ಇಂಗ್ಲಿಷ್‌ ವಿಷಯದಲ್ಲಿ ಡಾಕ್ಟರೇಟ್ ಪಡೆದ ಮೊದಲ ಟ್ರಾನ್ಸ್‌ಜೆಂಡರ್ ಆಗಿ ಹೊರಹೊಮ್ಮಿದ ಜೆನ್ಸಿ

ಚೆನ್ನೈ: ತಾನು ಚೆನ್ನಾಗಿ ಓದಿದರೆ ಸಮಾಜ ತನ್ನನ್ನು ಕೀಳಾಗಿ ಕಾಣುವ ಜನರ ಪ್ರವೃತ್ತಿ ಬದಲಾಗುತ್ತದೆ ಎನ್ನುವುದು ಆ ಟ್ರಾನ್ಸ್‌ಜೆಂಡರ್‌ ನಂಬಿಕೆಯಾಗಿತ್ತು.

ಅಂತೆಯೇ ಅವರು ಕಷ್ಟಪಟ್ಟು ಅಧ್ಯಯನ ಮಾಡಿ ಇಂಗ್ಲಿಷ್ ವಿಭಾಗದಲ್ಲಿ ದೇಶದ ಮೊದಲ ಡಾಕ್ಟರೇಟ್ ಪಡೆದರು ಮತ್ತು ಇದೀಗ ರಾಶಿ ರಾಶಿ ಅಭಿನಂದನೆಗಳನ್ನು ಪಡೆಯುತ್ತಿದ್ದಾರೆ. ಅವರು ತಮಿಳುನಾಡಿನ ಜೆನ್ಸಿ. ತಿರುತ್ತಣಿಯ ಆರ್‌ಕೆಪೇಟೆಯ ಪುದೂರಿನವರು. ಅವರು ತಮ್ಮ ಹಳ್ಳಿಯಲ್ಲಿ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದರು.

ನಂತರ, ಅವರು ತಿರುತ್ತಣಿಯ ಸುಬ್ರಹ್ಮಣ್ಯಸ್ವಾಮಿ ಕಲಾ ಮತ್ತು ವಿಜ್ಞಾನ ಕಾಲೇಜಿನಲ್ಲಿ ಯುಜಿ ಮಾಡಿದರು ಮತ್ತು ಚೆನ್ನೈನ ವ್ಯಾಸರ್ಪಾಡಿಯಲ್ಲಿರುವ ಅಂಬೇಡ್ಕರ್ ಸರ್ಕಾರಿ ಕಲಾ ಕಾಲೇಜಿನಿಂದ ಎಂಎ ಮತ್ತು ಎಂಫಿಲ್‌ನಲ್ಲಿ ಚಿನ್ನದ ಪದಕವನ್ನು ಪಡೆದರು. ನಂತರ, ಅವರು ಚೆನ್ನೈನ ಲೊಯೊಲಾ ಕಾಲೇಜಿನಿಂದ ಇಂಗ್ಲಿಷ್‌ನಲ್ಲಿ ಡಾಕ್ಟರೇಟ್ ಪಡೆದರು ಮತ್ತು ಅದೇ ಕಾಲೇಜಿನಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ನೇಮಕಗೊಂಡರು.

ಈ ಸಂದರ್ಭದಲ್ಲಿ, ಅವರು ಸೋಮವಾರ ತಮಿಳುನಾಡು ಮುಖ್ಯಮಂತ್ರಿ ಸ್ಟಾಲಿನ್ ಅವರನ್ನು ತನ್ನ ಕಚೇರಿಯಲ್ಲಿ ಭೇಟಿಯಾದರು. ಸ್ಟಾಲಿನ್ ಅವರಿಗೆ ಶುಭ ಹಾರೈಸಿದರು.

ನಂತರ, ಜೆನ್ಸಿ ಹೇಳಿದರು, “ಬಾಲ್ಯದಲ್ಲಿ ಹುಡುಗನಾಗಿದ್ದಾಗ ನನ್ನಲ್ಲಿನ ಬದಲಾವಣೆಗಳನ್ನು ಗಮನಿಸಿದ ನನ್ನ ಪೋಷಕರು ಮನೆಯಲ್ಲಿ ನನ್ನನ್ನು ಸ್ವೀಕರಿಸಲು ನಿರಾಕರಿಸಿದರು. ಸಮಾಜವು ಟ್ರಾನ್ಸ್‌ಜೆಂಡರ್‌ಗಳನ್ನು ಹೇಗೆ ನೋಡುತ್ತದೆ ಎಂದು ನನಗೆ ತಿಳಿದಿದೆ. ಇದೇ ಕಾರಣಕ್ಕಾಗಿ ಉತ್ತಮ ಸ್ಥಾನಕ್ಕೆ ಬರುವ ಗುರಿಯನ್ನು ಹೊಂದಿದ್ದೆ. ಹಲವರ ಸಹಾಯದಿಂದ, ಉನ್ನತ ಶಿಕ್ಷಣವನ್ನು ಪೂರ್ಣಗೊಳಿಸಿದೆ. ಇಂಗ್ಲಿಷ್ ವಿಭಾಗದಲ್ಲಿ ಡಾಕ್ಟರೇಟ್ ಪಡೆದ ದೇಶದ ಮೊದಲ ಟ್ರಾನ್ಸ್ಜೆಂಡರ್ ಆಗಿರುವುದು ಹೆಮ್ಮೆಯ ವಿಷಯ. ಶಿಕ್ಷಣ ಮಾತ್ರ ಜೀವನದಲ್ಲಿ ಬದಲಾವಣೆಯನ್ನು ತರಬಲ್ಲದು.”