ಪುಟಿನ್ ಜೊತೆ ಔತಣಕೂಟ; ರಾಹುಲ್, ಖರ್ಗೆ ಬಿಟ್ಟು ಶಶಿ ತರೂರ್‌ಗೆ ಆಹ್ವಾನ.. ಕಾಂಗ್ರೆಸ್ ಆಕ್ರೋಶ

ಎರಡು ದಿನಗಳ ಭೇಟಿಗಾಗಿ ಭಾರತಕ್ಕೆ ಆಗಮಿಸಿರುವ ರಷ್ಯಾದ ಅಧ್ಯಕ್ಷ ಪುಟಿನ್ ಅವರ ಗೌರವಾರ್ಥ ಕೇಂದ್ರ ಸರ್ಕಾರ, ಡಿ. 5ರ ರಾತ್ರಿ ನವದೆಹಲಿಯಲ್ಲಿ ಭೋಜನಕೂಟ ಆಯೋಜಿಸಿದೆ. ಈ ಭೋಜನ ಕೂಟದಲ್ಲಿ ಶಿಷ್ಟಾಚಾರ ಉಲ್ಲಂಘಿಸಿದ ಕೇಂದ್ರ ಸರ್ಕಾರ ಲೋಕಸಭೆ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಅಥವಾ ರಾಜ್ಯಸಭೆ ವಿಪಕ್ಷ ನಾಯಕ ಮಲ್ಲಿಕಾರ್ಜುನ ಖರ್ಗೆಯವರನ್ನು ಆಹ್ವಾನಿಸುವುದು ಬಿಟ್ಟು ಕಾಂಗ್ರೆಸ್ ನಾಯಕ, ಸಂಸದ ಶಶಿ ತರೂರ್ ಅವರನ್ನು ಆಹ್ವಾನಿಸಿದೆ. ಇದು ಕಾಂಗ್ರೆಸ್ ಒಳಗೆ ಆಂತರಿಕ ಕಲಹಕ್ಕೆ ಕಾರಣವಾಗಿದೆ.

ಈ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ ಕಾಂಗ್ರೆಸ್ ನಾಯಕ ಪವನ್ ಖೇರಾ, ತರೂರ್ ಆಡುತ್ತಿರುವ “ಆಟ”ದ ಬಗ್ಗೆ ತಿಳಿದಿಲ್ಲವೇ ಎಂದು ಆಶ್ಚರ್ಯ ವ್ಯಕ್ತಪಡಿಸಿದರು. “ನಮ್ಮ ನಾಯಕರನ್ನು ಆಹ್ವಾನಿಸದೇ, ಕೇವಲ ತಮ್ಮನ್ನು ಮಾತ್ರ ಆಹ್ವಾನಿಸಲ್ಪಟ್ಟಾಗ, ಈ ಆಟವನ್ನು ಏಕೆ ಆಡಲಾಗುತ್ತಿದೆ, ಯಾರು ಆಟವನ್ನು ಆಡುತ್ತಿದ್ದಾರೆ ಮತ್ತು ನಾವು ಅದರ ಭಾಗವಾಗಬಾರದು ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬೇಕು…” ಎಂದು ಪವನ್ ಖೇರಾ ಅವರು ಹೇಳಿದರು.

ಈ ಬಗ್ಗೆ ಪ್ರತಿಕ್ರಿಯಿಸಿದ ಪವನ್ ಖೇರಾ “ಈ ಆಹ್ವಾನವನ್ನು ಕಳುಹಿಸಿ ನಂತರ ತರೂರ್ ಅದನ್ನು ಸ್ವೀಕರಿಸಿದ್ದು ಇನ್ನಷ್ಟು “ಆಶ್ಚರ್ಯಕರ” ಎಂದು ಅವರು ಹೇಳಿದರು.

“ಆಹ್ವಾನ ಕಳುಹಿಸಲಾಗಿದೆ ಮತ್ತು ಆಹ್ವಾನವನ್ನು ಸಹ ಸ್ವೀಕರಿಸಲಾಗಿದೆ ಎಂಬುದು ತುಂಬಾ ಆಶ್ಚರ್ಯಕರವಾಗಿದೆ. ಪ್ರತಿಯೊಬ್ಬರ ಆತ್ಮಸಾಕ್ಷಿಗೂ ಒಂದು ಧ್ವನಿ ಇದೆ” ಎಂದು ಖೇರಾ ಹೇಳಿದರು.

ಏತನ್ಮಧ್ಯೆ, ತರೂರ್ ಅವರು ತಾನು ಖಂಡಿತವಾಗಿಯೂ ಭೋಜನಕ್ಕೆ ಹಾಜರಾಗುವುದಾಗಿ ಹೇಳಿದರು, ಆದರೆ ವಿರೋಧ ಪಕ್ಷದ ನಾಯಕರನ್ನು ಆಹ್ವಾನಿಸದಿರುವುದು ‘ಸರಿಯಲ್ಲ’ ಎಂದು ಹೇಳಿದರು.

“ಯಾವ ಆಧಾರದ ಮೇಲೆ ಆಹ್ವಾನವನ್ನು ಕಳುಹಿಸಲಾಗುತ್ತಿದೆ ಎಂದು ನನಗೆ ತಿಳಿದಿಲ್ಲ, ಆದರೆ ನಾನು ಖಂಡಿತವಾಗಿಯೂ ಹೋಗುತ್ತೇನೆ; ವಿರೋಧ ಪಕ್ಷದ ನಾಯಕರನ್ನು ಆಹ್ವಾನಿಸಲಾಗಿಲ್ಲ ಎಂಬುದು ಸರಿಯಲ್ಲ” ಎಂದು ಅವರು ಭೋಜನಕ್ಕೆ ಹಾಜರಾಗುವ ಮೊದಲು ಹೇಳಿದರು.