ಭಾರತದಲ್ಲಿ ಹೆಚ್ಚು ಹೆಚ್ಚು ಜನರು ಮೊಬೈಲ್‌ ಫೋನ್‌ ವ್ಯಸನಕ್ಕೆ ದಾಸರಾಗುತ್ತಿದ್ದಾರೆ. ಅವರು ದಿನಕ್ಕೆ ಐದರಿಂದ ಆರು ಗಂಟೆಗಳ ಕಾಲ ಸಾಮಾಜಿಕ ಮಾಧ್ಯಮಕ್ಕೆ ಮೀಸಲಿಡುತ್ತಿದ್ದಾರೆ.
ಜಾಗತಿಕ ನಿರ್ವಹಣಾ ಸಲಹಾ ಸಂಸ್ಥೆ EY ಬಿಡುಗಡೆ ಮಾಡಿದ ಇತ್ತೀಚಿನ ವರದಿಯ ಪ್ರಕಾರ, 2024 ರ ವೇಳೆಗೆ ಭಾರತೀಯರು ದಿನಕ್ಕೆ ಐದು ಗಂಟೆಗಳನ್ನು ಫೋನಿಗಾಗಿ ಮೀಸಲಿಡುತ್ತಿದ್ದಾರೆ, ಇದರಲ್ಲಿ ಶೇ. 70ರಷ್ಟು ಸಮಯವನ್ನು ಸಾಮಾಜಿಕ ಮಾಧ್ಯಮ, ವಿಡಿಯೋ ಸ್ಟ್ರೀಮಿಂಗ್ ಮತ್ತು ಗೇಮಿಂಗ್‌ನಲ್ಲಿ ಕಳೆಯಲಾಗುತ್ತದೆ. ಮೊದಲ ಬಾರಿಗೆ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳು ದೂರದರ್ಶನವನ್ನು ಮೀರಿಸಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಭಾರತೀಯರು ಆನ್‌ಲೈನ್‌ನಲ್ಲಿ ಕಳೆಯುವ ಸಮಯ ಹೆಚ್ಚಾದಂತೆ, ಮೆಟಾ ಮತ್ತು ಅಮೆಜಾನ್‌ನಂತಹ ಜಾಗತಿಕ ತಂತ್ರಜ್ಞಾನ ದೈತ್ಯರ ನಡುವಿನ ಸ್ಪರ್ಧೆಯೂ ಹೆಚ್ಚುತ್ತಿದೆ. ಡಿಜಿಟಲ್ ಮಾಧ್ಯಮ ವ್ಯವಹಾರವು ವಿಸ್ತರಿಸುತ್ತಿರುವ ಹೊತ್ತಿನಲ್ಲಿ, ದೂರದರ್ಶನ, ಮುದ್ರಣ ಮತ್ತು ರೇಡಿಯೊದಂತಹ ಸಾಂಪ್ರದಾಯಿಕ ಮಾಧ್ಯಮಗಳ ಆದಾಯ ಮತ್ತು ಮಾರುಕಟ್ಟೆ ಪಾಲು 2024 ರಲ್ಲಿ ಕುಸಿದಿದೆ ಎಂದು ವರದಿ ಬಹಿರಂಗಪಡಿಸಿದೆ.
ನಮ್ಮ ಸ್ಕ್ರೀನ್ ಟೈಮ್ ದಾಖಲೆಗಳು…!
ಸ್ಮಾರ್ಟ್‌ಫೋನ್ ಬಳಕೆದಾರರ ಸಂಖ್ಯೆ – 1.2 ಬಿಲಿಯನ್
ಇಂಟರ್ನೆಟ್ ಬಳಕೆದಾರರು – 850 ಮಿಲಿಯನ್
ಕಳೆದ ವರ್ಷ ಭಾರತೀಯರು ಸ್ಮಾರ್ಟ್‌ಫೋನ್‌ಗಳಲ್ಲಿ ಕಳೆದ ಒಟ್ಟು ಸಮಯ – 1.1 ಲಕ್ಷ ಕೋಟಿ ಗಂಟೆಗಳು.
ಹೆಚ್ಚು ವೀಕ್ಷಿಸಲ್ಪಟ್ಟದ್ದು – ಸಾಮಾಜಿಕ ಮಾಧ್ಯಮ, ಗೇಮಿಂಗ್, ವೀಡಿಯೊಗಳು
5G ನೆಟ್‌ವರ್ಕ್ ಬಳಕೆದಾರರಿಂದ ನಿವ್ವಳ ಬಳಕೆ – ತಿಂಗಳಿಗೆ ಸರಿಸುಮಾರು 21.2 GB
ದೈನಂದಿನ ಸ್ಕ್ರೀನ್ ಟೈಮ್‌ನಲ್ಲಿ ಭಾರತ ವಿಶ್ವದಲ್ಲಿ 3 ನೇ ಸ್ಥಾನದಲ್ಲಿದೆ.
ಕುತೂಹಲಕಾರಿ ಸಂಗತಿಗಳು
ಜಿಯೋ ಹಾಟ್‌ಸ್ಟಾರ್ ಮತ್ತು ನೆಟ್‌ಫ್ಲಿಕ್ಸ್‌ನಂತಹ ಸೇವೆಗಳು 100 ಮಿಲಿಯನ್ ಶುಲ್ಕ ಸಹಿತ ಬಳಕೆದಾರರನ್ನು ಗಳಿಸಿವೆ.
ಬಳಕೆದಾರರು ಕಂಟೆಂಟ್ ನೋಡುವಂತೆ ಮಾಡುವಲ್ಲಿ ಕೃತಕ ಬುದ್ಧಿಮತ್ತೆಯೂ ಸಹ ಪಾತ್ರ ವಹಿಸುತ್ತಿದೆ.
ಸಾಮಾಜಿಕ ಮಾಧ್ಯಮ ಮಾರ್ಕೆಟಿಂಗ್ ಮತ್ತು ಬ್ರ್ಯಾಂಡಿಂಗ್ ಜನಪ್ರಿಯತೆಯನ್ನು ಗಳಿಸುತ್ತಿವೆ.
