ಯೆಮೆನ್ ಮೇಲೆ ಅಮೆರಿಕ ವಾಯುದಾಳಿ: 38 ಮಂದಿ ಸಾವು

ಸನಾ: ಯೆಮನ್‌ನ ಪ್ರಮುಖ ಪ್ರದೇಶವಾದ ರಾಸ್ ಇಸಾ ತೈಲ ಬಂದರನ್ನು ಗುರಿಯಾಗಿಸಿಕೊಂಡು ಅಮೆರಿಕ ದಾಳಿ ನಡೆಸಿದೆ. ಅಮೇರಿಕ ನಡೆಸಿದ ವೈಮಾನಿಕ ದಾಳಿಯಲ್ಲಿ 38 ಜನರು ಸಾವಿಗೀಡಾಗಿದ್ದಾರೆ.

ಇನ್ನೂ 102 ಜನರು ಗಾಯಗೊಂಡಿದ್ದಾರೆ. ಸಾವಿನ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ. ಈ ದಾಳಿಗಳನ್ನು ಅಮೆರಿಕದ ಮಿಲಿಟರಿಯ ಕೇಂದ್ರ ಕಮಾಂಡ್ ಹಾಗೂ ಹೌತಿ ಆರೋಗ್ಯ ಸಚಿವಾಲಯ ದೃಢಪಡಿಸಿವೆ.

ಯೆಮನ್‌ನ ರಾಸ್ ಇಸ್ಸಾ ತೈಲ ಬಂದರು ಹೌತಿ ಬಂಡುಕೋರರ ನಿಯಂತ್ರಣದಲ್ಲಿದೆ . ಹೌತಿಗಳಿಗೆ ಇಂಧನ ಪೂರೈಸುವ ನೆಲೆಯನ್ನು ನಾಶಮಾಡಲು ಮತ್ತು ಅವರ ಆದಾಯದ ಮೂಲಗಳನ್ನು ನಾಶಪಡಿಸಲು ಈ ದಾಳಿಗಳನ್ನು ನಡೆಸಲಾಗಿದೆ ಎಂದು ಅಮೆರಿಕ ಘೋಷಿಸಿದೆ.

ಆದರೆ ಯೆಮೆನ್ ಪ್ರಜೆಗಳಿಗೆ ಯಾವುದೇ ಹಾನಿಯಾಗಿಲ್ಲ ಎಂದು ಅಮೇರಿಕ ಹೇಳಿದೆ. ಮಾರ್ಚ್ 15ರಂದು ಹೌತಿಗಳ ವಿರುದ್ಧ ಯುದ್ಧ ಘೋಷಣೆಯ ನಂತರ ನಡೆದ ಅತಿದೊಡ್ಡ ದಾಳಿ ಇದಾಗಿದೆ ಎಂದು ಅದು ಹೇಳಿದೆ.

ಕಳೆದ ತಿಂಗಳು 17 ರಂದು ಅಮೆರಿಕ ಕೂಡ ಹೌತಿಗಳ ಮೇಲೆ ವೈಮಾನಿಕ ದಾಳಿ ನಡೆಸಿತು. ಶನಿವಾರ, ಅಮೆರಿಕದ ಪಡೆಗಳು ಯೆಮೆನ್‌ನ ರಾಜಧಾನಿ ಸನಾ, ಸಾದಾ ಮತ್ತು ಹೌತಿಗಳ ಭದ್ರಕೋಟೆಗಳಾದ ಅಲ್-ಬೈದ್ ಮತ್ತು ರಾಡಾದ ಮೇಲೆ ಬಾಂಬ್‌ಗಳ ಮಳೆ ಸುರಿಸಿದವು.

ಕೆಂಪು ಸಮುದ್ರದಲ್ಲಿ ಒಂದು ಸೂಪರ್ ಪವರ್ ಹಡಗಿನ ಮೇಲೆ ಹೌತಿ ಬಂಡುಕೋರರು ನಡೆಸಿದ ದಾಳಿಗೆ ಪ್ರತಿಕ್ರಿಯೆಯಾಗಿ ಅಮೆರಿಕದ ಬೃಹತ್ ಬಾಂಬ್ ದಾಳಿಯಲ್ಲಿ 31 ಜನರು ಸಾವಿಗೀಡಾಗಿದ್ದರು ಮತ್ತು 100 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದರು. ಬಾಂಬ್ ದಾಳಿಗಳು ಭೂಕಂಪದಂತೆ ಪ್ರದೇಶಗಳನ್ನು ನಡುಗಿಸಿದವು ಎಂದು ಸ್ಥಳೀಯರು ಹೇಳಿದ್ದಾರೆ.