ಲೆವೆಲ್

– ರಘೋತ್ತಮ ಹೊಬ

“ನಾವು ಆ ಜಾತಿ ಸರ್, ಅವರು ಎಸ್ಸಿ ಸರ್ ನಮ್ ಲೆವಲ್ ಎಲ್ಲಿ ಅವರ ಲೆವೆಲ್ ಎಲ್ಲಿ? ಅವರು ನಮ್ ಹತ್ತಿರಕ್ಕೆ ಬರೋಕಾಗುತ್ತ ಸರ್?” ಮಹಿಳೆಯೊಬ್ಬಳು ಹೇಳುತ್ತ ಹೋದರು… ಅಂದಹಾಗೆ ತಪ್ಪಿಯೂ ಅವಳ ಮುಂದೆ ನಾನು, ನಾನು ಕೂಡ ಎಸ್ಸಿ ಎಂದು ಹೇಳಲಿಲ್ಲ. ಬದಲಿಗೆ ಲೆವಲ್ ಎಂದರೇನು ಎಂಬ ವಿಚಾರ ನನ್ನ ಮುಂದೆ ಬಂತು.

ಹೌದು, ಲೆವೆಲ್ ಎಂದರೇನು? ಲೆವೆಲ್ ಎಂದರೆ ಹಣಕಾಸು, ಅಂತಸ್ತು, ಮಾತಿನ ಶೈಲಿ, ಶುಚಿತ್ವ, ಓದು ಬರಹ… ಇಷ್ಟೇ. ಜಾತಿ? ಅದನ್ನು ಬದಲಿಸಲು ಸಾಧ್ಯವಿಲ್ಲ. ಬದಲಿಸಿಕೊಳ್ಳಲು ಯಾರು ಇಷ್ಟ ಪಡುವುದು ಇಲ್ಲ. ಆದರೆ ಆ ಜಾತಿಯ ಲೆವೆಲ್ ಅನ್ನು ನಾವು ಚೇಂಜ್ ಮಾಡಬಹುದು. ಈ ನಿಟ್ಟಿನಲ್ಲಿ ಮೊದಲನೆಯದಾಗಿ, ಓದು ಬರಹದ ಮೂಲಕ ಅದರಲ್ಲಿ ಹೊಸ ಹಂತ ತಲುಪುವುದರ ಮೂಲಕ ದಲಿತರು ಆ ಮಹಿಳೆ ಹೇಳಿದ ಲೆವೆಲ್ ತಲುಪಬಹುದು ಅಥವಾ ಕ್ರಾಸ್ ಮಾಡಿ ಮುಂದೆ ಹೋಗಬಹುದು. ಇನ್ನು ಎರಡನೆಯದು, ಹಣಕಾಸು; ಸ್ವಲ್ಪ ಪ್ರಯತ್ನ ಪಟ್ಟರೆ , ಬಿಸಿನೆಸ್, ಸ್ವಯಂ ಉದ್ಯೋಗ ಮತ್ತು ಸ್ಮಾರ್ಟ್ ಉದ್ಯೋಗ (ನೇರ ಮಾರುಕಟ್ಟೆ) ಮೂಲಕ ಹಣ ಧಾರಾಳವಾಗಿ ಗಳಿಸಬಹುದು. ಲೆವೆಲ್ ತಲುಪಬಹುದು. ಉಳಿದದ್ದು ಸ್ವಚ್ಚತೆ ಮಾತುಕತೆ ಶೈಲಿ; ನನ್ನ ಪ್ರಕಾರ ಬೌದ್ಧ ಧರ್ಮ ಅನುಸರಿಸಿದರೆ ಅದು ಕೂಡ ಬದಲಾಗುತ್ತದೆ ಲೆವೆಲ್ ಚೇಂಜ್ ಆಗುತ್ತದೆ. ಹಳ್ಳಿಗಳಲ್ಲಿ ಇದನ್ನೆಲ್ಲ ಮಾಡಲು ಸಾಧ್ಯ ಆಗದಿದ್ದರೆ ಬಾಬಾಸಾಹೇಬ್ ಅಂಬೇಡ್ಕರರು ಹೇಳಿರುವಂತೆ ದಲಿತರು ಪಟ್ಟಣ ಮತ್ತು ನಗರ ಪ್ರದೇಶಗಳಿಗೆ ಬರುವುದು ಸೂಕ್ತ.
ಯಾಕೆಂದರೆ ನನ್ನ ಜೊತೆ ಮಾತಾಡಿದ ಆ ಮಹಿಳೆ ಹಳ್ಳಿಯವಳು. ಅಲ್ಲಿಯ ದಬ್ಬಾಳಿಕೆ ದೌರ್ಜನ್ಯ ಮನಸ್ಥಿತಿಯವಳು. ಅಂತಹವರನ್ನು ಬದಲಾಯಿಸುವುದು ಕಷ್ಟ. ಹೊಂದಿಕೊಂಡು ಹೋಗುವುದು ಕಷ್ಟ.

ಆದ್ದರಿಂದ ದಲಿತ ಸಮುದಾಯದ ಶಿಕ್ಷಣದ ಲೆವೆಲ್, ಹಣಕಾಸು ಸಂಪಾದನೆಯ ಲೆವೆಲ್ , ಧರಿಸುವ ಡ್ರೆಸ್ ಮಾತುಕತೆಯ ಶೈಲಿಯ ಲೆವೆಲ್ ಇವುಗಳನ್ನು ಬದಲಿಸಿಕೊಂಡರೆ, ಬದಲಿಸಿಕೊಂಡು ಸಾರ್ವಜನಿಕವಾಗಿ ತೋರಿಸಿಕೊಂಡರೆ ಖಂಡಿತ ಇನ್ನೊಮ್ಮೆ ಆ ಮಹಿಳೆ ಅಥವ ಅಂತಹ ಮನಸ್ಥಿತಿಯುಳ್ಳ ಮಹಿಳೆಯರು, ನಮ್ಮ ಮುಂದೆ “ಲೆವೆಲ್” ಎಂಬ ಪದ ಬಳಸಲು ಖಂಡಿತ ಯೋಚನೆ ಮಾಡುತ್ತಾರೆ.

ರಘೋತ್ತಮ ಹೋಬ