ಪಿ ಆರ್ ಮತ್ತು ಪಿ ಆರ್ ಪುನೀತ್ ಹೆಸರಲ್ಲಿ ಪ್ರಕಾಶ್ ಸರ್ಪ್ರೈಸ್

ಕರ್ನಾಟಕ ಸರ್ಕಾರ ಪುನೀತ್ ರಾಜ್ ಕುಮಾರ್ ಅವರಿಗೆ ಮರಣೋತ್ತರ ಕರ್ನಾಟಕ ರತ್ನ ಪ್ರಶಸ್ತಿ ಪ್ರದಾನ ಸಮಾರಂಭಕ್ಕೆ ನವೆಂಬರ್ 1 ರಂದು ದಿನಾಂಕ ಫಿಕ್ಸ್ ಮಾಡುತ್ತಿದ್ದಂತೆ ಪುನೀತ್ ಅವರ ಬಗ್ಗೆ ಇನ್ನೊಂದು ಸಂತಸದ ಸುದ್ದಿ ಬಂದಿದೆ.

‘ಪುನೀತ್ ರಾಜ್‌ಕುಮಾರ್ ಕನ್ನಡ ನಾಡಿನ ಕಣ್ಮಣಿ. ಕೇವಲ ಕರ್ನಾಟಕ ಮಾತ್ರವಲ್ಲ ವಿಶ್ವಾದ್ಯಂತ ತನ್ನ ಸಜ್ಜನಿಕೆ, ಸಮಾಜಸೇವೆ, ಒಳ್ಳೆಯತನ ಮತ್ತು ಅಭಿನಯದಿಂದ ಹೆಸರು ಮಾಡಿರುವ ಪುನೀತ್, ಎಲ್ಲರ ಮನದಲ್ಲೂ ಶಾಶ್ವತವಾಗಿ ನೆಲೆಸಿದ್ದಾರೆ. ಕರ್ನಾಟಕದ ಆದ್ಯಂತ ಅವರ ಅಭಿಮಾನಿ ಸಂಘಗಳು, ಅವರ ಪೋಸ್ಟರುಗಳು, ಅವರ ಹೆಸರಿನ ರಸ್ತೆ, ಸರ್ಕಲ್ಲುಗಳೇ ಪುನೀತ್ ಹಿರಿಮೆಯನ್ನು ಸಾರುತ್ತಿವೆ’

ಹೀಗಂತ ಹೇಳ್ತಾ ಇರೋದು ಯಾರು ಗೊತ್ತೇ?  ಪುನೀತ್ ರಾಜ್ ಕುಮಾರ್ ಅಂದ್ರೆ, ಪಿಆರ್ ಅಂತ ಅಂದುಕೊಳ್ಳೋದಾದ್ರೆ, ಪ್ರಕಾಶ್ ರೈ ಅಂದ್ರೂ ಕೂಡಾ ಪಿ ಆರ್. ಹೌದು ಶಾರ್ಟ್ ಫಾರ್ಮ್ ನಲ್ಲಿ ಪುನೀತ್ ರಾಜ್ ಕುಮಾರ್ ಅವರಂತೆ ಒಂದೇ ರೀತಿಯ ಅಕ್ಷರಗಳುಳ್ಳ ಪ್ರಕಾಶ್ ರೈ ಅವರ ಲಾರ್ಜ್ ಹಾರ್ಟ್ ಗೆ ಉದಾಹರಣೆ ಈ ಸುದ್ದಿ.

ಪುನೀತ್ ನೆನಪಿನಲ್ಲಿ ಏನಾದರೂ ಸಮಾಜಸೇವಾ ಕಾರ್ಯ ಮಾಡಬೇಕೆಂಬುದು ಪ್ರಕಾಶ್ ರಾಜ್ ಫೌಂಡೇಶನ್ ಕನಸು. ಹಲವು ದಿನಗಳ ಈ ಆಲೋಚನೆ ಈಗ ಕಾರ್ಯರೂಪಕ್ಕೆ ಬರುತ್ತಿದೆ. ಇದು ಪುನೀತ್ ಹಾಕಿಕೊಟ್ಟ ಹಾದಿಯಲ್ಲಿ ಸಾಗುವ ಸಣ್ಣ ಪ್ರಯತ್ನ ಮತ್ತು ಪುನೀತ್ ಅವರ ಅಭಿನಯದ ಅನೇಕ ಚಿತ್ರಗಳಲ್ಲಿ ನಟಿಸಿರುವ ನಾನು ಸಲ್ಲಿಸುವ ಗೌರವ ಎನ್ನುತ್ತಾರೆ ಪ್ರಕಾಶ್ ರೈ.

ಅಂದಹಾಗೆ, ಈ ಕುರಿತ ವಿವರಗಳನ್ನು ನೀಡಲು ಮೈಸೂರಿನ ಮಿಷನ್ ಹಾಸ್ಪಿಟಲ್ ಆವರಣದಲ್ಲಿ 6 ಆಗಸ್ಟ್, 2022ರ ಶನಿವಾರ ಪೂರ್ವಾಹ್ನ 11 ಗಂಟೆಗೆ ಟೈಮ್ ಫಿಕ್ಸ್ ಮಾಡಿದ್ದಾರೆ ಪ್ರಕಾಶ್ ರೈ. ಅವರ ಜೊತೆ ನಿರ್ದೇಶಕ ಸಂತೋಷ್ ಆನಂದರಾಮ್ ಇರುತ್ತಾರೆ.