ವಿಶ್ಚ ಚಾಂಪಿಯನ್‌ನನ್ನು ಬೆಚ್ಚಿಬೀಳಿಸಿದ 17 ವರ್ಷದ ಭಾರತೀಯ ಗ್ರ್ಯಾಂಡ್‌ಮಾಸ್ಟರ್‌

ಅಮೇರಿಕಾ/ಮಿಯಾಮಿ: ಭಾರತದ ಗ್ರ್ಯಾಂಡ್‌ಮಾಸ್ಟರ್‌ ಪ್ರಗ್ನಾನಂದ ರಮೇಶಬಾಬು ಕೇವಲ ಆರು ತಿಂಗಳಲ್ಲಿ 3 ನೇ ಬಾರಿಗೆ ವಿಶ್ವ ಚಾಂಪಿಯನ್‌ ಮ್ಯಾಗ್ನಸ್‌ ಕಾರ್ಲ್‌ಸೆನ್‌ ಅವರನ್ನು ಸೋಲಿಸಿ, ಅಮೇರಿಕಾದ ಮಿಯಾಮಿಯಲ್ಲಿ ನಡೆದ ಎಫ್‌ಟಿಎಕ್ಸ್‌ ಕ್ರಿಪ್ಟೋ ಕಪ್‌ನಲ್ಲಿ ರನ್ನರ್‌ ಅಪ್‌ ಸ್ಥಾನಗಳಿಸಿದರು.

ಪ್ರಗ್ನಾನಂದ ಅವರು ಏಳನೇ ಸುತ್ತಿನ ಪ್ಲೇಆಫ್‌ನಲ್ಲಿ ಕಾರ್ಲ್‌ಸೆನ್‌ರನ್ನು ಸೋಲಿಸಿದರು ಮತ್ತು ನಿಯಮಾವಳಿಯಲ್ಲಿ 2-2 ರಿಂದ ಸಮಬಲಗೊಂಡ ನಂತರ ಅಂಕಪಟ್ಟಿಯಲ್ಲಿ 15 ಅಂಕಗಳೊಂದಿಗೆ ರನ್ನರ್‌-ಅಪ್‌ ಆದರು. ಎರಡು ಡ್ರಾ ಆಟಗಳ ನಂತರ ಕಾರ್ಲ್‌ಸೆನ್‌ ಮೂರನೇ ಪಂದ್ಯವನ್ನು ಗೆದ್ದುಕೊಂಡರೆ, ಪ್ರಗ್ನಾನಂದ ನಾಲ್ಕನೇ ಗೇಮ್‌ ಅನ್ನು ಗೆದ್ದ ಪಂದ್ಯವನ್ನು ಟೈ-ಬ್ರೇಕ್‌ಗೆ ತಳ್ಳಿದರು.

17 ವರ್ಷದ ಭಾರತೀಯ ಗ್ರ್ಯಾಂಡ್‌ಮಾಸ್ಟರ್‌ ಪ್ರಗ್ನಾನಂದ ಎರಡೂ ಗೇಮ್‌ಗಳನ್ನು ಗೆಲ್ಲುವ ಮೂಲಕ ವಿಶ್ವ ಚಾಂಪಿಯನ್‌ನನ್ನು ಬೆಚ್ಚಿಬೀಳಿಸಿದರು.