ಸಂಭವನೀಯ ತಂಡಗಳು

ವಿಂಡೀಸ್

1 ಕೈಲ್ ಮೇಯರ್ಸ್, 2 ಬ್ರ್ಯಾಂಡನ್ ಕಿಂಗ್, 3 ನಿಕೋಲಸ್ ಪೂರನ್ (ಕ್ಯಾಪ್ಟನ್ ಮತ್ತು ವಿ.ಕೀ), 4 ಜೇಸನ್ ಹೋಲ್ಡರ್, 5 ರೋವ್‌ಮನ್ ಪೊವೆಲ್, 6 ಶಿಮ್ರಾನ್ ಹೆಟ್ಮೆಯರ್, 7 ರೊಮಾರಿಯೋ ಶೆಫರ್ಡ್, 8 ಅಕೆಲ್ ಹೋಸೇನ್ 9 ಕೀಮೋ ಪಾಲ್ / ಹೇಡನ್ ವಾಲ್ಷ್ ಜೂನಿಯರ್, 10 ಅಲ್ಝರ್ರಿ ಜೋಸೆಫ್ 11 ಒಬೆಡ್ ಮೆಕಾಯ್

ಭಾರತ

1 ರೋಹಿತ್ ಶರ್ಮಾ (ನಾಯಕ), 2 ಸೂರ್ಯಕುಮಾರ್ ಯಾದವ್, 3 ಶ್ರೇಯಸ್ ಅಯ್ಯರ್, 4 ರಿಷಭ್ ಪಂತ್ (ವಿ.ಕೀ), 5 ಹಾರ್ದಿಕ್ ಪಾಂಡ್ಯ, 6 ರವೀಂದ್ರ ಜಡೇಜಾ, 7 ದಿನೇಶ್ ಕಾರ್ತಿಕ್, 8 ಆರ್ ಅಶ್ವಿನ್, 9 ರವಿ ಬಿಷ್ಣೋಯ್/ಹರ್ಷಲ್ ಪಟೇಲ್, 10 ಭುವನೇಶ್ವರ್ ಕುಮಾರ್, 11 ಭುವನೇಶ್ವರ್/ಅರ್ಶದೀಪ್ ಸಿಂಗ್

ಮಳೆ ಬಾಧಿತ ಅಂತಿಮ ಏಕದಿನ ಪಂದ್ಯದಲ್ಲಿ ಡಕ್ವರ್ಥ್ ಲೂಯಿಸ್ ನಿಯಮದ ಅನ್ವಯ 119 ರನ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ.1983ರಲ್ಲಿ ಕೆರಿಬಿಯನ್ನರ ನೆಲದಲ್ಲಿ ದ್ವಿಪಕ್ಷೀಯ ಏಕದಿನ ಸರಣಿಯನ್ನು ಆಡಲು ಪ್ರಾರಂಭಿಸಿದ ನಂತರ ಇಲ್ಲಿಯವರೆಗೂ ಸರಣಿಯನ್ನು ಕ್ಲೀನ್‌ ಸ್ವೀಪ್ ಮಾಡಲು ಭಾರತ ತಂಡಕ್ಕೆ ಸಾಧ್ಯವಾಗಿರಲಿಲ್ಲ, ಆದರೆ ಈಗ ಧವನ್ ಪಡೆ ಅದನ್ನು ಸಾಧಿಸಿದ್ದು, ಭರ್ಜರಿಯಾಗಿ ಗೆಲ್ಲುವ ಮೂಲಕ ಹೊಸದೊಂದು ದಾಖಲೆ ಬರೆದಿದ್ದಾರೆ.

