ಬುಧವಾರ ಲೋಕಸಭೆಯಲ್ಲಿ ನಡೆದ ಮಧ್ಯಂತರ ಬಜೆಟ್ ಮೇಲಿನ ಸಾಮಾನ್ಯ ಚರ್ಚೆಯಲ್ಲಿ ಭಾಷಣ ಮಾಡಿದ ಇವರು ಕೇಂದ್ರದ ಕಳಪೆ ಹಣಕಾಸು ನಿರ್ವಹಣೆಯ ಬಗ್ಗೆ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡರು.

ತರೂರ್ ತಮ್ಮ ಭಾಷಣದಲ್ಲಿ, 2016 ರ ನೋಟು ಅಮಾನ್ಯೀಕರಣದ ನಿರ್ಧಾರದಿಂದ ಪ್ರಾರಂಭಿಸಿ, ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ), ದೇಶದಲ್ಲಿನ ಎಂಎಸ್‌ಎಂಇಗಳಿಗೆ ಹಾನಿ, ರೈತರ ಸಂಕಷ್ಟಗಳು, ಉದ್ಯೋಗ ಹೆಚ್ಚಳದಲ್ಲಿ ಕಳಪೆ ಸಾಧನೆ ಹಾಗೂ ವ್ಯಾಪಕ ಆರ್ಥಿಕ ಸಮಸ್ಯೆಗಳ ಬಗ್ಗೆ ಮಾತನಾಡಿದರು.

ನೋಟು ಅಮಾನ್ಯೀಕರಣದಂತಹ ಕೆಟ್ಟ ನೀತಿಯನ್ನು ಕೆಟ್ಟದಾಗಿ ಜಾರಿಗೆ ಬಂದರೆ, ಜಿಎಸ್‌ಟಿಯು ಒಳ್ಳೆಯ ಆಲೋಚನೆಯಾದರೂ, ಕೆಟ್ಟದಾಗಿ ವಿನ್ಯಾಸಗೊಳಿಸಿ ಕಳಪೆ ರೀತಿಯಲ್ಲಿ ಜಾರಿಗೊಳಿಸಲಾಗಿದೆ ಎಂದು ತರೂರ್ ಹೇಳಿದ್ದಾರೆ.

“ಸರಕು ಮತ್ತು ಸೇವಾ ತೆರಿಗೆಯನ್ನು ನಮ್ಮ ರಾಜ್ಯಗಳ ಆರ್ಥಿಕ ಸ್ವಾಯತ್ತತೆಯನ್ನು ತುಳಿಯಲು ಬಳಸಲಾಗಿದೆ ಮತ್ತು ನೋಟು ರದ್ದತಿ ಭಾರತದ ಉದ್ಯೋಗ-ಉತ್ಪಾದಿಸುವ ಸಣ್ಣ ಮತ್ತು ಮಧ್ಯಮ ವ್ಯವಹಾರಗಳು ನಾಶವಾಗಲು ಕಾರಣವಾಯಿತು. ಇದು 45 ವರ್ಷಗಳ ನಿರುದ್ಯೋಗವನ್ನು ಉಂಟುಮಾಡಿತು ಮತ್ತು 2013 ರಲ್ಲಿ ಪ್ರಾರಂಭವಾದ ಆರ್ಥಿಕ ಚೇತರಿಕೆಯನ್ನು ಕೊನೆಗೊಳಿಸಿತು, ಆದರೆ ಅದರ ಎಲ್ಲಾ ಉದ್ದೇಶಗಳೂ ವಿಫಲವಾಗಿದೆ,” ಎಂದು ಅವರು ಹೇಳಿದ್ದಾರೆ.

ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ತಮ್ಮ ಮಧ್ಯಂತರ ಬಜೆಟ್ ಭಾಷಣದಲ್ಲಿ ಪ್ರಸ್ತಾಪಿಸಿದ ನಾಲ್ಕು ‘ಜಾತಿಗಳು’ – ಮಹಿಳೆಯರು, ಯುವಕರು, ರೈತರು ಮತ್ತು ಬಡವರು – ಸಾಮಾಜಿಕ ಮತ್ತು ಆರ್ಥಿಕ ನೀತಿಯ ಕಾರ್ಯಕ್ಷಮತೆಯ ಸೂಚಕಗಳಲ್ಲಿ ಕೆಟ್ಟ ರೀತಿಯಲ್ಲಿ ಸಂಕಷ್ಟಕ್ಕೆ ಒಳಗಾದ ಗುಂಪುಗಳಾಗಿವೆ ಎಂದು ಅವರು ಹೇಳಿದ್ದಾರೆ.

“ಭಾರತದಲ್ಲಿ ಕೆಲಸವಿಲ್ಲದ ಹತಾಶ ಯುವಕರು ಇಸ್ರೇಲ್‌ನಲ್ಲಿ ಉದ್ಧದಲ್ಲಿ ತಮ್ಮ ಪ್ರಾಣವನ್ನು ಪಣಕ್ಕಿಡಲು ಸರತಿ ಸಾಲಿನಲ್ಲಿ ನಿಂತಿರುವಾಗ ಸರ್ಕಾರ ತನ್ನ ಯಶಸ್ಸಿನ ಬಗ್ಗೆ ಹೇಳಿಕೆಗಳನ್ನು ನೀಡುವುದು ದುರಂತ ವ್ಯಂಗ್ಯ,” ಎಂದು ತರೂರ್ ವಿಷಾದಿಸಿದ್ದಾರೆ.

