ವಿಮಾನ ಅಪಘಾತ | ಲ್ಯಾಂಡಿಂಗ್ ಆಗುವಾಗ ವಿಮಾನ ಪತನ; ಏಳು ಪ್ರಯಾಣಿಕರ ದುರ್ಮರಣ

ಸೆಂಟ್ರಲ್ ಮೆಕ್ಸಿಕೋ: ಮೆಕ್ಸಿಕೋದಲ್ಲಿ (Mexico) ಭೀಕರ ವಿಮಾನ ಅಪಘಾತ (Plane Crashes) ಸಂಭವಿಸಿದೆ. ಒಂದು ಖಾಸಗಿ ವಿಮಾನವು ಟೋಲುಕಾ ವಿಮಾನ ನಿಲ್ದಾಣದಲ್ಲಿ (Toluca Airport) ತುರ್ತು ಲ್ಯಾಂಡಿಂಗ್‌ಗೆ (Emergency Landing) ಪ್ರಯತ್ನಿಸುತ್ತಿದ್ದಾಗ ಹಠಾತ್ತನೆ ಕೆಳಕ್ಕೆ ಕುಸಿದು ಬಿದ್ದಿದೆ.

ಪರಿಣಾಮವಾಗಿ, ಬೆಂಕಿ ಕಾಣಿಸಿಕೊಂಡು ಭಾರೀ ಪ್ರಮಾಣದಲ್ಲಿ ಬೆಂಕಿಯ ಜ್ವಾಲೆಗಳು ಆವರಿಸಿದವು. ಈ ಅಪಘಾತದಲ್ಲಿ ಏಳು ಜನರು ದುರ್ಮರಣ ಹೊಂದಿದ್ದಾರೆ. ಮೆಕ್ಸಿಕೋ ಸ್ಟೇಟ್ ಸಿವಿಲ್ ಪ್ರೊಟೆಕ್ಷನ್ ಕೋಆರ್ಡಿನೇಟರ್ ಅಡ್ರಿಯನ್ ಹೆರ್ನಾಂಡೆಜ್ ಅವರು, ಟೋಲುಕಾ ವಿಮಾನ ನಿಲ್ದಾಣದಲ್ಲಿ ತುರ್ತು ಲ್ಯಾಂಡಿಂಗ್‌ಗೆ ಪ್ರಯತ್ನಿಸುತ್ತಿದ್ದಾಗ ವಿಮಾನವು ಪತನಗೊಂಡಿದೆ ಎಂದು ತಿಳಿಸಿದರು.

ವಿಮಾನ ನಿಲ್ದಾಣದಿಂದ 5 ಕಿಲೋಮೀಟರ್ ದೂರದಲ್ಲಿರುವ ಸ್ಯಾನ್ ಮ್ಯಾಟಿಯೊ ಅಟೆನ್ಕೊ ಎಂಬ ಕೈಗಾರಿಕಾ ಪ್ರದೇಶದಲ್ಲಿ ಈ ಅಪಘಾತ ಸಂಭವಿಸಿದೆ ಎಂದರು.

ಈ ವಿಮಾನವು ಮೆಕ್ಸಿಕೋದ ಪೆಸಿಫಿಕ್ ಕರಾವಳಿಯ ಅಕಾಪುಲ್ಕೊದಿಂದ (Acapulco) ಹೊರಟಿತ್ತು. ಅಪಘಾತ ಸಂಭವಿಸಿದ ಸಮಯದಲ್ಲಿ ವಿಮಾನದಲ್ಲಿ ಎಂಟು ಪ್ರಯಾಣಿಕರು ಮತ್ತು ಇಬ್ಬರು ಸಿಬ್ಬಂದಿ ಇದ್ದರು ಎಂದು ಅವರು ಬಹಿರಂಗಪಡಿಸಿದರು.

ವಿಮಾನವು ಫುಟ್‌ಬಾಲ್ ಮೈದಾನದಲ್ಲಿ ಇಳಿಯಲು ಪ್ರಯತ್ನಿಸಿತು, ಆದರೆ ಸಮೀಪದ ವ್ಯಾಪಾರ ಸಂಸ್ಥೆಯೊಂದರ ಲೋಹದ ಛಾವಣಿಗೆ ಡಿಕ್ಕಿ ಹೊಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದರಿಂದಾಗಿ ದೊಡ್ಡ ಪ್ರಮಾಣದಲ್ಲಿ ಬೆಂಕಿ ಹೊತ್ತಿಕೊಂಡಿದೆ. ಈ ಅಪಘಾತದ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಅವರು ಹೇಳಿದರು.
https://x.com/volcaholic1/status/2000669780651471066?s=20