14 ವರ್ಷದ ಹಿಂದೆ ನಾನು ಟೆಸ್ಟ್‌ ಕ್ರಿಕೆಟ್‌ ನಲ್ಲಿ ಆಡಲು ಶುರುಮಾಡಿದೆ. ಈ ಪಯಣ ಇಲ್ಲಿಯವರೆಗೂ ಕರೆತರುವುದೆಂದು ನಾನೆಂದೂ ಊಹಿಸಿರಲಿಲ್ಲ. ಅದು ನನ್ನನ್ನು ಪರೀಕ್ಷಿಸಿತು. ರೂಪಿಸಿತು. ಹಾಗೂ ನನ್ನ ಜೀವನವಿಡೀ ನೆನಪಿಡಬಹುದಾದ ಪಾಠ ಕಲಿಸಿತು.

https://www.instagram.com/p/DJiwQm0RbiM/?utm_source=ig_embed&ig_rid=b6a913e6-43d2-4f06-8862-debf053d191e

ಬಿಳಿಯ ವಸ್ತ್ರದಲ್ಲಿ ಟೆಸ್ಟ್‌ ಕ್ರಿಕೆಟ್‌ ಆಡುವುದು ನನಗಂತೂ ತೀರಾ ವೈಯಕ್ತಿಕ, ಭಾವನಾತ್ಮಕ ಸಂಗತಿ. ಖಾಲಿ ಸ್ಟೇಡಿಯಂ. ಹಲವು ದಿಗನಳ ಆಟ, ಯಾರೂ ನೆನೆಪಿಟ್ಟುಕೊಳ್ಳದ ಸಣ್ಣ ಸಂಗತಿಗಳು. ಆದರೆ ನಾನೆಂದಿಗೂ ನಿಮ್ಮ ಜೊತೆ ಇರುವೆ ಎಂದು ವಿರಾಟ್‌ ಕೋಹ್ಲಿ ಟ್ವೀಟ್‌ ಮಾಡಿದ್ದಾರೆ.

ಫಾರ್ಮ್ಯಾಟ್‌ ಯಾವುದೇ ಇರಲಿ, ರನ್‌ಗಳ ಪ್ರವಾಹವನ್ನೇ ಹರಿಸುವ ಕೊಹ್ಲಿ ಇದುವರೆಗೆ ಟೆಸ್ಟ್, ODI ಮತ್ತು T20 ಯಂತಹ ಎಲ್ಲಾ ಮೂರು ಸ್ವರೂಪಗಳಲ್ಲಿ 500ಕ್ಕೂ ಹೆಚ್ಚು ಪಂದ್ಯಗಳನ್ನು ಆಡಿದ್ದಾರೆ. ಸತತವಾಗಿ ಕ್ರಿಕೆಟ್ ನಲ್ಲಿ ಮಿಂಚುತ್ತಿರುವ ಅವರು ಚೇಸಿಂಗ್ ಮಾಸ್ಟರ್ ಎಂದು ಹೊಗಳಲ್ಪಟ್ಟಿದ್ದಾರೆ. ತಮ್ಮ ಅಂತರಾಷ್ಟ್ರೀಯ ವೃತ್ತಿಜೀವನದಲ್ಲಿ, ಕೊಹ್ಲಿ 111 ಟೆಸ್ಟ್‌ಗಳಲ್ಲಿ 49.3 ಸರಾಸರಿಯಲ್ಲಿ 8676 ರನ್ ಗಳಿಸಿದ್ದಾರೆ. ಅವರು 275 ODIಗಳಲ್ಲಿ 57.32 ಸರಾಸರಿಯಲ್ಲಿ 12,898 ರನ್ ಗಳಿಸಿದ್ದಾರೆ. 115 T20I ಗಳಲ್ಲಿ 52.73ರ ಸರಾಸರಿಯಲ್ಲಿ ಮತ್ತು 137.97 ರ ಸ್ಟ್ರೈಕ್ ರೇಟ್‌ನಲ್ಲಿ 4008 ರನ್ ಗಳಿಸಿದ್ದಾರೆ.

ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿ 15 ವರ್ಷ ಪೂರೈಸಿರುವ ವಿರಾಟ್ ಕೊಹ್ಲಿಗೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ ಕಾರ್ಯದರ್ಶಿ ಜಯ್ ಶಾ ಅಭಿನಂದನೆ ಸಲ್ಲಿಸಿದ್ದಾರೆ. ಅಂತರಾಷ್ಟ್ರೀಯ ಕ್ರಿಕೆಟ್ ಜೀವನದಲ್ಲಿ ಕೊಹ್ಲಿಯ ಅದ್ಭುತ ಸಾಧನೆಗಳು ಕೋಟ್ಯಂತರ ಜನರಿಗೆ ಸ್ಫೂರ್ತಿ ನೀಡಿವೆ ಎಂದು ಜಯ್ ಶಾ ತಮ್ಮ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.

ಇಂಗ್ಲೆಂಡ್‌ ತಂಡವು ಟಾಸ್‌ ಗೆದ್ದು ಬೌಲಿಂಗ್‌ ಆಯ್ಕೆ ಮಾಡಿಕೊಂಡ ಕಾರಣ, ಮೊದಲು ಬ್ಯಾಟಿಂಗ್‌ ಇಳಿದ ಭಾರತ ತಂಡ 20 ಓವರ್‌ಗಳಲ್ಲಿ 6 ವಿಕೆಟ್‌ ಕಳೆದುಕೊಂಡು 168 ರನ್‌ ಕಲೆಹಾಕಿತು.

ಈ ವೇಳೆ ಭಾರತ ತಂಡದ ಆರಂಭಿಕ ಆಟಗಾರ ಕೆ.ಎಲ್‌. ರಾಹುಲ್‌ ಎರಡನೇ ಓವರ್‌ನಲ್ಲಿ ವಿಕೆಟ್‌ ಒಪ್ಪಿಸಿ ಪೆವಿಲಿಯನ್‌ ಸೇರಿದರು. ನಂತರ ಕಣಕ್ಕಿಳಿದ ವಿರಾಟ್‌ ಕೊಹ್ಲಿ ತಂಡಕ್ಕೆ ಭರವಸೆಯ ಆಟವಾಡಿದರು. ಆದರೆ ಓಂಬತ್ತನೇ ಓವರ್‌ನಲ್ಲಿ ರೋಹಿತ್‌ ಶರ್ಮಾ ಅವರು ಜೊರ್ಡನ್‌ ಕೈಗೆ ವಿಕೇಟ್‌ ಒಪ್ಪಿಸಿ ಹೊರನಡೆದರು. ನಂತರ ಬಂದಂತಹ ಸೂರ್ಯಕುಮಾರ್‌ ಯಾದವ್‌ ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಆಟವಾಡದೆ, 10 ಎಸೆತಗಳಲ್ಲಿ 14 ರನ್‌ ಗಳಿಸಿ ಪೆವಿಲಿಯನ್‌ಗೆ ಮರಳಿದರು.

ನಂತರ ವಿರಾಟ್‌ ಕೊಹ್ಲಿ ಮತ್ತು ಹಾರ್ದಿಕ್‌ ಪಾಂಡ್ಯಾ ಉತ್ತಮವಾಗಿ ಆಟವಾಡಿದ್ದರಿಂದ ತಂಡ ಹೆಚ್ಚು ರನ್‌ಗಳಿಸುವ ನಿಟ್ಟಿನಲ್ಲಿ ಸಾಗಿತು. ತಂಡಕ್ಕೆ ವಿರಾಟ್‌ ಕೊಹ್ಲಿ ಮತ್ತು ಹಾರ್ದಿಕ್‌ ಪಾಂಡ್ಯಾ ಅವರು ಗಳಿಸಿದ ಅರ್ಧಶತಕದಿಂದಾಗಿ ಭಾರತ ತಂಡ 168 ರನ್‌ಗಳಿಸಲು ಸಾಧ್ಯವಾಯಿತು.

ನಂತರ 168 ರನ್‌ ಬೆನ್ನತ್ತಿದ ಇಂಗ್ಲೆಂಡ್‌ ತಂಡ ಯಾವುದೇ ವಿಕೆಟ್‌ ಇಲ್ಲದೆ, ನಿರಾಸದಾಯಕ ಗೆಲುವು ಸಾಧಿಸಿತು.

ಇಂಗ್ಲೆಂಡ್‌ ತಂಡದ ಆರಂಭಿಕ ಆಟಗಾರರಾದ ಜೋಸ್ ಬಟ್ಲರ್ ಮತ್ತು ಅಲೆಕ್ಸ್ ಹೇಲ್ಸ್ ಭಾರತ ತಂಡದ ಎಲ್ಲಾ ಬೌಲರ್‌ಗಳಿಗೆ ತಮ್ಮ ಉತ್ತಮ ಪ್ರರ್ದಶನದ ಮೂಲಕ ಸರಿಯಾಗಿ ಪಾಠ ಕಲಿಸಿದರು. ಈ ಮೂಲಕ ಇಂಗ್ಲೆಂಡ್‌ ತಂಡ ಬಲಿಷ್ಠ ಭಾರತ ತಂಡವನ್ನು ಮಣಿಸಿ ಪೈನಲ್‌ ಪ್ರವೇಶಿಸಿದೆ.

