ಉಕ್ರೇನಿನಾದ್ಯಂತ ನಗರಗಳ ಮೇಲೆ ದಾಳಿ ನಡೆಸಿದ್ದ ರಷ್ಯಾ, ಉಕ್ರೇನಿನ ಇಂಧನ ಮೂಲಸೌಕರ್ಯವನ್ನೂ ದುರ್ಬಲಗೊಳಿಸಿದೆ. ಇದರಿಂದ ಪ್ರಸ್ತುತ ಹತ್ತು ದಶಲಕ್ಷ ಉಕ್ರೇನಿನ ಜನರಿಗೆ ವಿದ್ಯುತ್‌ ಸಂಪರ್ಕ ಇಲ್ಲದಂತಾಗಿದೆ ಎಂದು ತಿಳಿಸಿದ್ದಾರೆ.

ಒಡೆಸ್ಸಾ, ವಿನ್ನಿಟ್ಸಿಯಾ, ಸುಮಿ ಮತ್ತು ಕೀವ್‌ ಪ್ರದೇಶಗಳು ಈ ಕಾರಣದಿಂದ ಹೆಚ್ಚು ಬಾಧಿತ ಪರಿಸ್ಥಿತಿಯಲ್ಲಿದೆ ಎಂದು ಹೇಳಿದ್ದಾರೆ.

ಉಕ್ರೇನ್‌ನಲ್ಲಿ ವಿದ್ಯುತ್‌ ಮೂಲಸೌಕರ್ಯಕ್ಕೆ ಆಗಿರುವ ಹಾನಿಯು ಎಷ್ಟರ ಮಟ್ಟಿಗೆ ವ್ಯಾಪಕವಾಗಿದೆಯೆಂದರೆ , ಇದಕ್ಕೆ ಸಂಬಂಧಪಟ್ಟ  ಅಧಿಕಾರಿಗಳು ಗ್ರಿಡ್‌ ಅನ್ನು ನಿವಾರಿಸಲು ಅಲ್ಲಿನ ವಿದ್ಯುತ್‌ ಅನ್ನು ಕಡಿತಗೊಳಿಸುತ್ತಿದ್ದಾರೆ ಎಂದು ಮಾತನಾಡಿದ್ದಾರೆ.

ಈ ಭಾದಿತ ಪ್ರದೇಶಗಳಲ್ಲಿ ವಿದ್ಯುತ್‌ ಪೂರೈಕೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನಗಳನ್ನು ನಡೆಸುತ್ತಿದ್ದೇವೆ ಎಂದು ಮಾಹಿತಿ ನೀಡಿದ್ದಾರೆ.

ಕೀವ್‌ನ ಅಧಿಕಾರಿಗಳು ಮೊದಲು ಬೀಳುವ ಹಿಮದಿಂದ ಅಪಾಯ ಉಂಟಾಗಬಹುದೆಂದು ಮುಂದಿನ ದಿನಗಳ ಬಗ್ಗೆ ಎಚ್ಚರಿಕೆ ನೀಡಿದ್ದು, ಈ ಕುರಿತು ಉಕ್ರೇನ್‌ ನಗರಗಳ ಎಎಫ್‌ಪಿ ಪತ್ರಕರ್ತರು ವರದಿಯಲ್ಲಿ ತಿಳಿಸಿದ್ದಾರೆ.