ಗುಜರಾತ್‌ ಚುನಾವಣಾ ಸಮೀಕ್ಷೆ: ಒಂದು ರಾಜ್ಯದ ಚುನಾವಣೆಗೂ ಇನ್ನೊಂದು ರಾಜ್ಯದ ಚುನಾವಣೆಗೂ ಸಂಬಂಧವಿಲ್ಲ – ಸಿದ್ದರಾಮಯ್ಯ

ಬೆಂಗಳೂರು: ಗುಜರಾತ್‌ ಚುನಾವಣಾ ಫಲಿತಾಂಶವು ಮುಂದಿನ ವರ್ಷ ಏಪ್ರೀಲ್‌- ಮೇ ವೇಳೆಗೆ ಕರ್ನಾಟಕದಲ್ಲಿ ನಡೆಯಲಿರುವ ಚುನಾವಣಾ ಫಲಿತಂಶದ ಸೂಚಕವಾಗಿದೆ ಎಂಬ ವಾದವನ್ನು ತಳ್ಳಿಹಾಕಿದ ಕಾಂಗ್ರೆಸ್‌ ಪಕ್ಷದ ಹಿರಿಯ ನಾಯಕ ಸಿದ್ದರಾಮಯ್ಯನವರು,ಒಂದು ರಾಜ್ಯದ ಚುನಾವಣೆಗೂ ಇನ್ನೊಂದು ರಾಜ್ಯದ ಚುನಾವಣೆಗೂ ಸಂಬಂಧವಿಲ್ಲ. ಈ ಚುನಾವಣೆಗಳಲ್ಲಿ ಸ್ಥಳೀಯ ವಿಷಯಗಳು ಮೇಲುಗೈ ಸಾಧಿಸುತ್ತವೆ ಎಂದು ಮಂಗಳವಾರ ಹೇಳಿದ್ದಾರೆ.

ಗುಜರಾತ್‌ ಚುನಾವಣೋತ್ತರ ಸಮೀಕ್ಷೆ ಫಲಿತಾಂಶದ ಬಗ್ಗೆ ಪ್ರತಿಕ್ರಿಯಿಸಿ ಮಾತನಾಡಿರುವ ಸಿದ್ದರಾಮಯ್ಯ ಅವರು, ʼಡಿಸೆಂಬರ್ 8 ರಂದು ಫಲಿತಾಂಶಗಳು ಯಾವಾಗ ಹೊರಬೀಳುತ್ತವೆ ಎಂದು ನೋಡೋಣ. ಕೆಲವು ವಾಹಿನಿಗಳು ಹಿಮಾಚಲ ಪ್ರದೇಶದಲ್ಲಿ ಕಾಂಗ್ರೆಸ್ ಮುನ್ನಡೆ ಸಾಧಿಸುತ್ತಿದೆ, ಇನ್ನು ಕೆಲವು ವಾಹಿನಿಗಳು ಬಿಜೆಪಿ ಎಂದು ಹೇಳುತ್ತಿವೆ. ಹೀಗಾಗಿ ಯಾರು ಮುನ್ನಡೆ ಸಾಧಿಸಿದ್ದಾರೆ ಎಂದು ಹೇಳುವುದು ಕಷ್ಟ. ಏಕೆಂದರೆ ಯಾವುದೇ ಚುನಾವಣೆಯಲ್ಲೂ ಕೂಡ ನಾವು ಜನರ ಜನಾದೇಶವನ್ನು ಒಪ್ಪಿಕೊಳ್ಳಬೇಕಾಗುತ್ತದೆʼ ಎಂದು ಹೇಳಿದ್ದಾರೆ.

ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಗುಜರಾತ್ ಚುನಾವಣಾ ಫಲಿತಾಂಶವು ಕರ್ನಾಟಕದ ಚುನಾವಣಾ ಫಲಿತಾಂಶದ ಸೂಚಕವಾಗಲಿದೆ ಎಂಬ ವಾದವನ್ನು ತಳ್ಳಿಹಾಕಿದರು. ನಂತರ ಬಿಜೆಪಿ ಗೆಲ್ಲದೆ ಪಂಜಾಬ್ ಚುನಾವಣಾ ಫಲಿತಾಂಶ ಏನು? ಎನ್ನುವುದನ್ನು ಏಕೆ ನಿರ್ಧರಿಸಬೇಕೆಂದು ಪ್ರಶ್ನಿಸಿದ್ದಾರೆ.

