1990 ರ ಕಸ್ಟಡಿಯಲ್ ಸಾವಿನ ಪ್ರಕರಣದಲ್ಲಿ 2019 ರಲ್ಲಿ ಜೀವಾವಧಿ ಶಿಕ್ಷೆಗೆ ಗುರಿಯಾದ ನಂತರ ಭಟ್ ಅವರು ಪ್ರಸ್ತುತ ಗುಜರಾತ್‌ನ ರಾಜ್‌ಕೋಟ್ ಕೇಂದ್ರ ಕಾರಾಗೃಹದಲ್ಲಿದ್ದಾರೆ ಮತ್ತು 1996 ರಲ್ಲಿ ವಕೀಲರನ್ನು ಸುಳ್ಳು ಪ್ರಕರಣದಲ್ಲಿ ಸಿಲುಕಿಸಿದ ಪ್ರಕರಣಕ್ಕೆ ಈ ವರ್ಷ 20 ವರ್ಷಗಳ ಜೈಲುವಾಸ ಅನುಭವಿಸುತ್ತಿದ್ದಾರೆ.

1997 ರ ಕಸ್ಟಡಿ ಚಿತ್ರಹಿಂಸೆ ಪ್ರಕರಣ

2013 ರಲ್ಲಿ, ಲೈವ್‌ಲಾ ಪ್ರಕಾರ 1994 ರ ಶಸ್ತ್ರಾಸ್ತ್ರ ವಸೂಲಿ ಪ್ರಕರಣದಲ್ಲಿ ಆರೋಪಿತರಾದ 22 ಜನರಲ್ಲಿ ಒಬ್ಬರಾದ ನರನ್ ಜಾಧವ್ ಅವರ ದೂರಿನ ಆಧಾರದ ಮೇಲೆ ಭಟ್ ಮತ್ತು ಪೊಲೀಸ್ ಪೇದೆಯ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ . 1997 ರಲ್ಲಿ ಪೋರಬಂದರ್‌ನ ಪೊಲೀಸ್ ಅಧೀಕ್ಷಕರಾಗಿದ್ದ ಭಟ್ ಅವರು ಭಯೋತ್ಪಾದಕ ಮತ್ತು ವಿಧ್ವಂಸಕ ಚಟುವಟಿಕೆಗಳ (ತಡೆಗಟ್ಟುವಿಕೆ) ಕಾಯ್ದೆ ಮತ್ತು ಶಸ್ತ್ರಾಸ್ತ್ರ ಕಾಯ್ದೆಯ ಪ್ರಕರಣದಲ್ಲಿ ತಪ್ಪೊಪ್ಪಿಗೆಯನ್ನು ಪಡೆಯಲು ಆ ವರ್ಷ ಪೊಲೀಸ್ ಕಸ್ಟಡಿಯಲ್ಲಿ ತನಗೆ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಹಿಂಸೆ ನೀಡಿದ್ದಾರೆ ಎಂದು ಜಾಧವ್ ಆರೋಪಿಸಿದರು.

ಜಾಧವ್ ಅವರ ವಕೀಲರ ಪ್ರಕಾರ, ಜುಲೈ 5, 1997 ರಂದು, ಪೊಲೀಸ್ ತಂಡವು ಅವರನ್ನು ಅಹಮದಾಬಾದ್‌ನ ಸಾಬರಮತಿ ಕೇಂದ್ರ ಕಾರಾಗೃಹದಿಂದ ಪೋರಬಂದರ್‌ನಲ್ಲಿರುವ ಭಟ್ ಅವರ ಮನೆಗೆ ವರ್ಗಾಯಿಸಿತ್ತು. ಇಲ್ಲಿ ಜಾಧವ್ ಅವರು ವಿದ್ಯುತ್ ಶಾಕ್ ಮೂಲಕ ಚಿತ್ರಹಿಂಸೆ ನೀಡಿದ್ದಾರೆ ಎಂದು ಆರೋಪಿಸಿದ್ದಾರೆ.

