ಅಕ್ಟೋಬರ್ ತಿಂಗಳ ಮೊದಲ ದಿನದಂದೇ ದೇಶದ ಜನರಿಗೆ ಸಿಲಿಂಡರ್ ಬೆಲೆ ಏರಿಸಿ ಕೇಂದ್ರ ಸರ್ಕಾರ ದುಬಾರಿ ಗಿಫ್ಟ್ ನೀಡಿದೆ. ನವರಾತ್ರಿ ಹಬ್ಬ ಪ್ರಾರಂಭದ ಹಂತದಲ್ಲೇ ಈ ಬೆಲೆಯೇರಿಕೆ ಹೊರೆ ಹಾಕಿದ್ದು ಜನ ಮತ್ತೆ ಮತ್ತೆ ಏರುತ್ತಿರುವ LPG ದರ ಏರಿಕೆ ವಿರುದ್ದ ಹಿಡಿಶಾಪ ಹಾಕುತ್ತಿದ್ದಾರೆ.

ಸರ್ಕಾರಿ ತೈಲ ಮತ್ತು ಅನಿಲ ಮಾರುಕಟ್ಟೆ ಕಂಪನಿಗಳು ಎಲ್‌ಪಿಜಿ ಸಿಲಿಂಡರ್‌ ಬೆಲೆ ಮತ್ತೊಮ್ಮೆ ಏರಿಕೆ ಮಾಡಿವೆ. 19 ಕೆಜಿ ಎಲ್‌ಪಿಜಿ ಸಿಲಿಂಡರ್ ಬೆಲೆ 48.50 ರೂಪಾಯಿ ಹೆಚ್ಚಾಗಿದ್ದು, ದೆಹಲಿಯಲ್ಲಿ 1740 ರೂಪಾಯಿಗೆ ಏರಿಕೆಗೊಂಡಿದೆ. ಆದರೆ ಗೃಹಬಳಕೆ ಸಿಲಿಂಡರ್ ಬೆಲೆ 14.2ಕೆಜಿ ಸಿಲಿಂಡರ್ ಬೆಲೆಯಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ. ಹಿಂದಿನ ದರವನ್ನೇ ಅಕ್ಟೋಬರ್‌ ತಿಂಗಳ ಆರಂಭದಲ್ಲಿ ಮುಂದುವರೆಸಲಾಗಿದೆ.

ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ವಾಣಿಜ್ಯ ಎಲ್‌ಪಿಜಿ ಸಿಲಿಂಡರ್ ಬೆಲೆಯು 48.50 ರೂಪಾಯಿ ಬೆಲೆ ಏರಿಕೆ ಕಂಡುಬಂದಿದ್ದು 1,818 ರೂಪಾಯಿಗೆ ತಲುಪಿದೆ. ಬೆಲೆ ಪರಿಷ್ಕರಣೆಗೂ ಮುನ್ನ ಬೆಲೆಯು 19 KG ಪ್ರತಿ ಸಿಲಿಂಡರ್‌ಗೆ 1,769.50 ರೂಪಾಯಿಗಳಷ್ಟಿತ್ತು.

ಹಾಲಿನ ದರ ಏರಿಕೆಗೆ ಹಲವು ವರ್ಷಗಳಿಂದ ಒತ್ತಾಯ ಕೇಳಿಬರುತ್ತಿತ್ತು. ಆ ಕಾರಣ ಪ್ರತಿ ಲೀಟರ್ ಹಾಲಿಗೆ 5 ರೂಪಾಯಿ ಹೆಚ್ಚಳಕ್ಕೆ ಕೆಎಂಎಫ್ ಪ್ರಸ್ತಾವನೆ ಸಲ್ಲಿಸಿತ್ತು. ಅಂತಿಮವಾಗಿ ಸಿಎಂ ಸಿದ್ದರಾಮಯ್ಯ ಅವರು 3 ರೂಪಾಯಿ ಬೆಲೆ ಹೆಚ್ಚಳಕ್ಕೆ ಅನುಮತಿ ನೀಡಿದ್ದರು.

ಹೆಚ್ಚಳವಾದ 3 ರೂಪಾಯಿ ಹಾಲು ರೈತರಿಗೇ ಹೋಗಬೇಕು ಎಂದು ಸಿಎಂ ಸಿದ್ದರಾಮಯ್ಯ ಸೂಚಿಸಿದ್ದಾರೆ. ಆದ್ದರಿಂದ ಹೊಸ ದರ ಪರಿಷ್ಕರಣೆ ನಂತರ ಆಗಸ್ಟ್ ಒಂದರಿಂದಲೇ ಜಾರಿ ಎಂದು ಸರ್ಕಾರ ಘೋಷಿಸಿದೆ‌‌.

ಇನ್ನು ಯಾವ ಯಾವ ಹಾಲಿನ ಬೆಲೆ ಎಷ್ಟು ಎಂದು ನೋಡುವುದಾದರೆ
ಟೋನ್ಡ್ ಹಾಲು (ನೀಲಿ ಪೊಟ್ಟಣ) – ಹಳೆಯ ದರ 39, ಹೊಸ ದರ 42
ಹೋಮೋಜಿನೈಸ್ಡ್ ಹಾಲು – ಹಳೆಯ ದರ 40, ಹೊಸ ದರ 43
ಹಸಿರು ಪೊಟ್ಟಣದ ಹಾಲು – ಹಳೆಯ ದರ 43, ಹೊಸ ದರ 46
ಸ್ಪೆಷಲ್ ಹಾಲು (ಕೇಸರಿ ಪೊಟ್ಟಣ) – ಹಳೆಯ ದರ 45, ಹೊಸ ದರ 48
ಮೊಸರು ಪ್ರತಿ ಕೆಜಿಗೆ – ಹಳೆಯ ದರ 47, ಹೊಸ ದರ 50
ಮಜ್ಜಿಗೆ 200 ಮಿಲಿ ಪೊಟ್ಟಣ – ‌ಹಳೆಯ ದರ 8, ಹೊಸ ದರ 9

ಇನ್ನು ನಂದಿನಿ ಹಾಲು, ಮೊಸರಿನ ಏರಿಕೆ ಬಗ್ಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ “ಬೇರೆ ರಾಜ್ಯಗಳಿಗೆ ಹೋಲಿಸಿದರೆ ನಮ್ಮ ರಾಜ್ಯದಲ್ಲಿ ಹಾಲಿನ ದರ ಕಡಿಮೆ ಇದ್ದು, ರೈತರಿಗೆ ಅನುಕೂಲ ಆಗುವ ನಿಟ್ಟಿನಲ್ಲಿ ಬೆಲೆ ಏರಿಕೆ ಅನಿವಾರ್ಯ” ಎಂದು ಸ್ಪಷ್ಟಪಡಿಸಿದ್ದಾರೆ. ಹಾಗೆಯೇ ಬೆಲೆ ಏರಿಕೆಯ ಸಂಪೂರ್ಣ ಲಾಭ ರೈತರಿಗೆ ಸಿಗಲಿದೆ ಎಂದು ಸಿದ್ದರಾಮಯ್ಯ ಹೇಳಿದ್ದಾರೆ.