ಮೋದಿಯೊಂದಿಗೆ ಹೋರಾಡುವುದು ಇಷ್ಟು ಕಷ್ಟ ಎಂದು ಉಗ್ರವಾದಿಗಳು ಕನಸಿನಲ್ಲೂ ಊಹಿಸಿರಲಿಕ್ಕಿಲ್ಲ: ಪ್ರಧಾನಿ ಮೋದಿ

ಆಪರೇಷನ್ ಸಿಂದೂರ್ ಯಶಸ್ವಿಯಾದ ನಂತರ, ಪ್ರಧಾನಮಂತ್ರಿ ನರೇಂದ್ರ ಮೋದಿ ಇಂದು ತಮ್ಮ ಸ್ವಂತ ರಾಜ್ಯವಾದ ಗುಜರಾತ್‌ನಲ್ಲಿ ಪ್ರವಾಸ ಮಾಡುತ್ತಿದ್ದಾರೆ. ಅವರು 77 ಸಾವಿರ ಕೋಟಿ ರೂ. ಮೌಲ್ಯದ ಅಭಿವೃದ್ಧಿ ಕಾಮಗಾರಿಗಳನ್ನು ಪ್ರಾರಂಭಿಸಿದರು.

ಐದು ನಗರಗಳಲ್ಲಿ ನಾಲ್ಕು ರೋಡ್ ಶೋಗಳು, ಮೂರು ಬಹಿರಂಗ ಸಭೆಗಳಲ್ಲಿ ಪ್ರಧಾನಿ ಭಾಷಣ ಮಾಡಲಿದ್ದಾರೆ. ಇದರ ಜೊತೆಗೆ, ‘ಮೇಕ್ ಇನ್ ಇಂಡಿಯಾ’ ಅಡಿಯಲ್ಲಿ, ದಾಹೋದ್‌ನಲ್ಲಿ 21 ಸಾವಿರ ಕೋಟಿ ರೂ.ಗಿಂತ ಹೆಚ್ಚು ವೆಚ್ಚದಲ್ಲಿ ಸ್ಥಾಪಿಸಲಾದ ರೈಲ್ವೇ ಉತ್ಪಾದನಾ ಘಟಕವನ್ನು ಅವರು ಪ್ರಾರಂಭಿಸಿದರು.

ತಮ್ಮ ಎರಡು ದಿನಗಳ ಪ್ರವಾಸದ ಮೊದಲ ದಿನದಂದು, ಪ್ರಧಾನಿ ವಡೋದರ, ಭುಜ್, ಅಹಮದಾಬಾದ್‌ಗಳಲ್ಲಿ ರೋಡ್ ಶೋಗಳನ್ನು ನಡೆಸಲಿದ್ದಾರೆ. ಸೋಮನಾಥ್-ಅಹಮದಾಬಾದ್ ವಂದೇ ಭಾರತ್ ರೈಲನ್ನು ಪ್ರಧಾನಿ ಬಾವುಟ ತೋರಿಸಿ ಪ್ರಾರಂಭಿಸಿದರು. ವಡೋದರದಲ್ಲಿ ಅದ್ಭುತವಾದ ರೋಡ್ ಶೋ ನಂತರ, ಪ್ರಧಾನಿ ಮೋದಿ ದಾಹೋದ್‌ಗೆ ತೆರಳಿದರು, ಅಲ್ಲಿ ಪ್ರಧಾನಿ ಮೋದಿ ಲೋಕೋ ಮ್ಯಾನುಫ್ಯಾಕ್ಚರಿಂಗ್ ಶಾಪ್-ರೋಲಿಂಗ್ ಸ್ಟಾಕ್ ವರ್ಕ್‌ಶಾಪ್ ಅನ್ನು ಪ್ರಾರಂಭಿಸಿ, ಉದ್ಯೋಗಿಗಳೊಂದಿಗೆ ಸಭೆ ನಡೆಸಿದರು.

ಗುಜರಾತ್‌ನ ದಾಹೋದ್‌ನಲ್ಲಿ ನಡೆದ ಬಹಿರಂಗ ಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮಾತನಾಡುತ್ತಾ, ಆಪರೇಷನ್ ಸಿಂದೂರ್ ಕೇವಲ ಒಂದು ಸೇನಾ ಕಾರ್ಯಾಚರಣೆ ಅಲ್ಲ ಎಂದರು. ಇದು ನಮ್ಮ ಭಾರತೀಯರ ಸಂಸ್ಕೃತಿ, ಭಾವನೆಗಳ ಒಟ್ಟುಮೊತ್ತ. ಉಗ್ರವಾದವನ್ನು ಹರಡುವವರು ಮೋದಿಯೊಂದಿಗೆ ಸ್ಪರ್ಧಿಸುವುದು ಿಷ್ಟು ಕಷ್ಟ ಎಂದು ಕನಸಿನಲ್ಲೂ ಊಹಿಸಿರಲಿಲ್ಲ. ಮಕ್ಕಳ ಮುಂದೆಯೇ ತಂದೆಯನ್ನು ಗುಂಡಿಕ್ಕಿ ಕೊಂದರು. ಇಂದಿಗೂ ಆ ಫೋಟೋಗಳನ್ನು ನೋಡಿದಾಗ ನನ್ನ ರಕ್ತ ಕುದಿಯುತ್ತದೆ. ಇದು 140 ಕೋಟಿ ಭಾರತೀಯರಿಗೆ ಎಸೆದ ಸವಾಲು.

ಹಾಗಾಗಿ ಮೋದಿ ದೇಶವಾಸಿಗಳು ನೀಡಿದ ಕೆಲಸವನ್ನು ಮಾಡಿದರು. ಮೋದಿ ದೇಶದ ಮೂರು ಸಶಸ್ತ್ರ ಪಡೆಗಳಿಗೆ ಮುಕ್ತ ಹಸ್ತ ನೀಡಿದ್ದಾರೆ. ಕಳೆದ ಕೆಲವು ದಶಕಗಳಲ್ಲಿ ಜಗತ್ತು ನೋಡಿರದ ಕೆಲಸವನ್ನು ನಮ್ಮ ಸೇನೆ ಮಾಡಿದೆ. ಗಡಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಒಂಬತ್ತು ಪ್ರಮುಖ ಭಯೋತ್ಪಾದಕ ಶಿಬಿರಗಳನ್ನು ಅದು ನಾಶಪಡಿಸಿತು. ಏಪ್ರಿಲ್ 22 ರಂದು ಪಾಕಿಸ್ತಾನ ಆಡಿದ ಆಟವನ್ನು ಮೇ 6 ರ ರಾತ್ರಿ ಕೇವಲ 22 ನಿಮಿಷಗಳಲ್ಲಿ ನಾವು ನಾಶಪಡಿಸಿದೆವು. ನಮ್ಮ ಸೇನೆ ಪಾಕಿಸ್ತಾನಿ ಸೇನೆಯನ್ನು ಸೋಲಿಸಿತು ಎಂದು ಮೋದಿ ಹೇಳಿದರು.