ಅಮೇರಿಕಾ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬಂಧನ, ಬಿಡುಗಡೆ

ಅಮೇರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಎಸಗಿದ ವಂಚನೆ ಆರೋಪದ ಮೇಲೆ ಅಮೇರಿಕಾ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬಂಧಿಸಲಾಗಿದೆ. 2020ರ ಅಧ್ಯಕ್ಷೀಯ ಚುನಾವಣೆ ವೇಳೆ ಅಧಿಕಾರ ದುರ್ಬಳಕೆ ಆರೋಪ ಕೇಳಿಬಂದಿತ್ತು. ಪಿತೂರಿ, ವಂಚನೆ ಯತ್ನ ಸೇರಿದಂತೆ 13 ಪ್ರಕರಣಗಳು ದಾಖಲಾಗಿದ್ದವು.

13 ಪ್ರಕರಣಗಳ ಅಡಿಯಲ್ಲಿ ಕೇಳಿ ಬಂದ ಆರೋಪದ ಹಿನ್ನೆಲೆಯಲ್ಲಿ ಜಾರ್ಜಿಯಾ ಪೊಲೀಸರು ಔಪಚಾರಿಕವಾಗಿ ಟ್ರಂಪ್ ಅವ​ರನ್ನು​​​​​​ ಬಂಧಿಸಿ ಬಿಡುಗಡೆ ಮಾಡಲಾಗಿದೆ. ಬಂಧನದ ನಂತರ 200,000 ಡಾಲರ್ ಮೌಲ್ಯದ​​ ಬಾಂಡ್​​​ ಶ್ಯೂರಿಟಿ ನೀಡಿದ ಬಳಿಕ ಜಾಮೀನಿನ ಬಿಡುಗಡೆ ಮಾಡಲಾಗಿದೆ ಎಂದು ಅಂತರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿವೆ.

ಅವರನ್ನು ಸುಮಾರು 20 ನಿಮಿಷಗಳ ಕಾಲ ಜೈಲಿನೊಳಗೆ ಇಡಲಾಗಿತ್ತು. ಅಮೆರಿಕ ಇತಿಹಾಸದಲ್ಲೇ ಅಧ್ಯಕ್ಷ ಸ್ಥಾನಕ್ಕೇರಿದ ವ್ಯಕ್ತಿಯೋರ್ವ ಮೊದಲ ಬಾರಿ ಜೈಲು ಸೇರಿ ಬಿಡುಗಡೆಯಾದಂತಾಗಿದೆ.

ಕಳೆದ ಏಪ್ರಿಲ್ ಇಂದ ಇಲ್ಲಿಯತನಕ ಅವರು ನಾಲ್ಕು ಬಾರಿ ಹಲವು ಕ್ರಿಮಿನಲ್ ದೋಷಾರೋಪನೆಗೆ ಒಳಗಾಗಿದ್ದಾರೆ. ಅಮೇರಿಕಾದ ನ್ಯೂಯಾರ್ಕ್ ನಲ್ಲಿ ನೀಲಿ ಚಿತ್ರದ ನಟಿಗೆ ಹಣ ಪಾವತಿಸಿದ ಆರೋಪ ಕೂಡ ಟ್ರಂಪ್ ಮೇಲಿತ್ತು. ಫ್ಲೋರಿಡಾದಲ್ಲಿ ಸರ್ಕಾರದ ರಹಸ್ಯ ದಾಖಲೆಗಳನ್ನು ಬೇರೆಡೆ ಸಾಗಿಸಿದ ಆರೋಪ ಕೂಡ ಟ್ರಂಪ್ ರವರು ಎದುರಿಸುತ್ತಿದ್ದಾರೆ.

ತಮ್ಮನ್ನು ಬಂಧಿಸಿದ ನಂತರ ಸುದ್ದಿಗಾರರೊಂದಿಗೆ ಟ್ರಂಪ್ ಮಾತನಾಡಿದ್ದರು. ಇದು ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಬಹಳ ದುಃಖದ ದಿನ ಇವತ್ತು ಇಲ್ಲಿ ನಡೆದಿರುವುದು ನ್ಯಾಯದ ಅಣಕವಾಗಿದೆ. ನಾನು ಯಾವುದೇ ತಪ್ಪು ಮಾಡಿಲ್ಲ ಎಂದು ಅವರು ತಮ್ಮನ್ನು ಸಮರ್ಥಿಸಿಕೊಂಡಿದ್ದಾರೆ.