“ಒಟ್ಟಾರೆಯಾಗಿ, 8-9 ಪ್ರತಿಶತದಷ್ಟು ನಿರುದ್ಯೋಗ ದರವು ನಮ್ಮ ದೇಶದಲ್ಲಿ ಸಾಮಾನ್ಯವಾಗಿ ಹೋಗಿದೆ. 2017 ರಲ್ಲಿ ನಿರುದ್ಯೋಗವು 45 ವರ್ಷಗಳಲ್ಲೇ ಗರಿಷ್ಠ ಮಟ್ಟವನ್ನು ತಲುಪಿದೆ, ಪ್ರಸ್ತುತ CMIE ಡೇಟಾದ ಪ್ರಕಾರ 7.3 ಪ್ರತಿಶತದಷ್ಟಿದೆ, ಆದರೆ ಕೆಲವೇ ತಿಂಗಳುಗಳ ಹಿಂದೆ 8 ಶೇಕಡಾಕ್ಕಿಂತ ಹೆಚ್ಚಾಗಿದೆ,” ಎಂದು ಅವರು ಹೇಳಿದ್ದಾರೆ.

ಭಾರತದ ಆರ್ಥಿಕತೆಯು ಸದ್ಯ 2012 ರಲ್ಲಿ ಉದ್ಯೋಗ ನೀಡಿದ್ದಕ್ಕಿಂತ ಕಡಿಮೆ ಜನರಿಗೆ ಉದ್ಯೋಗ ಕೊಡುತ್ತಿದೆ ಎಂದು ಆರೋಪಿಸಿರುವ ತರೂರ್‌, “ಕೃಷಿ ಮತ್ತು ಉತ್ಪಾದನಾ ವಲಯದಲ್ಲಿ ಉದ್ಯೋಗಗಳ ಪ್ರಮಾಣ ಕುಸಿದಿವೆ, ಆರ್ಥಿಕವಾಗಿ ಅನಿಶ್ಚಿತ ಆದಾಯ ತರುವ ಕನ್ಸ್ಟ್ರಕ್ಷನ್‌ ಕೆಲಸಗಳಲ್ಲಿ ಮತ್ತು ಕೆಳ-ಮಟ್ಟದ ಸೇವಾ ವಲಯದಲ್ಲಿ ಮಾತ್ರ ಅವರು ಏನಾದರೂ ಒಂದು ಉದ್ಯೋಗ ನೋಡುತ್ತಿದ್ದಾರೆ. ಇಸ್ರೇಲ್‌ನಲ್ಲಿ ಉದ್ಯೋಗ ಹುಡುಕಲು ಹೊರಟಿರುವ ನಮ್ಮ ಜನರು ತಮ್ಮ ಜೀವ ಮತ್ತು ದೇಹವನ್ನು ಅಪಾಯಕ್ಕೆ ಒಡ್ಡಿಕೊಳ್ಳಲು ಸಿದ್ಧರಾಗಿದ್ದಾರೆ, ಜೀವನೋಪಾಯಕ್ಕಾಗಿ ಸಾವನ್ನೂ ಎದುರಿಸಲು ಹಿಂದೆಮುಂದೆ ನೋಡುತ್ತಿಲ್ಲ,” ಎಂದು ತರೂರ್‌ ಅಭಿಪ್ರಾಯ ಪಟ್ಟಿದ್ದಾರೆ.

ಒಟ್ಟಾರೆ ಉದ್ಯೋಗಗಳಲ್ಲಿ ಕೃಷಿಯ ಪಾಲು ಹೆಚ್ಚಿದೆ, ಕೃಷಿ ವಲಯದ ಹೊರಗೆ ಸಾಕಷ್ಟು ಉದ್ಯೋಗಗಳು ಲಭ್ಯವಿಲ್ಲ ಎಂಬುದನ್ನು ಸೂಚಿಸುತ್ತದೆ ಎಂದು ತರೂರ್‌ ಹೇಳಿದ್ದಾರೆ.

ತಮಗೆ ಬಂದ ಆಪಲ್‌ ನೋಟಿಫಿಕೇಷನ್‌ ಬಗ್ಗೆ ತಮ್ಮ X ನಲ್ಲಿ ಬರೆದುಕೊಂಡಿರುವ ಆಮ್‌ ಆದ್ಮಿ ಪಾರ್ಟಿಯ ನಾಯಕ ರಾಘವ್‌ ಛಡ್ಡಾ: “ಇಂದು ಮುಂಜಾನೆ ನಂಗೆ ಆಪಲ್‌ನಿಂದ ಮೆಸೆಜ್‌ ಬಂತು. ನನ್ನ ಫೋನ್‌ನಲ್ಲಿ ಸಂಭಾವ್ಯ ಸರ್ಕಾರಿ-ಪ್ರಾಯೋಜಿತ ಸ್ಪೈವೇರ್ ದಾಳಿಯ ಕುರಿತು ನನಗೆ ಎಚ್ಚರಿಕೆ‌ ಅದು ನೀಡಿದೆ. “ನಿಮ್ಮ ಡಿವೈಸ್ ಸರ್ಕಾರಿ ಪ್ರಾಯೋಜಿತ ದಾಳಿಕೋರರ ಜೊತೆಗೆ ರಾಜಿ ಮಾಡಿಕೊಂಡರೆ, ಅವರು ನಿಮ್ಮ ಸೂಕ್ಷ್ಮ ಡೇಟಾ, ಸಂವಹನಗಳು ಅಥವಾ ಕ್ಯಾಮರಾ ಮತ್ತು ಮೈಕ್ರೊಫೋನ್ ಮೇಲೆ ದೂರದಿಂದಲೇ ಹಿಡಿತ ಸಾಧಿಸಲು ಸಾಧ್ಯವಾಗುತ್ತದೆ” ಎಂದು ಆ ಮೆಸೆಜ್‌ನಲ್ಲಿ ಹೇಳಲಾಗಿದೆ.”

