ಮೋದಿ ಸರ್ಕಾರ ಫೆಲೆಸ್ತೀನಿಯರನ್ನು ಕೈಬಿಟ್ಟಿದೆ: ಮೋದಿ ಇಸ್ರೇಲ್ ಭೇಟಿಗೆ ಕಾಂಗ್ರೆಸ್ ಆಕ್ಷೇಪ

ಇಸ್ರೇಲ್ ಮೇಲೆ ಗಾಜಾ ಮಾಡ್ತಿರೋ ದಾಳಿಗಳು ಇನ್ನು ನಿಂತಿಲ್ಲ, ಅಲ್ಲಿನ ಜನ ನಿರ್ದಯವಾಗಿ ಸಾಯ್ತಿದ್ದಾರೆ. ಇಷ್ಟೆಲ್ಲಾ ಆಗ್ತಿದ್ರೂ ಪ್ರಧಾನಿ ಮೋದಿ ಅವರು ಇಸ್ರೇಲ್‌ಗೆ ಹೋಗ್ತಿರೋದನ್ನ ಕಾಂಗ್ರೆಸ್ ಪಕ್ಷ ತೀವ್ರವಾಗಿ ಖಂಡಿಸಿದೆ. ಕಾಂಗ್ರೆಸ್ ನಾಯಕ ಜೈರಾಮ್ ರಮೇಶ್ ಅವರು ಮಾತನಾಡಿ, “ಮೋದಿ ಸರ್ಕಾರ ಬಾಯಲ್ಲಿ ಮಾತ್ರ ನಾವು ಫೆಲೆಸ್ತೀನ್ ಪರ ಅಂತ ಹೇಳುತ್ತೆ, ಆದ್ರೆ ನಿಜ ಹೇಳಬೇಕಂದ್ರೆ ಅವರನ್ನ ಕೈಬಿಟ್ಟಿದೆ” ಅಂತ ಆರೋಪ ಮಾಡಿದ್ದಾರೆ.

1988ರಲ್ಲೇ ಫೆಲೆಸ್ತೀನ್ ದೇಶವನ್ನ ಗುರುತಿಸಿದ ಮೊದಲ ದೇಶಗಳಲ್ಲಿ ಭಾರತ ಕೂಡ ಒಂದು ಅನ್ನೋದನ್ನ ಈ ಸರ್ಕಾರ ಮರೆತಂತಿದೆ ಅಂತ ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

ವೆಸ್ಟ್ ಬ್ಯಾಂಕ್ ಭಾಗದಲ್ಲಿ ಸಾವಿರಾರು ಫೆಲೆಸ್ತೀನಿಯರನ್ನ ಅವರ ಜಾಗದಿಂದ ಒಕ್ಕಲೆಬ್ಬಿಸ್ತಿರೋದು ಇಡೀ ಜಗತ್ತಿನಲ್ಲೇ ದೊಡ್ಡ ಚರ್ಚೆ ಆಗ್ತಿದೆ. ಇಷ್ಟೆಲ್ಲಾ ಗಲಾಟೆ ನಡೀತಿದ್ರೂ, ಪ್ರಧಾನಿ ಮೋದಿ ಅವರು ನಾಳೆ ಇಸ್ರೇಲ್‌ಗೆ ಹೋಗಿ ಅಲ್ಲಿನ ಪ್ರಧಾನಿ ನೆತನ್ಯಾಹು ಅವರನ್ನ ಭೇಟಿ ಮಾಡ್ತಿದ್ದಾರೆ. ನೆತನ್ಯಾಹು ಮೇಲೆ ಭ್ರಷ್ಟಾಚಾರದ ಗಂಭೀರ ಆರೋಪಗಳೂ ಇವೆ. ಜೊತೆಗೆ ಈ ಭೇಟಿಯ ಹಿಂದೆ ‘ಮೋದಾನಿ’ (ಮೋದಿ-ಅದಾನಿ) ಲಿಂಕ್ ಕೂಡ ಇದೆ ಅಂತ ರಮೇಶ್ ಅವರು ಲೇವಡಿ ಮಾಡಿದ್ದಾರೆ.

ಇನ್ನೊಂದು ಕಡೆ ಇಸ್ರೇಲ್ ದೇಶದ ಒಳಗೂ ಮೋದಿಯವರ ಭೇಟಿ ಬಗ್ಗೆ ಅಸಮಾಧಾನ ಕೇಳಿ ಬರ್ತಿದೆ. ಅಲ್ಲಿನ ನ್ಯಾಯಾಂಗದ ಸ್ವಾತಂತ್ರ್ಯವನ್ನ ನೆತನ್ಯಾಹು ಅವರು ಹಾಳು ಮಾಡ್ತಿದ್ದಾರೆ ಅಂತ ಅಲ್ಲಿನ ವಿರೋಧ ಪಕ್ಷದವರು ಕೋಪಗೊಂಡಿದ್ದಾರೆ. ಹಾಗಾಗಿ ಪ್ರಧಾನಿ ಮೋದಿ ಅವರು ಅಲ್ಲಿನ ಸಂಸತ್ತಿನಲ್ಲಿ ಭಾಷಣ ಮಾಡೋವಾಗ ಅದನ್ನ ಬಹಿಷ್ಕರಿಸೋದಾಗಿ ಅಲ್ಲಿನ ಪ್ರತಿಪಕ್ಷಗಳು ಎಚ್ಚರಿಕೆ ನೀಡಿವೆ.

ಫೆಬ್ರವರಿ 25ರಿಂದ ಎರಡು ದಿನಗಳ ಕಾಲ ಮೋದಿ ಅವರು ಇಸ್ರೇಲ್ ಪ್ರವಾಸ ಮಾಡಲಿದ್ದು, ಅಲ್ಲಿನ ಅಧ್ಯಕ್ಷರನ್ನ ಕೂಡ ಭೇಟಿ ಮಾಡಲಿದ್ದಾರೆ.