“ವೀಡಿಯೊ ಮೊದಲಿಗೆ ವಿಡಿಯೋ ಪೋಸ್ಟ್‌ ಮಾಡಿದ ಖಾತೆಯ URL ಐಡಿಯ ವಿವರ ನೀಡುವಂತೆ ನಾವು ಮೆಟಾಗೆ ಪತ್ರ ಬರೆದಿದ್ದೇವೆ” ಎಂದು ತನಿಖಾಧಿಕಾರಿ ಬಹಿರಂಗಪಡಿಸಿದ್ದಾರೆ.

ದೆಹಲಿ ಪೊಲೀಸರು IPC 1860 ಸೆಕ್ಷನ್ 465 (ಫೋರ್ಜರಿ), 469 (ಮಾನನಷ್ಟ), ಸೆಕ್ಷನ್ 66C (ಗುರುತಿನ ಕಳ್ಳತನ) ಮತ್ತು ಮಾಹಿತಿ ತಂತ್ರಜ್ಞಾನ ಕಾಯಿದೆಯ 66E (ಗೌಪ್ಯತೆ ಉಲ್ಲಂಘನೆ), 2000ರ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ. ವಿಡಿಯೋ ಮಾಡಿದವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ದೆಹಲಿ ಮಹಿಳಾ ಆಯೋಗ ಪೊಲೀಸರಿಗೆ ನೋಟಿಸ್ ಜಾರಿ ಮಾಡಿದೆ.

ರಶ್ಮಿಕಾ ಮಂದಣ್ಣ ಅವರ ಡೀಪ್ ಫೇಕ್ ವಿಡಿಯೋ ಸದ್ದು ಮಾಡಿದ ನಂತರ ಕೇಂದ್ರ ಸರ್ಕಾರ ಜಾಗೃತಿಯಾದಂತೆ ಕಂಡುಬಂದಿದೆ. ವಿವಾದದ ಹಿನ್ನೆಲೆಯಲ್ಲಿ, ತಪ್ಪು ಮಾಹಿತಿ, ಡೀಪ್‌ಫೇಕ್‌ಗಳು ಮತ್ತು ಜಾಲತಾಣದ ನಿಯಮಗಳನ್ನು ಉಲ್ಲಂಘಿಸುವ ಇತರ ವಿಷಯಗಳ ಅಡಿಯಲ್ಲಿ ಪ್ರಮುಖ ಸಾಮಾಜಿಕ ಮಾಧ್ಯಮ ಸಂಸ್ಥೆಗಳಿಗೆ ಕೇಂದ್ರ ಸರ್ಕಾರ ಸೂಚನೆ ನೀಡಿದೆ.

ಅದರಂತೆ 36 ಗಂಟೆಗಳ ಒಳಗೆ ಇಲ್ಲಿಯವರೆಗೂ ಆದ ನಿಂದನಾತ್ಮಕ ಹಾಗೂ ಅವಹೇಳನಕಾರಿ ಎನ್ನಿಸುವಂತಹ ಫೋಟೊ ಮತ್ತು ವಿಡಿಯೋಗಳನ್ನು ತೆಗೆದುಹಾಕಲು ಪ್ರಮುಖ ಸಾಮಾಜಿಕ ಮಾಧ್ಯಮ ಕಂಪನಿಗಳಿಗೆ ಕೇಂದ್ರ ಸರ್ಕಾರ ಸೂಚನೆ ನೀಡಿದೆ.