ವೆಸ್ಟ್ ಇಂಡೀಸ್ ವಿರುದ್ಧದ ಕೊನೆಯ ಏಕದಿನ ಪಂದ್ಯದಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ನಡೆಸಿದ ಟೀಮ್‌ ಇಂಡಿಯಾಗೆ ಮಳೆ ಅಡ್ಡಿಪಡಿಸಿತ್ತು, ಹಾಗಾಗಿ ಮೊದಲು ಪಂದ್ಯವನ್ನು 40 ಓವರ್ ಗಳಿಗೆ ಸೀಮಿತಗೊಳಿಸಲಾಯಿತು. ಭಾರತ 36 ಓವರ್ ಪೂರೈಸಿದ್ದಾಗ ಪುನಃ ಮಳೆ ಬಂದ ಕಾರಣ ಪಂದ್ಯವನ್ನು ಅಷ್ಟಕ್ಕೆ ಸೀಮಿತಗೊಳಿಸಲಾಯಿತು. ಆಗ 98 ರನ್ ಗಳಿಸಿದ್ದ ಶುಭ್‌ಮನ್ ಗಿಲ್ ಮಳೆಯಿಂದಾಗಿ ಶತಕಗಳಿಸುವುದರಿಂದ ವಂಚಿತರಾದರು. ಗಿಲ್, ಧವನ್, ಶ್ರೇಯಸ್ ಅಯ್ಯರ್ ಉತ್ತಮ ಬ್ಯಾಟಿಂಗ್ ನೆರವಿನಿಂದ ಭಾರತ 36 ಓವರ್ ಗಳಲ್ಲಿ 225 ರನ್ ಗಳಿಸಿತು.ನಂತರ ಇನ್ನಿಂಗ್ಸ್‌ ಅಷ್ಟಕ್ಕೆ ಅಂತ್ಯಗೊಂಡಿತು.

ಡಿಎಲ್‌ಎಸ್‌ ನಿಯಮದಂತೆ ವೆಸ್ಟ್‌ ಇಂಡೀಸ್ ತಂಡ ಗೆಲುವಿಗಾಗಿ 35 ಓವರ್ ಗಳಲ್ಲಿ 257 ರನ್‌ ಗಳಿಸಬೇಕಾಗಿತ್ತು. ಆದರೆ ಭಾರತದ ಬೌಲಿಂಗ್ ದಾಳಿಗೆ ಬೆದರಿದ ವೆಸ್ಟ್ ಇಂಡೀಸ್ 137 ರನ್ ಗಳಿಸಿ ಆಲೌಟ್‌ ಆಯಿತು. ಯುಜುವೇಂದ್ರ ಚಾಹಲ್ ನಾಲ್ಕು ವಿಕೆಟ್ ಪಡೆದರೆ, ಮೊಹಮ್ಮದ್ ಸಿರಾಜ್ 2 ವಿಕೆಟ್ ಪಡೆದರು. ಹಾಗಾಗಿ ಸರಣಿಯ ಕೊನೆ ಪಂದ್ಯವನ್ನು 119 ರನ್‌ಗಳ ಭಾರಿ ಅಂತರದಿಂದ ಗೆದ್ದ ಟೀಮ್ ಇಂಡಿಯಾ ಹೊಸ ದಾಖಲೆ ನಿರ್ಮಿಸಿದೆ.ಈ ಮೂಲಕ ಶುಭಮನ್ ಗಿಲ್ ಪಂದ್ಯಶ್ರೇಷ್ಠ ಹಾಗೂ ಸರಣಿಶ್ರೇಷ್ಠ ಪ್ರಶಸ್ತಿಗಳಿಗೆ ಭಾಜನರಾದರು.

