SBIನಲ್ಲಿ ಹೊಸ ರೂಲ್ಸ್, 5ನೇ ವಿತ್‌ಡ್ರಾಗೆ – 15ರೂ + GST ಶುಲ್ಕ

ನವದೆಹಲಿ: ಭಾರತೀಯ ಸ್ಟೇಟ್ ಬ್ಯಾಂಕ್ (SBI) ತನ್ನ ಮೂಲ ಉಳಿತಾಯ ಬ್ಯಾಂಕ್ ಠೇವಣಿ (BSBD) ಖಾತೆಗಳಿಗೆ ಅನ್ವಯವಾಗುವ ನಗದು ಹಿಂಪಡೆಯುವ ಶುಲ್ಕದಲ್ಲಿ ಪರಿಷ್ಕರಣೆ ಮಾಡಿದೆ. ಹೊಸ ಶುಲ್ಕ ನಿಯಮ ಅಕ್ಟೋಬರ್ 1ರಿಂದ ಜಾರಿಗೆ ಬರಲಿದೆ.

ಪರಿಷ್ಕೃತ ನಿಯಮದಂತೆ, BSBD ಖಾತೆದಾರರು ತಿಂಗಳಲ್ಲಿ ನಾಲ್ಕು ಬಾರಿ ATM ಮೂಲಕ ನಗದು ಹಿಂಪಡೆಯುವ ವಹಿವಾಟುಗಳನ್ನು ಉಚಿತವಾಗಿ ನಡೆಸಬಹುದು. ಐದನೇ ವಹಿವಾಟಿನಿಂದ ಪ್ರತಿ ನಗದು ಹಿಂಪಡೆಯುವಿಕೆಗೆ ₹15 + GST ಶುಲ್ಕ ವಿಧಿಸಲಾಗುತ್ತದೆ. ಉದಾಹರಣೆಗೆ, ಒಬ್ಬ ಗ್ರಾಹಕರು ತಿಂಗಳಲ್ಲಿ ಆರು ಬಾರಿ ನಗದು ಹಿಂಪಡೆದರೆ ಮೊದಲ ನಾಲ್ಕು ವಹಿವಾಟುಗಳು ಉಚಿತವಾಗಿದ್ದು, ಐದನೇ ಮತ್ತು ಆರನೇ ವಹಿವಾಟಿಗೆ ತಲಾ ₹15 ಜೊತೆಗೆ GST ಪಾವತಿಸಬೇಕಾಗುತ್ತದೆ.

ಡಿಜಿಟಲ್ ವಹಿವಾಟುಗಳಿಗೆ ಶುಲ್ಕವಿಲ್ಲ

ಹೊಸ ಶುಲ್ಕವು ATM ಮೂಲಕ ನಡೆಸುವ ನಗದು ಹಿಂಪಡೆಯುವ ವಹಿವಾಟುಗಳಿಗೆ ಮಾತ್ರ ಅನ್ವಯಿಸುತ್ತದೆ. ಡಿಜಿಟಲ್ ವಹಿವಾಟುಗಳು ಯಾವುದೇ ಮಿತಿಯಿಲ್ಲದೆ ಉಚಿತವಾಗಿ ಮುಂದುವರಿಯಲಿವೆ ಎಂದು SBI ತಿಳಿಸಿದೆ.