ಸ್ಕೋರ್ ಕಾರ್ಡ್‌

ಭಾರತ: 168/6(20)

ಬ್ಯಾಟಿಂಗ್

ಕೆ.ಎಲ್.ರಾಹುಲ್ : 5(5)

ರೋಹಿತ್ ಶರ್ಮಾ : 27(28)

ವಿರಾಟ್ ಕೊಹ್ಲಿ : 50(40)

ಸೂರ್ಯಕುಮಾರ್ ಯಾದವ್ : 14(10)

ಹಾರ್ದಿಕ್ ಪಾಂಡ್ಯ : 63(33)

ರಿಷಬ್ ಪಂತ್ : 6(4)

ರವಿಚಂದ್ರನ್ ಅಶ್ವಿನ್ : 0(0)

ಇತರೆ : 3

ಬೌಲಿಂಗ್

ಬೆನ್ ಸ್ಟೊಕ್ಸ್ : 2-0-18-0

ಕ್ರಿಸ್ ವೂಕ್ಸ್ : 3-0-24-1

ಸ್ಯಾಮ್ ಕರನ್ : 4-0-42-0

ಆದಿಲ್ ರಶೀದ್ : 4-0-20-1

ಲಿಯಾಮ್ ಲಿವಿಂಗ್ಸ್ಟನ್ : 3-0-21-0

ಕ್ರಿಸ್ ಜೋರ್ಡನ್ : 4-0-43-3

ಇಂಗ್ಲೆಂಡ್ : 170/0(16)

ಬ್ಯಾಟಿಂಗ್

ಜಾಸ್ ಬಟ್ಲರ್ : 80(49)

ಅಲೆಕ್ಸ್ ಹೇಲ್ಸ್ : 86(47)

ಇತರೆ: 4

ಬೌಲಿಂಗ್

ಭುವನೇಶ್ವರ್ ಕುಮಾರ್ : 2-0-25-0

ಅರ್ಶದೀಪ್ ಸಿಂಗ್ : 2-0-15-0

ಅಕ್ಸರ್ ಪಟೇಲ್ : 4-0-30-0

ಮೊಹಮ್ಮದ್ ಶಮಿ : 3-0-39-0

ರವಿಚಂದ್ರನ್ ಅಶ್ವಿನ್ : 2-0-27-0

ಹಾರ್ದಿಕ್ ಪಾಂಡ್ಯ : 3-0-34-0

ಅಡಿಲೇಡ್‌ ಓವೆಲ್‌: ಭಾರತ ಇಂಗ್ಲೆಂಡ್‌ ನಡುವಿನ ಎರಡನೇ ಸೆಮಿಫೈನಲ್‌ ಪಂದ್ಯ ಇಂದು ನಡೆಯುತ್ತಿದ್ದು ಭಾರತ ಮೊದಲ ಇನ್ನಿಂಗ್ಸ್‌ ಮುಕ್ತಾಯಕ್ಕೆ 168 ರನ್‌ ಗಳಿಸಿದೆ. ಟಾಸ್‌ ಗೆದ್ದು ಫೀಲ್ದಿಂಗ್‌ ಆಯ್ದುಕೊಂಡಿದ್ದ ಇಂಗ್ಲೆಂಡ್‌ ಎರಡನೇ ಓವರ್‌ನಲ್ಲಿ ಕೆ.ಎಲ್‌ ರಾಹುಲ್‌ ವಿಕೇಟ್‌ ಪಡೆದಿದ್ದು ಭಾರತಕ್ಕೆ ಭಾರಿ ಹಿನ್ನಡೆ ಎನ್ನಬಹುದು. ನಂತರ ರೋಹಿತ್‌ ಜೊತೆಗೂಡಿದ ರನ್‌ ಮಿಷಿನ್‌ ಕೊಹ್ಲಿ ಇಬ್ಬರೂ ಒಂದಷ್ಟು ಕಾಲ ಜವಾಬ್ದಾರಿಯುತವಾಗಿ ಆಡುತ್ತ ಇಬ್ಬರ ಜೊತೆಯಾಟದಲ್ಲಿ 47 ರನ್‌ ಗಳಿಸಿದರು.

ಓಂಬತ್ತನೇ ಓವರ್‌ನಲ್ಲಿ ರೋಹಿತ್‌ ಶರ್ಮಾ ಅವರು ಜೊರ್ಡನ್‌ ಕೈಗೆ ವಿಕೇಟ್‌ ಒಪ್ಪಿಸಿ ಹೊರನಡೆದರೆ ನಂತರ ಬಂದಂತಹ ಸೂರ್ಯಕುಮಾರ್‌ ಯಾದವ್‌ ಸಹಾ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಬಹು ನಿರೀಕ್ಷೆ ಹೊಂದಿದ್ದ ಸೂರ್ಯಕುಮಾರ್‌ ಗಳಿಸಿದ್ದು ಮಾತ್ರ ಕೇವಲ 14 ರನ್.‌ ತಂಡಕ್ಕೆ ಎಂದಿನಂತೆ ಅಪದ್ಭಾಂದವರಾಗಿದ್ದು ಮಾತ್ರ  ಕೊಹ್ಲಿ ಮತ್ತು ಹಾರ್ದಿಕ್‌ ಪಾಂಡ್ಯಾ . ಒಂದೆಡೆ ವಿಕೇಟ್‌ ಕಳೆದುಕೋಳ್ಳುತ್ತಿದ್ದರೂ ಸಹ ಯಾವುದೇ ರೀತಿಯಲ್ಲೂ ಗೊಂದಲಕ್ಕೊಳಗಾಗದೆ ಮಂದಗತಿಯಲ್ಲಿ ಶೂರು ಮಾಡಿ ಉತ್ತಮ ಸ್ಟ್ರೈಕ್‌ ರೇಟ್‌ ನತ್ತ ಭಾರತವನ್ನ ಕೊಂಡೊಯ್ಯುತ್ತಿದ್ದರು. ಕೋಹ್ಲಿಗೆ ಹಾರ್ದಿಕ್‌ ಪಾಂಡ್ಯಾ ಸಹ ಉತ್ತಮ ರೀತಿಯಲ್ಲಿ ಸ್ಟ್ರೈಕ್‌ ನೀಡುತ್ತಾಬಂದಿದ್ದು ಅವಶ್ಯವಾಗಿತ್ತು ಮತ್ತು ಹಾಗೆಯೇ ಮುಂದುವರೆದರೂ ಸಹ.

ಕೊಹ್ಲಿಯ ಅರ್ಧ ಶತಕದ ನಂತರ ಅವರ ಅಬ್ಬರದ ಆಟಕ್ಕೆ ಕಾದಿದ್ದ ಅಭಿಮಾನಿಗಳಿಗೆ ಪಾಂಡ್ಯ ಭರ್ಜರಿ ಮನರಂಜನೆಯನ್ನೇ ಕೊಟ್ಟುಬಿಟ್ಟರು. ಕೊಹ್ಲಿಯ ಆಟಕ್ಕಾಗಿ ಕಾದಿದ್ದ ಅಭಿಮಾನಿಗಳಿಗೆ ಕೊಹ್ಲಿ ಅರ್ಧ ಶತಕಕ್ಕೆ ಕ್ರಿಸ್‌ ವೂಕ್ಸ್‌ ಕೈಗೆ ವಿಕೇಟ್‌ ಒಪ್ಪಿಸಿ ಹೊರನಡೆದದ್ದು ಮಾತ್ರ ಅಭಿಮಾನಿಗಳಲ್ಲಿ ನಿರಾಸೆಯನ್ನು ಉಂಟು ಮಾಡಿತು. ಕೊಹ್ಲಿ ಮತ್ತು ಪಾಂಡ್ಯ ಜೊತೆಯಾಟ ತಂಡಕ್ಕೆ 61 ರನ್‌ ತಂದುಕೊಟ್ಟಿತು. ಕೊಹ್ಲಿ ನಂತರ ಪಾಂಡ್ಯ ಆಟಕ್ಕೆ ಕಡಿವಾಣ ಹಾಕಲು ಇಂಗ್ಲೆಂಡ್‌ ಆಟಗಾರರಿಗೆ ಆಗಲೇ ಇಲ್ಲ.

ಒಟ್ಟಾರೆ ಮೊದಲ ಇನ್ನಿಂಗ್ಸ್‌ ಮುಕ್ತಾಯಕ್ಕೆ ಭಾರತ 6 ವಿಕೆಟ್‌ ನೀಡಿ, 168 ರನ್‌ ಗಳಿಸಿದ್ದು, ಭಾರತದ ಬೌಲರ್‌ಗಳ ಮೇಲೆ ತಂಡದ ಗೆಲುವು ಆಧರಿಸಿದೆ.

ʼಅಡಿಲೇಡ್ ಓವಲ್‌ʼನಲ್ಲಿ ಗುರುವಾರ ನಡೆಯಲಿರುವ ಟಿ 20 ವಿಶ್ವಕಪ್‌ ಎರಡನೇ ಸೆಮಿಫೈನಲ್‌ನಲ್ಲಿ ಜೋಸ್ ಬಟ್ಲರ್ ನೇತೃತ್ವದ ಇಂಗ್ಲೆಂಡ್ ತಂಡ ಭಾರತ ತಂಡವನ್ನುಎದುರಿಸಲಿದೆ. ಈ ಪಂದ್ಯದಲ್ಲಿ ಗೆದ್ದರವರು ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ ನಡುವಿನ ಮೊದಲ ಸೆಮಿಫೈನಲ್‌ನಲ್ಲಿ ಯಾವ ತಂಡ ಜಯಗಳಿಸುವುದೊ, ಆ ತಂಡದ ವಿರುದ್ಧ ಪೈನಲ್‌ನಲ್ಲಿ ಆಡಲಿದೆ.