“ನನ್ನ ಸಂಸದೀಯ ಕರ್ತವ್ಯಗಳನ್ನು ನಿರ್ವಹಿಸಲು,  ನನ್ನ ಕ್ಷೇತ್ರದ ಜನರೊಂದಿಗೆ ತೊಡಗಿಸಿಕೊಳ್ಳಲು, ಮನವಿಗಳನ್ನು ಸ್ವೀಕರಿಸಲು ಮತ್ತು ನೆರವಾಗಲು ನಾನು ನನ್ನ ಸ್ಮಾರ್ಟ್‌ಫೋನ್ ಅನ್ನು ಬಳಸುತ್ತೇನೆ. ಕೇಂದ್ರ ಸರ್ಕಾರದ ಸರ್ವಾಧಿಕಾರಿ ಧೋರಣೆಗಳನ್ನು ಪ್ರಶ್ನಿಸಲು ನಾನು ಅದನ್ನು ಬಳಸುತ್ತೇನೆ. ಇದು ನನ್ನ ಪಕ್ಷದ ಸಹೋದ್ಯೋಗಿಗಳು, ಕಾರ್ಯಕರ್ತರು ಮತ್ತು ಚುನಾವಣಾ ಸ್ವಯಂಸೇವಕರೊಂದಿಗೆ ಮಾತುಕತೆ ನಡೆಸಲು ನಾನು ಬಳಸುವ ಸಾಧನ. ನನ್ನ ಮಿಡಿಯಾ ಅಪಿಯರೆನ್ಸ್‌ ಸಂಯೋಜಿಸಲು ನಾನು ಸ್ಮಾರ್ಟ್‌ಫೋನ್‌ ಬಳಸುತ್ತೇನೆ. ಇದು ನನ್ನ ಮೇಲೆ ನಡೆಯುತ್ತಿರುವ ಹಲವಾರು ದಾವೆಗಳ ಬಗ್ಗೆ ವಕೀಲರೊಂದಿಗೆ ಕಾನೂನು ಕಾರ್ಯತಂತ್ರಗಳನ್ನು ಚರ್ಚಿಸಲು ಬಳಸುವ ಸಾಧನವಾಗಿದೆ.”

ಇದನ್ನೂ ಓದಿ: ಪೆಗಾಸಸ್‌ ಮಾದರಿಯಲ್ಲಿ ವಿರೋಧ ಪಕ್ಷದ ನಾಯಕರ ಫೋನ್‌ಗಳ ಮೇಲೆ ಕೇಂದ್ರದ ಕಣ್ಗಾವಲು?: ಆಪಲ್‌ ಎಚ್ಚರಿಕೆ

“ಹಾಗಾಗಿ, ಇದು ನನ್ನ ಸ್ಮಾರ್ಟ್‌ಫೋನ್ ಮೇಲೆ ಮಾತ್ರವಲ್ಲ, ನಮ್ಮ ದೇಶದ ಪ್ರಜಾಸತ್ತಾತ್ಮಕ ಹಿತಾಸಕ್ತಿಗಳ ಮೇಲೂ ನಡೆಸಿದ ದಾಳಿಯಾಗಿದೆ. ಈ ನೋಟಿಫಿಕೇಷನ್ ಬಿಜೆಪಿಯನ್ನು ಟೀಕಿಸುವ ಅನೇಕ ಧ್ವನಿಗಳನ್ನು ಗುರಿಯಾಗಿಸಿ ನಡೆಸಿದ ಪೆಗಾಸಸ್ ಸ್ಪೈವೇರ್ ಹಗರಣವನ್ನು ನೆನಪಿಸುತ್ತದೆ. ಈ ದಾಳಿಯಲ್ಲೂ ನಾನೊಬ್ಬನೇ ವಿರೋಧ ಪಕ್ಷದ ನಾಯಕನಾಗಿರಲಿಲ್ಲ, ಪ್ರತಿಪಕ್ಷಗಳ ಬಹು ದನಿಗಳು ಗುರಿಯಾಗಿದ್ದವು.”

“ಸಾರ್ವತ್ರಿಕ ಚುನಾವಣೆಗೆ ಕೇವಲ ತಿಂಗಳುಗಳಿರುವಾಗ ಈ ಸ್ನೂಪಿಂಗ್ ನಡೆಯುತ್ತಿದೆ. ತನಿಖಾ ಸಂಸ್ಥೆಗಳು, ರಾಜಕೀಯ ಪ್ರೇರಿತ ಕ್ರಿಮಿನಲ್ ಪ್ರಕರಣಗಳು ಮತ್ತು ಸೆರೆವಾಸದಿಂದ ಪಟ್ಟುಬಿಡದ ದಬ್ಬಾಳಿಕೆಯನ್ನು ಎದುರಿಸುತ್ತಿರುವ ಪ್ರತಿಪಕ್ಷಗಳ ಮೇಲಿನ ವ್ಯಾಪಕ ದಾಳಿಯೊಳಗೆ ಇದನ್ನು ಇರಿಸಿ ನೋಡಬೇಕು.”

“ಈ ದಾಳಿಗಳು ಒಬ್ಬ ವ್ಯಕ್ತಿಯಾಗಿ ಅಥವಾ ಒಂದು ವಿರೋಧ ಪಕ್ಷವಾಗಿ ನನ್ನ ಮೇಲೆ ಮಾತ್ರವಲ್ಲ, ಭಾರತದ ಸಾಮಾನ್ಯ ಜನರ ಮೇಲೆ ನಡೆದ ದಾಳಿ. ಇದು ನನ್ನ ಫೋನ್ ಅಥವಾ ನನ್ನ ಡೇಟಾಗೆ ಮಾತ್ರ ಸಂಬಂಧಿಸಿದ್ದಲ್ಲ, ಪ್ರತಿಯೊಬ್ಬ ಭಾರತೀಯನೂ ಚಿಂತಿಸಬೇಕಾದ ವಿಚಾರ. ಏಕೆಂದರೆ ಇಂದು  ನನಗೆ ಆಗಿದ್ದು, ನಾಳೆ ನಿಮಗೂ ಆಗಬಹುದು.”