ನಂತರ ನರನ್ ಜಾಧವ್ ಸಂಜೀವ್ ಭಟ್ ವಿರುದ್ಧ 1997 ರಲ್ಲಿ ಔಪಚಾರಿಕ ದೂರನ್ನು ದಾಖಲಿಸಿದರು ಮತ್ತು ಪ್ರಕರಣದ ತನಿಖೆಗೆ ಆದೇಶಿಸಲಾಯಿತು. ಸಾಕ್ಷ್ಯಾಧಾರಗಳ ಆಧಾರದ ಮೇಲೆ, ಗುಜರಾತ್ ನ್ಯಾಯಾಲಯವು 1998 ರಲ್ಲಿ ಭಟ್ ಮತ್ತು ಪೊಲೀಸ್ ಪೇದೆಯ ವಿರುದ್ಧ ಪ್ರಕರಣವನ್ನು ದಾಖಲಿಸಿತು; 2013 ರಲ್ಲಿ ಎಫ್‌ಐಆರ್ ಮಾಡಲಾಯಿತು.

ಅವರ ವಿರುದ್ಧ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 330 (ತಪ್ಪೊಪ್ಪಿಗೆಗಾಗಿ ಚಿತ್ರಹಿಂಸೆ) ಮತ್ತು 324 (ಅಪಾಯಕಾರಿ ಆಯುಧಗಳಿಂದ ಗಾಯಗೊಳಿಸುವುದು) ಅಡಿಯಲ್ಲಿ ಆರೋಪ ಹೊರಿಸಲಾಯಿತು. ಪೊಲೀಸ್ ಪೇದೆಯ ಸಾವಿನ ನಂತರ ಅವರ ವಿರುದ್ಧದ ಪ್ರಕರಣವನ್ನು ರದ್ದುಗೊಳಿಸಲಾಯಿತು.

ಆದರೆ, ಶನಿವಾರ ಹೆಚ್ಚುವರಿ ಮುಖ್ಯ ನ್ಯಾಯಿಕ ಮ್ಯಾಜಿಸ್ಟ್ರೇಟ್ ಮುಖೇಶ್ ಪಾಂಡ್ಯ ಅವರು ಈ ಪ್ರಕರಣದಲ್ಲಿ ಭಟ್ ಅವರನ್ನು ದೋಷಮುಕ್ತಗೊಳಿಸಿದ್ದಾರೆ ಎಂದು ಪಿಟಿಐ ವರದಿ ಮಾಡಿದೆ.

ದೂರುದಾರ ಜಾಧವ್ ಅಪರಾಧವನ್ನು ತಪ್ಪೊಪ್ಪಿಕೊಳ್ಳುವಂತೆ ಒತ್ತಾಯಿಸಲಾಯಿತು ಮತ್ತು ಅಪಾಯಕಾರಿ ಆಯುಧಗಳು ಮತ್ತು ಬೆದರಿಕೆಗಳನ್ನು ಬಳಸಿ ನೋವುಂಟುಮಾಡುವ ಮೂಲಕ ಶರಣಾಗುವಂತೆ ಮಾಡಲಾಯಿತು ಎಂಬುದಕ್ಕೆ ಪ್ರಾಸಿಕ್ಯೂಷನ್‌ಗೆ “ಸಮಂಜಸವಾದ ಅನುಮಾನಗಳಾಚೆಗೆ ಪ್ರಕರಣವನ್ನು ಸಾಬೀತುಪಡಿಸಲು” ಸಾಧ್ಯವಾಗಲಿಲ್ಲ ಎಂದು ನ್ಯಾಯಾಲಯ ಹೇಳಿದೆ ಎಂದು ಪಿಟಿಐ ವರದಿ ಮಾಡಿದೆ.

ಭಟ್ ಅವರ ಹಳೆಯ ಪ್ರಕರಣಗಳು

ಏಪ್ರಿಲ್ 2011 ರಲ್ಲಿ, ಸುಪ್ರೀಂ ಕೋರ್ಟ್‌ನಲ್ಲಿ ಸಂಜೀವ ಭಟ್‌ ಅವರು ಆಗಿನ ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿಯವರ “2002 ರ ಗಲಭೆಯಲ್ಲಿ ಭಾಗಿಯಾಗಿದ್ದಾರೆ” ಎಂದು ಆರೋಪಿಸಿ ಅಫಿಡವಿಟ್ ಸಲ್ಲಿಕೆಯಾಗಿತ್ತು. ಈ ಗಲಭೆಯಲ್ಲಿ 1,200 ಕ್ಕೂ ಹೆಚ್ಚು ಜನರು, ಹೆಚ್ಚಾಗಿ ಮುಸ್ಲಿಮರು ಕೊಲ್ಲಲ್ಪಟ್ಟಿದ್ದರು.

