ಬೆಂಗಳೂರು,ಅಕ್ಟೋಬರ್.30: ಭಾರತದಿಂದ ಸುಮಾರು 42,000 ವಲಸಿಗರು ಅಕ್ಟೋಬರ್ 2022 ಮತ್ತು ಈ ವರ್ಷದ ಸೆಪ್ಟೆಂಬರ್ ನಡುವೆ ಮೆಕ್ಸಿಕೊದ ದಕ್ಷಿಣ ಗಡಿಯ ಮೂಲಕ ಯುನೈಟೆಡ್ ಸ್ಟೇಟ್ಸ್‌ಗೆ ಅಕ್ರಮವಾಗಿ ಪಲಾಯಣ ಮಾಡಿದ್ದಾರೆ ಎಂದು ಕಸ್ಟಮ್ಸ್ ಆಂಡ್ ಬಾರ್ಡರ್ ಪ್ರೊಟೆಕ್ಷನ್ ಏಜೆನ್ಸಿ ಮಾಹಿತಿ ನೀಡಿದೆ.
ಮೆಕ್ಸಿಕನ್ನರೇ ಅಮೇರಿಕಾ ಗಡಿಯೊಳಗೆ ಒಳನುಸುಳಲು ದೊಡ್ಡ ಗುಂಪುಗಳಾಗಿ ಉಳಿದಿರುವಾಗ, ಇಂತಹ ಭಾರತೀಯರ ಭಾರತೀಯರ ಸಂಖ್ಯೆ ಕೂಡ ಇತ್ತೀಚಿನ ವರ್ಷಗಳಲ್ಲಿ ಹೆಚ್ಚುತ್ತಿದೆ.
Customs and Border Protection agency ಮಾಹಿತಿಯ ಪ್ರಕಾರ, 41,770 ಭಾರತೀಯ ನಾಗರಿಕರು ದಕ್ಷಿಣದ ಗಡಿಯಿಂದ ಯುನೈಟೆಡ್ ಸ್ಟೇಟ್ಸ್‌ಗೆ ಅಕ್ರಮವಾಗಿ ಪ್ರವೇಶಿಸಿದ್ದಾರೆ, ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಮಾಡಿದ ಸಂಖ್ಯೆಗಿಂತ ಎರಡು ಪಟ್ಟು ಹೆಚ್ಚು.
ಇವರಲ್ಲಿ, 33,800 ಕ್ಕೂ ಹೆಚ್ಚು ಒಂಟಿ ವಯಸ್ಕರು ಮತ್ತು ಸುಮಾರು 7,250 ಮಂದಿ ಕುಟುಂಬ ಜೊತೆಗೆ, ಸುಮಾರು 700 ಮಂದಿ ಜೊತೆಗೆ ಯಾರೂ ಇಲ್ಲದ ಮಕ್ಕಳು, ಅಪ್ರಾಪ್ತರು ಸೇರಿದ್ದಾರೆ
ಅಕ್ಟೋಬರ್ 2022 ಮತ್ತು ಈ ವರ್ಷದ ಸೆಪ್ಟೆಂಬರ್ ನಡುವೆ, ಪ್ರತಿ ತಿಂಗಳು ಸುಮಾರು 2,000 ರಿಂದ 4,000 ಭಾರತೀಯರು ಯುನೈಟೆಡ್ ಸ್ಟೇಟ್ಸ್ ಅನ್ನು ಅಕ್ರಮವಾಗಿ ಪ್ರವೇಶಿಸಿದ್ದಾರೆ. ಏಪ್ರಿಲ್‌ನಲ್ಲಿ ಈ ಸಂಖ್ಯೆ 8,000 ಕ್ಕೆ ಏರಿತ್ತು.
ಸೆಪ್ಟೆಂಬರ್‌ನಲ್ಲಿ, ಕೆನಡಾದ ಗಡಿಯಿಂದ ಯುನೈಟೆಡ್ ಸ್ಟೇಟ್ಸ್‌ಗೆ ಅಕ್ರಮವಾಗಿ ಪ್ರವೇಶಿಸಿದ್ದಕ್ಕಾಗಿ 3,000 ಕ್ಕೂ ಹೆಚ್ಚು ಭಾರತೀಯರನ್ನು ಬಂಧಿಸಲಾಗಿದೆ.
