ಹಾಸನ : ಆಸ್ತಿ ವಿಚಾರಕ್ಕೆ (Land dispute) ಕಿರಿಕ್ ನಡೆದು ಸ್ವಂತ ಸಹೋದರನನ್ನೇ ಮಚ್ಚಿನಿಂದ ಕೊಚ್ಚಿ ಭೀಕರವಾಗಿ ಕೊಲೆ (Crime) ಮಾಡಿಯುವ ಘಟನೆ ಹಾಸನದಲ್ಲಿ (Hassan) ನಡೆದಿದೆ. ಹೌದು ಇಲ್ಲಿನ ಸೋಂಪುರ ಬಳಿ ಜಮೀನಿನಲ್ಲಿ 46 ವರ್ಷದ ದಯಾಕರ್ ಎಂಬ ವ್ಯಕ್ತಿಯನ್ನು ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಲಾಗಿದೆ.
ತಂದೆ ಬಿಟ್ಟುಹೋದ ಆಸ್ತಿಯಲ್ಲಿ ಪಾಲು ಮಾಡಿಕೊಳ್ಳುವ ಸಂಬಂಧ ಸಹೋದರರ ನಡುವೆ ಜಗಳವಾಗಿದೆ. ಅರಕಲಗೂಡು ತಾಲೂಕಿನ ಸೋಂಪುರ ಗ್ರಾಮದಲ್ಲಿ ಸಹೋದರರು ಆಸ್ತಿಗಾಗಿ ಕಿತ್ತಾಡಿಕೊಂಡಿದ್ದು, ಹೆಚ್ಚಿನ ಪಾಲು ಆಸ್ತಿಗೆ ಡಿಮ್ಯಾಂಡ್ ಮಾಡಿ ಸಹೋದರ ದಯಾಕರ್ ಕೋರ್ಟ್ ನಲ್ಲಿ ಮೊಕದ್ದಮೆ ಹೂಡಿದ್ದರು ಎನ್ನಲಾಗಿದೆ.
ಈ ಬೆಳವಣಿಗೆಯಿಂದ ಕೋಪಗೊಂಡ ರಾಜಶೇಖರ್, ಇನ್ನೆಲ್ಲಿ ಆಸ್ತಿ ಕೈತಪ್ಪಿ ಹೋಗಲಿದ್ಯೋ ಎಂಬ ಆತಂಕದಿಂದ ಈ ಕೊಲೆ ಮಾಡಿದ್ದಾನೆ ಎನ್ನಲಾಗಿದೆ. ವೃತ್ತಿಯಲ್ಲಿ ಶಿಕ್ಷಕನಾಗಿರುವ ರಾಜಶೇಖರ್ ದಾಯಕರ್ ನನ್ನು ಕೊಲೆ ಮಾಡಿದ್ದಾನೆ. ಆ ಬಳಿಕ ಊರು ಬಿಟ್ಟು ಪರಾರಿಯಾಗಿದ್ದಾನೆ.ಈ ಸಂಬಂಧ ಅರಕಲಗೂಡು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
