ಮಿಗ್ 29 ವಿಮಾನ ಆಗ್ರಾದ ಉಪನಗರದಲ್ಲಿ ಪತನ; ಪಾರಾದ ಪೈಲಟ್ ಮತ್ತು ಸಹ ಪೈಲಟ್

ಉತ್ತರ ಪ್ರದೇಶದ ಆಗ್ರಾದಲ್ಲಿ ವಾಯುಪಡೆಯ ಮಿಗ್ 29 ವಿಮಾನ ಪತನಗೊಂಡಿದೆ. ವಿಮಾನ ಪತನಗೊಂಡ ತಕ್ಷಣ ಭಾರಿ ಬೆಂಕಿ ಕಾಣಿಸಿಕೊಂಡಿದೆ. ಅಪಘಾತದಲ್ಲಿ ಪೈಲಟ್ ಮತ್ತು ಸಹ ಪೈಲಟ್ ಪಾರಾಗಿದ್ದಾರೆ.

ಅಪಘಾತದ ಸಮಯದಲ್ಲಿ, ಅವರು ವಿಮಾನದಿಂದ ಹಾರಿ ಪ್ರಾಣ ಉಳಿಸಿಕೊಂಡರು. ಪಂಜಾಬ್‌ನ ಆದಂಪುರದಿಂದ ಆಗ್ರಾಕ್ಕೆ ತೆರಳುತ್ತಿದ್ದಾಗ ಈ ಅವಘಡ ಸಂಭವಿಸಿದೆ. ಮಿಗ್-29 ಪತನಕ್ಕೆ ಕಾರಣಗಳು ತಿಳಿದುಬಂದಿಲ್ಲ. ಲ್ಯಾಂಡಿಂಗ್‌ಗೆ ಎರಡು ಕಿಲೋಮೀಟರ್ ದೂರದಲ್ಲಿ ವಿಮಾನ ಪತನಗೊಂಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದುವರೆಗೂ ವಾಯುಪಡೆ ಈ ಬಗ್ಗೆ ಅಧಿಕೃತವಾಗಿ ಪ್ರತಿಕ್ರಿಯೆ ನೀಡಿಲ್ಲ. ಪೈಲಟ್‌ನ ವಿಮಾನವು ಕಾಗರೋಲ್‌ನ ಸೋನಿಗಾ ಗ್ರಾಮದ ಬಳಿಯ ಖಾಲಿ ಜಾಗದಲ್ಲಿ ಪತನಗೊಂಡಿದೆ. ಒಂದು ವೇಳೆ ಅದು ಜನನಿಬಿಡ ಪ್ರದೇಶದಲ್ಲಿ ಪತನಗೊಂಡಿದ್ದರೆ, ಭಾರಿ ಹಾನಿಯನ್ನುಂಟುಮಾಡುತ್ತಿತ್ತು.