 ಭಾರತದ ವಿರುದ್ಧದ ಪಂದ್ಯದ ಮೊದಲು, ನಾಯಕ ಜೋಸ್ ಬಟ್ಲರ್ ಅವರು ತಮ್ಮ ತಂಡದ ಸಿದ್ಧತೆಗಳ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿದ್ದು, ಡೇವಿಡ್ ಮಲಾನ್ ಮತ್ತು ಮಾರ್ಕ್ ವುಡ್‌ಗೆ ಗಾಯದ ಭಯ ಕಾಡುತ್ತಿರುವುದಾಗಿ ತಿಳಿಸಿದರು. ನಂತರ ಪಂದ್ಯದಲ್ಲಿ ಸೂರ್ಯಕುಮಾರ್ ಯಾದವ್ ಅವರನ್ನು ಹೆಚ್ಚು ರನ್‌ಗಳಿಸದಂತೆ ಕಟ್ಟಿಹಾಕುತ್ತೇವೆ ಎಂದು ಸಹ ಹೇಳಿದ್ದಾರೆ.

ಈ ವೇಳೆ ಟಿ-20 ವಿಶ್ವಕಪ್ ಫೈನಲ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ಸ್ಫರ್ಧಿಸಲು ನಾವು ಬಿಡುವುದಿಲ್ಲ, ಏಕೆಂದರೆ ನಮ್ಮ ತಂಡ ಭಾರತ ತಂಡವನ್ನು ಸೋಲಿಸುವ ಎಲ್ಲಾ ಯೋಜನೆಗಳನ್ನು ಹಾಕಿಕೊಂಡಿದೆ ಎಂದು ತಿಳಿಸಿದರು.

ಈ ಸಂದರ್ಭದಲ್ಲಿ ಮುಂದುವರೆದು ಮಾತನಾಡಿದ ಅವರು, ʼನೋಡಿ, ನಾವು ಖಂಡಿತವಾಗಿಯೂ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಫೈನಲ್‌ನಲ್ಲಿ ಆಟವಾಡುವುದನ್ನು ನಾವು ನೋಡಲು ಬಯಸುವುದಿಲ್ಲ. ಆದ್ದರಿಂದ ಈ ರೀತಿ ನಡೆಯದಂತೆ ನಾವು ನಮ್ಮಿಂದ ಸಾಧ್ಯವಿರುವ ಎಲ್ಲಾ ಪ್ರಯತ್ನವನ್ನು ನಾವು ಮಾಡುತ್ತೇವೆʼ ಎಂದು ಬಟ್ಲರ್ ಪಂದ್ಯದ ಪೂರ್ವ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

ʼಭಾರತವು ಕ್ರಿಕೆಟ್‌ ಜಗತ್ತಿನಲ್ಲಿ ಬಹಳ ಬಲಿಷ್ಠ ತಂಡ. ಅದನ್ನ ಅವರು ಬಹಳ ವರ್ಷಗಳಿಂದ ಕಾಪಾಡಿಕೊಂಡು ಬಂದಿದ್ದಾರೆ. ಸ್ವಾಭಾವಿಕವಾಗಿ ಭಾರತ ತಂಡದ ಆಟಗಾರರು ಒಳ್ಳೆಯ ಪ್ರತಿಭೆಯುಳ್ಳಂತವರು, ಹಾಗಾಗಿಯೇ ಅವರ ತಂಡದಲ್ಲಿ ಉತ್ತಮ ಪ್ರದರ್ಶನ ನೀಡುವ ಆಟಗಾರಿದ್ದಾರೆʼ ಎಂದು ಬಟ್ಲರ್ ಹೇಳಿದರು.

ಬಲಗೈ ಬ್ಯಾಟ್ಸ್ಮನ್ ಸೂರ್ಯಕುಮಾರ್ ಯಾದವ್ ಬಗ್ಗೆ ಮಾತನಾಡಿದ ಬಟ್ಲರ್, ಅವರು ಪ್ರಸಕ್ತ ಟೂರ್ನಿಯಲ್ಲಿ ಉತ್ತಮ ಫಾರ್ಮ್ನಲ್ಲಿದ್ದಾರೆ, ಏಕೆಂದರೆ ಅವರು ಉತ್ತಮ ಸ್ಟ್ರೈಕ್ ರೇಟ್‌ನಲ್ಲಿ ಮೂರು ಅರ್ಧ ಶತಕಗಳನ್ನು ದಾಖಲಿಸಿದ್ದಾರೆ. ಅವರ ಆಟ ನೋಡುವುದೆ ಒಂದು ಅದ್ಭುತ. ಅವರು ಇಲ್ಲಿಯವರಗೆ ಆಟವಾಡಿರುವ ಎಲ್ಲಾ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದಾರೆ.

ಸೂರ್ಯಕುಮಾರ್‌ ಕಣಕ್ಕೆ ಇಳಿದಾಗ ಹೆಚ್ಚು ರನ್‌ಗಳಿಸಲು ನೋಡುತ್ತಾರೆ. ಅದಲ್ಲದೇ ಅವರು ಹೊಡೆಯುವ ಎಲ್ಲಾ ಹೊಡೆತಗಳನ್ನು ಅತ್ಮವಿಶ್ವಾಸದಿಂದ ಹೊಡೆಯುತ್ತಾರೆ. ಹಾಗಾಗಿಯೇ ಅವರು ಮೈದಾನದ ಎಲ್ಲಾ ಕಡೆಗೂ ಚೆಂಡನ್ನು ಕಳಿಸುತ್ತಾರೆ ಎಂದು ಹೇಳಿದರು. ಹೀಗಾಗಿ ಇಂತಹ ಒಳ್ಳೆಯ ಆಟಗಾರನ ವಿಕೆಟ್‌ ಪಡೆಯಲು ನಮ್ಮ ತಂಡದ ಬೌಲರ್‌ಗಳು ಹಲವಾರು ಸಿದ್ದತೆಗಳನ್ನು ನಡೆಸಿದ್ದಾರೆ ಎಂದರು.

 ಯಜುವೇಂದ್ರ ಚಹಲ್ ವಿಶ್ವಕಪ್ನಲ್ಲಿ ಯಾವುದೇ ಪಂದ್ಯದಲ್ಲಿ ಆಡದಿರುವುದು ನಿಮಗೆ ಆಶ್ಚರ್ಯ ತಂದಿದೆಯೇ ಎಂದು ಕೇಳಿದಾಗ, ಬಟ್ಲರ್ ಪ್ರತಿಕ್ರಯಿಸಿ, ಯೂಜಿ ಒಬ್ಬ ಶ್ರೇಷ್ಠ ಬೌಲರ್, ನಾನು ʼಐಪಿಎಲ್‌ʼನಲ್ಲಿ ಅವರೊಂದಿಗೆ ಆಡುವುದನ್ನು ನಿಜವಾಗಿಯೂ ಆನಂದಿಸಿದ್ದೇನೆ. ಅವರು ಉತ್ತಮ ಬೌಲರ್, ಅವರು ಯಾವಾಗಲೂ ವಿಕೆಟ್ ಪಡೆಯಲು ತುಂಬಾ ಉತ್ಸುಕರಾಗಿರುತ್ತಾರೆ. ಹಾಗಾಗಿ ಅವರು ಶ್ರೇಷ್ಠ ಬೌಲರ್ ಎಂದು ನನಗೆ ಖಾತ್ರಿಯಿದೆ,” ಎಂದು ಹೇಳಿದರು.

ಮಲಾನ್ ಮತ್ತು ವುಡ್‌ಗೆ ಆದ ಗಾಯಗಳ ಬಗ್ಗೆ ಮಾತನಾಡಿದ ಬಟ್ಲರ್, ನಾವು ವೈದ್ಯಕೀಯ ತಂಡವನ್ನು ನಂಬುತ್ತೇವೆ. ಜೊತೆಗೆ ಆ ಇಬ್ಬರು ಆಟಗಾರರನ್ನು ಸಹ. ಅವರು ಸದ್ಯಕ್ಕೆ ಗಾಯದಿಂದ ಸುಧಾರಿಸಿಕೊಂಡಿದ್ದು, ಸಮಿಫೈನಲ್‌ನಲ್ಲಿ ಆಡಲಿದ್ದಾರೆ ಎಂದು ತಿಳಿಸಿದರು.

ಭುವನೇಶ್ವರ್ ಕುಮಾರ್ ಅವರನ್ನು ಎದುರಿಸುವ ತಮ್ಮ ಸಿದ್ಧತೆಯ ಬಗ್ಗೆ ಮಾತನಾಡಿದ ಬಟ್ಲರ್, ʼನನ್ನ ಸ್ವಂತ ಆಟದ ಬಗ್ಗೆ ನನಗೆ ಯಾವಾಗಲೂ ವಿಶ್ವಾಸವಿದೆ. ಭಾರತದಂತಹ ನಂಬರ್‌ ಒನ್‌ ತಂಡದಲ್ಲಿ, ಇತರ ತಂಡಗಳಿಗಿಂತ ಕಷ್ಟವೆನಿಸುವ ಬೌಲರ್‌ಗಳು ಇರುತ್ತಾರೆ. ಆ ಪಟ್ಟಿಯಲ್ಲಿ ಭುವನೇಶ್ವರ್‌ ಕೂಡ ಒಬ್ಬರು. ನಾನು ಯಾವಾಗಲೂ ಚೆನ್ನಾಗಿ ತಯಾರಿ ನಡೆಸುತ್ತೇನೆ, ಹಾಗಾಗಿ ನಾನು ಯಾರಿಗೂ ಹೆದರುವುದಿಲ್ಲ. ಏಕೆಂದರೆ ನಾನು ಆಟವಾಡುವ ಸಂದರ್ಭದಲ್ಲಿ ನನ್ನ ಮುಂದೆ ಬರುವ ಚೆಂಡನ್ನು ನೋಡುತ್ತೇನೆಯೇ ಹೊರತು ಎಸೆತಗಾರನನ್ನಲ್ಲ ಎಂದು ಹೇಳಿದರು.