ತೃಣಮೂಲ ಕಾಂಗ್ರೆಸ್ ಸಂಸದೆ ಮೋಹುವ ಮೋಯಿತ್ರ, ಕಾಂಗ್ರೆಸ್ ನಾಯಕ ಶಶಿ ತರೂರ್ ಮತ್ತು ಪವನ್ ಖೇರಾ, ಕಾಂಗ್ರೆಸ್ ನ ಸಾಮಾಜಿಕ ಜಾಲತಾಣದ ಸಂಚಾಲಕಿ ಸುಪ್ರಿಯಾ ಶ್ರೀನಾಥೆ, ಶಿವಸೇನಾ ಸಂಸದೆ ಪ್ರಿಯಾಂಕ ಚತುರ್ವೇದಿ, Observer Research Foundation ಅಧ್ಯಕ್ಷ ಸಮೀರ್ ಸರನ್, ಡೆಕನ್ ಕ್ರಾನಿಕಲ್ ನ ರೆಸಿಡೆಂಟ್ ಎಡಿಟರ್ ಶ್ರೀರಾಮ್ ಕರ್ರಿ ತಮ್ಮ X ನಲ್ಲಿ ತಮಗೆ ಆಪಲ್ ಸಂದೇಶವನ್ನು ಕಳಿಸಿರುವ ಬಗ್ಗೆ ಹೇಳಿಕೊಂಡಿದ್ದಾರೆ

ದಿ ವೈರ್ ನ ಸಂಸ್ಥಾಪಕ ಸಂಪಾದಕ ಸಿದ್ದಾರ್ಥ್ ವರದರಾಜನ್, ಸಿಪಿಐ(ಎಂ) ನಾಯಕ ಸೀತಾರಾಮ ಯೆಚೂರಿ, ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್ ಯಾದವ್, ಆಲ್ ಇಂಡಿಯಾ ಮಜ್ಲಿಸ್-ಎ-ಇತ್ತೆಹಾದುಲ್ ಮುಸ್ಲಿಮೀನ್ ನಾಯಕ ಅಸಾದುದ್ದೀನ್ ಓವೈಸಿ, ಆಮ್ ಆದ್ಮಿ ಪಾರ್ಟಿಯ ನಾಯಕ ರಾಘವ್ ಛಡ್ಡರಿಗೂ ಆಪಲ್ ಸಂದೇಶವನ್ನು ಕಳಿಸಿದೆ.

INDIA ಮೈತ್ರಿ ಕೂಟದ ನಾಯಕರಾಗಿರುವ ಇವರು ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ ಪ್ರಬಲ ಟೀಕಾಕಾರರಾಗಿದ್ದಾರೆ.

“ನಿಮ್ಮ ಫೋನ್ ಹಾಗೂ ಇತರ ಸಾಧನಗಳ ಮೇಲೆ ಸರ್ಕಾರಿ ಪ್ರಾಯೋಜಿತ ದಾಳಿಕೋರರ (State-Sponsored Attackers) ನಿಯಂತ್ರಣವನ್ನು ಸಾಧಿಸಿದರೆ, ನಿಮಗೆ ಸಂಬಂಧಿಸಿದ ಸೂಕ್ಷ್ಮ ಮಾಹಿತಿಗಳು, ಸಂವಹನಗಳು ಮಾತ್ರವಲ್ಲ, ಕ್ಯಾಮರಾ ಮೈಕ್ರೋಫೋನ್‌ಗಳ ಮೇಲೂ ಹಿಡಿತ ಸಾಧಿಸಬಹುದು,” ಎಂದು ಈ ಸಂದೇಶದಲ್ಲಿ ಎಚ್ಚರಿಸಲಾಗಿದ್ದು, “ಈ ಎಚ್ಚರಿಕೆಯನ್ನು ಗಂಭೀರವಾಗಿ ಪರಿಗಣಿಸಿ” ಎಂದು ಆಪಲ್‌ ತಿಳಿಸಿದೆ.

ಆಪಲ್ ತನ್ನ ವೆಬ್‌ಸೈಟ್‌ನಲ್ಲಿ “ಸಾಮಾನ್ಯ ಸೈಬರ್ ಅಪರಾಧಿಗಳಿಗಿಂತ ಭಿನ್ನವಾಗಿ, ದಾಳಿಕೋರರು ಬಹಳ ಕಡಿಮೆ ಸಂಖ್ಯೆಯ ನಿರ್ದಿಷ್ಟ ವ್ಯಕ್ತಿಗಳು ಮತ್ತು ಅವರ ಸಾಧನಗಳನ್ನು ಅಸಾಧಾರಣ ಸಂಪನ್ಮೂಲಗಳನ್ನು ಬಳಸಿ ಗುರಿಯಾಗಿಸುತ್ತಾರೆ. ಇದರಿಂದ ಈ ದಾಳಿಗಳನ್ನು ಪತ್ತೆಹಚ್ಚಲು ಮತ್ತು ತಡೆಯಲು ಹೆಚ್ಚು ಕಷ್ಟ. ಸರ್ಕಾರಿ ಪ್ರಾಯೋಜಿತ ದಾಳಿಗಳು ಹೆಚ್ಚು ಸಂಕೀರ್ಣ. ಇದನ್ನು ತಡೆಯಲು ಲಕ್ಷಾಂತರ ಡಾಲರ್‌ಗಳು ವೆಚ್ಚವಾಗುತ್ತವೆ ಮತ್ತು ಸಾಮಾನ್ಯವಾಗಿ ಕಡಿಮೆ ಶೆಲ್ಫ್ ಲೈಫನ್ನು ಹೊಂದಿರುತ್ತವೆ,” ಎಂದು ಬರೆದುಕೊಂಡಿದೆ.

ಈ ಆರೋಪದ ಬಗ್ಗೆ ಕೇಂದ್ರ ಇನ್ನೂ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಪವನ್ ಖೇರಾ ಕೇಂದ್ರ ಸರ್ಕಾರದ ಮೇಲೆ ಆರೋಪವನ್ನು ಹೊರಿಸಿದ್ದಾರೆ. ಕೇಂದ್ರ ಗೃಹ ಸಚಿವಾಲಯವು ಈ ಬಗ್ಗೆ ತನಿಖೆ ನಡೆಸುತ್ತದೆಯೇ ಎಂದು ಪ್ರಿಯಾಂಕ ಚತುರ್ವೇದಿ ಪ್ರಶ್ನಿಸಿದ್ದಾರೆ.

