ಭೀಕರ ದುರಂತ| ಪಪುವಾ ನ್ಯೂಗಿನಿಯಾದಲ್ಲಿ 2,000 ಮಂದಿ ಸಜೀವ ಸಮಾಧಿ

ಪಪುವಾ ನ್ಯೂಗಿನಿಯಾದಲ್ಲಿ ಸಂಭವಿಸಿದ ಭೂಕುಸಿತದಲ್ಲಿ ಜೀವಂತ ಸಮಾಧಿಯಾದವರ ಸಂಖ್ಯೆ ಎರಡು ಸಾವಿರಕ್ಕೆ ಏರಿದೆ.

ಭೂಕುಸಿತ ಘಟನೆಯಲ್ಲಿ 2,000 ಜನರು ಜೀವಂತ ಸಮಾಧಿಯಾಗಿದ್ದಾರೆ ಎಂದು ಆ ದೇಶದ ರಾಷ್ಟ್ರೀಯ ವಿಪತ್ತು ಕೇಂದ್ರದಿಂದ ಯುಎನ್ ಕಚೇರಿಗೆ ಮಾಹಿತಿ ತಿಳಿಸಿದೆ. ಸೋಮವಾರ ಬೆಳಗ್ಗೆ ಆ ಕಚೇರಿಗೆ ಈ ಕುರಿತು ಪತ್ರ ಕಳುಹಿಸಲಾಗಿದೆ. ಸುಮಾರು 200 ಚದರ ಕಿಲೋಮೀಟರ್ ಪ್ರದೇಶದಲ್ಲಿ ಈ ದುರಂತ ಸಂಭವಿಸಿದೆ. ಕೆಲವೆಡೆ 8 ಮೀಟರ್‌ ಎತ್ತರದ ಅವಶೇಷಗಳ ರಾಶಿ ಬಿದ್ದಿರುವುದು ಕಂಡು ಬರುತ್ತಿದೆ.

ಇನ್ನೂ ಹಲವೆಡೆ ಭೂಕುಸಿತ ಸಂಭವಿಸುತ್ತಿರುವುದರಿಂದ ಅವಶೇಷಗಳಡಿ ಸಿಲುಕಿರುವ ಗಾಯಾಳುಗಳ ಜೀವ ಹಾಗೂ ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿರುವ ತಂಡಗಳಿಗೆ ಸವಾಲಾಗಿ ಪರಿಣಮಿಸಿದೆ. ಪರಿಹಾರ ಕಾರ್ಯಾಚರಣೆಯಲ್ಲಿ ಭಾಗವಹಿಸಲು ಸೇನೆ ಮತ್ತು ಇತರ ತಂಡಗಳನ್ನು ಸಹ ಸಿದ್ಧಪಡಿಸಲಾಗಿದೆ. ಮಿತ್ರಪಕ್ಷಗಳು ನೀಡುವ ನೆರವನ್ನು ವಿಪತ್ತು ಕೇಂದ್ರದ ಮೂಲಕ ಸಮನ್ವಯಗೊಳಿಸಲಾಗುವುದು ಎಂದು ಸರ್ಕಾರ ಹೇಳಿದೆ.

ಶುಕ್ರವಾರ ಮುಂಜಾನೆ ಈ ದೇಶದ ಎಂಗಾ ಪ್ರಾಂತ್ಯದ ಯಂಬಲಿ ಗ್ರಾಮದ ಮೌಂಟ್ ಮುಂಗಾಲ ಎನ್ನುವಲ್ಲಿ ಭೂಕುಸಿತ ಸಂಭವಿಸಿದೆ. ಈ ಇದರಿಂದಾಗಿ ಆ ಪ್ರಾಂತ್ಯದ ಅನೇಕ ಪ್ರದೇಶಗಳು ನಾಶವಾದವು. ಹತ್ತಾರು ಮನೆಗಳು ಧ್ವಂಸವಾಗಿವೆ ಎಂದು ಮೊದಲಿಗೆ ಭಾವಿಸಲಾಗಿತ್ತು. ಆದರೆ, ಬೃಹತ್ ಕಟ್ಟಡಗಳು ಮತ್ತು ಬೆಳೆಗಳು ಸಹ ಅವುಗಳ ಅಡಿಯಲ್ಲಿ ಸಿಲುಕಿಕೊಂಡಿವೆ. ಈ ಅಪಾಯವು ದೇಶದ ಆರ್ಥಿಕ ಪರಿಸ್ಥಿತಿಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವ ಸಾಧ್ಯತೆಯಿದೆ. ಘಟನೆಯಲ್ಲಿ ಪೊರ್ಗೇರಾ ಗಣಿಗೆ ಹೋಗುವ ಪ್ರಮುಖ ರಾಷ್ಟ್ರೀಯ ಹೆದ್ದಾರಿ ತೀವ್ರ ಹಾನಿಯಾಗಿದೆ. ಪರಿಣಾಮವಾಗಿ, ಸಾರಿಗೆಯಲ್ಲಿ ತೊಂದರೆಗಳು ಉಂಟಾಗಿವೆ.