‘ಟೋಬಿ’ ; ಸ್ಯಾಂಡಲ್ವುಡ್ ನ ಹೊಸ ಸೆನ್ಸೇಷನ್!

ನಟ, ನಿರ್ದೇಶಕ ರಾಜ್ ಬಿ ಶೆಟ್ಟಿ ಮತ್ತು ಕನ್ನಡದ ಖ್ಯಾತ ಕಥೆಗಾರ ದಯಾನಂದ್ ಟಿ.ಕೆ ಅವರ ಅದ್ಭುತ ಕಾಂಬಿನೇಷನ್ ಸ್ಯಾಂಡಲ್ವುಡ್ ನಲ್ಲಿ ಕುತೂಹಲ ಹುಟ್ಟಿಸಿದೆ. ಕಥೆಗಾರ ದಯಾನಂದ್ ಟಿ.ಕೆ ಅವರು ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಹಂಚಿಕೊಂಡಂತೆ ಇಂದು (12.06.2023) ಮಂಗಳವಾರ ಬೆಳಿಗ್ಗೆ 11.07 ಕ್ಕೆ ಟೈಟಲ್ ಮತ್ತು ಬಿಡುಗಡೆ ದಿನಾಂಕ ಹೊರಬಿದ್ದಿದೆ.

ಟೋಬಿ (Toby) ಹೆಸರಿನ ಸಿನೆಮಾದ ಫಸ್ಟ್ ಲುಕ್ ಚಿತ್ರದ ಬಗ್ಗೆ ಕುತೂಹಲ ಹೆಚ್ಚಿಸಿದೆ. ಟಗರಿನ ವಿಡಿಯೋ ಮೂಲಕ ಅದ್ಭುತ ಸಂಕಲನ ಮಾಡಿದ ಫಸ್ಟ್ ಲುಕ್ ನಲ್ಲಿ ಸಿನಿಮಾ ಬಗ್ಗೆ ಗಾಂಧಿನಗರದ ಮಂದಿಯ ಚರ್ಚೆ ಮತ್ತಷ್ಟು ರಂಗೇರಿದೆ‌.

ಸ್ಟಾರ್ ನಟ ನಿರ್ದೇಶಕ ಮತ್ತು ಸ್ಟಾರ್ ಕಥೆಗಾರನ ಕಾಂಬಿನೇಷನ್ ನ ಮೊದಲ ಸಿನಿಮಾ ಇದಾಗಿದ್ದು ಚಿತ್ರಕ್ಕೆ ವಚನ್ ಶೆಟ್ಟಿ ಮತ್ತು ರವಿ ರೈ ನಿರ್ಮಾಣದ ಹೊರೆ ಹೊತ್ತಿದ್ದಾರೆ. ರಾಜ್ ಬಿ ಶೆಟ್ಟಿ ಅವರ ಲೈಟರ್ಸ್ ಬುದ್ಧ ಫಿಲ್ಮ್ ಅಡಿಯಲ್ಲಿ ಸಿನಿಮಾ ಬರುತ್ತಿದ್ದು ಇದಕ್ಕೆ ಅಗಸ್ತ್ಯ ಫಿಲ್ಮ್ ಜಂಟಿಯಾಗಿ ಜವಾಬ್ದಾರಿ ಹೊತ್ತುಕೊಂಡಿದೆ.

ಮಾರಿ.. ಮಾರಿ.. ಮಾರಿಗೆ ದಾರಿ!
‘ಟೋಬಿ’ ಆಗಸ್ಟ್ 25ರಂದು ನಿಮ್ಮ ಮುಂದೆ 😊
Make way for Maari 💥
The beast that got the best out of us! Presenting to you, #TOBY

https://twitter.com/RajbShettyOMK/status/1668492950731653120?t=bHOWxQFWLD-mbKvHMdpvHg&s=19

ಮೇಲಿನ ಕ್ಯಾಪ್ಷನ್ ಮೂಲಕ ರಾಜ್ ಬಿ ಶೆಟ್ಟಿ ಸಿನೆಮಾದ ಫಸ್ಟ್ ಲುಕ್ಕನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಹಾಗೆಯೇ ತಮ್ಮ Instagram ಖಾತೆಯಲ್ಲಿ ಲೈವ್ ಮೂಲಕ ಸಿನಿಮಾ ಬಗ್ಗೆ ಹೆಚ್ಚಿನ ಅಪ್ಡೇಟ್ ನೀಡಿದ್ದಾರೆ.

https://www.instagram.com/tv/CtT2dbhBta7/?igshid=MzRlODBiNWFlZA==

‘ಟೋಬಿ’ ಆಗಸ್ಟ್ 25 ಕ್ಕೆ ತೆರೆಗೆ ಅಪ್ಪಳಿಸಲಿದೆ. ಉಳಿದ ಮಾಹಿತಿ ಸಧ್ಯದಲ್ಲೇ ಹೊರಬೀಳಲಿದೆ. ‘ಟೋಬಿ’ಗೆ ಅದ್ಭುತ ಯಶಸ್ಸು ಸಿಗಲೆಂದು ಪೀಪಲ್ ಟಿವಿ ಹಾರೈಸುತ್ತದೆ.