ಪತ್ರಕರ್ತೆ ರೇವತಿ ತನ್ನ Xನಲ್ಲಿ “ಕಳೆದ ಕೆಲವು ದಿನಗಳಿಂದ ಫೋನ್ ಬ್ಯಾಟರಿ ಖಾಲಿಯಾಗುತ್ತಿತ್ತು ಮತ್ತು ವಿಚಿತ್ರವಾಗಿ ವರ್ತಿಸುತ್ತಿತ್ತು. ಕಳೆದ ರಾತ್ರಿ ಈ ಮೆಸೆಜ್‌ ಬಂತು. ಮೊದಲ ಬಾರಿ ಅಲ್ಲ! ಆದರೆ ಮತ್ತೆ ನಿಮಗೆ ಅಸುರಕ್ಷತೆ ಭಾವ ಉಂಟಾಗುತ್ತಿದೆ, ಮತ್ತು ಕೋಪ ಬರುತ್ತಿದೆ,” ಎಂದು ಬರೆದುಕೊಂಡಿದ್ದಾರೆ.

ಜುಲೈ 2021 ರಲ್ಲಿ, 17 ಮಾಧ್ಯಮ ಸಂಸ್ಥೆಗಳು ಮತ್ತು ಅಮ್ನೆಸ್ಟಿ ಇಂಟರ್‌ನ್ಯಾಶನಲ್ ನಡೆಸಿದ ತನಿಖೆಯು ಭಾರತ ಸೇರಿದಂತೆ ವಿಶ್ವದಾದ್ಯಂತ ಪತ್ರಕರ್ತರು, ಕಾರ್ಯಕರ್ತರು ಮತ್ತು ರಾಜಕಾರಣಿಗಳ ಮೇಲೆ ಅನಧಿಕೃತ ಕಣ್ಗಾವಲು ಇಡಲು ಪೆಗಾಸಸ್ ಸಾಫ್ಟ್‌ವೇರ್‌ ಬಳಸಿದ್ದು ಬಯಲಾಗಿತ್ತು.  ಇಸ್ರೇಲಿ ಮೂಲದ ಸೈಬರ್‌ ಗುಪ್ತಚರ ಕಂಪನಿ ಎನ್‌ಎಸ್‌ಒ ಗ್ರೂಪ್‌ ಪ್ರಪಂಚದಾದ್ಯಂತ ಅನೇಕ ದೇಶಗಳ ಸರ್ಕಾರಗಳಿಗೆ ಈ ಸಾಫ್ಟ್‌ವೇರನ್ನು ನೀಡಿತ್ತು.

ಇದನ್ನೂ ಓದಿ: ವಿರೋಧ ಪಕ್ಷಗಳ ನಾಯಕರ ಐಫೋನ್‌ ಹ್ಯಾಕ್!:‌ ಆಪ್‌ ನಾಯಕ ರಾಘವ್‌ ಛಡ್ಡಾ ಹೇಳಿದ್ದೇನು?

ಭಾರತದಲ್ಲಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಮಾಜಿ ಚುನಾವಣಾ ಆಯುಕ್ತ ಅಶೋಕ್ ಲಾವಾಸಾ, ಕೇಂದ್ರ ಸಚಿವರಾದ ಅಶ್ವಿನಿ ವೈಷ್ಣವ್ ಮತ್ತು ಪ್ರಹ್ಲಾದ್ ಸಿಂಗ್ ಪಟೇಲ್, ಅನಿಲ್ ಅಂಬಾನಿ ಮತ್ತು ಮಾಜಿ ಕೇಂದ್ರೀಯ ತನಿಖಾ ದಳದ ನಿರ್ದೇಶಕ ಅಲೋಕ್ ವರ್ಮಾರವರ ಮೇಲೂ ಪೆಗಾಸಸ್‌ ಬಳಸಿದ ಬಗ್ಗೆ ವರದಿಯಾಗಿತ್ತು.

ಆದರೆ, ಕೇಂದ್ರ ಸರ್ಕಾರ ಈ ಆರೋಪಗಳನ್ನು ತಳ್ಳಿಹಾಕಿತ್ತು. ಸ್ವತಃ ತನ್ನ ಮೇಲೆಯೇ ಪೆಗಾಸಸ್‌ ಪ್ರಯೋಗಿಸಿದ ಬಗ್ಗೆ ವರದಿಯಾಗಿಯೂ, ಭಾರತದಲ್ಲಿ ಈ ರೀತಿಯ ಅಕ್ರಮ ಕಣ್ಗಾವಲು ಸಾಧ್ಯವಿಲ್ಲ ಎಂದು ಕೇಂದ್ರ ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನ್‌ ವೈಷ್ಣವ್ ಜುಲೈ 2021 ರಲ್ಲಿ ಸಂಸತ್ತಿನಲ್ಲಿ ತಿಳಿಸಿದ್ದರು.

ಇಸ್ರೇಲಿ ಕಂಪನಿ NSO ಗ್ರೂಪ್ ಮಾನವ ಹಕ್ಕುಗಳ ದಾಖಲೆಗಳೊಂದಿಗೆ “ಪರಿಶೀಲಿಸಿದ (vetted) ಸರ್ಕಾರಗಳಿಗೆ” ಮಾತ್ರ ಸಾಫ್ಟ್‌ವೇರನ್ನು ಮಾರಾಟ ಮಾಡಲಾಗಿದೆ ಮತ್ತು ಪೆಗಾಸಸ್ ಅಪರಾಧಿಗಳನ್ನು ಗುರಿಯಾಗಿಸಲು ವಿನ್ಯಾಸಗೊಳಿಸಲಾಗಿದೆ ಎಂದು ಹೇಳಿತ್ತು.  