ವಿಮಾನದಲ್ಲಿ ಪ್ರಯಾಣಿಸುವವರಿಗೆ ಬಿಸಿನೆಸ್‌ ಕ್ಲಾಸ್‌ ಸೀಟ್‌ಗಳು, ಮತ್ತು ಎಕನಮಿ ಕ್ಲಾಸ್‌ ಸೀಟ್‌ಗಳಲ್ಲಿ ಪ್ರಯಾಣ ನಡೆಸಬಹುದಾಗಿದೆ. ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC) ಮಾನದಂಡಗಳ ಪ್ರಕಾರ, ಸಾಮಾನ್ಯವಾಗಿ ತಂಡದ ಕೋಚ್, ನಾಯಕ, ಉಪನಾಯಕ ಮತ್ತು ಮ್ಯಾನೇಜರ್‌ಗೆ ಬಿಸಿನೆಸ್‌ ಕ್ಲಾಸ್ ಸೀಟ್‌ಗಳು ಮತ್ತು ಉಳಿದ ಆಟಗಾರರಿಗೆ ಎಕನಮಿ ಕ್ಲಾಸ್‌ ಸೀಟ್‌ಗಳು ನೋಂದಣಿಯಾಗಿರುತ್ತವೆ.

ಸಾಮಾನ್ಯವಾಗಿ ಬಿಸಿನೆಸ್‌ ಕ್ಲಾಸ್‌ ಸೀಟ್‌ಗಳಲ್ಲಿ ಪ್ರಯಾಣಿಕರು ಕಾಲುಗಳನ್ನು ನೀಡಿಕೊಂಡು ಆರಾಮದಾಯಕ ಪ್ರಯಾಣ ನಡೆಸಬಹುದಾಗಿದೆ. ಆದರೆ ಎಕನಮಿ ಕ್ಲಾಸ್‌ ಸೀಟ್‌ಗಳಲ್ಲಿ ಕೊಂಚ ಇಕ್ಕಟ್ಟು ಇರುವುದರಿಂದ ಪ್ರಯಾಣಿಕರು ಬಿಸಿನೆಸ್‌ ಕ್ಲಾಸ್‌ನಷ್ಟು ಆರಾಮದಾಯಕ ಪ್ರಯಾಣ ನಡೆಸಲು ಸಾಧ್ಯವಾಗುವುದಿಲ್ಲ.

ವೇಗದ ಬೌಲರ್‌ಗಳು ಮೈದಾನದಲ್ಲಿ ಸಾಕಷ್ಟು ಶ್ರಮ ವಹಿಸಬೇಕಾಗುತ್ತದೆ, ಬೆವರು ಹರಿಸಬೇಕಾಗುತ್ತದೆ. ಇತರ ಆಟಗಾರರಿಗಿಂತ ಹೆಚ್ಚು ವೇಗದ ಬೌಲರ್‌ಗಳ ಕಾಲುಗಳಿಗೆ ವಿಶ್ರಾಂತಿ ಅಗತ್ಯವಾಗಿರುತ್ತದೆ. ಆದರೆ ಪ್ರಯಾಣದ ಸಮಯದಲ್ಲಿ ತಂಡದ ವೇಗದ ಬೌಲರ್‌ಗಳು ಎಕನಮಿ ಕ್ಲಾಸ್‌ ಸೀಟ್‌ಗಳಲ್ಲಿ ಪ್ರಯಾಣಿಸುವುದರಿಂದ, ಅವರಿಗೆ ಆರಾಮದಾಯಕ ವಿಶ್ರಾಂತಿ ಸಿಗುವುದಿಲ್ಲ.

ಈ ಹಿನ್ನೆಲೆಯಲ್ಲಿ ಭಾರತ ಕ್ರಿಕೆಟ್‌ ತಂಡದ ಹಿರಿಯ ಆಟಗಾರರಾದ ರಾಹುಲ್‌ ದ್ರಾವಿಡ್‌, ರೋಹಿತ್‌ ಶರ್ಮಾ, ವಿರಾಟ್‌ ಕೊಹ್ಲಿ ತಮ್ಮ ಸೀಟುಗಳನ್ನು ತಂಡದ ವೇಗಿ ಬೌಲರ್‌ಗಳಾದ ಮಹಮದ್‌ ಶಮಿ, ಭುವನೇಶ್ವರ್‌ ಕುಮಾರ್‌, ಹಾರ್ದಿಕ್‌ ಪಾಂಡ್ಯ, ಮತ್ತು ಅರ್ಶದೀಪ್‌ ಸಿಂಗ್‌ ಅವರಿಗೆ aಬಿಟ್ಟುಕೊಟ್ಟು, ಆಟಗಾರರ ಬಗ್ಗೆ ಕಾಳಜಿ ತೋರಿರುವುದು ಎಲ್ಲರ ಪ್ರಶಂಸೆಗೆ ಕಾರಣವಾಗಿದೆ.

ಆತನ ಆ ಇನ್ನಿಂಗ್ಸ್‌ ದೇವರ ಹಾಡಿನಂತಿತ್ತು ಎಂದು ಬಿಟ್ಟರು ಗ್ರೆಗ್‌ ಚಾಪಲ್?! ದೇವರ ಹಾಡು ಎಂದರೆ ಮತ್ತೇನೂ ಅಲ್ಲ, ಅದು ಮನುಷ್ಯನ ಸಾಧ್ಯತೆಗಳನ್ನು ಮೀರಿದ್ದು ಎಂದರ್ಥ. ಚಾಪೆಲ್‌ ಹೇಳಿದ್ದು ಅದನ್ನೇ.

19ನೇ ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ ವಿರಾಟ್‌ ಕೊಹ್ಲಿ ಸಿಕ್ಸರ್‌ಗಳನ್ನು ಸಿಡಿಸಿದರು. ಟಿ20 ಕ್ರಿಕೆಟ್‌ನಲ್ಲಿ ಸಿಕ್ಸರುಗಳಿಗೇನು ಕೊರತೆಯೇ? ಕೊನೆಯ ಎಸೆತದಲ್ಲಿ ಸಿಕ್ಸರ್‌ ಹೊಡೆದು ತಂಡವನ್ನು ಗೆಲ್ಲಿಸಿದ ಹೊಡಿಬಡಿ ಆಟಗಾರರಿದ್ದಾರೆ. ಒಂದೇ ಓವರ್‌ನ ಎಲ್ಲ ಎಸೆತಗಳನ್ನು ಸಿಕ್ಸರ್‌ಗೆ ಅಟ್ಟಿದ ಆಟಗಾರರಿದ್ದಾರೆ. ಕೊಹ್ಲಿ ಹೊಡೆದ ಸಿಕ್ಸರ್‌ಗಳು, ಅದರಲ್ಲೂ 19ನೇ ಓವರ್‌ನ ಐದನೇ ಎಸೆತದಲ್ಲಿ ಪಾಕಿಸ್ತಾನದ ವೇಗಿ ಹ್ಯಾರಿಸ್‌ ರೌಫ್‌ ಎಸೆತದಲ್ಲಿ ಲಾಂಗ್‌ ಆನ್‌ನಲ್ಲಿ ಹೊಡೆದ ಸಿಕ್ಸರ್‌ ಯಾಕಷ್ಟು ವಿಶೇಷ?

ನಿಜ, ಅದು ಹಲವರು ಹೇಳುವಂತೆ ಡಿವೈನ್‌ ಶಾಟ್. ಹ್ಯಾರಿಸ್‌ ರೌಫ್‌ ಎಸೆದ ಕೊಂಚ ಮಂದಗತಿಯ ಶಾರ್ಟ್‌ ಆಫ್‌ ಲೆಂಥ್‌ ಚೆಂಡನ್ನು ಬ್ಯಾಕ್‌ ಫುಟ್‌ನಲ್ಲಿ ಕನೆಕ್ಟ್‌ ಮಾಡಿ ಸ್ಟ್ರೈಟ್‌ ಬ್ಯಾಟ್‌ನಲ್ಲಿ ಸಿಕ್ಸ್‌ ಹೊಡೆದ ರೀತಿಯಿದೆಯಲ್ಲ ಅದು ಕೊಹ್ಲಿ ಬಿಟ್ಟರೆ ಮತ್ತೆ ಯಾರಿಗೂ ಸಾಧ್ಯವಿರಲಿಲ್ಲ. ಟೈಮಿಂಗ್‌ನಲ್ಲಿ ಒಂದು ಮೈಕ್ರೋ ಸೆಕೆಂಡ್‌ ಹೆಚ್ಚು ಕಡಿಮೆಯಾಗಿದ್ದರೂ ಅದು ಸಿಕ್ಸರ್‌ ಆಗುತ್ತಿರಲಿಲ್ಲ. ಬೇರೆಯವರ ವಿಷಯ ಹಾಗಿರಲಿ, ಆಸ್ಟ್ರೇಲಿಯಾದ ಲೆಜೆಂಡರಿ ಆಟಗಾರ ಮಾರ್ಕ್‌ ಟೈಲರ್ ಹೇಳಿದ: ʻʻನನಗೆ ಇನ್ನೂ ಆ ಹೊಡೆತ ಹೇಗೆ ಸಾಧ್ಯವಾಯಿತೆಂದೇ ಅರ್ಥವಾಗುತ್ತಿಲ್ಲ. ನಾನೇನಾದರೂ ಆ ಶಾಟ್‌ ಪ್ರಯತ್ನಿಸಿದ್ದರೆ ಬಹುಶಃ ಲಾಂಗ್‌ ಆನ್‌ ನಲ್ಲಿ ಕ್ಯಾಚ್‌ ಕೊಟ್ಟು ಔಟಾಗುತ್ತಿದ್ದೆ!ʼʼ. ಮಧುರ್‌ ಪಾತ್ರೇಯ ಎಂಬ ಕ್ರಿಕೆಟ್‌ ವಿಶ್ಲೇಷಕ, ಟಿ20 ಕ್ರಿಕೆಟ್‌ ಆರಂಭವಾದಾಗಿನಿಂದ ನಾವು ನೋಡಿರಬಹುದಾದ ಅತ್ಯುತ್ತಮ ಸಿಕ್ಸರ್‌ ಎಂದರು. ಮಾತ್ರವಲ್ಲ ಕ್ರಿಕೆಟ್‌ ಇತಿಹಾಸದಲ್ಲೇ ಅತ್ಯುನ್ನತ ಇನ್ನೋವೇಟಿವ್‌ ಶಾಟ್‌ ಎಂದರು.

