NEWSCLICK ವಿರುದ್ಧದ ಕಿರುಕುಳ ಖಂಡಿಸಿ 700ಕ್ಕೂ ಹೆಚ್ಚು ಶಿಕ್ಷಣ ತಜ್ಞರು ಮತ್ತು ನ್ಯಾಯಾಧೀಶರಿಂದ ಜಂಟಿ ಹೇಳಿಕೆ

ನವದೆಹಲಿ: 700 ನಾಗರಿಕರು, ಪತ್ರಕರ್ತರು, ಶಿಕ್ಷಣ ತಜ್ಞರು, ವಕೀಲರು, ಕಲಾವಿದರು, ಹಿರಿಯ ಪತ್ರಕರ್ತರು, ಶಿಕ್ಷಣ ತಜ್ಞರು, ವಕೀಲರು, ನ್ಯಾಯಾಧೀಶರು ಮತ್ತು ವಿಜ್ಞಾನಿಗಳು ಜನಪ್ರಿಯ ಸುದ್ದಿ ಪೋರ್ಟಲ್ ನ್ಯೂಸ್‌ಕ್ಲಿಕ್‌ ವಿರುದ್ಧ ಎಸಗಲಾಗುತ್ತಿರುವ ಕಿರುಕುಳವನ್ನು ತೀವ್ರವಾಗಿ ಖಂಡಿಸಿದ್ದಾರೆ.

ಈ ಕುರಿತು ಜಂಟಿ ಹೇಳಿಕೆ ಬಿಡುಗಡೆ ಮಾಡಲಾಗಿದೆ. ”ಸುದ್ದಿ ಬಳಗದ ವಿರುದ್ಧದ ಕಿರುಕುಳ ನಮ್ಮ ಸಂವಿಧಾನದಲ್ಲಿ ಪ್ರತಿಪಾದಿಸಿರುವ ಅಭಿವ್ಯಕ್ತಿ ಸ್ವಾತಂತ್ರ್ಯದ ಮೇಲಿನ ದಾಳಿಯಾಗಿದೆ. ಸರ್ಕಾರದ ವೈಫಲ್ಯಗಳ ಬಗ್ಗೆ ಓದುಗರಿಗೆ ತಿಳಿಸಿ ಮತ್ತು ಸರ್ಕಾರವನ್ನು ಹೊಣೆಗಾರರನ್ನಾಗಿ ಮಾಡಿದ್ದಕ್ಕಾಗಿ ಹೀಗೆ ಮಾಡುತ್ತಿರುವುದು ಪ್ರಜಾಪ್ರಭುತ್ವವಾದಿ ಸ್ವತಂತ್ರ ಪತ್ರಿಕೋದ್ಯಮದ ಆತ್ಮಸಾಕ್ಷಿಯ ಮೇಲಿನ ದಾಳಿ ಎಂದು ಹೇಳಿಕೆಯು ಟೀಕಿಸಿದೆ.

ಸಹಿ ಮಾಡಿದವರಲ್ಲಿ ಹಿರಿಯ ಪತ್ರಕರ್ತರಾದ ಜಾನ್ ದಯಾಳ್, ಎನ್. ರಾಮ್, ಪ್ರೇಮ್ ಶಂಕರ್ ಝಾ, ಸಿದ್ಧಾರ್ಥ್ ವರದರಾಜನ್, ಎಂ.ಕೆ. ವೇಣು, ಸುಧೀಂದ್ರ ಕುಲಕರ್ಣಿ, ಪಿ. ಸಾಯಿನಾಥ್, ವೈಷ್ಣ ರಾರು, ಬೆಜವಾಡ ವಿಲ್ಸನ್ (ರಾಷ್ಟ್ರೀಯ ಸಂಚಾಲಕ, ಸಫಾಯಿ ಕಾರಂಚರಿ ಆಂದೋಲನ) ಮತ್ತು ಅರುಣಾ ರಾರು (ಮಜ್ದೋ ರಾರು). ಕಿಸಾನ್ ಶಕ್ತಿ ಸಂಘಟನೆ), ಹಿರಿಯ ವಕೀಲ ಸಂಜರು ಹೆಗ್ಡೆ, ನ್ಯಾಯಮೂರ್ತಿ (ನಿವೃತ್ತ) ಕೆ.ಚಂದ್ರು, ಕಾಲಿನ್ ಗೊನ್ಸಾಲ್ವಿಸ್, ಪ್ರಶಾಂತ್ ಭೂಷಣ್, ಹರ್ಷ ಮಂದರ್, ಸೈಯದಾ ಹಮೀದ್ ಮತ್ತು ಇತರ ಗಣ್ಯರು ಸೇರಿದ್ದಾರೆ.