ಗೋಧ್ರಾ ರೈಲ್ವೇ ಸ್ಟೇಷನ್ ಬಳಿ ಸಾಬರಮತಿ ಎಕ್ಸ್‌ಪ್ರೆಸ್ ಮೇಲೆ ದಾಳಿ ನಡೆಸಿ 59 ಹಿಂದೂಗಳನ್ನು ಸುಟ್ಟು ಕೊಂದ ನಂತರ “ಅಲ್ಪಸಂಖ್ಯಾತ ಸಮುದಾಯದ ವಿರುದ್ಧ ಹಿಂದೂಗಳು ತಮ್ಮ ಕೋಪವನ್ನು ಹೊರಹಾಕಲು ಬಿಡುವಂತೆ ಉನ್ನತ ಅಧಿಕಾರಿಗಳನ್ನು ಕರೆದು [ಮೋದಿ] ಅವರು ನಡೆಸಿದ ಸಭೆಯಲ್ಲಿ ತಾವೂ ಭಾಗವಹಿಸಿದ್ದಾಗಿ ಎಂದು ಭಟ್ ಹೇಳಿದರು.” ಎಂದು ದಿ ಹಿಂದೂ ವರದಿ ಮಾಡಿತ್ತು. 

ಹಾಗಿದ್ದೂ, ವಿಶೇಷ ತನಿಖಾ ತಂಡವು ನಂತರ ಗಲಭೆಯಲ್ಲಿ ಮೋದಿಯ ಪಾತ್ರವನ್ನು ತಿರಸ್ಕರಿಸಿತು. ತನಿಖಾ ವರದಿಯನ್ನು ಪ್ರಶ್ನಿಸಿ ಸುಪ್ರೀಂ ಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದ್ದರೂ, ಸುಪ್ರೀಂ ಕೋರ್ಟ್ 2022 ರಲ್ಲಿ ಅದನ್ನು ವಜಾಗೊಳಿಸಿತು .

ಭಟ್ ಅವರನ್ನು ಗುಜರಾತ್ ಸರ್ಕಾರವು 2011 ರಲ್ಲಿ ಸೇವೆಯಿಂದ ಅಮಾನತುಗೊಳಿಸಿತು ಮತ್ತು ನಂತರ ಕೇಂದ್ರ ಗೃಹ ಸಚಿವಾಲಯವು 2015 ರಲ್ಲಿ “ಅನಧಿಕೃತ ಗೈರುಹಾಜರಿ” ಯಿಂದ ಪೊಲೀಸ್ ಸೇವೆಯಿಂದ ವಜಾಗೊಳಿಸಲಾಯಿತು.

ಅವರು ಪ್ರಸ್ತುತ ಜೀವಾವಧಿ ಶಿಕ್ಷೆಯನ್ನು ಅನುಭವಿಸುತ್ತಿದ್ದಾರೆ ಮತ್ತು ಅವರ ವಿರುದ್ಧ ದಾಖಲಾಗಿರುವ ಇತರ ಎರಡು ಪ್ರಕರಣಗಳಿಗಾಗಿ ರಾಜ್‌ಕೋಟ್ ಕೇಂದ್ರ ಕಾರಾಗೃಹದಲ್ಲಿ 20 ವರ್ಷಗಳ ಶಿಕ್ಷೆಯನ್ನು ಅನುಭವಿಸುತ್ತಿದ್ದಾರೆ. ಒಂದು ಜಾಮ್‌ನಗರದಲ್ಲಿ 1990ರ ಕಸ್ಟಡಿ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದ್ದು ಮತ್ತು ಇನ್ನೊಂದು 1996ರಲ್ಲಿ ಗುಜರಾತ್‌ನ ಪಾಲನ್‌ಪುರದಲ್ಲಿ ರಾಜಸ್ಥಾನ ಮೂಲದ ವಕೀಲರನ್ನು ಬಂಧಿಸಲು ಡ್ರಗ್ಸ್ ಪ್ಲಾಂಟ್‌ ಮಾಡಿದ (ಆರೋಪಿ ಎಂದು ಬಿಂಬಿಸಲು ಡ್ರಗ್‌ ಇಟ್ಟಿದ್ದು) ಪ್ರಕರಣಕ್ಕೆ ಸಂಬಂಧಿಸಿದ್ದು.

