ಈ ಪಂದ್ಯದಲ್ಲಿ ಟಾಸ್ ಗೆದ್ದು ಅಫ್ಘಾನಿಸ್ತಾನಕ್ಕೆ ಬ್ಯಾಟಿಂಗ್ ಕೊಟ್ಟ ಪಾಕಿಸ್ತಾನಕ್ಕೆ ಆರಂಭದಲ್ಲಿ ಸ್ವಲ್ಪ ಸಮಯ ಆಘಾತ ಕಾದಿತ್ತು. ಅಫ್ಘಾನಿಸ್ತಾನದ ಆರಂಭಿಕರಾದ್ ಜೈಜಿ ಮತ್ತು ಗುರ್ ಬಾಜ್ ಇಬ್ಬರೂ ತಂಡಕ್ಕೆ ಉತ್ತಮ ಆರಂಭ ಕೊಟ್ಟರು. ಆದರೆ ಇವರಿಬ್ಬರೂ ಔಟ್ ಆದ ನಂತರ ಅಫ್ಘಾನಿಸ್ತಾನ ತಂಡ ಸತತವಾಗಿ ವಿಕೆಟ್ ಗಳನ್ನು ಕಳೆದುಕೊಳ್ಳುತ್ತಾ ಹೋಗಿ 129 ರನ್ ಗಳ ಅಲ್ಪ ಮೊತ್ತ ದಾಖಲಿಸಿತು. ಇವರಿಬ್ಬರ ನಂತರ ಇಬ್ರಾಹಿಂ ಜದ್ರಾನ್ ಮಾತ್ರ 35 ರನ್ ಗಳಿಸಿದರು. ಇದಕ್ಕೆ ಉತ್ತರವಾಗಿ ಪಾಕಿಸ್ತಾನ ಇನ್ನಿಂಗ್ಸ್ ಆರಂಭಿಸಿದಾಗ ಈ ಮೊತ್ತ ಪಾಕ್ ತಂಡಕ್ಕೆ ಸುಲಭ ತುತ್ತಾಗುತ್ತದೆ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಮೊದಲ ಓವರ್ ನಲ್ಲಿ ತಾವು ಎದುರಿಸಿದ ಮೊದಲ ಚೆಂಡಿನಲ್ಲೇ ಔಟ್ ಆಗುವುದರ ಮೂಲಕ ಪಾಕ್ ನಾಯಕ ಬಾಬರ್ ಅಜಮ್ ತಮ್ಮ ಕಳಪೆ ಫಾರ್ಮ್ ಮುಂದುವರಿಸಿದರು. ಆನಂತರ ಇಫ್ತಿಕಾರ್ ಮತ್ತು ಶಾದಾಬ್ ತಂಡಕ್ಕೆ ಚೇತರಿಕೆ ನೀಡಿ ಪಾಕ್ ತಂಡ 3 ವಿಕೆಟ್ ಗೆ 87 ರನ್ ಗಳಿಸಿದಾಗ ಎಲ್ಲರೂ ಪಂದ್ಯ ಮುಗಿಯಿತು ಎಂದೇ ಭಾವಿಸಿದ್ದರು. ಆದರೆ, ಅಲ್ಲಿಂದ ನಾಟಕೀಯವಾಗಿ ಕುಸಿತ ಕಂಡ ಪಾಕ್ ತಂಡ 118 ರನ್ ಗಳಿಗೆ 9 ವಿಕೆಟ್ ಕಳೆದುಕೊಂಡು ಸೋಲಿನತ್ತ ಮುಖ ಮಾಡಿತ್ತು.

ಆದರೆ ಕೊನೆಯ ಓವರ್ ನಲ್ಲಿ ಇರುವ ಒಂದು ವಿಕೆಟ್ ನಿಂದ 11 ರನ್ ಗಳಿಸಬೇಕಿದ್ದ ಪಾಕ್ ಗೆ ತಂಡದ ವೇಗದ ಬೋಲರ್ ನಸೀಮ್ ಶಾ ಆಪದ್ಭಾಂಧವರಾದರು. ಕೊನೆಯ ಓವರ್ ನ ಮೊದಲ ಎರಡೂ ಎಸೆತಗಳನ್ನು ಫುಲ್ ಟಾಸ್ ಹಾಕಿದ ಬೋಲರ್ ಫಾರೂಕಿ ಅವರ ದೌರ್ಬಲ್ಯವನ್ನು ಉಪಯೋಗಿಸಿಕೊಂಡ ನಸೀಮ್ ಎರಡು ಸಿಕ್ಸರ್ ಬಾರಿಸಿ ತಮ್ಮ ತಂಡಕ್ಕೆ ಫೈನಲ್ ಪ್ರವೇಶ ದೊರಕಿಸಿಕೊಟ್ಟರು. ಒಂದು ವಿಕೆಟ್ ಕಿತ್ತು, 36 ರನ್ ಸಿಡಿಸಿದ ಶಾದಾಬ್ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.

ಬುಧವಾರ ನಡೆದ ಏಷ್ಯಾ ಕಪ್ ಟಿ20 ಕ್ರಿಕೆಟ್‌ ಟೂರ್ನಿಯ ಸೂಪರ್‌-4 ಹಂತದಲ್ಲಿ ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನ ತಂಡಗಳು ಸೆಣಸಾಡಿದ್ದು, ಪಂದ್ಯದಲ್ಲಿ ಪಾಕಿಸ್ತಾನ ತಂಡವು ಜಯಗಳಿಸಿತು.ನಂತರ ಕ್ರೀಡಾಂಗಣದಲ್ಲೇ ಅಪ್ಘಾನಿಸ್ತಾನದ ಅಭಿಮಾನಿಗಳು ಪಾಕೀಸ್ತಾನ ತಂಡದ ಅಭಿಮಾನಿಗಳ ಮೇಲೆ ದುರ್ವರ್ತನೆ ತೋರಿದ್ದರು,

ಈ ಹಿನ್ನಲೆ ಹಾಸ್ಟೆಲ್‌ನಲ್ಲಿ ದೇಶವಿರೋಧಿ ಘೋಷಣೆಗಳನ್ನು ಕೂಗಿದವರ ಮೇಲೆ ದೂರುಗಳನ್ನು ಸ್ವೀಕರಿಸಿದ್ದು, ಅವರ ಮೇಲೆ ಕಠಿಣ ಕ್ರಮ ಕೈಗೊಳ್ಳುತ್ತೇವೆ ಎಂದು ಎಂಎಎಂ ಕಾಲೇಜು ಪ್ರಾಂಶುಪಾಲ, ಜಿ.ಎಸ್.ರಕ್ವಾಲ್ ತಿಳಿಸಿದ್ದಾರೆ.