ಡಿಜಿಟಲ್ ದಬ್ಬಾಳಿಕೆಯಡಿ ಭಾರತ!: ಅನ್‌ಫ್ರೀಡಮ್ ಮಾನಿಟರ್ ವರದಿಯಲ್ಲಿ ಬಹಿರಂಗ

ಹೊಸದಿಲ್ಲಿ, ಆಗಸ್ಟ್ 20: ಭಾರತವು ‘ಡಿಜಿಟಲ್ ದೌರ್ಜನ್ಯ’ದಡಿಯಲ್ಲಿದೆ ಎಂದು ಹೊಸ ವರದಿಯೊಂದು ಹೇಳಿದೆ. ಸರ್ಕಾರಗಳು ಈ ರೀತಿಯ ನಿರಂಕುಶಾಧಿಕಾರವನ್ನು ಉತ್ತೇಜಿಸುತ್ತಿರುವ ದೇಶಗಳ ಪಟ್ಟಿಯಲ್ಲಿ ಭಾರತವೂ ಇದೆ ಎಂದು ಅದು ಹೇಳಿದೆ.

ಸೆನ್ಸಾರ್‌ಶಿಪ್ ವಿರೋಧಿ ನೆಟ್‌ವರ್ಕ್ ‘ಅನ್‌ಫ್ರೀಡಮ್ ಮಾನಿಟರ್’ ವರದಿಯಲ್ಲಿ ‘ಗ್ಲೋಬಲ್ ವಾಯ್ಸ್ ಅಡ್ವೊಕಸಿ’ Anty ಸೆನ್ಸಾರ್‌ಶಿಪ್ ನೆಟ್‌ವರ್ಕ್
ಸಂಸ್ಥೆಯು ನಾಗರಿಕರಿಗೆ ಇಂಟರ್ನೆಟ್ ಪ್ರವೇಶವನ್ನು ನಿಯಂತ್ರಿಸುವುದು, ಆಡಳಿತವನ್ನು ವಿಮರ್ಶಿಸುವ ಪತ್ರಕರ್ತರನ್ನು ಸರ್ಕಾರದ ವಿರೋಧಿ ಎಂದು ಹೆಸರಿಸುವುದು ಮತ್ತು ಅವರ ವಿರುದ್ಧ ದೌರ್ಜನ್ಯದ ಕ್ರಮಗಳನ್ನು ಕೈಗೊಳ್ಳುವುದನ್ನು ಆಶ್ರಯಿಸುತ್ತಿದೆ ಎಂದು ಹೇಳಿದೆ.

ಅಂತರ್ಜಾಲ ವೇದಿಕೆಯಲ್ಲಿ ರಾಜಕೀಯ ವಿರೋಧಿಗಳ ವಿರುದ್ಧ ಅಮಾನವೀಯ ಕೃತ್ಯಗಳ ಎನ್ನುವ ವಿಷಯದಡಿ ಇದನ್ನು ಹೇಳಲಾಗಿದೆ. ಸಂಸ್ಥೆಯು ಇದಕ್ಕಾಗಿ ಭಾರತ ಸೇರಿದಂತೆ 20 ದೇಶಗಳನ್ನು ಅಧ್ಯಯನ ಮಾಡಿದೆ.

ಭಾರತದ ಜೊತೆಗೆ, ಬ್ರೆಜಿಲ್, ಈಕ್ವೆಡಾರ್, ಈಜಿಪ್ಟ್, ರಷ್ಯಾ, ಮ್ಯಾನ್ಮಾರ್, ಟರ್ಕಿ ಮತ್ತು ಇತರ ದೇಶಗಳಲ್ಲಿ ನಿರಂಕುಶಾಧಿಕಾರದ ಡಿಜಿಟಲ್ ರೂಪವನ್ನು ಅಧ್ಯಯನ ಮಾಡಲಾಗಿದೆ.

ಸರ್ಕಾರದ ನೀತಿಗಳು, ಮಾನವ ಹಕ್ಕುಗಳ ಅನುಷ್ಠಾನ, ವಿವಿಧ ಸೂಚ್ಯಂಕಗಳಲ್ಲಿನ ಶ್ರೇಣಿಗಳು, ಕಣ್ಗಾವಲು ತಂತ್ರಜ್ಞಾನಗಳ ಬಳಕೆ ಮತ್ತು ಸಂವಹನಗಳ ಆಧಾರದ ಮೇಲೆ ವರದಿಯನ್ನು ಸಿದ್ಧಪಡಿಸಲಾಗಿದೆ.

