ಅಂಡರ್-19 ವಿಶ್ವಕಪ್ | ವೈಷ್ಣವಿ ಹ್ಯಾಟ್ರಿಕ್, ಮಲೇಷ್ಯಾ ವಿರುದ್ಧ ಭಾರತಕ್ಕೆ ಭರ್ಜರಿ ಗೆಲುವು

ಕೌಲಾಲಂಪುರ: ಅಂಡರ್-19 ಟಿ20 ವಿಶ್ವಕಪ್ ನಲ್ಲಿ ಭಾರತದ ಯುವತಿಯರ ಅಬ್ಬರ ಮುಂದುವರೆದಿದೆ. ವೆಸ್ಟ್ ಇಂಡೀಸ್ ವಿರುದ್ಧದ ಗೆಲುವಿನೊಂದಿಗೆ ಉತ್ತಮ ಆರಂಭ ಪಡೆದ ಭಾರತ, ಮಂಗಳವಾರ ಮಲೇಷ್ಯಾ ವಿರುದ್ಧದ ಎರಡನೇ ಪಂದ್ಯದಲ್ಲೂ ಭರ್ಜರಿ ಗೆಲುವು ಸಾಧಿಸಿತು.

ಮೊದಲು ಬ್ಯಾಟಿಂಗ್ ಮಾಡಿದ ಮಲೇಷ್ಯಾ ಭಾರತದ ಬೌಲರ್‌ಗಳಿಗೆ 14.3 ಓವರ್‌ಗಳಲ್ಲಿ 31 ರನ್‌ಗಳಿಗೆ ಆಲೌಟ್ ಆಯಿತು. ಇದರಲ್ಲಿ 11 ಹೆಚ್ಚುವರಿ ರನ್‌ ಸೇರಿರುವುದು ಗಮನಾರ್ಹ. ಮಲೇಷ್ಯಾದ ಯಾವುದೇ ಬ್ಯಾಟ್ಸ್‌ರ್ ಎರಡಂಕಿಯ ಸ್ಕೋರ್ ಗಳಿಸದಿರುವುದು ನಮ್ಮ ಬೌಲರ್‌ಗಳು ಎಷ್ಟು ಬಲಿಷ್ಠರಾಗಿದ್ದರು ಎಂಬುದನ್ನು ತೋರಿಸುತ್ತದೆ.

ನೂರ್ ಅಲಿಯಾ ಹೈರುನ್ (5) ಮತ್ತು ಹುಸ್ನಾ (5) ರನ್ ಗಳಿಸಿದರು. ಈ ಸಣ್ಣ ಗುರಿಯನ್ನು ಭಾರತ ಕೇವಲ 2.5 ಓವರ್‌ಗಳಲ್ಲಿ ವಿಕೆಟ್ ಕಳೆದುಕೊಳ್ಳದೆ ತಲುಪಿತು.

ಗೊಂಗಡಿ ತ್ರಿಶಾ (27; 12 ಎಸೆತಗಳಲ್ಲಿ 5 ಬೌಂಡರಿ) ಮಿಂಚಿದರು. ಕಮಲಿನಿ (4) ರನ್ ಗಳಿಸಿದರು. ಭಾರತದ ಬೌಲರ್ ವೈಷ್ಣವಿ ಶರ್ಮಾ (5/5) ತಮ್ಮ ಅದ್ಭುತ ಬೌಲಿಂಗ್‌ನಿಂದ ಮಿಂಚಿದರು. ಅವರು ತಮ್ಮ ಕೊನೆಯ ಓವರ್‌ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದರು, ನೂರ್ ಐನ್ ಬಿಂಟಿ ರೋಸ್ಲಾನ್ (3), ನೂರ್ ಇಸ್ಮಾ ಡೇನಿಯಾ (0) ಮತ್ತು ಸಿಟಿ ನಜ್ವಾ (0) ಅವರನ್ನು ಪೆವಿಲಿಯನ್‌ಗೆ ಕಳುಹಿಸಿದರು.

ಆಯುಷಿ ಶುಕ್ಲಾ (3/8) ಅದ್ಭುತ ಪ್ರದರ್ಶನ ನೀಡಿದರು. ವೈಷ್ಣವಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. ಭಾರತ ತನ್ನ ಮುಂದಿನ ಪಂದ್ಯದಲ್ಲಿ (ಜನವರಿ 23) ಶ್ರೀಲಂಕಾವನ್ನು ಎದುರಿಸಲಿದೆ.