ಐಟಿ ನಿಯಮಗಳು 2021 ರಲ್ಲಿ ವಿವರಿಸಿರುವ ನಿಯಮಗಳು ಮತ್ತು ನಿಬಂಧನೆಗಳನ್ನು ಉಲ್ಲಂಘಿಸುವ ವಿಷಯದ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಸಾಮಾಜಿಕ ಮಾಧ್ಯಮ ಕಂಪನಿಗಳಿಗೆ ಕೇಂದ್ರ ಸರ್ಕಾರ ಸೂಚಿಸಿದೆ. ನಿರ್ದಿಷ್ಟ ಸಮಯದ ಚೌಕಟ್ಟಿನೊಳಗೆ ಈ ಸೂಚನೆಯನ್ನು ಪಾಲಿಸಬೇಕು. ಅಲ್ಲದೆ, ಅಂತಹ ಉಲ್ಲಂಘನೆಯ ಮಾಹಿತಿ, ವಿಷಯ ಅಥವಾ ಡೀಪ್‌ಫೇಕ್‌ಗಳನ್ನು ಹಂಚಿಕೊಳ್ಳುವ ಅಥವಾ ಹೋಸ್ಟ್ ಮಾಡುವುದರ ವಿರುದ್ಧ ಬಳಕೆದಾರರಿಗೆ ಎಚ್ಚರಿಕೆ ನೀಡಲಾಗುತ್ತದೆ.

“ಅಂತಹ ವರದಿ ಮಾಡಿದ 36 ಗಂಟೆಗಳ ಒಳಗೆ ವರದಿ ಮಾಡಿದಾಗ ಅಂತಹ ಯಾವುದೇ ವಿಷಯ ಇದ್ದರೂ ತೆಗೆದುಹಾಕಿ ಮತ್ತು ಐಟಿ ನಿಯಮಗಳು 2021 ರ ಅಡಿಯಲ್ಲಿ ನಿಗದಿಪಡಿಸಿದ ಸಮಯದ ಚೌಕಟ್ಟಿನೊಳಗೆ ತ್ವರಿತ ಕ್ರಮ ಕೈಗೊಳ್ಳಬೇಕು ಎಂದು ಮಾಹಿತಿ, ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯ ಹೇಳಿಕೆ ನೀಡಿದೆ.

ಎ.ಪಿ.ಅರ್ಜುನ್ ನಿರ್ದೇಶನದ ಕಿಸ್ ಸಿನಿಮಾ ಮೂಲಕ ಗ್ರಾಂಡ್ ಎಂಟ್ರಿ ಕೊಟ್ಟ ಶ್ರೀಲೀಲಾಗೆ ‘ಕಿಸ್’ ನಿರೀಕ್ಷಿತ ಮಟ್ಟಕ್ಕೆ ಮತ್ತೇರಿಸಿರಲಿಲ್ಲ. ಅದಾದ ನಂತರ ಬಂದ ಶ್ರೀಮುರಳಿ ನಾಯಕರಾದ ಭರಾಟೆ ಕೂಡಾ ಮಕಾಡೆ ಮಲಗಿತ್ತು. ಇನ್ನು ‘ಬೈ ಟು ಲವ್’ ಕೂಡಾ ಬಂದದ್ದೂ ಗೊತ್ತಾಗಿಲ್ಲ, ಹೋದದ್ದೂ ಗೊತ್ತಾಗಿಲ್ಲ.

ಯಾಕೋ ಕನ್ನಡ ಇಂಡಸ್ಟ್ರಿ ಕೈ ಹಿಡಿದಿಲ್ಲ ಅಂತ ಶ್ರೀಲೀಲಾ ನಿಧಾನಕ್ಕೆ ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ರು ನೋಡಿ. ಅವರ ಲಕ್ ಸಖತಾಗಿಯೇ ತಿರುಗಿದೆ. ಶ್ರೀಲೀಲಾ ಅವರ ಮೊಟ್ಟ ಮೊದಲ ತೆಲುಗು ಸಿನಿಮಾ ನಟ ಶ್ರೀಕಾಂತ್ ಪುತ್ರ ರೋಷನ್ ಜೊತೆ ‘ಪೆಳ್ಳಿ ಸಂದಡಿ’ ಸಿನಿಮಾದ ಮೂಲಕ ತೆಲುಗು ಪ್ರೇಕ್ಷಕರಿಗೂ ಪರಿಚಿತಗೊಂಡರು.