ಅಕ್ಟೋಬರ್‌ 23 ವಿರಾಟ್‌ ಕೊಹ್ಲಿಯ ದಿನವಾಗಿತ್ತು. ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಭಾರತ ಚೇಸಿಂಗ್‌ಗೆ ಇಳಿದಿತ್ತು. ಮೊದಲ ನಾಲ್ಕು ವಿಕೆಟ್‌ಗಳು ತೊಪತೊಪನೆ ಉದುರಿದ್ದವು. ಕೊಹ್ಲಿ ನಿಧಾನಕ್ಕೆ ಹಾರ್ದಿಕ್‌ ಪಾಂಡ್ಯ ಜೊತೆ ಇನ್ನಿಂಗ್ಸ್‌ ಕಟ್ಟುತ್ತ ನಡೆದಿದ್ದ. ಪಾಂಡ್ಯ ತನ್ನ ಎಂದಿನ ಹೊಡಿಬಡಿ ಆಟ ಆಡಲು ಸಾಧ್ಯವಿರಲಿಲ್ಲ. ಪಾಕಿಸ್ತಾನದ ಬೌಲಿಂಗ್‌ ಪಡೆ ಸದ್ಯಕ್ಕೆ ಜಗತ್ತಿನ ಅತಿಶ್ರೇಷ್ಠ ಬೌಲಿಂಗ್‌ ಪಡೆ. ಪಾಕಿಸ್ತಾನದ ಮೂರು-ನಾಲ್ಕು ಬೌಲರ್‌ಗಳು ನೂರೈವತ್ತು ಕಿ.ಮೀ ವೇಗದಲ್ಲಿ ಬೌಲ್‌ ಮಾಡುತ್ತಾರೆ. ರಿಸ್ಕ್‌ ತೆಗೆದುಕೊಂಡು ಬೌಂಡರಿ, ಸಿಕ್ಸರ್‌ ಹೊಡೆಯಲು ಹೋದರೆ ಔಟಾಗುವ ಭೀತಿ. ಔಟಾದರೆ ಕೆಳಹಂತದ ಆಟಗಾರರು ಪಾಕಿಸ್ತಾನದ ಬೌಲರ್‌ಗಳಿಗೆ ಸುಲಭದ ತುತ್ತಾಗಿ ಹೋಗುತ್ತಾರೆ. ಹೀಗಾಗಿ ಕೊಹ್ಲಿ, ಪಾಂಡ್ಯ ಬೇಕಾಗಿದ್ದ ರನ್‌ರೇಟ್‌ಗೆ ಹೋಲಿಸಿದರೆ ನಿಧಾನವಾಗಿ ಆಡುತ್ತಿದ್ದರು. ಕೊನೆಕೊನೆಗೆ ಪಂದ್ಯ ಸಂಪೂರ್ಣ ಭಾರತದ ಕೈ ತಪ್ಪಿ ಹೋಯಿತೆಂದೇ ಎಲ್ಲರೂ ಭಾವಿಸಿದರು. ಆದರೆ ಕೊಹ್ಲಿ, ಹ್ಯಾರಿಸ್‌ ರೌಫ್‌ ಎಸೆದ 19ನೇ ಓವರ್‌ನ ಕೊನೆಯ ಎರಡು ಚೆಂಡುಗಳಿಗೆ ಹೊಡೆದ ಸಿಕ್ಸರ್‌ಗಳು ಭಾರತವನ್ನು ಗೆಲುವಿನ ಹೊಸ್ತಿಲಿಗೆ ತಂದು ನಿಲ್ಲಿಸಿದವು.

ಪಾಕಿಸ್ತಾನದ ಅಂದಿನ ಬೆಸ್ಟ್‌ ಬೌಲರ್‌ ಹ್ಯಾರಿಸ್‌ ರೌಫ್‌ ಮೊದಲ ನಾಲ್ಕು ಎಸೆತಗಳಲ್ಲಿ ಕೊಹ್ಲಿ-ಪಾಂಡ್ಯ ಜೋಡಿಯನ್ನು ರನ್‌ ಗಳಿಸದಂತೆ ಕಟ್ಟಿ ಹಾಕಿದ್ದರು. ಮೊದಲ ನಾಲ್ಕು ಎಸೆತಗಳಲ್ಲಿ ಮೂರೇ ರನ್‌ಗಳು. ಇನ್ನೇನು ಪಂದ್ಯ ಮುಗಿದೇಹೋಯಿತು, ಪಾಕಿಸ್ತಾನ ಗೆದ್ದೇ ಬಿಟ್ಟಿತು ಎಂಬಂಥ ಸ್ಥಿತಿ. ಆಗ ಐದನೇ ಎಸೆತದಲ್ಲಿ ಕೊಹ್ಲಿ ಬೌಲರ್‌ ತಲೆಯ ಮೇಲೆ ಹೊಡೆದ ಚೆಂಡು ಬೌಂಡರಿ ಲೈನ್‌ ದಾಟಿ 90 ಮೀಟರ್‌ ದೂರ ಹೋಗಿ ಬಿದ್ದಿತು. ಅದೇ ಹೊಡೆತವನ್ನು ಇಡೀ ಕ್ರಿಕೆಟ್‌ ರಂಗ ಕೊಂಡಾಡುತ್ತಿದೆ. ಇದು ಶಾಟ್‌ ಆಫ್‌ ದಿ ಸೆಂಚುರಿ ಎಂದು ಬಣ್ಣಿಸಿದವರು ಹಲವರು.

ವಿರಾಟ್‌ ಕೊಹ್ಲಿ ಆಟವೇ ಹೀಗೆ. ಟೆಸ್ಟ್‌, ಏಕದಿನ, ಟಿ20 ಈ ಎಲ್ಲ ಮೂರು ಮಾದರಿಯ ಆಟದಲ್ಲಿ ಕೊಹ್ಲಿಯನ್ನು ಮೀರಿಸುವವರಿಲ್ಲ. ಟಿ20 ಕ್ರಿಕೆಟ್‌ ಎಂಬುದು ಹೊಡಿಬಡಿ ಮಾದರಿಯ ಆಟ. ಪಕ್ಕಾ ಕ್ರಿಕೆಟಿಂಗ್‌ ಶಾಟ್‌ಗಳೇ ಇಲ್ಲಿ ಇರಬೇಕೆಂದಿಲ್ಲ. ಎಲ್ಲೋ ಹೊಡೆಯಲು ಪ್ರಯತ್ನಿಸಿದ ಚೆಂಡು ಎಡ್ಜ್‌ ಆಗಿ ಎಲ್ಲಿಗೋ ಬಿದ್ದರೂ ಪರವಾಗಿಲ್ಲ, ಒಟ್ಟಿನಲ್ಲಿ ರನ್‌ ಬಂದು ಸುರಿಯಬೇಕು ಅಷ್ಟೆ. ಹೀಗಾಗಿ ಟಿ20 ಪಂದ್ಯಗಳಿಗೆಂದೇ ಸ್ಪೆಷಲಿಸ್ಟ್‌ ಬ್ಯಾಟ್ಸ್‌ಮನ್‌ಗಳು ಹುಟ್ಟಿಕೊಂಡರು. ವಿಕೆಟ್‌ನ ಹಿಂದೆ ಫೈನ್‌ಲೆಗ್‌, ಥರ್ಡ್‌ ಮ್ಯಾನ್‌ ಮತ್ತು ಸ್ಕ್ವೇರ್‌ ಆಫ್‌ ದಿ ವಿಕೆಟ್‌ ನಲ್ಲೇ ಹೆಚ್ಚು ರನ್‌ ಗಳು ಬರಲಾರಂಭಿಸಿದವು. 360 ಡಿಗ್ರಿಯಲ್ಲೂ ರನ್‌ ಗಳಿಸುವ ಆಟಗಾರರಿಗೆ ಬೇಡಿಕೆ ಹುಟ್ಟಿಕೊಂಡಿತು. ಆದರೆ ಕೊಹ್ಲಿ ತನ್ನ ತಂತ್ರವನ್ನೇನು ಬದಲಾಯಿಸಿಕೊಳ್ಳಲಿಲ್ಲ. ಆಟದ ವಿಧಾನವೂ ಬದಲಾಗಲಿಲ್ಲ. ಪಕ್ಕಾ ಕ್ರಿಕೆಟಿಂಗ್‌ ಶಾಟ್‌ಗಳಿಂದಲೇ ಆಡಿದ, ಟಿ20 ಕ್ರಿಕೆಟ್‌ಗೆ ಬೇಕಾದ ವೇಗದಲ್ಲೇ ರನ್‌ ಗಳಿಸುತ್ತ ಹೋದ.

