ವರ್ಲ್ಡ್ ಕಪ್ T20 ವೆಸ್ಟ್ ಇಂಡೀಸ್ ಗೆ ನಿರಾಯಾಸದ ಜಯ

ಬೆಲ್ಲೆರಿವೆ: ಇಂದು ನಡೆದ ICC ವರ್ಲ್ಟ್ ಕಪ್ T20ಯ ವೆಸ್ಟ್ ಇಂಡೀಸ್ ಜಿಂಬಾಬ್ವೆ ನಡುವಿನ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡ ಸುಲಭವಾಗಿ ಜಯ ಸಾಧಿಸಿದೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ವೆಸ್ಟ್ ಇಂಡೀಸ್ 20 ಓವರ್ ಗಳಲ್ಲಿ 153 ರನ್‌ಗಳನ್ನ ಪಡೆಯಿತು. ಉತ್ತಮವಾಗಿ ಆಟ ಪ್ರದರ್ಶಿಸಿದ ಜಾನ್ಸನ್ ಚಾರ್ಲ್ಸ್ ವೈಯಕ್ತಿಕ 45 ರನ್ ಪಡೆದದ್ದು ತಂಡಕ್ಕೆ ಉತ್ತಮ‌ಕೊಡುಗೆ ಎನ್ನಬಹುದು.

153 ರನ್ ಗಳ ಗುರಿಯನ್ನ ಬೆನ್ನು ಹತ್ತಿದ ಜಿಂಬಾಬ್ವೆ ತಂಡ 18.3 ಓವರ್ ಗಳಿಗೆ ತನ್ನೆಲ್ಲಾ ವಿಕೇಟ್ ಗಳನ್ನ ಕಳೆದುಕೊಂಡು ಕೇವಲ 122 ರನ್ ಪಡೆಯಲಷ್ಟೇ ಶಕ್ತವಾಯಿತು.

ಇಡೀ ಜಿಂಬಾಬ್ವೆ ತಂಡದ ಯಾವುದೇ ಆಟಗಾರ 30 ರನ್ ಗಳ ಗಡಿಯನ್ನು ದಾಟದೆ ಹೋದದ್ದು ಇವರ ಸೋಲಿಗೆ ಪ್ರಮುಖ ಕಾರಣ. ಮೊದಲ ಐದು ಓವರ್ ತನಕ ಉತ್ತಮ ಪ್ರದರ್ಶನವನ್ನೇ ನೀಡಿದ್ದರಾದರೂ ಮೂರು ವಿಕೇಟ್ ಗಳನ್ನು ಕಳೆದುಕೊಂಡ ನಂತರ ಒಬ್ಬರ ಹಿಂದೆ ಮತ್ತೊಬ್ಬರಂತೆ ಪೆವಿಲಿಯನ್ ಹಾದಿ ಹಿಡಿದರು. ಇದರೊಂದಿಗೆ ತಂಡ ಸೋಲನ್ನ ಅನುಭವಿಸಬೇಕಾಯಿತು.