ಜೂನ್ 2019 ರಲ್ಲಿ, ಜಾಮ್‌ನಗರ ಸೆಷನ್ಸ್ ನ್ಯಾಯಾಲಯವು 1990 ರಲ್ಲಿ ಜಾಮ್‌ನಗರ ಜಿಲ್ಲೆಯಲ್ಲಿ ಹೆಚ್ಚುವರಿ ಪೊಲೀಸ್ ಸೂಪರಿಂಟೆಂಡೆಂಟ್ ಆಗಿದ್ದ ಭಟ್ ಮತ್ತು ಪೊಲೀಸ್ ಪೇದೆ ಪ್ರವೀಣ್‌ಸಿಂಹ ಝಾಲಾ ಅವರಿಗೆ ಕಸ್ಟಡಿ ಚಿತ್ರಹಿಂಸೆ ಮತ್ತು ಮರಣದಂಡನೆಗಾಗಿ ಜೀವಾವಧಿ ಶಿಕ್ಷೆ ವಿಧಿಸಿತು.

ಅಕ್ಟೋಬರ್ 1990 ರಲ್ಲಿ, ಬಿಜೆಪಿ ನಾಯಕ ಎಲ್‌ಕೆ ಅಡ್ವಾಣಿಯವರ ರಥಯಾತ್ರೆಯನ್ನು ಬಂಧಿಸಿ ನಿಲ್ಲಿಸಿದ್ದನ್ನು ವಿರೋಧಿಸಿ ಬಿಜೆಪಿ ಮತ್ತು ವಿಶ್ವ ಹಿಂದೂ ಪರಿಷತ್‌ನಿಂದ ‘ಬಂದ್’ ಕರೆ ನೀಡಿದ ನಂತರ ಜಾಮ್‌ನಗರ ಜಿಲ್ಲೆಯ ಜಾಮ್‌ಜೋಧ್‌ಪುರದಲ್ಲಿ ಕೋಮುಗಲಭೆಯ ನಂತರ ಭಟ್ ಸುಮಾರು 150 ಜನರನ್ನು ಬಂಧಿಸಿದ್ದರು. ಬಂಧಿತರಲ್ಲಿ ಒಬ್ಬರಾದ ಪ್ರಭುದಾಸ್ ವೈಷ್ಣಾನಿ ಬಿಡುಗಡೆಯಾದ ನಂತರ ಆಸ್ಪತ್ರೆಯಲ್ಲಿ ನಿಧನರಾದರು.

ಭಟ್ ಮತ್ತು ಝಲಾ ಜಾಮ್‌ನಗರ ನ್ಯಾಯಾಲಯದ ಜೂನ್ 2019 ರ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸಿದ್ದರೂ, ಗುಜರಾತ್ ಹೈಕೋರ್ಟ್‌ನ ವಿಭಾಗೀಯ ಪೀಠವು ಈ ಜನವರಿಯಲ್ಲಿ ಇಬ್ಬರ ವಿರುದ್ಧ ಜೀವಾವಧಿ ಶಿಕ್ಷೆ ಮತ್ತು ಕೊಲೆ ಶಿಕ್ಷೆಯನ್ನು ಎತ್ತಿಹಿಡಿದಿದೆ . ಹೈಕೋರ್ಟ್ ಆದೇಶವನ್ನು ಪ್ರಶ್ನಿಸಿ ಭಟ್ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದ್ದಾರೆ.

