ಅಸಮಾನತೆಯನ್ನು ಪರಿಹರಿಸದೆ ನಮ್ಮದು ನಿಜವಾದ ಪ್ರಜಾಪ್ರಭುತ್ವ ದೇಶವಾಗುವುದಿಲ್ಲ: ಸಿಜೆಐ ಬಿಆರ್ ಗವಾಯಿ

ದೆಹಲಿ: ಸಮಾಜದಲ್ಲಿನ ಅಸಮಾನತೆಗಳನ್ನು ಪರಿಹರಿಸದೆ ಯಾವುದೇ ದೇಶವು ನಿಜವಾಗಿಯೂ ಪ್ರಗತಿಪರ ಅಥವಾ ಪ್ರಜಾಪ್ರಭುತ್ವವಾದಿ ಎಂದು ಹೇಳಿಕೊಳ್ಳಲು ಸಾಧ್ಯವಿಲ್ಲ ಎಂದು ಸಿಜೆಐ ಬಿಆರ್ ಗವಾಯಿ ಹೇಳಿದರು.

ದೀರ್ಘಕಾಲೀನ ಸ್ಥಿರತೆ, ಸಾಮಾಜಿಕ ಒಗ್ಗಟ್ಟು ಮತ್ತು ಸುಸ್ಥಿರ ಅಭಿವೃದ್ಧಿಯನ್ನು ಸಾಧಿಸಲು ಸಾಮಾಜಿಕ ನ್ಯಾಯ ಪ್ರಾಯೋಗಿಕ ಅವಶ್ಯಕತೆ ಎಂದು ಅವರು ಒತ್ತಿ ಹೇಳಿದರು. ಬುಧವಾರ ಮಿಲನ್‌ನಲ್ಲಿ ‘ದೇಶದಲ್ಲಿ ಸಾಮಾಜಿಕ-ಆರ್ಥಿಕ ನ್ಯಾಯವನ್ನು ಒದಗಿಸುವಲ್ಲಿ ಸಂವಿಧಾನದ ಪಾತ್ರ – ಭಾರತೀಯ ಸಂವಿಧಾನದ 75 ವರ್ಷಗಳ ಪ್ರತಿಬಿಂಬಗಳು’ ಎಂಬ ವಿಷಯದ ಕುರಿತು ನಡೆದ ಸಮ್ಮೇಳನದಲ್ಲಿ ಅವರು ಮಾತನಾಡಿದರು.

ಇದು ಅಧಿಕಾರ ಹಂಚಿಕೆ ಅಥವಾ ಸಾಮಾಜಿಕ ಕಲ್ಯಾಣವಷ್ಟೇ ಇದನ್ನು ಸಾಧಿಸಲು ಸಾಕಾಗುವುದಿಲ್ಲ, ಪ್ರತಿಯೊಬ್ಬ ವ್ಯಕ್ತಿ ಘನತೆಯಿಂದ ಬದುಕುವಂತೆ ಮಾಡುವುದು ಮತ್ತು ದೇಶ, ಸಮಾಜ ಮತ್ತು ರಾಜಕೀಯದ ಜೀವನದಲ್ಲಿ ಸಮಾನವಾಗಿ ಭಾಗವಹಿಸಲು ಅನುವು ಮಾಡಿಕೊಡುವುದೂ ಮುಖ್ಯ ಎಂದು ಅವರು ಹೇಳಿದರು.

ಸಂವಿಧಾನವು ಜನರಿಗೆ ಒಂದು ದೃಷ್ಟಿಕೋನ ಮತ್ತು ನೈತಿಕ ಮಾರ್ಗದರ್ಶನವನ್ನು ಒದಗಿಸಿದೆ ಮತ್ತು ಕಾನೂನು ನಿಜಕ್ಕೂ ಸಾಮಾಜಿಕ ಬದಲಾವಣೆಯ ಸಾಧನ, ಸಬಲೀಕರಣದ ಶಕ್ತಿ ಮತ್ತು ದುರ್ಬಲ ವರ್ಗಗಳ ರಕ್ಷಕನಾಗಿರಬಹುದು ಎಂದು ತೋರಿಸಿದೆ ಎಂದು ಸಿಜೆಐ ಗವಾಯಿ ಹೇಳಿದರು.