ಪಾಕಿಸ್ತಾನ ವಿರುದ್ಧದ ವಿರಾಟ್‌ ಕೊಹ್ಲಿ ಇನ್ನಿಂಗ್ಸ್‌ ನಿಸ್ಸಂಶಯವಾಗಿ ಅವರ ಜೀವಮಾನದ ಶ್ರೇಷ್ಠ ಇನ್ನಿಂಗ್ಸ್‌ಗಳಲ್ಲಿ ಒಂದು. ಆ ಒಂದು ಸಿಕ್ಸರ್‌ ಕೊಹ್ಲಿಯ ಕ್ರಿಕೆಟನ್ನು ಸಮರ್ಥವಾಗಿ ವರ್ಣಿಸುತ್ತದೆ. ಬ್ಯಾಟು ಮತ್ತು ಬಾಲು ಸೇರುವ ಘಳಿಗೆ ಇದೆಯಲ್ಲ, ಅದನ್ನು ಕ್ರಿಕೆಟ್‌ನಲ್ಲಿ ಟೈಮಿಂಗ್‌ ಎನ್ನುತ್ತಾರೆ. ಕೊಹ್ಲಿಯ ಟೈಮಿಂಗ್‌ ಅನ್ನು ಆ ದೇವರೇ ನಿರ್ಧರಿಸಿದಂತಿರುತ್ತದೆ. ಹೀಗಾಗಿ ಒಂದು ಮೈಕ್ರೋ ಸೆಕೆಂಡು ಕೂಡ ಹೆಚ್ಚು ಕಡಿಮೆಯಾಗೋದಿಲ್ಲ.

ಭಾರತ ಕ್ರಿಕೆಟ್‌ ಪ್ರಿಯರ ದೇಶ. ಇಲ್ಲಿ ಸುನೀಲ್‌ ಗವಾಸ್ಕರ್‌, ಕಪಿಲ್‌ ದೇವ್‌, ಮಹಮದ್‌ ಅಜರುದ್ದೀನ್‌, ಸಚಿನ್‌ ತೆಂಡೂಲ್ಕರ್‌, ಮಹೇಂದ್ರ ಸಿಂಗ್‌ ಧೋನಿ, ರಾಹುಲ್‌ ದ್ರಾವಿಡ್‌, ಅನಿಲ್‌ ಕುಂಬ್ಳೆ ಸೇರಿದಂತೆ ಲೆಜೆಂಡರಿ ಆಟಗಾರರನೇಕರು ಬಂದು ಹೋಗಿದ್ದಾರೆ. ಈ ಸಾಲಿನಲ್ಲಿ ಕೊಹ್ಲಿ ಕೂಡ ಒಬ್ಬರು. ಆತನಿಗೆ ಅಭಿಮಾನಿಗಳು ಕಿಂಗ್‌ ಎಂದು ಕರೆಯುತ್ತಾರೆ. ಆತ ಕಿಂಗ್‌ ಮಾತ್ರವಲ್ಲ, ಜೀನಿಯಸ್‌ ಎನ್ನುತ್ತಾರೆ ಕ್ರಿಕೆಟಿಗರು.

ವಿರಾಟ್‌ ಕೊಹ್ಲಿ 2021ರ ಟಿ20 ವಿಶ್ವಕಪ್‌ ಸಂದರ್ಭದಲ್ಲಿ ತಂಡದ ಕಳಪೆ ಪ್ರದರ್ಶನದಿಂದಾಗಿ ನಾಯಕತ್ವ ಕಳೆದುಕೊಂಡರು. ನಂತರ ಅವರ ಒನ್‌ ಡೇ ಕ್ಯಾಪ್ಟನ್ಸಿಯನ್ನೂ ಕಿತ್ತುಕೊಳ್ಳಲಾಯಿತು. ಕೊಹ್ಲಿ ಟೆಸ್ಟ್‌ ನಾಯಕತ್ವವನ್ನೂ ಬಿಟ್ಟುಕೊಟ್ಟರು. ಪಾಕಿಸ್ತಾನ ಎದುರಿನ ಸೋಲು, ಅದರಿಂದಾಗಿ ಎದುರಿಸಬೇಕಾದ ಕೊಳಕು ಟೀಕೆಗಳಿಗೆ ಮಿತಿಯೇ ಇರಲಿಲ್ಲ. ಕೊಹ್ಲಿ ಮಾತ್ರವಲ್ಲ ಆತನ ಪತ್ನಿ ಅನುಷ್ಕಾ ಶರ್ಮರನ್ನೂ ಈ ಕೊಳಕರು ಬಿಡಲಿಲ್ಲ. ಕೊನೆಗೆ ಈ ದಂಪತಿಗಳು, ಪುಟ್ಟ ಕಂದಮ್ಮಳನ್ನೂ ಗುರಿಯಾಗಿಸಿಕೊಂಡು ಬೆದರಿಕೆ ಒಡ್ಡಲಾಯಿತು. ಇನ್ನೊಂದೆಡೆ ಕೊಹ್ಲಿ ಸೆಂಚುರಿ ಹೊಡೆಯುತ್ತಿಲ್ಲ ಎಂಬ ಕೂಗು ಕ್ರಿಕೆಟ್‌ ಪಂಡಿತರಿಂದಲೇ ಶುರುವಾಯಿತು. ಕೊಹ್ಲಿ ಆಟ ಮುಗಿದೇಹೋಯಿತು ಎಂದು ಹಲವರು. ಕೊಹ್ಲಿ ರಿಟೈರ್‌ ಆಗಬೇಕು ಎಂಬ ಮಾತುಗಳೂ ಕೇಳಿ ಬರಲಾರಂಭಿಸಿದವು.

ಕೊಹ್ಲಿ ಯಾವುದಕ್ಕೂ ತಲೆ ಕೆಡಿಸಿಕೊಳ್ಳಲಿಲ್ಲ. ಪರಿಶ್ರಮವನ್ನು ಕೈಬಿಡಲಿಲ್ಲ. ನೆಟ್‌ ಪ್ರಾಕ್ಟಿಸ್‌ನಲ್ಲಿ ಬೆವರು ಹರಿಸುವುದನ್ನು ಮರೆಯಲಿಲ್ಲ. 34 ವರ್ಷದ ವಿರಾಟ್‌ ಈಗಿನ ಇಂಡಿಯಾ ತಂಡದಲ್ಲಿ ಎಲ್ಲರಿಗಿಂತ ಹೆಚ್ಚು ಫಿಟ್‌ ಆಗಿದ್ದಾರೆಂದರೆ ನೀವು ನಂಬಲೇಬೇಕು. ಆತನ ಫೀಲ್ಡಿಂಗ್‌ ಅದ್ಭುತ. ಎದುರಾಳಿ ತಂಡ ಗಳಿಸಬಹುದಾದ ಹತ್ತು-ಹದಿನೈದು ರನ್‌ಗಳನ್ನು ತಡೆಯುವ ಕ್ಷಮತೆ ಆತನಿಗಿದೆ. ಕ್ಯಾಪ್ಟನ್‌ ಆಗಿರದಿದ್ದರೂ ಕೊಹ್ಲಿ‌ ಯಾವಾಗಲೂ ಪಂದ್ಯದ ಕೇಂದ್ರಬಿಂದುವಾಗಿಯೇ ಇರುತ್ತಾರೆ, ಹಿ ಈಸ್ ಆಲ್ವೇಸ್‌ ಇನ್‌ ಆಕ್ಷನ್. ಹಾಡು ಹೇಳಿಕೊಂಡು, ಪುಟ್ಟದಾಗಿ ಸ್ಟೆಪ್‌ ಹಾಕುತ್ತ ಸಿಕ್ಸರ್‌ ಸಿಡಿಸುವ ಆಟಗಾರನನ್ನು ನಾವು ಇನ್ನೆಲ್ಲಾದರೂ ನೋಡಿರಲು ಸಾಧ್ಯವೇ? ಬೌಂಡರಿ ಲೈನ್‌ ನಲ್ಲಿ ಪ್ರೇಕ್ಷಕರ ಕೂಗಿಗೆ ಸ್ಪಂದಿಸುತ್ತ, ಅವರೊಂದಿಗೆ ಒಂದಲ್ಲ ಒಂದು ರೀತಿಯಲ್ಲಿ ಇಂಟರಾಕ್ಷನ್‌ ನಡೆಸುತ್ತ ಎಲ್ಲರನ್ನೂ ಎಂಗೇಜ್‌ ಮಾಡುತ್ತ ಹೋಗುವ ಕೊಹ್ಲಿ ಪ್ರೇಕ್ಷಕರ ಪಾಲಿನ ಪಕ್ಕಾ ಎಂಟರ್‌ಟೇನರ್.

ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಟಿ20 ಪಂದ್ಯಾವಳಿಯ ಮೊದಲ ನಾಲ್ಕು ಪಂದ್ಯಗಳಲ್ಲಿ ವಿರಾಟ್‌ ಕೊಹ್ಲಿ ಆಗಲೇ ಮೂರು ಅರ್ಧಶತಕ ಬಾರಿಸಿ ಆಗಿದೆ. ಎರಡು ಬಾರಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಯೂ ದಕ್ಕಿದೆ. ಕೊಹ್ಲಿ ಹೀಗೇ ಆಡಿದರೆ ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನೂ ಪಡೆಯಬಹುದು. ಈಗಷ್ಟೇ ಇಂಟರ್‌ನ್ಯಾಷನಲ್‌ ಕ್ರಿಕೆಟ್‌ಗೆ ಬಂದ ಹದಿಹರೆಯದ ಆಟಗಾರನೊಬ್ಬನ ಉತ್ಸಾಹ ಕೊಹ್ಲಿಯಲ್ಲಿ ಇನ್ನೂ ಉಳಿದುಕೊಂಡಿದೆ. ಕ್ರಿಕೆಟ್‌ ಅಂಗಳದ ಒಳಗೂ ಹೊರಗೂ ಆತ ಪುಟ್ಟ ಮಗುವಿನಂತೆ ಸಂಭ್ರಮಿಸುವ, ಕ್ರಿಕೆಟ್‌ಪ್ರೇಮಿಗಳೊಂದಿಗೆ ಸಂವಾದಿಸುವ ರೀತಿಗೆ ಬೆರಗಾಗದವರಿಲ್ಲ.

