ಚಲಾಯಿಸದೆ ಇಂತಹ ಹಿಂದುಳಿದ ಜಿಲ್ಲೆಗಳ ಅಭಿವೃದ್ಧಿ ಕನಸಿನ ಮಾತು ಎನ್ನುತ್ತಾರೆ ಇಲ್ಲಿಯ ಸ್ಥಳೀಯ ಪತ್ರಕರ್ತರೊಬ್ಬರು. ಪ್ರತಿಯೊಂದು ಕ್ಷೇತ್ರವನ್ನೂ ಜಾತಿ ಮೇಲಾಟದ ಅಖಾಡಗಳನ್ನಾಗಿ ಪರಿವರ್ತಿಸಿದ ರಾಜಕಾರಣಿಗಳನು ಜನರು ಕ್ಷಮಿಸಬಾರದು ಎಂದು ಅವರು ನೋವು ಮತ್ತು ಹತಾಶೆಯಿಂದ ಕೂಡಿದ ದನಿಯಲ್ಲಿ ಹೇಳುತ್ತಾರೆ. ಬಲಾಢ್ಯ ಜಾತಿಗಳ ಮರ್ಜಿ ಕಾಯುವ ಪಕ್ಷಗಳಿಂದಾಗಿ ಈ ನೋವು ಇಡೀ ಕರ್ನಾಟಕದ ಜನರದ್ದೂ ಹೌದು…