ಡಿಜಿಟಲ್ ದಬ್ಬಾಳಿಕೆ ಎಂದರೆ ದಮನಕಾರಿ ರಾಜಕೀಯ ಉದ್ದೇಶಗಳಿಗಾಗಿ ತಂತ್ರಜ್ಞಾನವನ್ನು ಬಳಸುವುದು.

ಪ್ರಧಾನಿ ಮೋದಿ ಮತ್ತು ಭಾರತದಲ್ಲಿನ ಬಿಜೆಪಿ ನಾಯಕರು ತಮ್ಮ ಪ್ರಚಾರಕ್ಕಾಗಿ ಮತ್ತು ರಾಜಕೀಯ ವಿರೋಧಿಗಳು ಮತ್ತು ಧಾರ್ಮಿಕ ಅಲ್ಪಸಂಖ್ಯಾತರನ್ನು ಟ್ರೋಲ್ ಮಾಡಲು ಸಾಮಾಜಿಕ ಮಾಧ್ಯಮವನ್ನು ಬಳಸುತ್ತಿದ್ದಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಸಾರ್ವಜನಿಕ ಗಲಭೆಗಳ ಹಿನ್ನೆಲೆಯಲ್ಲಿ ದೇಶದ ವಿವಿಧ ಭಾಗಗಳಲ್ಲಿ ಅಂತರ್ಜಾಲದ ಮೇಲೆ ನಿರ್ಬಂಧಗಳನ್ನು ಹೇರಲಾಗುತ್ತದೆ ಎಂದು ವರದಿಯು ಗಮನಸೆಳೆದಿದೆ. ವಿಮರ್ಶಾತ್ಮಕ ಪತ್ರಕರ್ತರನ್ನು ಸರ್ಕಾರದ ವಿರೋಧಿ ಎಂದು ಬಿಂಬಿಸುವ ದೇಶಗಳಲ್ಲಿ ಭಾರತವೂ ಸೇರಿದೆ ಎಂದು ವರದಿ ಬಹಿರಂಗಪಡಿಸಿದೆ.

ರಾಷ್ಟ್ರೀಯ ಭದ್ರತೆಯ ಹೆಸರಿನಲ್ಲಿ, ಅಂತರ್ಜಾಲವನ್ನು ನಿಯಂತ್ರಿಸಲು ಕಾನೂನು ರೂಪಿಸುತ್ತಿರುವ ದೇಶಗಳ ಪಟ್ಟಿಯಲ್ಲಿ ಭಾರತವೂ ಇದೆ. ಆಡಳಿತಗಾರರು ಮಾಧ್ಯಮ ಮತ್ತು ಇತರ ಸಂವಹನ ತಂತ್ರಜ್ಞಾನಗಳೊಂದಿಗೆ ಸಂಪರ್ಕವನ್ನು ಹೊಂದಿದ್ದಾರೆ ಮತ್ತು ತಮ್ಮ ಪ್ರಚಾರದ ಉದ್ದೇಶಗಳನ್ನು ಮುನ್ನಡೆಸಲು ಅವುಗಳನ್ನು ಬಳಸುತ್ತಾರೆ ಎಂದು ಅದು ಹೇಳುತ್ತದೆ.

ಅದೇ ಸಮಯದಲ್ಲಿ, ಅವರು ಸತ್ಯಗಳನ್ನು ಮರೆಮಾಡಲು, ದುರುಪಯೋಗಗಳನ್ನು ಮುಚ್ಚಿಡಲು ಮತ್ತು ಅಧಿಕಾರವನ್ನು ಉಳಿಸಿಕೊಳ್ಳಲು ಇತರರಿಗೆ ಅಂತರ್ಜಾಲಕ್ಕೆ ಪ್ರವೇಶವನ್ನು ನಿರ್ಬಂಧಿಸುತ್ತಿದ್ದಾರೆ ಎಂದು ವರದಿ ಹೇಳಿದೆ.