ಕೊಹ್ಲಿ ಕ್ರಿಕೆಟ್‌ ಜಗತ್ತಿನ ಪುಟವಿಟ್ಟ ಚಿನ್ನ, ಹ್ಯಾಪಿ ಬರ್ತ್‌ ಡೇ ಜೀನಿಯಸ್.

ದಿನೇಶ್‌ ಕುಮಾರ್‌ ಎಸ್‌ ಸಿ
ಹಿರಿಯ ಪತ್ರಕರ್ತರು.

ಟಾಸ್‌ ಗೆದ್ದು ಮೊದಲು ಬೌಲಿಂಗ್‌ ಆಯ್ಕೆ ಮಾಡಿಕೊಂಡ ಬಾಂಗ್ಲಾದೇಶವು, ಮೊದ-ಮೊದಲು ಭಾರತೀಯ ಬ್ಯಾಟ್ಸ್‌ಮನ್‌ಗಳನ್ನು ಕಟ್ಟಿಹಾಕಲು ಪ್ರಯತ್ನಿಸಿತು. ಈ ವೇಳೆ ರನ್‌ ಗಳಿಸಲು ಪರದಾಡಿದ ರೋಹಿತ್‌ ಶರ್ಮಾ 2 ರನ್‌ಗಳಿಸಿ ಪೆವಿಲಿಯನ್‌ ಸೇರಿದರು. ನಂತರ ಬಂದ ವಿರಾಟ್‌ ಕೊಹ್ಲಿ, ಕೆ.ಎಲ್‌. ರಾಹುಲ್‌ ಜೊತೆಗೂಡಿ ತಮ್ಮ ಉತ್ತಮ ಪ್ರದರ್ಶನ ನೀಡುವುದರ ಮೂಲಕ, ಇಬ್ಬರು ಆಟಗಾರರು ಅರ್ಧ ಶತಕಗಳಿಸಿ, ಬಾಂಗ್ಲಾದೇಶದ ಬೌಲರ್‌ಗಳಿಗೆ ನೀರು ಕುಡಿಸಿದರು.

ನಂತರ ಬಂದ ಸೂರ್ಯ ಕುಮಾರ್‌ ಯಾದವ್‌ ರಭಸದ ಆಟವಾಡುವ ಮೂಲಕ ತಂಡವು 20 ಓವರ್‌ಗಳಲ್ಲಿ 6 ವಿಕೆಟ್‌ ನೀಡಿ 184 ರನ್‌ಗಳಿಸಿತು.

ನಂತರ ಮಳೆಯ ಕಾರಣದಿಂದಾಗಿ ಮೊಟಕುಗೊಂಡ ಪಂದ್ಯ 16 ಓವರ್ ಗಳಿಗೆ ಸೀಮಿತಗೊಂಡಿತ್ತು. ಈ ಹಿನ್ನಲೆಯಲ್ಲಿ ಬಾಂಗ್ಲಾದೇಶವು 16 ಓವರ್‌ಗಳಿಗೆ 151 ರನ್‌ ಗಳಿಸಬೇಕಾಗಿತ್ತು. ಈ ವೇಳೆ ಭಾರತೀಯ ಬೌಲರ್‌ಗಳ ದಾಳಿಗೆ ರನ್‌ ಗಳಿಸಲು ಪರದಾಡಿದ ಬಾಂಗ್ಲಾ ಆಟಗಾರರು, 16 ಓವರ್‌ಗಳಿಗೆ 6 ವಿಕೆಟ್‌ ನೀಡಿ 145 ರನ್‌ ಗಳಿಸಿದರು. ಈ ಮೂಲಕ ಭಾರತ ತಂಡವು 5 ರನ್‌ಗಳ ಜಯ ಸಾಧಿಸಿ, ಸೆಮಿಪೈನಲ್‌ ಕನಸನ್ನು ನನಸು ಮಾಡಿಕೊಳ್ಳುವಲ್ಲಿ ಸಫಲವಾಯಿತು.

ತಮ್ಮ ಯೂಟ್ಯೂಬ್ ಚಾನಲ್ ನಲ್ಲಿ ಈ ಬಗ್ಗೆ ಪ್ರಸ್ತಾಪಿಸಿ, ‘ವಿರಾಟ್ ಕೊಹ್ಲಿಯವರು ತಮ್ಮ ಅಬ್ಬರದ ಆಟದಿಂದ ಮತ್ತೆ ತಾನು ಎಂತಹ ಪಂದ್ಯದಲ್ಲಿ ಆಡಲೂ ಶಕ್ತ ಎಂಬುದನ್ನ ತೋರಿಸಿದ್ದಾರೆ. ಆದರೆ ಆಟಗಾರನೊಬ್ಬ ರ್ಯಾಂಕಿಂಗ್ ಪಟ್ಟಿಯ ಉನ್ನತ ಶ್ರೇಣಿಯಲ್ಲಿ ಇದ್ದಾಗಲೇ ಆತ ಆ ಆವೃತ್ತಿಯಿಂದ ನಿವೃತ್ತರಾಗಬೇಕು” ಎಂದು ಸಲಹೆ ಕೂಡಾ ನೀಡಿದ್ದಾರೆ.

ತಮ್ಮ ಯೂಟ್ಯೂಬ್ ಚಾನಲ್ ನಲ್ಲಿ ಮಾತನಾಡುತ್ತಾ ಅನಿರೀಕ್ಷಿತವಾಗಿ ಕೊಹ್ಲಿ ಆಟದ ಬಗ್ಗೆ ಪ್ರಸ್ತಾಪಿಸಿ ಈ ಮಾತನ್ನು ಹೇಳಿದ್ದಾರೆ. “ಏಕೆಂದರೆ ವಿರಾಟ್ ಕೊಹ್ಲಿ ತನ್ನ ಸಂಪೂರ್ಣ ಶಕ್ತಿಯನ್ನು ಕೇವಲ T20 ಕ್ರಿಕೆಟ್‌ಗೆ ಹಾಕುವುದನ್ನು ನಾನು ಬಯಸುವುದಿಲ್ಲ. ಮೊನ್ನೆಯ ಪಂದ್ಯದಂತೆ ಇದೇ ರೀತಿಯ ಬದ್ಧತೆಯೊಂದಿಗೆ, ಅವರು ಏಕದಿನ ಸರಣಿಗಳಲ್ಲಿ ತಮ್ಮ ಶಕ್ತಿ ಪ್ರದರ್ಶಿಸಿದರೆ ತ್ರಿಶತಕಗಳನ್ನು ಗಳಿಸುವಷ್ಟು ಕೊಹ್ಲಿ ಸಮರ್ಥರಿದ್ದಾರೆ.” ಎಂದು ಅಖ್ತರ್ ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ.

“ಒಬ್ಬ ವ್ಯಕ್ತಿ ಕೆಳಗೆ ಬಿದ್ದಾಗ ತನ್ನ ಆತ್ಮ ವಿಶ್ವಾಸದಿಂದ ಪುನರುಜ್ಜೀವನಗೊಳಿಸಬೇಕು. ಆ ಆತ್ಮವಿಶ್ವಾಸವನ್ನು ಕ್ರೋಢೀಕರಿಸಿದಾಗ ಅದು ಮುಂದುವರೆಯುತ್ತದೆ‌. ವಿರಾಟ್ ಕೊಹ್ಲಿ ಅದೇ ರೀತಿಯ ವ್ಯಕ್ತಿತ್ವದವರಾಗಿದ್ದಾರೆ.” ಎಂದು ಅಖ್ತರ್ ಹೇಳಿದ್ದಾರೆ. “ಭಾರತ ಪಾಕಿಸ್ತಾನದ ಪಂದ್ಯದಲ್ಲಿ ಅವರು ತಮ್ಮ ಜೀವನದ ದೊಡ್ಡ ಇನ್ನಿಂಗ್ಸ್ ಆಡಿದರು. ಅವರು ಇನ್ನು ಮುಂದೆಯೂ ಅಬ್ಬರದ ಬ್ಯಾಟಿಂಗ್ ಅನ್ನು ಆಡಬಹುದು. ಏಕೆಂದರೆ ಅವರು ಆತ್ಮ ವಿಶ್ವಾಸದ ವ್ಯಕ್ತಿತ್ವ ಹೊಂದಿದ್ದಾರೆ” ಎಂದು ಕೊಹ್ಲಿ ಬಗ್ಗೆ ಮೆಚ್ಚುಗೆಯ ಮಾತನ್ನಾಡಿದ್ದಾರೆ.

ಅಖ್ತರ್ ಅವರು ಪಾಕಿಸ್ತಾನ ತಂಡದ ಪ್ರದರ್ಶನವನ್ನು ಕೂಡ ಹೊಗಳಿ, ಪಾಕಿಸ್ತಾನ ತಂಡದ ಪ್ರಯತ್ನವನ್ನು ಶ್ಲಾಘಿಸಿದ್ದಾರೆ. “ಪಾಕಿಸ್ತಾನ ಅದ್ಭುತವಾಗಿ ಉತ್ತಮ ಪ್ರದರ್ಶನ ನೀಡಿದೆ. ನಿರಾಶೆಗೊಳ್ಳಬೇಡಿ, ನೀವೆಲ್ಲರೂ ನಿಜವಾಗಿಯೂ ಚೆನ್ನಾಗಿ ಆಡಿದ್ದೀರಿ. ಭಾರತ ಕೂಡ ಉತ್ತಮ ಪ್ರದರ್ಶನ ನೀಡಿದೆ. ಕೊನೆಯ ಹಂತದಲ್ಲಿ ಅವರು ಇತಿಹಾಸದಲ್ಲಿ ಅತ್ಯುತ್ತಮ ಪಂದ್ಯಗಳಲ್ಲಿ ಒಂದನ್ನು ಗೆದ್ದರು. ಇದು ಪರಿಪೂರ್ಣವಾದ ಒಂದು ವಿಶ್ವಕಪ್ ಪಂದ್ಯವಾಗಿತ್ತು. ಅದು ಎಲ್ಲವನ್ನೂ ಹೊಂದಿತ್ತು‌. ಕ್ಯಾಚ್, ರನ್ ಔಟ್, ನೋ ಬಾಲ್, ವಿವಾದಗಳು, ಸ್ಟಂಪಿಂಗ್.. ಎಲ್ಲವೂ” ಎಂದು ಅಖ್ತರ್ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಹೇಳಿದ್ದಾರೆ.

