ಭಾರತದ ಗೋದಿ ಮೀಡಿಯಾಗಳು: ಸೋತರೆ ನಡ್ಡಾ, ಗೆದ್ದರೆ ಮೋದಿ!
ಲಿಂಕ್ ನಕಲಿಸಲಾಗಿದೆ ✓
ಈಗಾಗಲೇ ಜಮ್ಮು-ಕಾಶ್ಮೀರ ಹಾಗೂ ಹರ್ಯಾಣದಲ್ಲಿ ವಿಧಾನಸಭಾ ಚುನಾವಣೆಯ ಮತ ಎಣಿಕೆ ಆರಂಭಗೊಂಡಿದ್ದು, ಎರಡೂ ರಾಜ್ಯಗಳಲ್ಲಿ ಬಿಜೆಪಿ ಹಿನ್ನೆಡೆ ಸಾಧಿಸುತ್ತಿದೆ.
ಇದರ ಬೆನ್ನಲ್ಲೇ ಭಾರತದ ಮೋ(ಗೋ)ದಿ ಮೀಡಿಯಾಗಳು ಸಕ್ರಿಯವಾಗಿದ್ದು, ಕಾಂಗ್ರೆಸ್ ಚಿನ್ಹೆಯ ಪಕ್ಕದಲ್ಲಿ ರಾಹುಲ್‌ ಗಾಂಧಿ ಚಿತ್ರವನ್ನು ತೋರಿಸುತ್ತಿದ್ದರೆ, ಕಮಲದ ಚಿನ್ಹೆಯ ಪಕ್ಕ ನಡ್ಡಾ ಚಿತ್ರವನ್ನು ತೋರಿಸುತ್ತಿವೆ.
ಇದೊಂದು ಬಹಳ ಹಳೆಯ ಪ್ಯಾಟರ್ನ್. ಯಾವ ರಾಜ್ಯದಲ್ಲೇ ಆಗಲಿ ಅಲ್ಲಿ ಬಿಜೆಪಿ ಗೆದ್ದರೆ ಮೋದಿ ಫೋಟೊ, ಸೋತರೆ ನಡ್ಡಾ ಫೋಟೊ. ಇದು ಪತ್ರಕರ್ತರು ಹಳ್ಳ ಹಿಡಿದಿರುವ ರೀತಿಯನ್ನು ತೋರಿಸುತ್ತದೆ.
ಇದೇ ವಿಷಯದ ಕುರಿತಾಗಿ ಇಂದು ಹಿರಿಯ ಪತ್ರಕರ್ತ ರಾಜದೀಪ ಸರದೇಸಾಯಿ ತಮ್ಮದೇ ಸಹೋದ್ಯೋಗಿ ಇಂಡಿಯಾ ಟುಡೇ ನ್ಯೂಸ್‌ ಆಂಕರ್‌ ರಾಹುಲ ಕನ್ವಲ್ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಅವರು “ನೀವು ನಡ್ಡಾ ಫೋಟೊ ಹಾಕುವುದಾದರೆ ಕಾಂಗ್ರೆಸ್ ಚಿನ್ಹೆಯ ಪಕ್ಕ ಖರ್ಗೆಯವರ ಫೋಟೊ ಹಾಕಬೇಕು. ಅಥವಾ ರಾಹುಲ್‌ ಫೋಟೊ ಹಾಕುವುದಾದರೆ ಸೋತಾಗಲೂ ಮೋದಿಯವರ ಫೋಟೊವನ್ನೇ ಹಾಕಬೇಕು. ನಡ್ಡಾ ಅವರನ್ನು ಬಲಿಪಶು ಮಾಡಬಾರದು” ಎಂದು ಕಟುವಾಗಿ ಹೇಳಿದ್ದಾರೆ.
ಇದಕ್ಕೆ ರಾಹುಲ್‌ ಕನ್ವಲ್ ರಾಹುಲ್‌ ಗಾಂಧಿಯವರಿಗೂ ಕ್ರೆಡಿಟ್‌ ಸಿಗಲಿ ಎನ್ನುವ ಕಾರಣಕ್ಕೆ ಹೀಗೆ ಮಾಡುತ್ತಿದ್ದೇವೆ ಎಂದಿದ್ದಾರೆ ಆದರೆ ಕಾರ್ಯಕ್ರಮದಲ್ಲಿದ್ದ ಪ್ಯಾನಲಿಸ್ಟ್‌ಗಳೂ ಈ ಕುರಿತು ಆಕ್ಷೇಪ ಎತ್ತಿದಾಗ ರಾಹುಲ್‌ ಕನ್ವಲ್ ಸುಮ್ಮನಾಗಿದ್ದಾರೆ.
ಸದಾ ಮೋದಿಯವರ ಪಿಆರ್‌ ಮಾಡಲು ಹಾತೊರೆಯುವ ಈ ಸೋ ಕಾಲ್ಡ್‌ ನ್ಯಾಷನಲ್‌ ಲೆವಲ್‌ ಮೀಡಿಯಾಗಳು ಸುದ್ದಿಗಿಂತಲೂ ಹೆಚ್ಚು ಬಿಜೆಪಿ ಪರ ರಾಜಕಾರಣ ಮಾಡುವುದಕ್ಕೆ ಖ್ಯಾತರು. ಇದಕ್ಕೆ ಹಿಂದಿ, ಇಂಗ್ಲಿಷ್‌ ಕನ್ನಡ ಎನ್ನುವ ಭೇದವಿಲ್ಲ.
ಇತ್ತೀಚೆಗೆ ಒಂದರ ಹಿಂದೆ ಒಂದರಂತೆ ಬಿಜೆಪಿ ಚುನಾವಣೆಗಳನ್ನು ಸೋಲುತ್ತಿರುವುದು ಮೋದಿ ಪರವಾದ ನರೇಟಿವ್‌ ಕಟ್ಟುವವರಿಗೆ ಬಹಳ ಹಿನ್ನಡೆಯನ್ನು ತಂದಿದೆ. ಇಂದು ಮೋದಿ ಇಸ್ಮ್‌ ಎನ್ನುವುದು ಕೇವಲ ರಾಜಕೀಯ ಪ್ರೊಪಗಾಂಡಾ ಮಾತ್ರವಲ್ಲ. ಅದೊಂದು ಬ್ರಾಂಡ್‌ ಅದನ್ನು ನಂಬಿ ಬಹಳಷ್ಟು ಜನರು ಕೋಟಿಗಟ್ಟಲೆ ಹಣ ಹೂಡಿದ್ದಾರೆ. ಕುಸಿಯುತ್ತಿರುವ ಮೋದಿ ಬ್ರಾಂಡ್‌ ಇವರೆಲ್ಲರನ್ನೂ ಕಂಗಾಲು ಮಾಡಿದೆ. ಹೀಗಾಗಿಯೇ ಶತಾಯಗತಾಯ ಅದನ್ನು ಉಳಿಸಕೊಳ್ಳುವ ಪ್ರಯತ್ನ ನಡೆಯುತ್ತಿದೆ. ಆದರೆ ಮತದಾರ ಮಾತ್ರ ಇವರ ಈ ಪ್ರಯತ್ನಗಳಿಗೆ ಕಲ್ಲು ಹಾಕುತ್ತಿದ್ದಾನೆ.
Peepal Media
Peepal Media · ಮೀಡಿಯಾ ವಿಭಾಗ
