ವಿರೋಧದ ಹೊರತಾಗಿಯೂ ಖರ್ಗೆಯವರ ರಾಜ್ಯಸಭಾ ಭಾಷಣ ತೆರವುಗೊಳಿಸಿದ ಧನ್‌ಕರ್
ಲಿಂಕ್ ನಕಲಿಸಲಾಗಿದೆ ✓
ನವದೆಹಲಿ: ಕಾಂಗ್ರೆಸ್ ಮುಖ್ಯಸ್ಥ ಮಲ್ಲಿಕಾರ್ಜುನ ಖರ್ಗೆ ಅವರ ವಿರೋಧದ ನಡುವೆಯೂ, ರಾಷ್ಟ್ರಪತಿಗಳ ಭಾಷಣಕ್ಕೆ ಕೃತಜ್ಞತಾ ನಿರ್ಣಯದ ಚರ್ಚೆಯ ಸಂದರ್ಭದಲ್ಲಿ ಮಾಡಿದ ಖರ್ಗೆಯವರ ಭಾಷಣದ ತೆರವುಗೊಳಿಸಿದ ಭಾಗಗಳನ್ನು ಮತ್ತೆ ಪರಿಗಣಿಸಲು ರಾಜ್ಯಸಭಾ ಅಧ್ಯಕ್ಷ ಜಗದೀಪ್ ಧಂಕರ್ ನಿರಾಕರಿಸಿದ್ದಾರೆ.
ಖರ್ಗೆಯವರ ಫೆಬ್ರವರಿ 2 ರ ಭಾಷಣದ ಎರಡು ಪುಟಗಳನ್ನು ದಾಖಲೆಗಳಿಂದ ತೆಗೆದುಹಾಕಲಾಗಿದೆ ಮತ್ತು “ಈ ತೆಗೆದುಹಾಕಿದ ಭಾಗದಲ್ಲಿ ತಮ್ಮ ಮಾತಿನ ಅರ್ಥವನ್ನು ತಿರುಚಲಾಗಿದೆ,” ಎಂದು ಖರ್ಗೆ ಹೇಳಿದ್ದಾರೆ.
“ನಾನು ಕೆಲವು ಅಂಶಗಳನ್ನು ಎತ್ತಿದ್ದೇನೆ… ಅವುಗಳನ್ನು ದಾಖಲೆಯಿಂದ ತೆಗೆದುಹಾಕಲಾಗಿದೆ” ಎಂದು ಅವರು ಹೇಳಿದ್ದು, ಭಾಷಣದ ಸಂಪಾದಿತ ಆವೃತ್ತಿಯಲ್ಲಿರುವ ತಮ್ಮ ಭಾಷಣದ ಭಾಗದಲ್ಲಿ 400 ಕ್ಕೂ ಹೆಚ್ಚು ಸ್ಥಾನಗಳನ್ನು ಗೆಲ್ಲುವ ಕೇಂದ್ರ ಸರ್ಕಾರದ ಹೇಳಿಕೆಯನ್ನು ಅವರು ಬೆಂಬಲಿಸುತ್ತಿರುವಂತೆ ತೋರುತ್ತಿದೆ ಎಂದು ಖರ್ಗೆ ಹೇಳಿದ್ದಾರೆ.
“ಉನ್ನತ ಅಧಿಕಾರದಲ್ಲಿರುವ ವ್ಯಕ್ತಿಗಳ” ಬಗ್ಗೆ ತಾವು ಯಾವುದೇ ಹೇಳಿಕೆಗಳನ್ನು ನೀಡಿಲ್ಲ ಮತ್ತು ತಮ್ಮ ಟೀಕೆಗಳನ್ನು ತೆಗೆದುಹಾಕಲು ಯಾವುದೇ ಕಾರಣವಿಲ್ಲ ಎಂದು ಖರ್ಗೆ ಹೇಳಿದ್ದಾರೆ. “ನಾನು ನನ್ನ ಬಲವಾದ ಆಕ್ಷೇಪಣೆಯನ್ನು ಸಲ್ಲಿಸುತ್ತೇನೆ … ಸದನದ ಪ್ರಕ್ರಿಯೆಯಲ್ಲಿ ತೆಗೆದುಹಾಕಲಾದ ಭಾಗವನ್ನು ಮತ್ತೆ ಸೇರಿಸಲು ನಾನು ನಿಮ್ಮನ್ನು ವಿನಂತಿಸಲು ಬಯಸುತ್ತೇನೆ” ಎಂದು ಅವರು ಹೇಳಿದ್ದಾರೆ.
ಖರ್ಗೆಯವರು ಈ ವಿಷಯದ ಬಗ್ಗೆ ಧನಕರ್ ಅವರಿಗೆ ಟಿಪ್ಪಣಿಯನ್ನು ಕೂಡ ಕಳುಹಿಸಿದ್ದಾರೆ. ಧನಕರ್ ಅವರು ಖರ್ಗೆ ಅವರ ಭಾಷಣದ ಭಾಗಗಳನ್ನು ಓದಲು ಬಿಡಲಿಲ್ಲ. ಖರ್ಗೆ ಅವರು ತಮ್ಮ ಮಾತಿನಲ್ಲಿ ಪ್ರಸ್ತಾಪಿಸಿದ ನಾಲ್ಕು ಅಂಶಗಳಲ್ಲಿ, ಮೊದಲನೆಯದಾಗಿ “ಅಸಂಸದೀಯ” ಪದದ ಬಳಕೆಯಾಗಿದೆ ಎಂದು ಧನಕರ್ ಹೇಳಿದರು. ಇನ್ನುಳಿದ ಮೂರು ಅಂಶಗಳು ಖರ್ಗೆಯವರ ಹೇಳಿಕೆಗಳ ಭಾಗಗಳಾಗಿದ್ದು, “ಯಾವುದೂ ದಾಖಲೆಯಾಗುವುದಿಲ್ಲ” ಎಂದು ಧನಕರ್ ಘೋಷಿಸಿದ್ದಾರೆ
Peepal Media Desk
Peepal Media · ರಾಜಕೀಯ ವಿಭಾಗ