ಶುಕ್ರವಾರ ಓಲ್ಡ್ ಟ್ರಾಫರ್ಡ್‌ನಲ್ಲಿ ನಡೆದ ಎರಡನೇ ಏಕದಿನ ಅಂತರಾಷ್ಟ್ರೀಯ ಪಂದ್ಯದಲ್ಲಿ ಇಂಗ್ಲೆಂಡ್ ದಕ್ಷಿಣ ಆಫ್ರಿಕಾವನ್ನು 118 ರನ್‌ಗಳಿಂದ ಸೋಲಿಸಿ ಮೂರು ಪಂದ್ಯಗಳ ಸರಣಿಯನ್ನು 1-1 ರಲ್ಲಿ ಸಮಬಲಗೊಳಿಸಿತು. ಇದಕ್ಕೆ ಪ್ರಮುಖ ಕಾರಣ ಇಂಗ್ಲೆಂಡ್ ವೇಗದ ಬೋಲರ್ ರೀಸ್ ಟೋಪ್ಲೆ ಎಂದರೆ ತಪ್ಪಲ್ಲ. ದಕ್ಷಿಣ ಆಫ್ರಿಕಾದ ನಾಟಕೀಯ ಕುಸಿತಕ್ಕೆ ಟೋಪ್ಲೆ ಕಾರಣರಾದರು. ಮಳೆಯಿಂದ 29 ಓವರ್‌ಗಳಿಗೆ ಇಳಿಸಲ್ಪಟ್ಟ ಪಂದ್ಯದಲ್ಲಿ ಗೆಲುವಿಗಾಗಿ 202 ರನ್‌ಗಳನ್ನು ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ಕೇವಲ 83 ರನ್‌ಗಳಿಗೆ ಆಲೌಟ್ ಆಯಿತು, ನಾಲ್ಕು ಓವರ್‌ಗಳಲ್ಲಿ 17 ರನ್ ಗಳಿಗೆ ಎರಡು ವಿಕೆಟ್ ತೆಗೆದ ಟೋಪ್ಲೆ, 27 ಕ್ಕೆ 5 ವಿಕೆಟ್ ಕಳೆದುಕೊಂಡ ದಕ್ಷಿಣ ಆಫ್ರಿಕಾದ ಅಗ್ರ ಕ್ರಮಾಂಕದ ಕುಸಿತಕ್ಕೆ ಕಾರಣವಾದರು.

ಇಂಗ್ಲೆಂಡ್ ತಂಡ ಕೂಡ ಬ್ಯಾಟಿಂಗ್ ನಲ್ಲಿ ಅಷ್ಟೇನೂ ಮಿಂಚಲಿಲ್ಲ. ಕೇವಲ ಆಲ್‌ರೌಂಡರ್‌ಗಳಾದ ಲಿಯಾಮ್ ಲಿವಿಂಗ್‌ಸ್ಟೋನ್ (38) ಮತ್ತು ಸ್ಯಾಮ್ ಕರ್ರಾನ್ (35) ಇಂಗ್ಲೆಂಡ್‌ ಪರ 30 ಕ್ಕೂ ಹೆಚ್ಚು ರನ್ ಗಳಿಸಿದರು. ಆದರೆ ಕೊನೆಯ ಹಂತದ ರನ್ ಹರಿವಿನಿಂದಾಗಿ ತಂಡದ ಒಟ್ಟಾರೆ ರನ್ ಗಳಿಕೆ 201 ರನ್ ತಲುಪಿತು.