ಆ ನಂತರ ಕನ್ನಡದ ಇನ್ನೊಂದು ಬೆಡಗಿಗೆ ತೆಲುಗಿನ ಮಂದಿ ಹಾಕಿದ್ದು ರೆಡ್ ಕಾರ್ಪೆಟ್. ವಿಷಯ ಏನಪ್ಪಾ ಅಂದ್ರೆ ಈಗ ರಶ್ಮಿಕಾ ಮಂದಣ್ಣರಂತಹ ನ್ಯಾಷನಲ್ ಕ್ರಶ್ ಗೆ ಶ್ರೀಲೀಲಾ ಠಕ್ಕರ್ ಕೊಡ್ತಿದ್ದಾರೆ. ಶ್ರೀವಲ್ಲಿ ರಶ್ಮಿಕಾ ಕೈಯಲ್ಲಿರೋ ಎಲ್ಲಾ ಅದ್ಭುತ ಸಿನಿಮಾಗಳನ್ನ ಕಿಕ್ ಚೆಲುವೆ ಶ್ರೀಲೀಲಾ ಕಿತ್ತುಕೊಳ್ಳುತ್ತಿದ್ದಾರೆ ಅಂದ್ರೆ ನೀವು ನಂಬಲೇಬೇಕು.

ಇದೀಗ ಲೇಟೆಸ್ಟ್ ಸುದ್ದಿ ಏನಂದ್ರೆ, ನಿರ್ದೇಶಕ ವೆಂಕಿ ಕುದುಮುಲಾ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಹೊಸ ಸಿನಿಮಾಗೆ ನಿತಿನ್ ಅವರ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಆಯ್ಕೆಯಾಗಿದ್ದರು, ಚಿತ್ರದ ಒಂದಿಷ್ಟು ದೃಶ್ಯಗಳ ಚಿತ್ರೀಕರಣ ಕೂಡಾ ನಡೆದಿತ್ತು. ಈಗ ದಿಢೀರನೆ ರಶ್ಮಿಕಾರನ್ನ ಎತ್ತಂಗಡಿ ಮಾಡಿದ ಚಿತ್ರತಂಡ ಆ ಜಾಗಕ್ಕೆ ಶ್ರೀಲೀಲಾ ಅವರನ್ನು ಆಯ್ಕೆ ಮಾಡಿದೆ. ಸಧ್ಯ ಟಾಲಿವುಡ್ ಅಂಗಳದಲ್ಲಿ ಈ ಬದಲಾವಣೆಯೇ ಹಾಟ್ ಫೆವರಿಟ್ ಸುದ್ದಿಯಾಗಿ ಹರಿದಾಡುತ್ತಿದೆ.

ಎಷ್ಟೇ ಆದರೂ ರಶ್ಮಿಕಾ ಮಾತ್ರ ಈ ಕ್ಷಣಕ್ಕೂ ಬ್ಯುಸಿ ನಟಿ. ಸ್ಯಾಂಡಲ್ವುಡ್ ನಲ್ಲಿ ಅಷ್ಟಕ್ಕಷ್ಟೇ ಆದರೂ ಟಾಲಿವುಡ್, ಕಾಲಿವುಡ್ ಹಾಗೂ ಬಾಲಿವುಡ್ ನಲ್ಲಿ ಭರ್ಜರಿ ಅವಕಾಶ ಹುಡುಕಿ ಬರುತ್ತಿವೆ. ‘ಪುಷ್ಪ 2’, ‘ಅನಿಮಲ್‌’, ‘ರೈನ್‌ ಬೋ’ ಸೇರಿದಂತೆ ಬೇರೆ ಬೇರೆ ಭಾಷೆಗಳ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದರ ಜತೆಗೆ ಬಾಲಿವುಡ್‌ ನಿರ್ದೇಶಕ ಅನೀಸ್‌ ಬಾಜ್ಮೀ ಅವರ ಹೊಸ ಸಿನಿಮಾದಲ್ಲಿ ರಶ್ಮಿಕಾ ನಾಯಕಿ. ಸಧ್ಯ ಆ ಮಟ್ಟಕ್ಕೆ ಶ್ರೀಲೀಲಾ ಏರಲು ಇನ್ನಷ್ಟು ಕಾಲ ಬೇಕೇಬೇಕು.