ದೆಹಲಿ: ಭಾರೀ ದೂಳು ಮಿಶ್ರಿತ ಬಿರುಗಾಳಿ, ಹಠಾತ್ ಮಳೆಗೆ ಜನಜೀವನ ಅಸ್ತವ್ಯಸ್ತ

ಬುಧವಾರ ರಾಷ್ಟ್ರೀಯ ರಾಜಧಾನಿ ದೆಹಲಿಯ ಮಧ್ಯ ಭಾಗದಲ್ಲಿ ಮಳೆ ಮತ್ತು ಆಲಿಕಲ್ಲು ಸಹಿತ ಹಠಾತ್ ಧೂಳಿನ ಬಿರುಗಾಳಿ ಬೀಸಿದ್ದು, ಹಲವು ಹಾನಿಗೆ ಕಾರಣವಾಗಿದೆ. ಇದು ರಾಷ್ಟ್ರ ರಾಜಧಾನಿಯಲ್ಲಿ ಶಾಖದ ವಾತಾವರಣದಿಂದ ತಣ್ಣಗಾದರೂ, ಹಲವಷ್ಟು ಹಾನಿಗೆ ಕಾರಣವಾಗಿದೆ.

ರಾತ್ರಿ 8 ಗಂಟೆ ಸುಮಾರಿಗೆ ಹಠಾತ್ ಗಾಳಿಯೊಂದಿಗೆ ಬಿರುಗಾಳಿ ಬೀಸಿತು ಮತ್ತು ನಂತರ ಮಳೆ, ಗುಡುಗು ಮತ್ತು ಆಲಿಕಲ್ಲು ಮಳೆಯಿಂದಾಗಿ ಜನಜೀವನ ಅಸ್ತವ್ಯಸ್ತವಾಗಿದೆ.

ಲೋಧಿ ರಸ್ತೆಯಲ್ಲಿ ವಿದ್ಯುತ್ ಕಂಬ ಬಿದ್ದು ವೀಲ್‌ಚೇರ್‌ನಲ್ಲಿದ್ದ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ್ದಾರೆ ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ. ಸಫ್ದರ್ಜಂಗ್ ಮೇಲೆ ಗಾಳಿಯ ವೇಗ ಗಂಟೆಗೆ 79 ಕಿ.ಮೀ. ತಲುಪಿದ್ದು, ಪಾಲಂ ಮೇಲೆ 72 ಕಿ.ಮೀ. ತಲುಪಿದೆ. ಮಧ್ಯ ದೆಹಲಿಯ ಗೋಲ್ ಮಾರುಕಟ್ಟೆ ಮತ್ತು ಲೋದಿ ರಸ್ತೆಯಲ್ಲೂ ಆಲಿಕಲ್ಲು ಮಳೆಯಾಗಿದೆ. ನೋಯ್ಡಾದಲ್ಲಿಯೂ ಆಲಿಕಲ್ಲು ಮಿಶ್ರಿತ ಮಳೆ ಸುರಿದ ವರದಿಯಾಗಿದೆ.

ಹವಾಮಾನದಲ್ಲಿ ಹಠಾತ್ ಬದಲಾವಣೆಯಿಂದಾಗಿ, ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನಗಳು ವಿಳಂಬವಾದವು. ಬಿರುಗಾಳಿಯಿಂದಾಗಿ ಮರಗಳು ಧರೆಗುರುಳಿದ ದೃಶ್ಯಗಳೂ ಕಂಡುಬಂದಿವೆ. ಚಂಡಮಾರುತದ ನಂತರ ಕೆಲವು ಮೆಟ್ರೋ ನಿಲ್ದಾಣಗಳಲ್ಲಿನ ಸೇವೆಗಳ ಮೇಲೆ ಪರಿಣಾಮ ಬೀರಿದೆ ಎಂದು ದೆಹಲಿ ಮೆಟ್ರೋ ರೈಲು ನಿಗಮ (ಡಿಎಂಆರ್‌ಸಿ) ಹೇಳಿಕೆ ನೀಡಿದೆ.

ಬಿರುಗಾಳಿ ಮತ್ತು ಮಳೆಗೂ ಮುನ್ನ, ದೆಹಲಿಯಲ್ಲಿ ಬುಧವಾರ ಹಗಲಿನಲ್ಲಿ ತಾಪಮಾನ 50.2 ಡಿಗ್ರಿ ಸೆಲ್ಸಿಯಸ್‌ಗೆ ತಲುಪಿತ್ತು, ಬೇಸಿಗೆಯ ತೀವ್ರ ಉಷ್ಣತೆ ಮುಂದುವರಿದಿತ್ತು ಮತ್ತು ಆರ್ದ್ರತೆ ಹೆಚ್ಚಿತ್ತು. ಗರಿಷ್ಠ ತಾಪಮಾನವು 40.7 ಡಿಗ್ರಿ ಸೆಲ್ಸಿಯಸ್‌ಗೆ ತಲುಪಿದ್ದು, ಇದು ಸಾಮಾನ್ಯಕ್ಕಿಂತ 0.5 ಡಿಗ್ರಿ ಹೆಚ್ಚಾಗಿದೆ ಎಂದು ಐಎಂಡಿ ತಿಳಿಸಿದೆ.