ಆದರೆ ಈ ಮೊತ್ತವನ್ನು ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ಯಾವ ಹಂತದಲ್ಲೂ ಗೆಲ್ಲುವ ಲಕ್ಷಣ ತೋರಿಸಲಿಲ್ಲ. ಮಲನ್, ಮಾರ್ಕ್ರಮ್ ಸೇರಿದಂತೆ, ತಂಡದ ಪ್ರಮುಖ ಮೂವರು ಆಟಗಾರರು ಶೂನ್ಯ ಸಂಪಾದನೆ ಮಾಡುವುದರ ಜೊತೆಗೆ ಡಿಕಾಕ್ ಕೂಡ ಬೇಗನೆ ನಿರ್ಗಮಿಸಿದರು. ಹಾಗಾಗಿ 27 ರನ್ ಗಳಿಗೆ 5 ವಿಕೆಟ್ ಕಳೆದುಕೊಂಡ ಆಫ್ರಿಕಾಕ್ಕೆ ಆಗಲೇ ಸೋಲಿನ ವಾಸನೆ ಬಡಿದಿತ್ತು. ಕ್ಲಾಸೆನ್ ಕೊಂಚ ಪ್ರತಿರೋಧ ತೋರಿದರೂ ಗೆಲುವಿಗೆ ಬೇಕಾದಂಥ ಪ್ರದರ್ಶ ಯಾರಿಂದಲೂ ಬರಲಿಲ್ಲ. ಹಾಗಾಗಿ, ಅಂತಿಮವಾಗಿ 83 ನ್ ಗಳಿಗೆ ದಕ್ಷಿಣ ಆಫ್ರಿಕಾ ತಂಡ ಆಲ್ ಔಟ್ ಆಗಿ ನಿರಾಸೆ ಅನುಭವಿಸಿತು. 18 ಎಸೆತಗಳಲ್ಲಿ 35 ರನ್ ಗಳಿಸಿ , ಬೋಲಿಂಗ್ ನಲ್ಲಿ 1 ವಿಕೆಟ್ ಕಬಳಿಸಿದ ಸ್ಯಾಮ್ ಕುರ್ರನ್ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.

ರೋವ್ಮನ್ ಪೊವೆಲ್ ಮತ್ತು ನಿಕೋಲಸ್ ಪೂರನ್ ಭಾರತ ತಂಡಕ್ಕೆ ಅಡ್ಡಗಾಲು ಹಾಕುವಂಥ ಬ್ಯಾಟ್ಸ್ ಮನ್ ಗಳಾಗಿದ್ದರು. ಆದರೆ,  ಯುಜ್ವೇಂದ್ರ ಚಾಹಲ್ ಪೊವೆಲ್ ಅವರನ್ನು ಔಟ್ ಮಾಡಿದ್ದು ಪಂದ್ಯಕ್ಕೆ ತಿರುವು ನೀಡಿತು. ಆದರೆ ಕಿಂಗ್ ಮತ್ತು ಅಕೆಲ್ ಹೊಸೈನ್ ನಡುವೆ ಮತ್ತು ನಂತರ ಹೊಸೈನ್ ಮತ್ತು ರೊಮಾರಿಯೋ ಶೆಫರ್ಡ್ ನಡುವಿನ ಎರಡು ಜತೆಯಾಟಗಳು ವೆಸ್ಟ್ ಇಂಡೀಸ್‌ನ ಭರವಸೆಯನ್ನು ಹೆಚ್ಚಿಸಿದ್ದವು. ಆದರೆ, ಚಾಹಲ್, ಸಿರಾಜ್ ಮತ್ತು ಪ್ರಸಿದ್ಧ್ ಕೃಷ್ಣ ಕೊನೆಯ ಮೂರು ಓವರ್‌ಗಳಲ್ಲಿ 38 ರನ್ ಗಳನ್ನು ಕಂಟ್ರೋಲ್ ಮಾಡಿದ್ದರಿಂದ ಭಾರತ ಪೋರ್ಟ್ ಆಫ್ ಸ್ಪೇನ್‌ನಲ್ಲಿ ನಡೆಯಲಿರುವ ಮೂರು ODIಗಳಲ್ಲಿ ಮೊದಲನೆಯದನ್ನು ಮೂರು ರನ್‌ಗಳ ಅಂತರದಿಂದ ಗೆಲ್ಲಲು ಸಾಧ್ಯವಾಯಿತು. ಎರಡನೇ ಇನ್ನಿಂಗ್ಸ್ ನ 49ನೇ ಓವರ್ ಎಸೆದ ಪ್ರಸಿಧ್ ಕೃಷ್ಣ ಮೊದಲ ಬಾಲಿನಲ್ಲೇ ಸಿಕ್ಸರ್ ಹೊಡೆಸಿಕೊಂಡು, ನಂತರ ತಮ್ಮ ಓವರ್ ನಲ್ಲಿ ಒಟ್ಟು 12 ರನ್ ಬಿಟ್ಟು ಕೊಟ್ಟು ವೆಸ್ಟ್ ಇಂಡೀಸ್ ಗೆ 6 ಬಾಲ್ ಗಳಲ್ಲಿ 15 ರನ್ ಗಳಿಸುವ ಸವಾಲು ಮುಂದಿಟ್ಟಿದ್ದರು. ಆದರೆ ಕೊನೆಯ ಓವರ್ ನಲ್ಲಿ ಸಿರಾಜ್ ಅಹ್ಮದ್ ಸಂಯಮ ಕಾಯ್ದುಕೊಂಡು ಭಾರತವನ್ನು ಗೆಲುವಿನ ದಡ ಸೇರಿಸಿದರು.  

