ಇಸ್ರೇಲ್-ಹಮಾಸ್ ಕದನ ವಿರಾಮ; 6 ಒತ್ತೆಯಾಳುಗಳ ಬಿಡುಗಡೆಗೆ ಹಮಾಸ್ ನಿರ್ಧಾರ

ಇಸ್ರೇಲ್ ಮತ್ತು ಹಮಾಸ್ ನಡುವೆ ಕಳೆದ 15 ತಿಂಗಳಿನ ಯುದ್ಧಕ್ಕೆ ದುರ್ಬಲ ಗಾಝಾ ಕದನ ವಿರಾಮವು ಜನವರಿ 19 ರಂದು ಜಾರಿಗೆ ತಂದಿದೆ. ಈ ನಡುವೆ ಈ ವಾರಾಂತ್ಯದಲ್ಲಿ ಹಮಾಸ್ ಸೆರೆಯಾಳಾಗಿದ್ದ ಎಲ್ಲಾ ಆರು ಜೀವಂತ ಇಸ್ರೇಲಿ ಒತ್ತೆಯಾಳುಗಳನ್ನು ಮತ್ತು ಸತ್ತ ನಾಲ್ಕು ಸೆರೆಯಾಳುಗಳ ಶವಗಳನ್ನು ಹಸ್ತಾಂತರಿಸುವುದಾಗಿ ಹಮಾಸ್ ಮಂಗಳವಾರ ತಿಳಿಸಿದೆ.

ಗಾಝಾ ಕದನ ವಿರಾಮದ ಮೊದಲ ಹಂತದ ಅಡಿಯಲ್ಲಿ ಈ  ಬಿಡುಗಡೆ ಪ್ರಕ್ರಿಯೆ ನಡೆಯಲಿದ್ದು, ಹಲವು ಮಾಹಿತಿಗಳನ್ನು ಹೊರಹಾಕಿದೆ. ಪ್ಯಾಲೆಸ್ಟೈನ್ ಉಗ್ರಗಾಮಿ ಗುಂಪು ಇಸ್ರೇಲ್ ಮೇಲೆ ಅಕ್ಟೋಬರ್ 7, 2023 ರಂದು ನಡೆಸಿದ ದಾಳಿಯಿಂದ ಪ್ರಚೋದಿಸಲ್ಪಟ್ಟಿತು.

ಮೊದಲ ಹಂತದಲ್ಲಿ 33 ಇಸ್ರೇಲಿ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಬೇಕಿತ್ತು, 1,100 ಕ್ಕೂ ಹೆಚ್ಚು ಫೆಲೆಸ್ತೀನ್ ಕೈದಿಗಳಿಗೆ ಪ್ರತಿಯಾಗಿ 19 ಜನರನ್ನು ಬಿಡುಗಡೆ ಮಾಡಲಾಗಿದೆ. ಉಳಿದ 14 ಮಂದಿಯಲ್ಲಿ 8 ಮಂದಿ ಮೃತಪಟ್ಟಿದ್ದಾರೆ ಎಂದು ಇಸ್ರೇಲ್ ಹೇಳಿದೆ.

2023 ರ ದಾಳಿಯ ನಂತರ ಗಾಝಾದಲ್ಲಿ ಬಂಧನದಲ್ಲಿದ್ದ ಐದು ಥಾಯ್ ಪ್ರಜೆಗಳನ್ನು ಕದನ ವಿರಾಮ ಒಪ್ಪಂದದ ವ್ಯಾಪ್ತಿಯಿಂದ ಹೊರಗೆ ಬಿಡುಗಡೆ ಮಾಡಲಾಗಿದೆ.

ಹಮಾಸ್ “ಫೆಬ್ರವರಿ 22 ರ ಶನಿವಾರ, ಮೊದಲ ಹಂತದಲ್ಲಿ ಬಿಡುಗಡೆಗೆ ಒಪ್ಪಿದ ಉಳಿದ ಜೀವಂತ (ಇಸ್ರೇಲಿ) ಕೈದಿಗಳನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ” ಎಂದು ಗುಂಪಿನ ಉನ್ನತ ಸಮಾಲೋಚಕ ಖಲೀಲ್ ಅಲ್-ಹಯಾ ದೂರದರ್ಶನ ಭಾಷಣದಲ್ಲಿ ಹೇಳಿದರು.