ಪೆಗಾಸಸ್‌ ಬಗ್ಗೆ ವ್ಯಾಪಕ ಟೀಕೆ, ವರದಿಗಳು ಬಂದಂತೆ, ಸುಪ್ರೀಂ ಕೋರ್ಟ್ ಆರೋಪಗಳನ್ನು ಪರಿಶೀಲಿಸಲು ತಜ್ಞರ ಸಮಿತಿಯನ್ನು ನೇಮಿಸಿತು. ಆಗಸ್ಟ್ 2022 ರಲ್ಲಿ, ಸಮಿತಿಯು ತನಿಖೆ ನಡೆಸಿ 29 ಫೋನ್‌ಗಳಲ್ಲಿ ಐದರಲ್ಲಿ ಕೆಲವು ಮಾಲ್‌ವೇರ್ ಕಂಡುಬಂದಿದೆ ಎಂದು ನ್ಯಾಯಾಲಯಕ್ಕೆ ತಿಳಿಸಿತ್ತು. ಆದರೆ, ಈ ಮಾಲ್‌ವೇರ್‌ ಪೆಗಾಸಸ್‌ ಎಂಬುದು ಸ್ಪಷ್ಟವಾಗಿರಲಿಲ್ಲ. ಮಾತ್ರವಲ್ಲ, ಕೇಂದ್ರ ಸರ್ಕಾರ ತನಿಖೆಗೆ ಸಹಕರಿಸುತ್ತಿಲ್ಲ ಎಂದು ಈ ಸಮಿತಿ ಸುಪ್ರೀಂ ಕೋರ್ಟ್‌ಗೆ ದೂರನ್ನು ನೀಡಿತ್ತು.

ಮಾರ್ಚ್‌ನಲ್ಲಿ, ಫೈನಾನ್ಷಿಯಲ್ ಟೈಮ್ಸ್ ಅಪರಿಚಿತ ವ್ಯಕ್ತಿಗಳನ್ನು ಉಲ್ಲೇಖಿಸಿ ಭಾರತ ಸರ್ಕಾರವು ಪೆಗಾಸಸ್‌ಗಿಂತ “ಕಡಿಮೆ ಪ್ರೊಫೈಲ್” ಹೊಂದಿರುವ ಸಾಫ್ಟ್‌ವೇರನ್ನು ಹುಡುಕುತ್ತಿದೆ ಎಂದು ವರದಿ ಮಾಡಿತ್ತು. ಇದನ್ನು ಪಡೆಯಲು ಕೇಂದ್ರವು 120 ಮಿಲಿಯನ್ ಡಾಲರ್‌ ವರೆಗೆ ಖರ್ಚು ಮಾಡಲು ಸಿದ್ಧವಾಗಿದೆ ಎಂದು ವರದಿ ಫೈನಾನ್ಷಿಯಲ್‌ ಟೈಮ್ಸ್ ವರದಿ ಮಾಡಿತ್ತು. ಆದರೆ ಈ ವರದಿಯ ಬಗ್ಗೆ ರಕ್ಷಣಾ ಸಚಿವಾಲಯ ಪ್ರತಿಕ್ರಿಯೆ ನೀಡಲು ನಿರಾಕರಿಸಿತ್ತು.

ಶಶಿ ತರೂರ್ ಮತ್ತು ಮಲ್ಲಿಕಾರ್ಜುನ ಖರ್ಗೆ ನಡುವೆ ಸ್ಪರ್ಧೆ ನಡೆದಿದ್ದು ಖರ್ಗೆ ಅವರಿಗೆ 7000 ಮತ್ತು ತರೂರ್ ಅವರಿಗೆ 1000 ಮತ ಲಭಿಸಿದೆ.

ಮಲ್ಲಿಕಾರ್ಜುನ ಖರ್ಗೆ ಅವರಿಗೆ ಶುಭಾಶಯ ಕೋರಿದ ತರೂರ್ ಕಾಂಗ್ರೆಸ್ ಅಧ್ಯಕ್ಷರಾಗುವುದು ದೊಡ್ಡ ಗೌರವ ಮತ್ತು ಜವಾಬ್ದಾರಿಯುಳ್ಳದ್ದು. ಈ ಕಾರ್ಯದಲ್ಲಿ ಖರ್ಗೆ ಜೀ ಅವರಿಗೆ ನಾನು ಶುಭ ಕೋರುತ್ತೇನೆ. ಸಾವಿರಕ್ಕೂ ಹೆಚ್ಚು ಸಹೋದ್ಯೋಗಿಗಳ ಬೆಂಬಲವನ್ನು ಪಡೆದಿರುವುದು, ಭಾರತದಾದ್ಯಂತ ಕಾಂಗ್ರೆಸ್‌ನ ಅನೇಕ ಹಿತೈಷಿಗಳ ಭರವಸೆ ಮತ್ತು ಆಕಾಂಕ್ಷೆಗಳನ್ನು ಹೊಂದಿರುವುದು ಒಂದು ಸುಯೋಗವಾಗಿತ್ತು ಎಂದು ತರೂರ್ ಹೇಳಿದ್ದಾರೆ.

ಮುಕ್ತ ಕಾಂಗ್ರೆಸ್ ಅಧ್ಯಕ್ಷೀಯ ಚುನಾವಣೆಯನ್ನು ಬೆಂಬಲಿಸಲು ತಮ್ಮದೇ ಆದ ಪ್ರಯತ್ನ ಮಾಡಿದ ರಾಹುಲ್ ಗಾಂಧಿ, ಪ್ರಿಯಾಂಕಾ ಗಾಂಧಿ ವಾದ್ರಾ ಅವರಿಗೆ ನನ್ನ ಧನ್ಯವಾದಗಳು ಎಂದು ಹೇಳಿದ್ದಾರೆ.

