SC Atrocity Cases 2022 | ದಲಿತರ ಮೇಲಿನ ದೌರ್ಜನ್ಯ ಈ 13 ರಾಜ್ಯಗಳಲ್ಲೇ ಹೆಚ್ಚು! ಪಟ್ಟಿಯಲ್ಲಿ ಕರ್ನಾಟಕಕ್ಕೂ ಸ್ಥಾನ!

ಹೊಸದಿಲ್ಲಿ, ಸೆಪ್ಟೆಂಬರ್ 23: 2022ರಲ್ಲಿ ದೇಶದಲ್ಲಿ ಪರಿಶಿಷ್ಟ ಜಾತಿಗಳ ಮೇಲಿನ ದೌರ್ಜನ್ಯ ಪ್ರಕರಣಗಳಲ್ಲಿ ಶೇಕಡಾ 97.7ರಷ್ಟು 13 ರಾಜ್ಯಗಳಲ್ಲಿಯೇ ದಾಖಲಾಗಿವೆ.

ಇವುಗಳಲ್ಲಿ ಯುಪಿ ಅಗ್ರಸ್ಥಾನದಲ್ಲಿದೆ, ನಂತರದ ಸ್ಥಾನದಲ್ಲಿ ರಾಜಸ್ಥಾನ ಮತ್ತು ಮಧ್ಯಪ್ರದೇಶವಿದೆ ಎಂದು ಸರ್ಕಾರದ ವರದಿ ತಿಳಿಸಿದೆ. ಅದೇ ಸಮಯದಲ್ಲಿ, 2020ಕ್ಕೆ ಹೋಲಿಸಿದರೆ, ಆ ವರ್ಷದ ಪ್ರಕರಣಗಳಲ್ಲಿ ಶಿಕ್ಷೆಗೊಳಗಾದವರ ಸಂಖ್ಯೆಯು 39.2 ರಿಂದ 32.4 ಪ್ರತಿಶತಕ್ಕೆ ಇಳಿದಿದೆ. ಅಲ್ಲದೆ, ಸರ್ಕಾರದ ಇತ್ತೀಚಿನ ವರದಿಯ ಪ್ರಕಾರ, 2022ರಲ್ಲಿ ದೇಶದಲ್ಲಿ 98.91ರಷ್ಟು ಎಸ್‌ಟಿಗಳ ಮೇಲಿನ ದೌರ್ಜನ್ಯಗಳು ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ (ದೌರ್ಜನ್ಯ ತಡೆ) ಕಾಯ್ದೆಯಡಿ 13 ರಾಜ್ಯಗಳಲ್ಲಿ ದಾಖಲಾಗಿವೆ.

2022ರಲ್ಲಿ ಪರಿಶಿಷ್ಟ ಜಾತಿಗಳ ಮೇಲಿನ ದೌರ್ಜನ್ಯದ ವಿರುದ್ಧ ದಾಖಲಾದ ಒಟ್ಟು 52,886 ಪ್ರಕರಣಗಳಲ್ಲಿ, ಈ 13 ರಾಜ್ಯಗಳಲ್ಲಿ 51,656 ಪ್ರಕರಣಗಳು ವರದಿಯಾಗಿವೆ. ಈ ಪೈಕಿ ಉತ್ತರ ಪ್ರದೇಶದಲ್ಲಿ 12,287 (ಶೇ.23.78), ರಾಜಸ್ಥಾನದಲ್ಲಿ 8,651 (ಶೇ.16.75), ಮಧ್ಯಪ್ರದೇಶದಲ್ಲಿ 7,732 (ಶೇ.14.97), ಬಿಹಾರದಲ್ಲಿ 6,799 (ಶೇ.13.16), ಮಹಾರಾಷ್ಟ್ರದಲ್ಲಿ 3,576 (ಶೇ.6.93) ಪ್ರಕರಣಗಳು ವರದಿಯಾಗಿವೆ. 2022ರಲ್ಲಿ, ST ಸಮುದಾಯಗಳ ಮೇಲಿನ ದೌರ್ಜನ್ಯಕ್ಕೆ ಸಂಬಂಧಿಸಿದ ಒಟ್ಟು ಪ್ರಕರಣಗಳ ಸಂಖ್ಯೆ 9,735ರಷ್ಟಿದ್ದರೆ, ಮಧ್ಯಪ್ರದೇಶದಲ್ಲಿ 2,979 (30.61%) ಪ್ರಕರಣಗಳು ವರದಿಯಾಗಿವೆ.

ಪ್ರಕರಣಗಳ ಕುರಿತಾದ ಕೇಂದ್ರ ಸರ್ಕಾರದ ಪೂರ್ಣ ವರದಿಗಾಗಿ ಈ ಕೊಂಡಿಯ ಮೇಲೆ ಕ್ಲಿಕ್‌ ಮಾಡಿ: https://socialjustice.gov.in/writereaddata/UploadFile/62901726565718.pdf