ನ್ಯೂಸ್‌ಕ್ಲಿಕ್ ಪ್ರಸ್ತುತ ಸರ್ಕಾರದ ನೀತಿಗಳು ಮತ್ತು ಕ್ರಮಗಳ ನಿರ್ಣಾಯಕ ಕವರೇಜ್ ಒದಗಿಸುತ್ತಿದೆ. “ಈ ಪೋರ್ಟಲ್ ನಮ್ಮ ಸಮಾಜದ ಅತ್ಯಂತ ತುಳಿತಕ್ಕೊಳಗಾದ‌ ಜನರು ಮತ್ತು ಶೋಷಿತ ವರ್ಗಗಳು, ಕಾರ್ಮಿಕರು ಮತ್ತು ರೈತರ ಹೋರಾಟಗಳನ್ನು ಕೇಂದ್ರವಾಗಿಟ್ಟುಕೊಂಡು ಕೆಲಸ ಮಾಡುತ್ತಿದೆ” ಎಂದು ಹೇಳಿಕೆ ತಿಳಿಸಿದೆ.

ನ್ಯೂಸ್‌ಕ್ಲಿಕ್ ಮೇಲಿನ ದಾಳಿಯು ನಮ್ಮ ಸಂವಿಧಾನವು ಖಾತರಿಪಡಿಸಿರುವ ಅಭಿವ್ಯಕ್ತಿ ಸ್ವಾತಂತ್ರ್ಯದ ಮೇಲಿನ ದಾಳಿಯಾಗಿದೆ. ಪ್ರಜಾಪ್ರಭುತ್ವದಲ್ಲಿ ಸ್ವತಂತ್ರ ಪತ್ರಿಕೋದ್ಯಮದ ಆತ್ಮಸಾಕ್ಷಿಯ ಪಾತ್ರದ ಮೇಲಿನ ದಾಳಿ. ಇದು ಅನ್ಯಾಯದ ವಿರುದ್ಧ ಹೋರಾಡಲು ಅನುವು ಮಾಡಿಕೊಡುವ ಮಾಹಿತಿ ಹಕ್ಕಿನ ಮೇಲಿನ ದಾಳಿಯಾಗಿದೆ. “ದುರದೃಷ್ಟವಶಾತ್, ಕಾರ್ಪೊರೇಟ್ ಸ್ವಾಮ್ಯದ ಮಾಧ್ಯಮದ ಯುಗದಲ್ಲಿ, ಕಾರ್ಪೊರೇಟ್ ಪ್ರಭಾವದಿಂದ ಮುಕ್ತವಾದ ಸ್ವತಂತ್ರ ಪತ್ರಿಕೋದ್ಯಮದ ಅವಕಾಶಗಳು ಕುಗ್ಗಿವೆ” ಎಂದು ಹೇಳಿಕೆ ತಿಳಿಸಿದೆ.

ಪ್ರಸ್ತುತ ನ್ಯೂಸ್‌ಕ್ಲಿಕ್ ವಿರುದ್ಧದ ಆರೋಪಗಳು ನ್ಯಾಯಾಲಯದಲ್ಲಿ ವಿಚಾರಣೆಗೆ ಒಳಪಡುತ್ತಿದ್ದರೂ ಕೂಡ ನ್ಯೂಸ್‌ಕ್ಲಿಕ್‌ನ ವಿರುದ್ಧ ಕಿಡಿಗೇಡಿ ಮಾಧ್ಯಮಗಳು ಕಾನೂನು ಕ್ರಮ ಜರುಗಿಸುತ್ತಿರುವುದು ಹೆಚ್ಚು ದುರದೃಷ್ಟಕರ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. ನ್ಯೂಸ್‌ಕ್ಲಿಕ್ ಮೇಲಿನ ದಾಳಿಯನ್ನು ಬಲವಾಗಿ ಪ್ರತಿಭಟಿಸುತ್ತೇವೆ ಮತ್ತು ಆ ಸಂಸ್ಥೆಗೆ ನಮ್ಮೆಲ್ಲರ ಬೆಂಬಲವಿದೆ ಎಂದು ಹೇಳಿಕೆ ತಿಳಿಸಿದೆ.