ನಾಯಕ ಪೂರನ್ ಔಟ್ ಆದ ನಂತರ  ಚಾಹಲ್, ರೋವ್‌ಮನ್ ಪೊವೆಲ್ ಅವರನ್ನು ಸ್ಲಿಪ್ ನಲ್ಲಿ ಕ್ಯಾಚ್ ಕೊಡುವಂತೆ ಮಾಡಿದರು. ಈ ಸಮಯದಲ್ಲಿ ವೆಸ್ಟ್ ಇಂಡೀಸ್ ಕಥೆ ಮುಗಿಯಿತು ಎಂದುಕೊಂಡಿದ್ದಾಗ ಕಿಂಗ್, ಹೊಸೈನ್ ಮತ್ತು ಶೆಫರ್ಡ್, ಶೋ ಅಭೀ ಬಾಕೀ ಹೈ ಎಂದು ಪಂದ್ಯವನ್ನು ಕೊನೆಯ ಬಾಲಿನವರೆಗೂ ತೆಗೆದುಕೊಂಡು ಹೋದರು.

ಇನ್ನು ಇದಕ್ಕೂ ಮುನ್ನ ಶಿಖರ್ ಧವನ್, ಶುಭ್ ಮನ್ ಗಿಲ್, ಶ್ರೇಯಸ್ ಅಯ್ಯರ್ ಅವರ ಉತ್ತಮ ಬ್ಯಾಟಿಂಗ್ ನಿಂದಾಗಿ ಭಾರತ, ವೆಸ್ಟ್ ಇಂಡೀಸ್ ಗೆ 309 ರನ್ ಗಳ ಗುರಿ ನೀಡಿತ್ತು. ಇದಕ್ಕೆ ಉತ್ತರವಾಗಿ ಮೇಯರ್ಸ್, ಬ್ರೂಕ್ಸ್ ಮತ್ತು ಕಿಂಗ್ಸ್ ಅವರ ಜವಾಬ್ದಾರಿಯುತ ಆಟದಿಂದಾಗಿ ವೆಸ್ಟ್ ಇಂಡೀಸ್ ಗೆಲುವಿನ ಕಡೆ ಮುಖ ಮಾಡಿತ್ತು. ಆದರೆ ಭಾರತದ ಆಟಗಾರರ ಸಂಘಟಿತ ಪ್ರದರ್ಶನದಿಂದಾಗಿ  ಕೊನೆಯ ಕ್ಷಣಗಳಲ್ಲಿ ವೆಸ್ಟ್ ಇಂಡೀಸ್ ಸೋಲಿನ ರುಚಿ ನೋಡಬೇಕಾಯಿತು. 99 ಬಾಲುಗಳಲ್ಲಿ 87 ರನ್ ಗಳಿಸಿದ ಭಾರತ ತಂಡದ ನಾಯಕ ಶಿಖರ್ ಧವನ್ ಪಂದ್ಯ ಪುರುಷ ಎನಿಸಿಕೊಂಡರು.