ಮತದಾನದ ಹಿನ್ನೆಲೆಯಲ್ಲಿ ಕೆಪಿಸಿಸಿ ಕಛೇರಿಯಲ್ಲಿ ಸಂಪೂರ್ಣ ಸಿದ್ಧತೆ ನಡೆದಿದ್ದು ಕರ್ನಾಟಕದ ಶಾಸಕರು, ವಿಧಾನ ಪರಿಷತ್ ಸದಸ್ಯರು, ಸಂಸದರು ಹಾಗೂ ರಾಜ್ಯಸಭಾ ಸದಸ್ಯರು ಸೇರಿದಂತೆ ಒಟ್ಟು 494 ಮಂದಿ ತಮ್ಮ ಹಕ್ಕನ್ನು ಚಲಾಯಿಸಲು ಮುಂದಾಗುತ್ತಿದ್ದಾರೆ. ಹಾಗೆಯೇ ರಾಷ್ಟ್ರ ಮಟ್ಟದಲ್ಲಿ ಸೋನಿಯಾ ಗಾಂಧಿಯವರು ಸೇರಿದಂತೆ ಒಟ್ಟಾರೆ 9 ಸಾವಿರಕ್ಕೂ ಹೆಚ್ಚು ಮಂದಿ ಮತ ಚಲಾಯಿಸಲಿದ್ದಾರೆ.

ರಾಜ್ಯಕ್ಕೆ ಕ್ವೀನ್ಸ್ ರಸ್ತೆಯಲ್ಲಿ ಇರುವ ಕೆಪಿಸಿಸಿ ಕಚೇರಿ ಮಾತ್ರವೆ ಏಕೈಕ ಮತಗಟ್ಟೆಯಾಗಿರಲಿದೆ. ಇಂದು ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 4 ಗಂಟೆಯ ವರೆಗೂ ಮತದಾನ ಪ್ರಕ್ರಿಯೆ ನಡೆಯಲಿದೆ. ಇಲ್ಲಿಗೆ ಆಗಮಿಸಿ ಶಾಸಕಾಂಗ ಪಕ್ಷದ(ಸಿಎಲ್‍ಪಿ) ಸದಸ್ಯರು ಹಾಗೂ ಪಿಸಿಸಿ ಪ್ರತಿನಿಧಿಗಳು ಮತ ಚಲಾಯಿಸಬೇಕಿದೆ. ಚುನಾವಣೆ ಹಿನ್ನೆಲೆಯಲ್ಲಿ ರಾಜ್ಯದೆಲ್ಲೆಡೆಯಿಂದ ಮತದಾರರು ಬೆಂಗಳೂರಿಗೆ ಆಗಮಿಸಿ ಮತ ಚಲಾವಣೆ ಮಾಡಬೇಕೆಂದು ಈಗಾಗಲೇ ಶಾಸಕಾಂಗ ಪಕ್ಷದ ನಾಯಕ ಸಿದ್ದರಾಮಯ್ಯನವರು ಶಾಸಕಾಂಗ ಪಕ್ಷದ ಸದಸ್ಯರಿಗೆ ಸೂಚನೆ ನೀಡಿದ್ದಾರೆ.

‘ಭಾರತ ಐಕ್ಯತಾ ಯಾತ್ರೆ’ಯ ಪಾದಯಾತ್ರೆ ಮೊಟಕುಗೊಳಿಸಲು ಸಾಧ್ಯವಿರದ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಸೇರಿದಂತೆ ಒಟ್ಟು 40 ಮಂದಿ ಪಾದಯಾತ್ರಿಗಳಿಗೆ ವಿಶೇಷ ಮತದಾನದ ವ್ಯವಸ್ಥೆ ಕಲ್ಪಿಸಲಾಗಿದೆ. ಬಳ್ಳಾರಿಯ ಸಂಗನಕಲ್ಲು ಕ್ಯಾಂಪ್ ಬಳಿ ವಿಶೇಷ ಮತಗಟ್ಟೆ ನಿರ್ಮಿಸಲಾಗಿದೆ. ರಾಹುಲ್ ಗಾಂಧಿ ಸೇರಿದಂತೆ ಒಟ್ಟು 40 ಮಂದಿ ಭಾರತ ಯಾತ್ರಿಗಳು ಈ ಮತಗಟ್ಟೆಯಲ್ಲಿ ಮತ ಚಲಾಯಿಸಲಿದ್ದಾರೆ.

ಎಐಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುವ ಅಭ್ಯರ್ಥಿ ಮಲ್ಲಿಕಾರ್ಜುನ ಖರ್ಗೆ ಅವರು ಬೆಂಗಳೂರಲ್ಲೇ ಮತ ಚಲಾಯಿಸಲಿದ್ದಾರೆ. ಚುನಾವಣೆಯ ಹಿನ್ನೆಲೆಯಲ್ಲಿ ಶಾಸಕಾಂಗ ಪಕ್ಷದ ನಾಯಕರೂ ಆಗಿರುವ ವಿಪಕ್ಷ ನಾಯಕ ಸಿದ್ದರಾಮಯ್ಯ ಸೇರಿದಂತೆ ಶಾಸಕರು, ಪರಿಷತ್ ಸದಸ್ಯರು ಸೇರಿದಂತೆ ಎಲ್ಲ ಪ್ರತಿನಿಧಿಗಳು ಈಗಾಗಲೇ ಬೆಂಗಳೂರು ತಲುಪಿದ್ದು, ಬೆಂಗಳೂರಿನ ಕ್ವೀನ್ಸ್ ರಸ್ತೆಯಲ್ಲಿರುವ ಕಾಂಗ್ರೆಸ್ ಭವನದಲ್ಲಿ ತಮ್ಮ ಹಕ್ಕು ಚಲಾಯಿಸಲಿದ್ದಾರೆ.