“ವಿಶ್ವಕಪ್ ಕ್ರಿಕೆಟ್ ಈಗಷ್ಟೇ ಪ್ರಾರಂಭವಾಗಿದೆ, ಭಾರತ-ಪಾಕಿಸ್ತಾನ ಆಡಿದಾಗ ಮಾತ್ರ ನಮಗೆ ವಿಶ್ವಕಪ್ ಪ್ರಾರಂಭವಾಗಿದೆ ಎಂಬ ಅನುಭವ ಆಗುತ್ತದೆ. ಮತ್ತು ಎರಡು ತಂಡಗಳು ಮತ್ತೆ ಮುಖಾಮುಖಿಯಾಗುತ್ತವೆ. ಇದೊಂದು ನಿರಂತರ ಪ್ರಕ್ರಿಯೆ. ಇದು ಹೀಗೆಯೇ ಮುಂದುವರೆಯಲಿ. ಪ್ರತಿಯೊಬ್ಬರಲ್ಲೂ ಸ್ಪರ್ಧಾ ಮನೋಭಾವ ಮೂಡಲಿ” ಎಂದು ತಮ್ಮದೇ ಶೈಲಿಯಲ್ಲಿ ವಿಶ್ವಕಪ್ ಮತ್ತು ಭಾರತ ಪಾಕಿಸ್ತಾನ ತಂಡದ ಆಟವನ್ನು ಶ್ಲಾಘಿಸಿದ್ದಾರೆ.

ನಿನ್ನೆ ನಡೆದ ಭಾರತ ಪಾಕಿಸ್ತಾನ ಕ್ರಿಕೆಟ್ ಪಂದ್ಯದಲ್ಲಿ ಭಾರತ ಇನ್ನೇನು ಸೋಲಿನ ಸುಳಿಯಲ್ಲಿ ಬಿತ್ತು ಎಂಬ ಹಂತದಲ್ಲೇ ‘ಆಪತ್ಭಾಂಧವ’ನಂತೆ ಬಂದ ವಿರಾಟ್ ಕೊಹ್ಲಿ ಇಡೀ ಪಂದ್ಯದ ದಿಕ್ಕನ್ನೇ ಬದಲಿಸಿದ್ದು ಯಾರೂ ಕೂಡ ಮರೆಯುವಂತದ್ದಲ್ಲ. ಇಂತಹ ಅದೆಷ್ಟೋ ರೋಚಕಗಳನ್ನು ವಿರಾಟ್ ಕೊಹ್ಲಿ ನಿರ್ವಹಿಸಿದ್ದು ಈಗ ಇತಿಹಾಸ.

ದೀಪಾವಳಿ ಹಿನ್ನೆಲೆಯಲ್ಲಿ ಈ ಒಂದು ಸಂಭ್ರಮವನ್ನು ಇಡೀ ಭಾರತೀಯರು ಸಂಭ್ರಮಿಸುತ್ತಿದ್ದರೆ, ಇತ್ತ ಬಲಪಂಥೀಯ ಸಿದ್ಧಾಂತದ ಪ್ರತಿಪಾದಕ ಚಕ್ರವರ್ತಿ ಸೂಲಿಬೆಲೆ ಎಂಬ ವ್ಯಕ್ತಿ ವಿರಾಟ್ ಕೊಹ್ಲಿಯನ್ನೇ ಸಿದ್ಧಾಂತದ ಅಡಿಯಲ್ಲಿ ಅಣಕಿಸಿ ಟೀಕಿಸಿ ಬರೆದ ಟ್ವಿಟ್ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ವಿರಾಟ್ ಕೊಹ್ಲಿ ಬಗ್ಗೆ ಬರೆದ ಟ್ವಿಟ್ ನಲ್ಲಿ ‘ವಿರಾಟ್ ಕೊಹ್ಲಿಯವರಿಗೆ ಭಾರತವನ್ನು ಗೆಲ್ಲಿಸಿದ್ದಕ್ಕೆ ಅಭಿನಂದನೆಗಳು, ಆದರೆ ಇದನ್ನು ಸಂಭ್ರಮಿಸುವುದು ಹೇಗೆ? ನೀವು ಪಟಾಕಿ ಹೊಡೆಯದಂತೆ ಸೂಚಿಸಿದ್ದೀರಿ’ ಎಂದು ಉಲ್ಲೇಖಿಸಿ ಮಾಡಿದ ಟ್ವಿಟ್ ನಲ್ಲಿ ಹೆಚ್ಚು ಮಂದಿ ತಮ್ಮ ಆಕ್ರೋಶ ಹೊರ ಹಾಕಿದ್ದಾರೆ.

ಹಿರಿಯ ಕ್ರಿಕೆಟ್ ಆಟಗಾರ ಕರ್ನಾಟಕದ ದೊಡ್ಡ ಗಣೇಶ್ ಕೂಡ ಚಕ್ರವರ್ತಿ ಸೂಲಿಬೆಲೆಯ ಈ ಟ್ವಿಟ್ ಗೆ ಆಕ್ಷೇಪ ವ್ಯಕ್ತಪಡಿಸಿದ್ದು “ದಯವಿಟ್ಟು ಸಂಭ್ರಮಾಚರಣೆಯಲ್ಲಿ ಇವೆಲ್ಲಾ ಬೇಡ. ಇದನ್ನೆಲ್ಲಾ ಬದಿಗಿಡಿ. ಭಾರತದ ಐತಿಹಾಸಿಕ ಗೆಲುವಿನ ಸಂಭ್ರಮವನ್ನಷ್ಟೇ ಆಚರಿಸೋಣ” ಎಂದು ಚಕ್ರವರ್ತಿ ಸೂಲಿಬೆಲೆಗೆ ಬುದ್ಧಿ ಹೇಳಿದ್ದಾರೆ.

Please 🙏🏻 Not now. Let’s keep these things aside, and celebrate one of the greatest Indian wins ever, against Pakistan. #KingKohli

— Dodda Ganesh | ದೊಡ್ಡ ಗಣೇಶ್ (Modi Ka Parivar) (@doddaganesha) October 23, 2022

ಕೆಲವು ಪ್ರತಿಕ್ರಿಯೆಗಳು ಚಕ್ರವರ್ತಿ ಸೂಲಿಬೆಲೆ ಈ ಹಿಂದೆ ತಮ್ಮ ಭಾಷಣದಲ್ಲಿ ಹೇಳಿದ ಸುಳ್ಳುಗಳನ್ನೇ ತಗೆದುಕೊಂಡು ಅವರನ್ನು ಟೀಕಿಸಿದ್ದಾರೆ. ಚಕ್ರವರ್ತಿ ಸೂಲಿಬೆಲೆ ಬುಲೆಟ್ ಟ್ರೈನ್ ಬಗ್ಗೆ ಮಾಡಿದ ಭಾಷಣವನ್ನು ನೆನಪಿಸುವಂತೆ ಮತ್ತೊಂದು ಪ್ರತಿಕ್ರಿಯೆ ಬಂದಿದೆ.

https://twitter.com/gs_g8771/status/1584213100458188800?t=AGLlfKUSgnb6j5FWLM8NWg&s=19

ಇನ್ನೂ ಕೆಲವರು ಚಕ್ರವರ್ತಿ ಸೂಲಿಬೆಲೆಯ ಅವಿವಾಹಿತ ಎಂದು ನಮೂದಿಸಿದ ಮದುವೆ ಆಗಿದ್ದು, ಆಗ ನಿಮಗೆ ತೃಪ್ತಿ ಆದರೂ ಸಿಗಬಹುದು ಎಂದು ಪ್ರತಿಕ್ರಿಯೆ ಕೊಟ್ಟಿದ್ದಾರೆ.

https://twitter.com/Truthsp30049061/status/1584169939002626049?t=Tob4zjUqkSGr6cvunJoqbg&s=19

ಇದು ನಿಜವಾದ ದೇಶವಿರೋಧಿ ನಡೆ. ಕೇವಲ ಅಭಿನಂದನೆ ಒಂದು ಹೇಳಿ ಮುಗಿಸಬಹುದಿತ್ತು. ಆದರೆ ಭಾರತದ ಸಂಭ್ರಮದ ಸಿದ್ಧಾಂತದ ಅಡಿಯಲ್ಲಿ ತುರುಕಿ ಕೊಹ್ಲಿಯನ್ನು ಪ್ರಶ್ನಿಸಿದ ಸೂಲಿಬೆಲೆ ನಿಜವಾದ ದೇಶದ್ರೋಹಿ ಎಂಬಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ರೋಶ ವ್ಯಕ್ತವಾಗಿದೆ. ಚಕ್ರವರ್ತಿ ಸೂಲಿಬೆಲೆ ಮಾಡಿದ ಟ್ವಿಟ್ ನಲ್ಲಿ ಹಲವಷ್ಟು ಮಂದಿ ಸೂಲಿಬೆಲೆ ನಡೆಯನ್ನು ಟೀಕಿಸಿ ಬರೆದಿದ್ದಾರೆ.