ನಟ ಕಮಲ್‌ಹಾಸನ್‌ಗೆ ಜೀವ ಬೆದರಿಕೆ: ಪೊಲೀಸ್ ಆಯುಕ್ತರ ಕಚೇರಿಯಲ್ಲಿ ದೂರು

ಚೆನ್ನೈ: ಸನಾತನ ಧರ್ಮದ ಕುರಿತು ನೀಡಿದ ಹೇಳಿಕೆಗಳಿಗೆ ಸಂಬಂಧಿಸಿದಂತೆ, ಎಂಎನ್‌ಎಂ ಅಧ್ಯಕ್ಷ, ಸಂಸದ ಮತ್ತು ನಟ ಕಮಲ್‌ ಹಾಸನ್ ಅವರಿಗೆ ಕೊಲೆ ಬೆದರಿಕೆಗಳು ಬಂದಿವೆ ಎಂದು ಅವರ ಪಕ್ಷದ ನಾಯಕರು ಚೆನ್ನೈ ಪೊಲೀಸ್ ಆಯುಕ್ತರ ಕಚೇರಿಯಲ್ಲಿ ದೂರು ನೀಡಿದ್ದಾರೆ.

ಇತ್ತೀಚೆಗೆ ನಟ ಸೂರ್ಯ ಅವರು ಸ್ಥಾಪಿಸಿದ ‘ಅರಗಂ’ ಫೌಂಡೇಶನ್ ಕಾರ್ಯಕ್ರಮದಲ್ಲಿ ಕಮಲ್ ಹಾಸನ್ ಸನಾತನ ಧರ್ಮಕ್ಕೆ ವಿರುದ್ಧವಾಗಿ ಮಾತನಾಡಿದ್ದಾರೆ ಎಂದು ವರದಿಯಾಗಿದೆ.

ಅವರ ಈ ಹೇಳಿಕೆಗಳನ್ನು ಖಂಡಿಸಿ, ಸಣ್ಣ ಪರದೆಯ ನಟ ರವಿಚಂದ್ರನ್, ಕಮಲ್ ಹಾಸನ್ ಅವರ ಕತ್ತನ್ನು ಕತ್ತರಿಸುವುದಾಗಿ ಬೆದರಿಕೆ ಹಾಕಿದ್ದಾರೆ ಎಂದು ಎಂಎನ್‌ಎಂ ಉಪಾಧ್ಯಕ್ಷ, ನಿವೃತ್ತ ಐಜಿ ಮೌರ್ಯ ಮತ್ತು ಇತರ ಪಕ್ಷದ ಮುಖಂಡರು ಭಾನುವಾರ ಚೆನ್ನೈ ಪೊಲೀಸ್ ಆಯುಕ್ತರ ಕಚೇರಿಯಲ್ಲಿ ದೂರು ದಾಖಲಿಸಿದ್ದಾರೆ.