ಅಕ್ಟೋಬರ್ 19 ಕ್ಕೆ ಫಲಿತಾಂಶ
ಇಂದು ನಡೆಯಲಿರುವ ಮತದಾನಕ್ಕೆ ಅಕ್ಟೋಬರ್ 19 ಕ್ಕೆ ಫಲಿತಾಂಶ ಬರಲಿದೆ. ರಾಜ್ಯದ ಎಲ್ಲಾ ನಾಯಕರು ಮಲ್ಲಿಕಾರ್ಜುನ ಖರ್ಗೆಯವರಿಗೆ ಬೆಂಬಲ ಸೂಚಿಸಿದ್ದು, ರಾಷ್ಟ್ರ ಮಟ್ಟದ ಬಹುತೇಕ ನಾಯಕರು ಖರ್ಗೆ ಗೆಲ್ಲುವ ಇಂಗಿತ ವ್ಯಕ್ತಪಡಿಸಿದ್ದಾರೆ. ಆದರೂ ಮಾಜಿ ಕೇಂದ್ರ ಸಚಿವ ಶಶಿ ತರೂರ್ ಸಹ ಹತ್ತಿರದ ಪೈಪೋಟಿ ಕೊಡಲಿದ್ದಾರೆ ಎಂದೂ ಸಹ ಅಂದಾಜಿಸಲಾಗಿದೆ. 22 ವರ್ಷಗಳ ನಂತರ ನಡೆಯುತ್ತಿರುವ ಅಧ್ಯಕ್ಷೀಯ ಚುನಾವಣೆ ಇದಾಗಿದ್ದು, ಈ ಬಾರಿ ಗಾಂಧಿ ಕುಟುಂಬದ ಸದಸ್ಯರು ಚುನಾವಣಾ ಕಣದಿಂದ ಹೊರಗುಳಿದಿದ್ದು ವಿಶೇಷ.

ಕಾಂಗ್ರೆಸ್‌ ಅಧ್ಯಕ್ಷ ಸ್ಥಾನದ ಅಭ್ಯರ್ಥಿ ಶಶಿ ತರೂರ್ 2024 ರ ಚುನಾವಣಾ ಬಗ್ಗೆ ಮಾತನಾಡಿದ್ದು ʼ ಕಾಂಗ್ರೆಸ್‌ ದೇಶವನ್ನು ಅಚ್ಚುಕಟ್ಟಾಗಿ ನಡೆಸಿದೆ. ಯಾಕಂದ್ರೆ ನಮ್ಮ ಪಕ್ಷದಲ್ಲಿ ಅನುಭವಿ ಜನರಿದ್ದಾರೆ. ಮತದಾರರಿಗೆ ನಮ್ಮ ನಿಜವಾದ ಶಕ್ತಿಯನ್ನು ತೋರಿಸುವ ಅಗತ್ಯ ಇದೆ. ಕಾಂಗ್ರೆಸ್‌ ಪಕ್ಷದ ಬಗ್ಗೆ ಮತದಾರರಿಗೆ ಭರವಸೆ ಮೂಡಿಸಬೇಕಾಗಿದೆ ಎಂದು ಹೇಳಿದರು.

ಕಾಂಗ್ರೆಸ್‌ ಪಕ್ಷವು ಮತದಾರರಿಗೆ ಭರವಸೆ ಮೂಡಿಸಲು ಕೆಲವೊಂದಿಷ್ಟು ಬದಲಾವಣೆ ಅವಶ್ಯಕತೆ ಇದೆ. ಇದು ಆದಷ್ಟು ಬೇಗ ನನ್ನಿಂದಲೇ ಎಂದು ಭಾವಿಸುತ್ತೇನೆ . ಬಿಜೆಪಿ ಮುಂದಿನ ಚುನಾವಣೆಯ ನಂತರ ವಿರೋಧ  ಪಕ್ಷದ ಭಾಗವಾಗಲು ಎಲ್ಲಾ ತಯಾರಿ ನಡೆಸಬೇಕು ಎಂದು ಮಾಧ್ಯಮಗಳ ಮುಂದೆ ಶಶಿ ತರೂರ್ ತಮ್ಮಅಭಿಪ್ರಾಯ ವ್ಯಕ್ತ ಪಡಿಸಿದರು.

ಇದನ್ನೂ ನೋಡಿ : ಪುನಿತ್ ರಾಜ್‌ ಕುಮಾರ್ ರವರ ಕೊನೆಯ ಚಿತ್ರ ʼಗಂಧದ ಗುಡಿʼ ಟ್ರೈಲರ್‌ ಬಿಡುಗಡೆ

ಈ ವೀಡಿಯೋ ನೋಡಿ ಅಪ್ಪು ಅವ್ರ ಮೇಲೆ ನಿಮ್ಮದೂ ಇದೇ ಅಭಿಪ್ರಾಯ ಎಂದೆನಿಸದೆ ಇರುವುದಿಲ್ಲ

ಈ ಕುರಿತು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಬರೆದುಕೊಂಡಿರುವ ಅವರು, ಈ ರೀತಿಯಲ್ಲಿ ನನ್ನನ್ನು ಗುರುತಿಸಿ ಪ್ರಶಸ್ತಿಯ ಮೂಲಕ ಗೌರವಿಸಿದ ಫ್ರಾನ್ಸ್‌ಗೆ  ಧನ್ಯವಾದಗಳನ್ನು ಹೇಳಿದ್ದಾರೆ.

ಈ ಪ್ರಶಸ್ತಿಯು 1802 ರಲ್ಲಿ ನೆಪೋಲಿಯನ್‌ ಬೋನಪಾರ್ಟೆ ಸ್ಥಾಪಿಸಿದ ಫ್ರೆಂಚ್‌ ಆರ್ಡರ್‌ ಆಫ್‌ ಮೆರಿಟ್‌ ಅನ್ನು ಅತ್ಯುತ್ತಮ ನಾಗರಿಕ ಅಥವಾ ಮಿಲಿಟರಿ ನಡವಳಿಕೆಗಾಗಿ ನೀಡಲಾಗುತ್ತದೆ.