ಜೆಇಇ ನೀಟ್ ಪರೀಕ್ಷೆಯನ್ನು ಸಿಯುಇಟಿ ಜೊತೆಗೆ ವೀಲಿನಗೊಳಿಸುವ ಯೋಜನೆ: ಯುಜಿಸಿ

ನವದೆಹಲಿ: ರಾಷ್ಟ್ರೀಯ ಇಂಜಿನಿಯರಿಂಗ್ (JEE) ಮತ್ತು ವೈದ್ಯಕೀಯ (NEET) ಪ್ರವೇಶ ಪರೀಕ್ಷೆಗಳನ್ನು ಈಗಾಗಲೇ ಅಸ್ತಿತ್ವದಲ್ಲಿರುವ ಸಾಮಾನ್ಯ ವಿಶ್ವವಿದ್ಯಾಲಯ ಪ್ರವೇಶ ಪರೀಕ್ಷೆ (CUET)ಗೆ ವೀಲಿನಗೊಳಿಸುವ ಸಾಧ್ಯತೆಯನ್ನು ಸರ್ಕಾರ ಅನ್ವೇಷಿಸುತ್ತಿದೆ ಎಂದು ವಿಶ್ವವಿದ್ಯಾಲಯಗಳ ಧನಸಹಾಯ ಆಯೋಗದ (UGC) ಅಧ್ಯಕ್ಷ ಎಂ. ಜಗದೀಶ್ ಕುಮಾರ್ ಹೇಳಿದ್ದಾರೆ.

ಜೆಇಇ, ನೀಟ್ ಮತ್ತು ಸಿಯುಇಟಿ, ಈ ಮೂರು ಪರೀಕ್ಷೆಗಳನ್ನು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್‌ಟಿಎ) ನಡೆಸುವುದರಿಂದ ಅನೇಕ ವಿಭಾಗಗಳಿಗೆ ಸಿಯುಇಟಿ ಅಂಕಗಳನ್ನು ಮಾತ್ರ ಏಕೆ ಬಳಸಬಾರದು ಎಂದು ಯೋಚಿಸುತ್ತಿದ್ದೇವೆ ಎಂದು ಹೇಳಿದರು. ಸಂಯೋಜಿತ ಪ್ರವೇಶ ಪರೀಕ್ಷೆಯನ್ನು ಶೀಘ್ರದಲ್ಲಿಯೇ ಪರಿಚಯಿಸಲು ಸರ್ಕಾರ ಯೋಚಿಸುತ್ತಿದೆ ಎಂದು ಯುಜಿಸಿ ಅಧ್ಯಕ್ಷರು ಮಾಹಿತಿ ನೀಡಿದ್ದಾರೆ.