ಈ ವರ್ಷದ ಮಾರ್ಚ್‌ನಲ್ಲಿ, ರಾಜಸ್ಥಾನ ಮೂಲದ ವಕೀಲರನ್ನು ಬಂಧಿಸಲು 1996 ರ ಮಾದಕವಸ್ತುಗಳನ್ನು ಬಳಸಿದ ಪ್ರಕರಣದಲ್ಲಿ ಪಾಲನ್‌ಪುರ ನ್ಯಾಯಾಲಯವು ಭಟ್‌ಗೆ 20 ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಿತು .

2002 ರ ಗುಜರಾತ್ ಗಲಭೆ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಸಂಜೀವ ಭಟ್‌ ಅವರೊಂದಿಗೆ ಕಾರ್ಯಕರ್ತೆ ತೀಸ್ತಾ ಸೆಟಲ್ವಾಡ್ ಮತ್ತು ಗುಜರಾತ್ ಮಾಜಿ ಪೊಲೀಸ್ ಮಹಾನಿರ್ದೇಶಕ ಆರ್.ಬಿ. ಶ್ರೀಕುಮಾರ್‌ ಅವರೂ ಸಾಕ್ಷಿಯನ್ನು ತಿರಚಿದ ಪ್ರಕರಣವನ್ನು ಎದುರಿಸುತ್ತಿದ್ದಾರೆ.

ನ್ಯಾಯಮೂರ್ತಿಗಳಾದ ಅಶುತೋಷ್ ಶಾಸ್ತ್ರಿ ಮತ್ತು ಸಂದೀಪ್ ಭಟ್ ಅವರ ವಿಭಾಗೀಯ ಪೀಠವು ಐಪಿಸಿಯ ಸೆಕ್ಷನ್ 302, 323 ಮತ್ತು 506ರ ಅಡಿಯಲ್ಲಿ ಭಟ್ ಮತ್ತು ಸಹ-ಆರೋಪಿ ಪ್ರವೀಣ್‌ಸಿಂಹ ಝಾಲಾ ಅವರ ಶಿಕ್ಷೆಯನ್ನು ಎತ್ತಿಹಿಡಿದಿದೆ. ಕೊಲೆಯಿಂದ ಖುಲಾಸೆಗೊಂಡಿರುವ ಆದರೆ ಸೆಕ್ಷನ್ 323 ಮತ್ತು 506ರ ಅಡಿಯಲ್ಲಿ ಶಿಕ್ಷೆಗೊಳಗಾದ ಇತರ ಐವರು ಆರೋಪಿಗಳ ಶಿಕ್ಷೆಯನ್ನು ಹೆಚ್ಚಿಸುವಂತೆ ಕೋರಿ ರಾಜ್ಯ ಸರ್ಕಾರ ಸಲ್ಲಿಸಿದ ಮೇಲ್ಮನವಿಯನ್ನು ನ್ಯಾಯಾಲಯವು ವಜಾಗೊಳಿಸಿದೆ.

“ಐಪಿಸಿಯ ಸೆಕ್ಷನ್ 302ರ ಅಡಿಯಲ್ಲಿ ಶಿಕ್ಷಾರ್ಹ ಅಪರಾಧಗಳಿಗೆ ಸಂಬಂಧಿಸಿದ ಆರೋಪಿಗಳನ್ನು ಅಪರಾಧಿ ಎಂದು ಪರಿಗಣಿಸುವಾಗ ವಿಚಾರಣಾ ನ್ಯಾಯಾಲಯವು ದಾಖಲಿಸಿದ ತಾರ್ಕಿಕತೆಯನ್ನು ನಾವು ಪರಿಶೀಲಿಸಿದ್ದೇವೆ” ಎಂದು ವಿಭಾಗೀಯ ಪೀಠ ಹೇಳಿದೆ.

sanjiv bhatt,important topics for clat pg 2023, supreme court, supreme court guidelines for police, important judgments for clat pg 2023,high court, rajiv bhatt interview, life prison for ips officer, daily current affairs in hindi for bank exam, current affairs for clat, current affairs for clat 2023, supreme court latest news, courts this week, the hindu daily anlaysis for law entrance exams, upsc cse supreme court, supreme court of india, supreme court judgments