ʼಸ್ಥಳೀಯ ಸಮಸ್ಯೆಗಳು, ಆಡಳಿತ ಮತ್ತು ಜನರ ಭಾವನೆಗಳು ಭಿನ್ನವಾಗಿರುವುದರಿಂದ ಒಂದು ರಾಜ್ಯದ ಚುನಾವಣೆಗೂ ಇನ್ನೊಂದು ರಾಜ್ಯದ ಚುನಾವಣೆಗೂ ಯಾವುದೇ ಸಂಬಂಧವಿಲ್ಲ. ಸಂಸತ್ ಚುನಾವಣೆಯಲ್ಲಿ ಇದು ವಿಭಿನ್ನ ಆಟವಾಗಿದೆ, ಏಕೆಂದರೆ ರಾಷ್ಟ್ರೀಯ ವಿಷಯಗಳು ಅಲ್ಲಿ ಪ್ರಾಬಲ್ಯ ಸಾಧಿಸುತ್ತವೆ. ಏಕೆಂದರೆ ವಿಧಾನಸಭಾ ಚುನಾವಣೆಯಲ್ಲಿ ನಿರ್ದಿಷ್ಟ ರಾಜ್ಯಗಳ ಸಮಸ್ಯೆಗಳು ಮುಖ್ಯʼ ಎಂದಿದ್ದಾರೆ.

ʼಗುಜರಾತಿನಲ್ಲಿನ ಚುನಾವಾಣೋತ್ತರ ಸಮೀಕ್ಷೆಗಳು ಬಿಜೆಪಿ ಅಧಿಕಾರವನ್ನು ಉಳಿಸಿಕೊಳ್ಳುವುದನ್ನು ಬೆಂಬಲಿಸುತ್ತಿದ್ದು, ದಕ್ಷಿಣ ರಾಜ್ಯದಲ್ಲಿ ʼಆಡಳಿತ ಪರವಾದ ಜನಾದೇಶ ಬರುವ ಸಾಧ್ಯತೆಯಿದೆʼ ಎಂದು ಬೊಮ್ಮಾಯಿ ಮಂಗಳವಾರ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ʼಚುನಾವಣೋತ್ತರ ಸಮೀಕ್ಷೆಗಳು ಸೋಮವಾರ ಗುಜರಾತಿನಲ್ಲಿ ಬಿಜೆಪಿಗೆ ಬಹುಮತ  ಸೂಚಿಸಿದ್ದು,  ಹಿಮಾಚಲ ಪ್ರದೇಶದಲ್ಲಿ  ಬಿಜೆಪಿಗೆ ಸೋಲಿನ ಬಿಸಿ ತಟ್ಟುವ ಸಾದ್ಯತೆ ಇದೆ ಎಂದು ಭವಿಷ್ಯ ನುಡಿದಿವೆ, ಅಲ್ಲಿ ಹೆಚ್ಚಿನ ಸಮೀಕ್ಷೆಗಳು ಕಾಂಗ್ರೆಸ್‌ ಗಿಂತ ಆಡಳಿತ ಪಕ್ಷಕ್ಕೆ ಅವಕಾಶ ನೀಡಿವೆʼ ಎನ್ನಲಾಗಿದೆ.

ಎರಡೂ ರಾಜ್ಯಗಳ ಮತ ಎಣಿಕೆಯು ಡಿಸೆಂಬರ್ 8 ರಂದು ನಡೆಯಲಿದೆ. ಹಿಮಾಚಲ ಪ್ರದೇಶ ವಿಧಾನಸಭೆಗೆ ನವೆಂಬರ್ 12 ರಂದು ಚುನಾವಣೆ ನಡೆದರೆ, ಗುಜರಾತ್ನಲ್ಲಿ ಡಿಸೆಂಬರ್ 1 ಮತ್ತು 5 ರಂದು ಎರಡು ಹಂತಗಳಲ್ಲಿ ಮತದಾನ ನಡೆಯಿತು.